روايه انا و هي

(الحلقه السابعه عشر( قبل الاخيره ) ) ..( قدر رحيم ) ❤

#رواية_انا_وهى_الجزء_التالت
(الحلقه السابعه عشر( قبل الاخيره ) ) ..( قدر رحيم ) ❤
............
(في الحلقه السابقه )
سلمى : هتروح منى فين يعنى . دنا شايله وساكته ... ماشى يا احمد لما تجيلى
..............
( ع القهوه )
حمو : واد يا عماد ! انت تعرف الجبنه الفلامنك بيعملوها ازاى ؟
احمد : اهدى وصلى ع النبى ..
عماد : لا معرفش يا كبير . انا هموت واعرف
حمو : دنا هطلع عين اهلك دلوقتى ع البهدله اللى بهدلتهالى يا عبيط يابن العبيطه
................. ( السابعة عشر ) ❤
احمد : ياعم خلاص ياعم فضحت امى
حمو : جاتك ستين نيله تاخدك .. وعاملى فيها بوورم ..
عماد : ههههههههه دانت اول ما اتصلت علينا وقولتلنا انتو فين وانا قولتله يبقى الموضوع بتاعك طلعك فشنك والواد هييجى يغتصبك قدام الناس
حمو : انت قولت فيها .. ماهو ده اللى هيصحل ... دنا مراتى لسا هتورينى الويل يابن الهبله وكله بسببك .. جاتك داهيه
احمد : هههههههههههههه اقعد اقعد يا حب اضربلك حجر زمان دماغك خرمانه
حمو : قوم ياض غور ياض هات الشيشه ورص انت الحجر
احمد : عيونى ههههههههه
عماد : وانا كمان يا ابو حميد والنبى
احمد : انا معرفكش اساسا
..............
نوران : دودو جبتى اللى قولتلك عليه
هدير : اه ههههههه
نوران : ههههههههه هى غاليه اه بس تمنها فيها ... سلمى اللى تقدر على تمنها
هدير : هههههههه سلمى طلبتها منك من إمتى ؟
نوران : واحنا ف فرح مالك ؟ قولتلها انا اعرف موقع بيبيع كاميرات مراقبه صغننه قالتلى هاتلى واحده تتعلق ف القميص او البنطلونات او الاقلام ههههههههههه عاوزه تكون مع جوزها ثانيه بثانيه
هدير : ههههههههههه ياعينى جات من بره نامت
نوران : قوليلى بقي .. بتتركب ازاى ؟
هدير : ولا حاجه . هى الشاحن منها فيها . مدة التصوير بتاعها ساعتين بس . ومش باينه يعنى ممكن تركبيها ف زرار قميص او ياقة القميص ... هى هتبقى تتصرف بقي تشوف احمد بيلبس ايه اكتر وتبقى تركبه ف هدومه
نوران : هههههههههههه الحب ما بينهم حاجه خيال يابت يا هدير
هدير : فعلا .. تصدقى ايه احلى حاجه شوفتها وحسيتها مابين الاتنين دول ؟
نوران : ايه ؟
هدير : انهم فاهمين بعض . حاسين بعض .. والاهم من ده كله . ان احمد عارف ومتأكد ان سلمى بتعشقه وبتموت ف التراب اللى بيمشى عليه وسلمى متأكده وعارفه ان احمد مأدمنها ومأدمن كل حاجه فيها ... وهو ده اللى مخليهم دايما مع بعض كده
صعب تلاقى كيميا زى دى ف مكان تانى .. حتى لو لقيتى واحد وواحده بيحبو بعض اوى صعب بردو انك تلاقى كيميا زى دى
نوران : معاكى حق .. انا نفسي اتعلمت من سلمى حاجات كتير
اتعلمت احافظ على جوزى ازاى وادارى عليه واطبطب عليه واحبه وامتى اتخانق معاه وامتى اشد معاه وامتى ارخى واكون هاديه
هدير : تعرفى انى قريت الروايه بتاعة بنت الاكابر دى هههههههههههه دى طلعت بتاعتهم بجد
نوران : منا هتجنن من ساعتها ومحدش عاوز يقول مين اللى كاتبها .. حد فيهم ولا واحد تانى صاحبهم ولا حكايتهم ايه
..
