روايه انا و هي

(الحلقه الثامنه ) ..( هديــــر )

(الحلقه الثامنه ) ..( هديــــر ) <3
............
(في الحلقه السابقه )
فاطمه : ههههههههههههههههه هو غمزلى وانا قولت استغل الموقف . قولت اننا اللى قبلت الادد واطلب منه طلبات بقا دنا طلبت طلبات تدخلها ف 1000 جنيه
مى : ياولاد الجنيه . يعنى احمد هو اللى غمزلك وانتى اتصرفتى كده
فاطمه : اه . بس بقولك ايه بلاش امور الوطينه بتاعتك دى وتروحى تقولى لنوران . لاحسن انا عارفاك هتقوليلها
مى : بقا انا هقولها ؟ عييييييييييييييييييييييب . عيب عليك ماهو بردو اخويا وخايفه عليه ( بتضحك ضحك عالى )
...................... ( الثامنه ) <3
فاطمه : احيييييييييه انتى ناويه تغدرى باخوك ولا ايه يا جزمه انتى هههههههههههههه ده فيها دبح . انتى ماشوفتيش نوران كانت عينيها بتطلع شرار ازاى حرام عليك
مى : هههههههههههه والله انا مش هفتن . بس هى لو سألتنى تانى او قالتلى عندك فكره عن الموضوع ممكن اضعف ههههههههههههههه اصلك ماتعرفيش انا بحب نقارهم مع بعض وخناقتهم سوا ازاى ... هما الاتنين زى العصافير كده والله هههههههههههه واخوك ابن حلال ربك بيسهلهالو كل مره وبيطلعه منها
فاطمه : يلا بقا . المهم بطلى وطينه خليهم يتبسطو ببعض شويه حرام عليك
مى : هههههههههههههه ان شاء الله
...............
( على الواتس هدير وأمانى صاحبتها هى ونوران )
امانى : دودو !
هدير : ايوه يا امانى اخبارك
امانى : ايه يا حبيبتى فينك . برن عليك مابترديش . قولت ابعتلك هنا على الواتس عشان لما تفتحى تشوفيها وتكلمينى
هدير : موجوده والله بس ماليش نفس اعمل اى حاجه
امانى : ليه يا حبيبتى مش انتى كنتى عند نوران النهارده ؟
هدير : اه
امانى : مش هى كويسه الحمد لله ؟
هدير : اه الحمد لله
امانى : شوفتى جوزها عسل ازاى ؟ الواد ده ماكنش يبقى ابن الجيران بتاعى انا ههههههههههههه
هدير : ( ساكته )
امانى : دودو ! روحتى فين ؟
هدير : معاكى يا امانى
امانى : حبيبتى لو مشغوله اكلمك كمان ششويه
هدير : لا يا حبيبتى خليكى معايا انا ما صدقت انك بعتتى . عاوزه اتكلم وافضفض معاك
امانى : خير يا روحى مالك انتى كويسه ؟
هدير : اه كويسه ماتقلقيش
امانى : امال مالك بقي ايه اللى مضايقك
هدير : عارفه نوران متجوزه مين يا امانى
امانى : اه . احمد ابن الجيران .. ليه فيه حاجه ؟
هدير : مافيش يا امانى قولتلك بس انا عاوزه افضفض ومش لاقيه آمن منك أمنله وافتحل قلبى واشكيله
نوران متجوزه الشخص الوحيد اللى قدر يدخل قلبى حتى من غير ولا كلمه بينى وبينه
احمد ده انا حبيته وعشقته وعشقت تفاصيله كلها
كانت ال 10 دقايق اللى بشوفه فيهم واقف على سطوح بيتهم المفروض انه كان واقف بيعاكس نوران وبيكلمها وبنضحك سوا
كنت ببقى غيرانه اوى عليه منها
كنت ما بين نارين . نار صاحبتى اللى بحبها ومقدرش اخد منها حبيبها
ونار واحد تمنيته ف احلامى كتير
تخيلى !
