روايه انا و هي

(الحلقه السادسه ) ..( سجاده )

(الحلقه السادسه ) ..( سجاده ) <3
............
(في الحلقه السابقه )
احمد : تخطيط على مستوى عالي يابنى دنا فروتى مش بتتقطع دى بتتنفض دلوقتى
. يلا . كله عند ربنا بقي . احنا يابنى اتخلقنا عشان الستات تذل فينا هههههههههههههههههه
عماد : لا بس انت صحتك ردت ع الكلام ده ... شكلك حلو وانت خايف كده وحالتك بالبلا الاسود
احمد : يا اخى انا مش عارف ليه مش متطمن ولا قلبى متطمن من لمة البنات دى هناك دلوقتى .. ده بتقولك سمر ورباب وهدير . يانهار اسود . كل دول ؟
.............. (السادسه ) <3
( ف البيت )
سمر : بس يا ستى ! دى كل الحكايه .
نوران : اممممم يعنى هو كان تقيل ف نفسه كده
رباب : حصل ! الموضوع مش موضوع تقل اد ماهو كان مكبر دماغه . شوفتى انتى ف كل سنه كده سواء ف كليه او ثانوى بيطلع واد او بنت عموما ويتقال عليهم ده مز السنه او مزه السنه .. اهو احمد ده كده بقي ....
نوران : طب ومزه السنه ف السنه دى كانت مين
رباب : ايه ؟
نوران : ايه ايه ؟ مالك تنحتى انتى وهى .
سمر : هههههههههه ولا تنحنا ولا حاجه اصل افتوجئنا بالكلام .
نوران : طب ايه مين هى مزة السنه اللى كانت معاكو او مزه المدرسه يعنى وكانت حاطه عينيها على احمد هى كمان ولا ايه
سمر : حاطه عينيها ايه بس دى كانت بتتلككله هههههههههههههه دى كانت هتموت ويعبرها بس هو كان بيديها باللى ف رجله كل شويه . شوفتى انتى البنات التنكه ف بعضها كده اللى تحسيها قرفانه من هدومها تحسيها قرفانه حتى من اصحابها اللى قاعدين جنبها ؟
نوران : اه عارفاهم انا البنات دى
سمر : اهى اميرة دى بقا من النوعيه دى
نوران : هى اسمها اميره ؟
سمر : ايه ؟ مين قال اميره انا ماقولتش هههههههههههههه
نوران : اممممم كملو كملو وبعدين . احكولى موقف كده
سمر : موقف ايه قولى مواقف
مى : وحياة امى البت دى حقنه يخربيتك يا بعيده انتى ضيعتى الواد ف شربة ميه الله يحرقك
سمر : هههههههههههههههههه اعمله ايه هو اللى كان مفكر نفسه دنجوان ومدوب قلوب العذارى ...
اقولك سر ف نوران او اقولكو كلكو عن احمد ده
نوران : سر ؟ وعن احمد ده ؟ الله الله . قولى يا حبيبتى قولى
سمر : هههههههههه من غير ما تتعصبى على اهلى هو مش سر اوى يعنى بس هقولك احنا كبنات كنا بنتشد لواحد زى احمد ده ليه ؟
مش علشان خفة دمه ولا عشان روحه الحلوه ولا عشان وسامته اللى عادى فيه شباب كتير حلوين بس ماتعرفيش تبصى ف وشوشهم
لكن اللى كان بيشدنا لاحمد بجد هو مسؤوليته
انسان كده بيجبرك انك تتعاملى معاه على انه كبيرك
فاهمه الاحساس ده ؟ الاحساس ده لو بنت حست بيه من ناحية انسان هتسلمله قلبها وعقلها وكل مشاعرها
احساس اللى هو انا هتصرف . انا هعمل . انا هسوى . ماتشغليش بالك انا هعمل . انا هخلص الموضوع
كنت اروح اكلمه مثلا ف اى موضوع كان يرد ويقولى خلاص خلاص انا هشوف الموضوع
مره روحت قولتله واحنا رايحين الدرس . كنت ماشيه رايحه الدرس مع واحده صاحبتى وهو كان رايح نفس الدرس بس مع واحد صاحبه . الواد عماد ... وكان فيه شوية شباب رخمو علينا وفضلو مستلمينا لغاية قبل ما نقابل احمد بحته بسيطه . بس هو كان من بعيد لامح العيال دى واحنا كنا ماشيين وداخلين على احمد ...بس العيال كانت مشيت
لقيته واقف مستنينى بيقولى مين دول اللى كانو ماشيين وراك يابه ؟
قولتله هى مين دى اللى به بضحك