سلمى : عمالين ترغو ف ايه ؟
نوران : انتى صحيتى ؟ كنتى نامى شويه يابنتى انتى راجعه هلكانه
سلمى : لا كويسه نمت شويه .. رجالتنا رجعو ولا لسا
هدير : الله ع الوصف ههههههههههههه رجالتنا ! ايه ياعم الكلام ده ياعم
سلمى : اومال هما ايه ؟ ماهما رجالتنا فعلا . ياستى ربنا يجعلهم لينا دايما سند وضهر ..
نوران : يارب .. المهم بقي جبتلك الامانه
سلمى : امانة ايه
نوران : هدير طلبتلك الكاميرا دى ... هى حساسات صغيره كده وصورتها حلوه شغاله
سلمى : بتتكلمى جد ؟ ورينى كده ؟
هدير : استنى ! اهو ... كان فيه كاميرا على شكل قلم بس مارضيتش اجيبها ...
سلمى : احسن . وكده كده احمد مابيشيلش اقلام
هدير : استنى بقي ! هى بتتركب كده .. هتركبيها فين ؟ لو بيلبس قمصان هتركبيها هنا .. ولو بيلبس تيشرتات هتبقى هنا زى الكتالوج تمام ههههههههههه ع فكره الحاجات دى مش اى حد يقدر يشتريها . انا بس اللى اعرف صاحبتها ولولايا ماكنتش هتبيعهالى
سلمى : يا دودو يا جامد ههههههههه .. طب وبفرغ اللى فيها ازاى
هدير : بلوتوث .. بتوصليه على الكومبيوتر . اللاب يعنى لو فيه بلوتوث او التليفون ...
سلمى : بت يا نوران هاتى اللاب بتاعك
نوران : نعم ؟ انتى ناويه تشغليه النهارده ؟
سلمى : اه هجربه النهارده عشان لو اشتغل وميه ميه يبقى عسل اوى اكون متطمنه ولو ماشتغلش نعرف نرجعه او نتصرف بقي
هدير : اشطاااااااا . دى شكلها هتولع هههههههههههههه
سلمى : محدش يجيب سيره ل مى وفاطمه . دول عالم واطيه وهيروحو يفتنوا للعيال ههههههههههههه
نوران : مى عادى معانا . لكن بطه دى اعوذ بالله بتخاف على اخوها وعلى صاحبه ههههههههههه دى بتحب جوزك البت دى
سلمى : ماتلمى لسان امك انتى كمان .. ايه بتحب جوزى دى ( بتشدها من شعرها )
نوران : ههههههههههههههههه يابنت المهبوشه
..................
( ع القهوه )
حمو : زي الشاطر كده يا حبيبى ومن غير ما تعمل اى حركه بايخه تروح للواد الكلب اخوها ده وتقوله انك زعلان جدا على اميره وربنا يشفيها وهفضل معاها على طول لكن جواز انا مقدرش اجى على مراتى وكده ... فهمتنى ؟ من غير اى حركه استثنائيه
احمد : تمام .. هروحله دلوقتى
حمو : لا ياعم لما نتغدى الاول .. انا على لحم بطنى . حتى معرفتش افطر هناك ف المنصوره .... هات مراتك يا عمده وحصلنا على هناك
عماد : ياعم روح انت بس اتغدو وانا هروح انا كمان
حمو : وحياة امك لاتجيب مراتك وهنتغدى كلنا هناك . اخلص
عماد : طيب ياعم ماتزقش
حمو : اخلص ....
احمد : استنى ارن ع البنات
الو !
نوران : الو ! ايوه يا احمد
احمد : عماد وهبه هييجو يتغدو معانا .
نوران : طيب عادى هاتهم . ماما عامله حسابها وطابخين النهارده بطتين هههههههههه
احمد : هو ده
....