الكم دقيقه اللى كنت بشوفه فيهم كل يوم جمعه دول كانو بالنسبالى احلى لحظات ف عمرى كله
عمرى ما هنسي ضحكته اللى بيضحكها وهو باصص لينا لما يعمل حركه حلوه تعجبنا
عمرى ما هنسي نظرته لينا وهو رافع حاجبه لما احنا كنا نغيظه ونعمل حركه تضايقه
معاملته لينا كأنه اب وأخ خايف علينا
مره كنت قاعده مع نوران ف الحته اللى قدام بيتها كده وقولتلها تعالى نتمشى شويه قدام البيت رايحين جايين
كان هو بيلعب كوره ف الملعب اللى قدام بيتهم
ومره واحده لقيناه قطع اللعب وخدها جرى ناحيتنا وزعقلنا بعلو صوته " انتو ايه اللى جايبكو هنا انتى وهى " يومها نوران خاف وقالتله هو فيه ايه احنا بنتمشى
قام باصصلنا حته بصه انا وهى وقالنا طب غوروا ع البيت وماتجوش هنا
وقام شاخط تانى بعلو صوته " يلا انتى وهى بدل ما اتغابى عليكو "
خدتها من ايدها ومشينا
واحنا مرعوبين وف نفس الوقت بنضحك
كل واحده كانت بتضحك لسبب ف دماغها
وبردو كانت كل واحده شايفه التانيه بتضحك كانت بتفسر الضحكة دى تفسير تانى
لكن انا !
يااااااااااااااااااااااااااااااه يا امانى لو اقولك حسيت بإيه ساعتها
آمان رهيب مدفى جسمى
رعشة ماسكه جسمى كله من كتر حلاوة نظرته ليا . او لينا بمعنى أصح
يومها كنت عاوزه ابوسه اقسم بالله بس معرفش ايه سكتنى
فضلت مسهمه كده شويه . او بمعنى اصح بردو فضلنا انا ونوران مسهمين
لما روحنا ع البيت نوران مارضيتش تطلع وفضلنا قاعدين قدام البيت
قالتلى خليك قاعده عشان وهو طالع نشوفه هيعمل ايه
وفعلا . ادان المغرب بالظبط لقيناه جاى وشه مخرشم شويه
والتيشرت بتاع الكوره متقطع
بصلنا كده كان هياكلنا بعينه ومنطقش وطلع فتح البوابه بتاعتهم ورزعها حتة رزعه كان الازاز اللى فيها هيتكسر
بعدها بساعه شوفنا مى اخت احمد جايه من الدرس بنقولها شوفى اخوكى ماله ومين اللى مخرشمه متخانق ولا ايه وطمنينا
دخلت وبعد شويه خرجتلنا قعدت معانا وقالتلنا انتو عملتو ايه ده الواد اتخانق ف الملعب بسببكو وعمال يسب ويلعن فيكو انتو الجوز هههههههههههههههههه
فضل مخاصمنا شهر
بس لما فك كده ونوران قالتلى انه كلمنى
تانى يوم كنت عند نوران وصالحته انا كمان
قالى انا مش عاوز بنى ادم يبص عليكو بصه وحشه وانتو رايحين مكان كله ولاد بتلعب ف اكيد كلهم هيبصوا . وانتو حلوين كده جاتكو داهيه
ف اليوم ده قررت ابعت لاحمد ادد ع الفيسبوك واكلمه
كان نفسي اخده صاحب ليا وحبيب
كان نفسي يسيبنى احب فيه حتى لو من غير آمل
امانى انا تعبت وبتحرق من جوايا
حاسه بحصار رهيب جوه نفسي
ملجومه ومتلجمه ومش عارفه انطق ولا اعمل ايه
روحى صعبانه عليا اوى
عيطت النهارده بدل المره عشره وانا عند نوران
كل ما ابص على حته ف الشقه هناك اقول احمد بيقعد هنا يربط جزمته
بيقعد هنا يتفرج على التليفزيون
بيريح جسمه هنا
مع انى عمرى ما كانت عينى وحشه بس اول مره اتمنى انى اكون انا مكان نوران
امانى انا مش وحشه فاهمانى
ردى عليا وقوليلى انا كده كويسه ولا وحشه
عشان حاسه بتأنيب ضمير
امانى : يااااااااه كل ده ؟
يا حبيبتى كل شئ قسمه ونصيب
وانتى اهو بنفسك وانتى بتحكى بتقولى انا ونوران انا ونوران يعنى ممكن كل بصه كان بيبصها او كل لمزه كان بيعملهالكو كان يقصد بيها نوران
هدير : انا عارفه الكلام ده يا امانى . طيبى خاطرى واجبريها عشان خاطرى انا حاسه انى هيجرالى حاجه
مش عارفه اعمل ايه ولا افكر ازاى ؟ كل ما اتخيل ان واحده تانيه بتلمسه دلوقتى بتجنن وكل ما افتكر ان الواحده دى تبقى اغلى صاحبه عندى بموووت . مش عارفه اعمل ايه .