قالى يعنى مسكتى ف به وسيبتى الجمله اللى قبلها ؟ اخلصى يابنت المتضايقه مين دول
قولتله مافيش ياخويا عيال بايظه وكانت بتعاكسنا انا ونور
قالى والله ؟ قولتله اه والله
قالى طيب اسبقينى انتى ع الدرس وانا جاى وراك
المهم لقيته دخل الدرس متأخر هو وعماد وقميصه مشروط كده من فوق من عند الياقه هههههههههههه الاستاذ بيقوله ايه ده يابنى كنت بتتخانق ولا ايه ؟ قاله اه كان شوية عيال مهزقه كده وخدو جزائهم هههههههههههههه ياخرابي اسود ومنيل على كميه العنتظه اللى حسيت بيها ساعتها وفضلت احلم بفستان الخطوبه والفرح هنعمله ف انهى قاعه ف البلد هههههههههههههههههههههه قولت ياااااااااه دا خايف عليا وبيحبنى بقا اكيد
بقوله بعد الدرس تسلملى يا حمو ووشى باين عليه انى مسهمه كده وهتجوز على روحى وانا ماشيه ... لقيته بيبصلى كده وقالى
مى : ايووووووه اهى دى الحته اللى مستنياها من الفيلم اللى بتحكيه ده ههههههههههههههههههه
نوران : اممممم كملى قالك ايه
هدير : هههههههههههههههههههههه متوقعه اللى هيقوله
رباب : هموووووووووووووووووت
سمر : بس محدش يتريق وحياة امك انتى وهى
نوران : هههههههههههههههههه تمام قالك ايه ؟
سمر : لقيته بيدينى بالقفا وبيقولى مالك يا مرمر . مالك يا ماما انتى عيانه .
قولتله ايه ده مش انت ضربت العيال عشانى ؟
قالى ماهو ده اللى كنت هعمله بردو مع اى كلبه معديه قريبتنا بتتعاكس ههههههههههههههههه ونام ف الارض م الضحك وانا شكلى كان زباله من كتر منا مزبهله م الكلام والبت نور صاحبتى الله يمسيها بالخير فضلت ماسكاهالى وبتقولى يا كلبه ههههههههههههههههههههههه
نوران : ههههههههههههههههههههههه
مى : ههههههههههههههههههههههه هموت وكتاب الله
رباب : ههههههههههههههههههه لا حلوه وملعوبه . انا عارفه الحوار ده وكل فتره اخلى سمر تحكيهولى واضحك عليه كأنها اول مره اسمعه
هدير : هههههههههههههههههه طول عمره عسل اوى الواد ده
نوران : طب ايه بقا كملو .. ايه حكاية اميره دى
رباب : شوف البت . عمالين نلف وندور ونلف وندور عشان تنسي وبردو مصممه انتى ايه مابتنسيش خالص ؟
نوران : اى حاجه خاصه ب احمد مش هنساها . احكى احكى
سمر : طب احكى انتى بقا يا رباب
رباب : احكى انا ايه .لا احكى انتى
مى : خلاص هحكى انا
رباب : تحكى انتى ايه هو انتى كنتى عارفه عنها حاجه
مى : هههههههههههههههههه اه ماهو ساعات احمد كان يخلينى ارد عليها عشان اقولها انه نايم
نوران : ( بتتعدل ع الكرسي ) الله اكببببببببر يعنى كان فيه اتصالات بينه وبينها ؟ الله الله
مى : اتصالات ايه استهدى اتقى الله يا حاجه . هى اللى كانت جابت رقمنا ورنت علينا ولما احمد رد فضلت تكلمه شويه وازيك واخبارك ايه وهبقى ارن عليك . وسجل الرقم هو عشان يبقى عارفه انه هو ده ... وبعدين بقا قالى ع الرقم ده لو رن هنا يبقى اقولها انه نايم او بره او ف اى مكان
نوران : طب كملى انتى يا اخت سمر او يا اخت رباب ايه الحكايه بتاعة اللى اسمها اميره دى
سمر : بصي يا ستى
اميره دى بنت غنيه جدا . حلوه بغباء
البنات البيضا الرقيقه اللى تحسيها حاجه كده تورتايه ف نفسها
هى بصراحه جميله فوق الوصف وكنت شايفاها اجمل بنت ف بلدنا لغاية ما شوفتك يا نوران بصراحه
طبعا كانت كل الولاد تقريبا بتتوددلها وحاجه اخر مسخره يعنى وهى كانت حابه الموضوع ده . كانت حابه ان الولاد كلهم يبصولها ويعاكسوها ويعتبروها اجمل بنت . لان من ناحيه هى فعلا احلى بنت ومن ناحيه تانيه هى من عيله المنشاوى اغنى عائلات عائلات البلد كلهم
