روايه انا و هي

(الحلقه الثامنة عشر( الاخيره ) ) ..( حلاوة الدنيا ) ❤

#رواية_انا_وهى_الجزء_التالت
(الحلقه الثامنة عشر( الاخيره ) ) ..( حلاوة الدنيا ) ❤
............
(في الحلقه السابقه )
وائل : هتتجوزها وهتطلع تمجد فينا قدام الناس
وتقولهم اشرف واحسن ناس ف البلد
هما للأسف بيصدقوك دلوقتى .. عشان الحركه اللى عملتها ف القضيه اللى فاتت اللى احنا عرفنا نخرج منها زى الشعره م العجين .. وماخبيش عليك كانت البضاعه فعلا بتاعتنا وكل حاجه كانت تمام ... لولا الكلب اللى اسمه فتحى جه لعب ف دماغك وخلاك تقلق وتخاف
ف هتتجوز اميره وتسمع الكلام بما يرضى الله ؟
ولا هطربقها على نافوخك ونافوخ أهلك وعيلتك كلهم بما لا يرضى الله ؟
.............. ( الأخيره ) ❤
( ع القهوه )
حمو : ايه يالا مالك جاى مكتئب كده ليه ؟
احمد : اتعكت ! وبقت مقرفه اوى
حمو : ليه ؟ مش خلصنا خلاص م الموضوع
احمد : موضوع ايه بس دى شكلها اتعكت عكه طين
الواد ابن الكلب طلع مصور قعادى معاهم المره اللى فاتت وانا باخد منه صور الاشعه
المقرف انها ماكنتش محطوطه ف ملف بتاع مستشفيات ولا معامل تحاليل . ال ايه عشان محدش يشك ويعرف وادهالى ف ملف عادى من بتاع الاوراق
حمو : ايوه ... وبعدين ؟
احمد : قوم ايه بقي . هددنى كده صراحة وعينى عينك
يا اتجوز البت اميره واتكلم عنهم ف البلد بشكل كويس وطبيعى عشان اشيل من عليهم اى كلام كان بيتقال
حمو : يإما ؟
احمد : يإما بقي هيطلع التسجيلات دى كأنها ويقول انى كنت ببتزه هو وابوه على رشوه بفلوس كتير وعقود اراضى يإما هتكلم واقول اللى عندى
حمو : احيه ... احيه وايوه كمان .. بس فيه حاجه غايبه
انت بتقول عقود واراضى طب مانت لسا ماتسجلش بإسمك اى حاجه
احمد : ههههههههه ياعم البلد كلها ف ايديهم دول ولاد ستين كلب واصلين
ف ثانيه هيضرب تليفون للشهر العقارى اللى ف البلد هنا يزور العقد وينقل ملكيته بإسمى عادى جدا ولا كأن حاجه حصلت وهيزور امضتى اللى كنت بمضيها وانا شغال معاه ف المعرض ف المنصوره وغير كده وكده دول عالم رمم ولاد كلب ممكن يوصل بيهم القرف انهم يدسولى الورق ده ف البيت هنا عندى ولا يعملو حاجه ف البنات
حمو : لا لا هو أذكى من انه يعمل كده او يتعرض للحريم لانه عارف انه ممكن يتاكل فيها
احمد : انا مش عارف اعمل ايه من ساعة ما سمعت الكلام وانا زى ما يكون نزل عليا سهم الله
حمو : اسكت بقي وحياة امك خلينا نشوف هنهبب ايه ... انت عارف ممكن مين اللى يخلصك من الليله دى
احمد : هتقولى أميره ؟
حمو : هو فيه غيرها
احمد : انت بتقول ان اميره بقت ف جيبك وخلصت عليها
حمو : بالظبط ... وانا هحطك انت شخصيا بينى وبينها . يعنى يإما انت تطلع من الموضوع ده والتسجيلات دى توصلنا هنا يإما مش هتعرفنى تانى