احمد : امى طابخه النهارده بط
حمو : حبيبتى حبيبتى حبيبتى ماهى طابخاهولى اصلا ماهى عارفه انى بعشقه ههههههههه
عماد : لا دنا كده هتلاقونى هناك من بدرى
احمد : اه على فكره ياض . الجاكيت بتاعك ده انا هاخده
حمو : بأماره ايه . انت يالا مابتحبش جير ام الجواكت اللى بجيبها
احمد : هههههههههههههههه ماعندناش هنا الاستايلات دى . ابقى ارجع اشتريلك واحد تانى
حمو : داهيه تسد نفسك .. خده ياخويا هتلاقيه متعلق ورا الباب بتاع الاوضه اللى كنت نايم فيها امبارح
احمد : حبيبى والله
.............
( ع الغدا )
احمد : والله اللمه دى عندى بالدنيا
هبه : ههههههههههههه ليك حق يا عماد والله تحب حمو وسلمى اكتر منى
عماد : ههههههههههههههههههه ايه رأيك ...
حمو : هو فيه ايه ؟ هو كل واحد جايب مراته يفرجها علينا . هو احنا فرجه يالا انت وهو
هبه : ههههههههههههههه بالنسبالنا هنا . اه فرجه
سلمى : هههههههه حبيبتى يا هبه والله ....
ام احمد : حد يكسر البط بقي يا عيال على ماجيبلكو بقية الغاموس
احمد : كسرى يا نوران
نوران : اكسر ايه دى مولعه
احمد : طب كسرى انتى يا سلمى
سلمى : انت بتكلمنى انا ؟
احمد : ههههههههههههههه اى حد طيب كسرى يا هبه
عماد : هبه مين ياعم دى اخيب منهم
حمو : اتنيلو ... هات ياض البط ده ياض
احمد : امسك ههههههههه
حمو : هو بيتمسك منين .. ايوه من هنا ... حلال الله أكبر
صدر ولا ورك يا عمده انت ومراتك
عماد : لا هاتلى انا صدر وهبه ورك
حمو : اتغذى ياخويا اتغذى وياريته بفايده
عماد : ايه ؟ انت جايبنى هنا تعلم عليا ولا ايه
هبه : هههههههههههههههه
سلمى : هههههههههههههه ما خلاص بقي سيب الواد ف حاله ياعم
حمو : عشان خاطر سلمى بس .. صدر ولا ورك يا ابو حميد ..
احمد : انا عاوز ....
حمو : بس ياض انت مالكش حاجه . انت يدوبك هتاكل الاونصه بس
نوران : هههههههههههه وكتير عليه والله
حمو : خدى يا هدير الحته دى من ايدى
هدير : تسلم ايدك والله ايه الكرم ده كله وجاى على نفسك كده ليه هههههههههه
حمو : مى انتى وبطوط ، عاوزين حاجه ؟
مى : بعد اذنك يعنى ...
حمو : لا ، محدش واكل م البطه دى .... امك عاملاهالى
سلمى : اححححم
حمو : شويه ميه ل سلمى يا جدعان
سلمى : لا مش عطشانه . انا بقولك انت احححححم
حمو : اححم ايه ده عاوزه ايه
سلمى : عاوزه ايه ايه ؟ حته بطه
حمو : بعينك
سلمى : بقا كده
عماد : ( بيوشوش هبه ) اتفرجى بقي
حمو : ايوه كده ..