لكن تيجى عند الاستاذ بتاعنا بقا وتتهد كل احلامها
كنت انا ورباب واحمد وهشام وعماد ومعانا اميره دى ف نفس الفصل ف اولى ثانوى
طبعا اميره كانت البنات حجزولها التخته اللى ف نص الصف لانها مش عاوزه تقعد قدام ولا ورا . عادى يعنى
كان احمد الواد عماد حاجزله معاه ف التخته اللى يشاء السميع العليم انها تبقى قصاد البت اميره بالظبط يعنى احمد واميره لازقين ف بعض مش فارق بينهم غير الطرقه بس اللى كانت اصلا قصيره جدا
وكلنا بلا استثناء سمعنا عماد بيقول لاحمد ايوه ياعم يابختك قاعد جنب المزه بتاعة البلد
قام احمد بصله بقرف هههههههههههههههههه وبص يمين وشمال وقاله هى مين دى ياض
دى كانت اول كسفه ليها من غير حتى ما يعرفها ولا يكلمها
وفضل معلق معاها الموقف ده وتكلم البت اللى جنبها وتقولها هو الواد ده مين وابن مين وماله شايف نفسه اوى وماله عمال يهزر مع البنات كلهم هو قريبكو ولا ايه . والبت ندى تفرسها بقا لانها اصلا صاحبتى انا كمان وتقولها اه هو قريب البت سمر وقريب رباب
تقولها ماله بردو بيهزر معاهم بايده ويضربهم بالقفا ويجرى وراهم ويجروا وراه .. ايه الهبل ده
البت ندى ببقا كانت تفضل تسخنها وتقولها بلاش والنبى احمد ده بالذات لانه اساسا واد مجنون وممكن لو سمعك بتقولى عليهم الكلام ده يضربك
قامت اميره بقا شايفه نفسها وعرق ولاد الناس الاغنيا اللى جواها نطق وقالت يضرب مين والنعمه دنا اخلى اهلى يجيبوه تحت رجلى . ال احمد ال . احمد ايه وزفت ايه
هوب بقا مين سمع الكلمتين دول ؟ احمد ايه وزفت ايه ؟
نوران : مين ؟ احمد ؟
سمر : لا .. عماد .. قام رادد عليها وقالها انتى تقصدى احمد اللى قاعد جنبى ولا احمد تانى ؟ عشان بس الامور ماتتخلطش على بعض وماكونش ظلمتك
قامت شاتماه وقالتله اه احمد اللى قاعد جنبك انتو هتخوفونى يعنى ولا ايه يا حلو انت وهو
قالها اااه تمام كده اصل كنت خايف اكون ظالمك والله قولت اتأكد وقام منادى على المعلم وقاله تعالى يا ريس عشان انت بيتقال عليك كذا وكذا
تتخيلى احمد رد فعله كان عامل ازاى ؟
نوران : ضربها ؟
سمر : ياريت
هدير : ايه شتمها ؟
سمر : ياريت بردو
نوران : امال ايه ماتخلصى وتتنيلى تقولى
سمر : قام عاضض على شفايفه كده من اول الفصل وماتكلمش وبرقلها بعينه وهو بيقرب عليها
البت بقا طول ماهو بيقربلها وهى عماله تقول فيه حاجه يا أخ انت ؟ انت يا استاذ انت فيه حاجه ؟ من خوفها وهى بترجع لورا من منظر احمد وهو جاى عليها وقعت على ضهرها والبنات كلها ضحكت عليها والولاد لان منظرها كان يفطس جداااااااااااااااااا .. قام مقرب منها ومادد ايده ومقومها وقال للعيال بطلو ضحك يا شوية معاتيه انتو بتضحكو على ايه . دى زميلتكو
العيال طبعا اتخرست واتفاجات بالموقف
وهى بقا لغاية ماحنا روحنا وهى منزله وشها على التخته ومغطيه راسها بايديها وعماله تسح من العياط تقوم شويه تبص لاحمد وهو قاعد جنبها ف الحصه وتعيط . وتعيط وتعيط .
ف اخر حصه بقا خالص لما هى بدأت تهدى كانت كل ما تبص ناحية احمد كان يرقصلها حواجبه ويبص ع الاستاذ تانى ولا كأن حاجه حصلت وهى تضحك ضحك رقاصات بنت الهرمه هههههههههههههههههههههههههههه الاستاذ يقولها مالك يا اميره هانم تقوله معلش يا استاذ انا اسفه
تقوم باصه لاحمد يرقصلها حواجبه تانى ويبرقلها تقوم ضاحكه تانى ..