احمد : انت مالى ايدك منها اوى كده وممكن تحط نفسك ف مقارنه مع ابوها واخوها ؟
حمو : يابنى يا حبيبى انت لو تشوف نظراتها ليا كنت هتعرف انى مليت ايدى منها
اللى زى اميره دى يا ابو حميد دماغها فاضيه
تعشق كل ماهو مختلف
الروايه ملك حصرى ل بيدج هو وهى وصفحة الادمن الشخصيه فقط
عارف انت اى حد او اى حاجه تكرفها على دماغها وماتجيش تحت طوعها ؟ تحبها وتتمسك بيها أكتر
احمد : بس شكلها وقعت فيك بجد .. يعنى تقدر تقول كده حب
حمو : منا بتمنى كده دلوقتى لان الموضوع غمق أوى وبقا شكله بايخ
احمد : جدا . انا مش عارف البنات اللى ف البيت دول هنقولهم ايه ولا هنعمل معاهم ايه
حمو : لا لا ماتقولش لحد حاجه ولا تقول لعماد كمان حاجه
احمد : هو راح فين مش كان قاعد معاك قبل ما امشى
حمو : اه منا بعتته يوصيلنا على طقم ايس كريم ويبعته للبنات ف البيت
احمد : حبيبى يا ابو الصحاب . انت يالا ازاى كده يالا ؟
حمو : ازاى كده يعنى ايه ؟
احمد : يعنى انت مين ؟ قابلت ايه ف حياتك خلاك توصل لدرجة الكمال اللى انت فيها دى ؟
حبك لحبيبتك مختلف
حبك لاهلك جميل
حبك لاصحابك مجنون
زمايلك شغلك طبيعتك . محدش قادر يعرفك ومايحبكش
انا لغاية دلوقتى مش قادر اتخيل انك سيبت شغلك وحياتك وجبت مراتك معاك وجيت لغاية هنا عشان خاطر صاحبك ف ضيقه من غير حتى ما صاحبك يطلب منك مساعده
حتى مع الواد مالك عملت نفس الكلام .. مع سيف
ده غير عشقك الابدى والازلى ب سلمى واللى لغاية دلوقتى فيه حكايات مانعرفهاش بينك وبينها .. قولى بقي انت مين ؟
حمو : بص يا احمد
انا واحد عادى جدا فيا اللى فيك وعليا اللى عليك
بس الاختلاف اللى ممكن تحسه فيا انى انسان حر ... حر وعايش ف دنيا غير الدنيا
مملكتى هى أهلى وحبيبتى وصحابي
ماليش عزوه ف الحياه غيرهم
اللى بيدخل دايرتى بيبقي محرم عليه الزعل والقهر والحزن
افديه بروحى لو أمكن
انا واحد اتحرم من ابسط حقوقه
اتحرمت من أب يقولى الصح والغلط زى كتير كتير ف البلد دى . منهم انت
منهم الواد مالك منهم مصطفى
عشان كده حبيت ألمكو حواليا
انت عارف
برغم الناس اللى حواليا الكتير دول .. الا انى كنت بحس بالوحده
لقيتها زى حبل بيتلف حوالين رقبتى وبيضيق يوم بعد يوم
لغاية ما قولت لا . هاخد من اصحابى عزوه
هاخد من امى واخواتى روح
هاخد من سلمى حياه فوق حياتى تحيينى من جديد
انا فعلا اتحييت من جديد بدخولكو حياتى
عشان كده ورحمه الغاليين ما هخلى حد يقربلكو
احمد : ربنا يكرمك ياصاحبي ويفتحها ف وشك ويخليهملك
حمو : كده احنا ابتدينا نشحت صح
احمد : ههههههههههههههه طب قولى طيب هعمل ايه ف المصيبه دى . انا مخى وقف مش عارف افكر
حمو : ومين سمعك . انت دخلت عليا دخله بنت جزمه اصلا ورصتهملى رصه معتبره . بس وائل ده اخرته معروفه ... هيتفضحو فضيحه عمرهم بس صبرك عليا
.............