سلمى : ياعم اخلص بقي ياعم
مى : ( بتوشوش فاطمه وهدير ) يخربيت كده
حمو : مش هتاخدى .. تحبى اقولهم عملت فيك ايه انتى وساره واسماء وسالى اختى بخصوص البط ده ؟
سلمى : لا خلاص انا اساسا مابحبش البط
حمو : ههههههههههه ايوه كده . البط ده بتاااعى انا
سلمى : ( بترش عليه ميه )
حمو : ايييييييييييييييح يابنت الهبله ... غرقتينى يخربيتك
عماد : ههههههههههههه
هبه : ههههههههههههههههههههه
سلمى : هو كده عشان تبطل طفاسه ( بتقوم من ع الارض وبتستعد عشان تجرى ع الاوضه )
حمو : وحياة امك منا عاتقك
سلمى : ( بتطير ع الاوضه ) الحقينى يا طنط الحقينى هههههههههههههههه
حمو : هتروحى منى فين يعنى مانتى هتخرجى هتخرجى
شيل ايدك ياض انت وهو ياض م ع الاكل
شيل ايدك يا ست هبه انتى . ايه ده ؟
هبه : الله ! انت عاوز ايه ياعم ؟
حمو : انا بس اللى هاكل بط ههههههههههههه ( سلمى بتطلع تبص وبيمسكها وبيعضها من دراعها )
سلمى : ما بالراحه ياعم
حمو : اتنيلى اقعدى يلا
سلمى : لا مش قاعده ومش واكله
( الجميع ف حالة ذهول وصمت ومسهمين )
حمو : اقعدى بقي يلا انتى جعانه م الصبح
سلمى : لاء
حمو : يابت يلا والله ما حد مادد ايده غير لما تاكلى
ارفع ايدك ياض انت وهو وهى
عماد : اهو
هبه : اهو والله مش واكلين
مى وفاطمه : عقدتونا ف عيشتنا
ام احمد : يحرسكو م العين يا حبايبى
سلمى : هقعد بس اتحايل عليا شويه
حمو : هههههههههههه ( بيشيلها ) اقعدى بقي ياشيخه .
سلمى : هههههههههههههههه اقطعلى حته م الورك
حمو : حاضر ! ايدك يا مى لو اتمدت تانى هقطعهالك
احمد : هههههههههههه انا مستمتع الصراحه
نوران : اتعلم ها
احمد : شوفت ياعم جايبلى الكلام دايما . دانت معرفتك معرفه سوده
ام احمد : ههههههههههههه انا دلوقتى بس عرفت السر ف انك مارضيتيش تحول كليتك من اسكندريه للمنصوره يا احمد
احمد : أحول ازاى يامه . حد يسيب العيال دى ؟
ام احمد : تسيب مين بس .. دنا حاساهم عيالى
حمو : ايه ده ؟ اومال احنا ايه ...
ام احمد : ربنا يعلم ياحبيبى انتو ايه بالنسبالى .. كلكو على بعضكو كده . وخصوصا الواد الصغنن ده ابنكو ... ربنا يحفطهولك يا حبايبى
حمو : يارب يا مه ويخليك دايما وسطينا كده ووسط احمد واخواته ومراته ومراته تشد حيلها كده وتجيبلكو عيل بردو غتت زى ابوه
احمد : كمان 3 ايام لسا ..
نوران : ( بتتكسف جداااا )
سلمى : هههههههههههههههههههه
عماد وهبه : ( بيمسكو بطنهم م الضحك )
مى وفاطمه وهدير : ( ضحك مع صوت عالى )
حمو : ( بيقع م الضحك )هههههههههههههههه اه يابن الهبله ... اسف يامه والله ما اقصد انا بشتمه هو ... بصراحه هو لازم يتشتم .. صح
ام احمد : هههههههههههههههههه بصراحه لازم يتشتم .. مش هو ابنى بس لازم يتشتم
نوران : ( بتسيبهم وبتقوم من الكسوف )
احمد : يافضيحتى يانا هههههههههههه ايه اللى انا هببته ده
حمو : اه يانى يامه يانى .. سلمى قومى بسرعه وراها
.......
سلمى : بت خدى هنا انتى زعلتى
نوران : مازعلتش بس اتكسفت اوى شكلى كان بايخ ...