واحنا مروحين ف اليوم ده قام مقرب منها وقالها انتى بنوته حلوه ماتاخديش دور اكتر من دورك . يعنى انتى مطالب منك انك تبقى بنوته حلوه رقيقه الكون كله بيلف حوالين جمالك ورقتك وبس . ماتحاوليش تاخدى دور حد تانى . ماتخليش سيط اهلك وفلوسهم تغيرك من جواك . وعلى فكره انا ماكنتش هعملك حاجه وانا مقرب منك . انا اخرى معاك هو اللى عملته لانى استحاله كنت همد ايدى عليك قدام حد
قالتله يعنى لو كنا لوحدنا كنت ضربتنى ؟
قالها اه كنت كسرت دماغك . قالتله حاضر انا اسفه يا حمو
مش هما بيقولولك حمو بردو
قام باصصلها بقرف وقالها مين ؟ حمو ؟ ايه حمو دى ؟ طاله من بؤك وحش دمك تقيل
قامت خلاص شبه هتعيط تانى قالها لا لا لا خلاص بهزر معاك . دى احلى حمو سمعتها ف حياتى
قامت ضاحكه تانى وفضلت تحب فيه وتسهم وهى باصاله طول ال 3 سنين . لان ف سنه تانيه كانت راحت فل تانى ونقلت نفسها عشان تبقى مع جوزك
نوران : ( بتقوم تشد شعرها وتخبطها ف ضهر الكرسي ) انتى بتحكيلى انا الحكاية دى ليه يابنت الجزمه انتى . انتى بتغيظينى يابت ؟ وحياة امك لنا مخرشماك ومخرشماه هو كمان الحيله بتاع اميره
سمر : ااااااااااااى اسمعى بس سيبى شعرى يابت .. ماحنا واحنا مروحين بقوله ايه ياعم اللى عملته مع البت دى دى كانت بتبصلك هتاكلك بعينيها دى ناقص تقولك بحبك . قالى يا مورا يا بنت خالة ام عم ابو امى ولا معرفش انتى تقربيلى من انهى داهيه انتى جبر الخواطر على الله .. ماتكسريش بخاطر حد . قولتله هتحبك يا احمد . قالى لسا مراهقه سيبيها تحب وتعيش الحب ف خيالها احسن ماهى مدوخه العيال حوالين منها كده ههههههههههه قولتله يعنى انت مش هتحبها ؟ قالى لا . انا بحب واحده تانيه ف رابعه ابتدائي
قولتله وانا مكركره م الضحك يخربيتك بتحب عيله
قالى ماهو بعد 10 سنين يابنت العبيطه مش هتبقى عيله
اقسم بالله لغاية ما عرفتك يا نوران وعرفت حكايتك معاه وان هو انتى البنت اللى فضل يحبها من زمان دى ماكنتش مصدقه انه بيتكلم بجد . لكن انا بحكى الحكاية دى دلوقتى لانى عرفت انه كان يقصد البنت اللى ف رابعه ابتدائي دى انها انتى
نوران : على اد ما اخر جمله دى بردت النار اللى ف صدرى من ساعة مانتى بتحكى على اد منا بردو وحياة امى الليلادى لازم تكون ليلة رعب على نافوخه عشان يبطل طريقته دى مع البنات . ماهى طريقته دى اللى بتخلى البنات تحبه ابن اللذينه
مى : نوران طالما رفعت حاجبها وهى بتتكلم كده يبقى ليلة أحمد سوده ومطينه عيشته النهارده
.............
( ع القهوه )
احمد : الجو بدأ يبرد اوى ياعم انا قايم مروح
عماد : ايوه وانا كمان قايم
احمد : اهلا وسهلا . نوران بترن عليا
عماد : طب ما تشوف ممكن تقولك عاوزه حاجه وانت مروح تجيبهالها
احمد : استنى
الو ! ايوه يا روحى
نوران : اهلا . انت هتتأخر ولا ايه
احمد : لا خلاص انا جاى ف السكه اجيب حاجه ولا حاجه
نوران : لا شكراا
احمد : ماشى يا حبيبى دقيقتين هكون عندك
نوران : طيب باي
احمد : باى
عماد : ايه الاخبار
احمد : عارف انت لما امك تقولك خد السجاده دى طلعها فوق السطوح افردها ع الجدار ونفضها وانت تطلع تنفض فيها وبعزم مافيك تفضل تضرب وتعجن ف السجاده
عماد : اه دنا على طول بعمل كده
احمد : اهو انا هبقى السجاده النهارده
.............................