( البنات ف الشقه )
هبه : احكيلنا بقا يا سلمى
سلمى : احكيلكو ايه
نوران : اتعرفتى على احمد ازاى ؟ وامتى ؟ وكان بسبب ايه ؟
سلمى : هههههههههههههه لا دانتو فاضيين بقي
مى : والله العظيم فاضيين وماوراناش حاجه . تجلى كده واحكيلنا
سلمى : امممم بصي ياستى
عارفه انتى لما تعيشى عمرك كله حاسه ان فيه حته من روحك ناقصه مش هتكمل غير مع شخص تانى ؟
عارفه لما تبقى كل ذره ف روحك وكل حته ف جسمك بتنادى ع الشخص ده من قبل حتى ما تشوفيه ولا تعرفيه ولا تعرفى هو مين اصلا
ده اللى حصل معايا انا واحمد
الروايه ملك حصرى ل بيدج هو وهى وصفحة الادمن الشصخيه فقط
حبنا وصل لدرجه الجنون
وقت من الاوقات وصلنا فيه ان لو حد تعب . التانى كان تلقائي بيتعب
احكيلكو حاجه أول مره احكيها ومحدش عارفها غير انا وأحمد بس
نوران : ياااريت . احكى يا ماما احكى اللى ييجى ف بالك
سلمى : ف أول بداية معرفتى بأحمد كنا عاشقين بعض من اول نظره
من اول همسه
من اول طله عينى ف عينه او عينه ف عينى واحنا الاتنين اتأكدنا ان الشخص التانى ده بيحبه
كان كل يوم بالليل يعدى تحت بلكونتى قاصد الساعه 2 بالليل وهو راجع من سهرته مع اصحابه
كنت انا الساعه 2 بالظبط اقف ف البلكونه
واستناه يعدى .. والمحه وألمح خطواته
ويقوم جايب عينه ف عينى كنا بنتطمن على بعض بالعيون
تخيلى ! 3 سنين كل يوم على الله لازم يعمل الحركه دى
مع العلم ان مافيش حد فينا قال للتانى بحبك نهائي
بس كانت كل حركاته بتدل على انه عاشق
المهم بقي ، مره حبيت استفزه بطريقه معينه كده
وجيت الجامعه بلبس كاجوال ههههههههههههه بنطلون ركبته مقطعه وضيق
وبلوزه قصيره شويه ولابسه كعب اطول منى انا شخصيا
واتصلت عليه قولتله انت فين يا احمد ؟ قالى انا واقف مع العيال اهو جوه قدام الكافتيريا
دخلت بعربيتى
وقفتها
والجامعه كلها وقفت على رجل ههههههههههههههه
نوران : ههههههههههههههه طبعا . دى البلد كلها مالهاش سيره عنك اليومين دول ومين البت العسل دى هههههههههههههه دنا رافعه راسي ف البلد على حسك
سلمى : المهم ! عامله نفسي فيها الشبح بقي وداخله بقول هاى يا سرسور وازيك من بعيد
لقيت ساره وشها قلب ألوان بتقولى ايه اللى انتى عاملاه ف نفسك ده
قولتلها مش دى الخطه اللى احنا عملناها مع بعض يا بقره انتى عشان نخلى احمد يحس على دمه ويغير عليا وينطق بقا الجبله ده ويقولى بحبك
لقيتها قامت فاركه ف ايديها وبتقولى ده كده مش هيحس على دمه ده كده هيشرب من دمك ودمى . انا ماليش دعوه بالليله دى انا ماشيه
نوران : وسابتك ومشيت فعلا ؟
سلمى : والله جريت من قدامى
انا قولت وفيها ايه يعنى هو مين اصلا عشان يقولى البس ايه ومالبسش ايه هو هيتحكم فيا ؟
نوران : ماكنش همك ؟
سلمى : ماكنش همى مين دنا كنت بقول كده لنفسي بتشجع يعنى . دنا كنت خايفه خوف ساعتها
هدير : وبعدين / كملى . انا سرحت اقسم بالله
مى : هيييييييييييح كملى يابت