سلمى : ههههههههههههههه لا يا حبيبتى لا ماتتكسفيش احنا كده مع بعض . انتى بقيتى واحده مننا اتعودى هههههههههههه عيال مخها طاقق .. تعالى تعالى كملى أكل
نوران : احححم هقعد ازاى انا دلوقتى بعد الكسفه دى يا سوسو هههههههههههههه
حمو : ما تيجى يا ابله نوران انتى كمان .. ماهى اللى جنبك دى باقيلها يومين واجازه سوده على دماغنا
(ام احمد وفاطمه وهدير ومى وعماد وهبه واحمد ونوران بيقعوا من الضحك وضحك بغباء طالع من القلب )
سلمى : ( بتسيب نوران وبتجرى عليه )
حمو : ( بيسيب الاكل وبيطلع يجرى بره ) الحقنى ياض يا عماد ياض
نوران : ههههههههههههههههههههه اااه يانى يامه . حرام عليكو والله .. حرام عليك يا احمد والله ايه العيال دى
احمد : مش كنتى عاوزه تتعرفى على احمد وسلمى ؟ اهم عرفتيهم بنفسك اهو
نوران : يا اخى دنا حبيت نفسي عشانهم
احمد : هتلاقيه داخل شايلها دلوقتى
حمو : ( بيدخل شايل سلمى ) ايه يا جماعه خلصتو البط ؟
الجميع : ضحك متواصل
...........
( البنات بتطلع فوق ف الشقه واحمد وحمو وعماد تحت )
حمو : خد ياعم أم الجاكيت اهو اللى عينك طالعه عليه
احمد : حبيبى حبيبى حبيبى ههههههههههه والله أيامه ياض وطول عمرك واد بتاع ايامه وف اى حته بتسيب علامه
حمو : البركه ف حب الناس يابنى
عماد : ولا عمرك قولت عيبه ولا حصل منك افعال غريبه
حمو : دايما بالناس حساس يابنى والله ههههههههههههههههههه يلا يا ولاد العبيطه . يلا يا روح امك عشان هتروح تكلم اللى اسمه وائل ده وتفض الحوار ده وتنهيه . ابو اشكالك . انا عاوز ارجع بكره
عماد : ايوه يا جدعان يلا . البنات سيبوهم فوق . هبه معاهم
................
( ف بيت ابو أميره احمد طلب يقابل وائل اخو اميره وابوها )
احمد : مقدرش يا حاج عربي اوافق ع الطلب اللى طلبتوه منى . انا ممكن افضل جنب بنتكو بداى الجيره والزماله ومتربيين سوا . وانا بعز أميره .. لكن انا مراتى عندى مقدرش اكسر بخاطرها
ومقدرش اجى عليها ولا افكر ازعلها .. وعارف ان حكايه زى دى ممكن تقضي عليها
لكن جواز وكده .... انا مقدرش
وائل : ههههههههههههههه اهدى بس يا ابو حميد واشرب العصير بتاعك واسمعنى كويس
مين قالك ان اميره عيانه ؟
ومين قالك انك عندك رفاهيه انك ترفض او تقبل
يا حبيبى انت متصور صوره وانت بتاخد مننا رشوه وعقود باراضى تساوى ملايين عشان بتساومنا على حاجه مش موجوده اصلا
بص يا احمد انا هكشفلك الورق بتاعنا كله قدامك
بنتاجر ف الاثار ؟ اه بنتاجر ف الاثار .. لكن اميره ماتعرفش
ملفلقلك الكلام ده كله ومصورك بيه عشان ايه ؟ عشان ماتخلقش لسا اللى يقف قدام عيل من عيال عربي المنشاوى
هتتجوزها وهتطلع تمجد فينا قدام الناس
وتقولهم اشرف واحسن ناس ف البلد
هما للأسف بيصدقوك دلوقتى .. عشان الحركه اللى عملتها ف القضيه اللى فاتت اللى احنا عرفنا نخرج منها زى الشعره م العجين .. وماخبيش عليك كانت البضاعه فعلا بتاعتنا وكل حاجه كانت تمام ... لولا الكلب اللى اسمه فتحى جه لعب ف دماغك وخلاك تقلق وتخاف
ف هتتجوز اميره وتسمع الكلام بما يرضى الله ؟
ولا هطربقها على نافوخك ونافوخ أهلك وعيلتك كلهم بما لا يرضى الله ؟
..................