سلمى : واذ فجاه احمد بدات اشوفه من بعيد واقف مع مصطفى ومالك وعلى وحسن الله يرحمه وكان احمد جوزك يا نونه ماكنش معانا ف اليوم ده
لسا بقول ازيكو يا جماعه من بعييييد
لقيت فيه بنى ادم عينه طلعت شرار
شراااااااااار وساب اصحابه وجه عليا وهو بيقرب انا بقي قلبى بدا ينبض . ويعمل كده دوم دومدوم دوم دومدوم ههههههههههههههههه
قرب عليا وشدنى من ايدى ومشى بيا لغايه بوابه الجامعه وانا اقوله ايه يا احمد سيب ايدى بتوجعنى طب امشى بالراحه
وهو كل الى عليه ماسمعش صوت امك وامشى من سكات بدل ماجيبك من شعرك
انا قطمت الصراحه
لقيته بيقولى فين مفتاح عربيتك قولتله ف الشنطه
قالى وهو بيزعق " طب اتنيلى على عين امك طلعيه هاتيه "
قولتله اهو خد
قالى لفى اركبى
وساق هو العربيه وايده دى عماله تفرك على الطاره بتاعة العربيه
وعينه اقسم بالله بتطلع شرار ولونها اتقلب بلون الدم
انا قررت استخدم ذكائي
قولتله احمد ! انت زعلان منى ؟
قام لاطشنى حته دين قلم بضهر ايده ووقف العربيه على جنب
قالى عليا الحرام من دينى لو لقيتك لابسه الخرا اللى كنتى لابساه النهارده ده لنا جايبك من شعرك قدام الناس . فاهمه ولا لا ؟ فاهمه يابت ولا لا ؟
سلمى : من شدة القلم انا بصراحه خدى علم وإحمر وبدات اعيط وقررت اواجهه بقي ومعرفش جبت الجرأه دى كلها منين
قولتله ليه يعنى ؟ وانت مين عشان تقولى البس ايه ومالبسش ايه
انت واحد زميلى وخلاص
قام اتعصب عليا وكسر مرايه العربيه اللى ف النص وقالى زميلك ولا خرا قولت كلمه وتسمعيها بالحرف الواحد
قولتله هى عافيه يعنى
قالى اه عافيه يعنى ... لما كسر المرايه ايده طالها حته ازاز مكسوره فتحتهاله
انا خوفت واتخضيت عليه قولتله هات ايدك طيب امسحهالك . قالى مالكيش فيه
فضلت احايله واقوله اشوف بس فيها ازازه مكسوره ولا حاجه
وبقرب منه ومره واحده لقيتها وقلبى رفرف من الفرحه
نوران : لقيتى ايه ؟
هدير : لقيتى ايه يا سلمى
مى : لقيتى ايه يا ماتنطقى يابت
هبه : هههههههههه انطقى لاخبطك ف راسك يا سلمى انطقى لقيتى ايه
فاطمه : كتفوووووها ... لقيتى ايه والنبى
سلمى : دمعه مستخبيه جوه عينه بيقاوح عشان ماتنزلش وبيقاوح اكتر عشان ماشوفهاش
ولما قربت منه لقيته بيبعدنى وبيزقنى بعيد وبيدور وشه الناحيه التانيه
وقالى " انا مش طايقك . خدى عربيتك وامشى وانا هروح ع البيت "
يومها بقي
انا كنت طااايره ف عالم تانى
خديها ثقه منى انتى وهى
الروايه ملك حصرى ل بيدج هو وهى وصفحة الادمن الشخصيه فقط
لو حبيبك وصل بيه الامر انه يبكى من غيرته عليك اعرفى انك لو لفيبتى العالم كله مش هتلاقى حد يحبك ويعتبرك اهم انجاز ليه قده
هدير : حرام عليك والله عقدتينى ف عيشتى . انا عاوزه من ده
سلمى : عاوزه من مين يا حبيبتى ؟ طب لمى نفسك بقي عشان ماتغاباش على امك
هبه : هههههههههههههههه عسل والله
نوران : انا سامعه حس العربيه بتاعة حمو يا سلمى شكلهم جم تحت ماتيجو ننزل بقي
سلمى : ايوه يلا . هاتى الواد على ايدك يا مى وتعالى
مى : حاضر
.............
( حمو واحمد وعماد بيدخلو البيت واحمد بيقلع الجاكيت وبيحطه جنبه )
ام احمد : ايه يا عيال حمد ع السلامه .. اتعشيتو ؟
احمد : شويه يا ماما بس اما ناخد نفسنا
حمو : شويه وهنقوم . اومال البنات فين
ام احمد : لسا معسكرين فوق من ساعة ما مشيتو . سامعه صوت اغانى ومزيكا ورقص ههههههههههههه
حمو : عالم رايقه
............
( البنات بينزلوا )
سلمى : حمد الله ع السلامه ( بتبص ع الجاكيت بتلاقيه جنب احمد من بعيد وبتفكر ان جوزها هو اللى كان لابسه )
حمو : الله يسلمك
نوران : ايه مالكو . مكتئبين ليه كده
حمو : مافيش . عاوزين نتعشى . بصراحه جعانين
سلمى : طيب ثوانى هندخل نحضر العشا . تتعشوا ايه بقي
حمو : اى حاجه مش فارقه
سلمى : ( بالراحه ومن غير ما حد ياخد باله بتاخد الجاكيت وهما بيتكلمو )
نوران : ( بتلاهى احمد جوزها وحمو عشان سلمى محدش ياخد باله منها )
سلمى : انا افتكرت حاجه كده فوق هطلع اجيبها واجى
نوران : وانا بردو هههههههه
حمو : ربنا يشفى
........
( البنات بيشغلو الكاميرات اللى كانت سلمى مركباها في الجاكيت وبيوصلوها ع اللاب وبيتفرجوا )
سلمى : ايه ده ؟
نوران : يا نهار اسود ... ايه ده ؟ ده وائل اخو الزفته اللى اسمها اميره
سلمى : وايه دخل جوزك بالجاكيت بتاع جوزى
هدير : استنو بس ده الموضوع كبير . دول كانو بيهددوه
سلمى : اهااا عشان كده جايين مكتئبين ؟
نوران : يا نهار اسود دول كانو بيعرضوا عليه يتجوز اميره ياما هيتعرضوله ويتعرضولنا ؟
سلمى : بردو عاوزه افهم جوزك لبس جاكيت جوزى ليه ولا يكونش جوزى عرف انى مركبه الكاميرات ف الجاكيت واداه لجوزك عشان يصور الموضوع ده
نوران : ماظنش . انتى ماشوفتيش شكلهم ازاى تحت . العيال كلها مكتئبين . لو كانو عارفين كانو زمانهم مهيصين دلوقتى
هدير : ههههههههههههههههه انا شاكه كده والله اعلم ان احنا خرجنا كلنا من كابوس كان منغص علينا حياتنا الايام اللى فاتت
سلمى : حقا يابت يا هدير . انا مش مصدقه عنيا . ده اعتراف واضح من الجماعه دول انهم معرفش ايه بيتاجروا ف الاثار
نوران : احنا ممكن نحبسهم بالتصوير ده . والله لو بعرف ازغرط كنت زغرطت
سلمى : بس جوزك طلع بيحبك يابت ومارضاش يتجوز الزفته دى
نوران : بقولكو ايه ما تيجو نشتغلهم شويه تحت
سلمى : ههههههههههههههه يلا بسرعه المهم نزليلى الفيديو ده على تليفونى
..........
( تحت ف البيت )
سلمى : هههههههههههههه
حمو : نعم ؟ بتضحكى على ايه
نوران : هههههههههههههههههههههههه
احمد : وانتى كمان بتضحكى على ايه ياختى
هدير : هههههههههههههههههه
حمو : ايه يابا البنات دى مالهم هما اتهطلو على اخر اليوم ولا ايه . مالكو صحيح هى مش ناقصاكو الصراحه
نوران : ايه ياعم انت وهو فرحانين
حمو : انشالله دايما ياختى انتى وهى . ادخلو ساعدو هبه ومى وفاطمه بقي عشان نتعشى كلنا
سلمى : حمووو عاوزه اوريك حاجه على تليفونى
حمو : مش وقته .
سلمى : بص بس مش هتندم تعالى انت كمان يا احمد اتفرج عليه
احمد : هتفرجونا على ايه بالظبط مش فاهم
حمو : يا سلمى مش وقته لما نتعشى
سلمى : لا ماحنا مش هنستحمل مناظركو المكشره دى ع العشا
حمو : طب ها اخلصى . هتورينى ايه ؟
سلمى : بص ( بتوريله الفيديو )
حمو : ايه ده ؟ ايه اللى انا شايفه ده
احمد : لولولولولولولولى انتو كنتو بتسجلولنا .. الله اكبر
هههههههههههههههههههههههههههههههه ايه المفاجاه دى يا ولاد القرده
هدير : ههههههههههههههههههه كده مافيش اى حاجه تقدر تقول انها هتحصلكو من العيله دى مدى الحياه لانها كارت ارهاب ليهم طول العمر
نوران : اه والله هههههههههههههههه
حمو : اشهد ان لا اله الا الله ... دانتو ولاد جنيه هههههههههههههه استنى ابعتي الفيديو ده ل احمد يا سلمى عشان يبعته للكلب اللى اسمه وائل .. وماتردش ياض ولا تكتب اى كومنت . خليه كده يهرى وينكت ف نفسه
......
( احمد بيبعت الفيديو ل وائل وبيشوفه )
احمد : حصل يا كبير واستلم الفيديو وكله تمام . انا نفسي مفتوحه يا جدعان عاوز اتعشى
نوران : حالا . خمس دقايق وكل حاجه هتبقى جاهزه
( هبه ومى وهدير ونوران وسلمى واحمد وعماد وبطه كلهم فرحانين وبيزغرطو )
احمد : انت مش فرحانلى ولا ايه ياض ؟
حمو : استنى بس انا بفكر ف حاجه كده
احمد : حاجه ايه ؟
حمو : هو انت مش كنت لابس الجاكيت بتاعى ؟
احمد : اه
حمو : والكاميرات دى مش كانت متركبه ف الجاكيت بتاعى بردو
احمد : هههههههههههه اه
( سلمى بتتسحب وبتقوم تمشى على اول الصاله استعداد للهرب )
حمو : معنى كده ان انا اللى كنت مقصود بالتسجيلات صح ؟
احمد : ايه ؟ اه تصدق صح
حمو : يا نهار اسود .. هى فيييين ؟ ( بيقوم يجرى ورا سلمى ) وحياة امك منا عاتقك يابنت اللاسعه
سلمى : إلحقووووووووووووووووووووووونى ههههههههههههههههههههههههه . والله لو قربتلى لارمى ابنك م الشباك
حمو : دنا هرميك دلوقتى انتى وهو .
الجميع : ( ضحك هيستيرى بشكل متواصل لمدة نص ساعه )
................
ياريت نكون قدرنا نكتبلو حاجه كويسه وترسم على وجوهكوا البسمه
ماتبخلوش علينا بالتفعل عشان نكمل المزيد من الروايات