مش عارفه الاحساس ده حد حس بيه قبل كده ؟ طب عمل ايه ؟ طب اتصرف ازاى ؟ ابعد عن صاحبتى ؟ ماعدتش اكلمها ؟ اعدتش ازورها ؟
انا روحى هلكانه والله
ليه العقاب ييجى بالشكل ده . وليه بالجبروت ده
واشمعنى انا
وليه انا اتعلقت بيه من الاول
طب ليه ماقاليش من البدايه ان المعامله دى كانت لنوران مش ليا
ولا يمكن انا اللى كنت حساسه زياده وافتكرته انه بيحبنى انا
طب ليه كنت بلمح ف عيونه اعجاب بيا ؟
ولا يمكن عشان عيونى انا اللى كانت شايفه كل حاجه حلوه وانا معاه ف افتكرت ان عينه بتحبنى ؟
اسئله كتيره عماله تدور ف راسي ومش لاقيالها حل
مش عارفه . مش عااااااااااااااااااااااارفه اعمل ايه ولا اروح فين ؟
لو عندك حل ابوس ايدك دلينى عليه
امانى : عارفه يا هدير !
انا بقرأ كل كلمه بتكتبيها وانا عيونى غرقانه دم مش دموع
حاسه بيكى جدا وحاسه بوجعك
وعارفه الاحساس اللى انتى حاساه دلوقتى
عارفه يعنى ايه تحبى واحد وتعشقيه فوق العشق عشقين والظروف والايام تبعدكو عن بعض لاى سبب
عارفه يعنى ايه احساس انك تشوف حلم حياتك وحبيب ايامك ماشى قدامك حى يرزق بس ف قلبه واحده تانيه
حاولى تعيشى مع الايام دى يا هدير واوعى تخسرى نوران
واوعى تخسرى احمد . خديه صاحب جدع ليك
وعمرك ما هتلاقى حد جدع يخاف عليك كصاحب زى احمد
انا عارفه اه انه ممكن يكون هو غلطان انه محدش حدود للعلاقه دى انها تكبر بس ده يمكن لانه ماكنش شايف غير نوران
وماكنش هامه اى حاجه ف الدنيا غيرها
او ماكنش شايفك وانتى بتتعلقى بيه
حاولى تهدى يا حبيبتى وتهدى مشاعرك شويه وان شاء الله مع الوقت هتتعاملى مع احمد على انه ذكرى حلوه ف حياتك وعدت
هدير : صعب يا امانى اللى بتقوليه ده . صعب اتقبله واتعايش معاه عادى كده
ده كان اهون عليا انه يفضل بعيد عنى ومعرفش عنه حاجه ولا انى اشوفه اتجوز صاحبتى
امانى : سؤال بس
هدير : نعم
امانى : احمد عمره قالك بحبك ؟
هدير : لا طبعا
امانى : عمره بصلك بصه وحشه من بتوع الشباب توحيلك انه عينه منك ؟
هدير : لا هو ارقى من كده وعمره ما جرحنى بعينه
امانى : طيب يبقى احنا مانقدرش نلوم عليه
هدير : وحياة ربنا ما بلوم عليه 1% بس انا مش عارفه اعمل ايه
امانى : بصى ! قومى نامى دلوقتى وماتفكريش ف حاجه وافصلى دماغك خاااااااااالص
هدير : حاضر يا امانى هحاول . بس بقولك طبعا الكلام ده مش عاوزه اعيد عليك بقا انه ماينفعش حد يعرفه او حتى بينك وبين نفسك
امانى : بس يا جزمه انتى بطلى عبط . يلا يا حبيبتى روحى نامى
هدير : حاضر . تصبحى على خير
امانى : وانتى من اهله يا حبيبتى
.....................................
( سمر ورباب ع الواتس )
سمر : بت يا رباب
رباب : ايوه يا زفته انتى عاوزه ايه دلوقتى روحى اتخمدى
سمر : ههههههههههههههههه بقولك ! انتى خدتى بالك من البت اللى اسمها هدير دى ؟
رباب : مالها ؟
سمر : مش عارفه نظراتها كانت غريبه النهارده كانت كل ما تيجى سيرة الواد احمد عينيها تلمع وتبقى مستنيه اننا نفتح اى حاجه عنه وياسلام لما حكينا عنه . كانت متابعه باهتمام يمكن اكتر من نوران كمان
رباب : انا بردو لاحظت كده بس البت مى قالتلى انهم هما الاتنين هدير ونوران يعنى اصحاب الروح بالروح وكانو هما الاتنين يعرفوا احمد من زمان وكان يعرفهم يعنى
سمر : ههههههههههههههه مش عارفه . الواد ده طول عمره مبخت . طيب انا هروح انام بقا لانى فصلت
رباب : طب . تصبحى على خير
سمر : وانتى من اهله
....................
( شقة أحمد )
نوران : تعرف انى بعشق الحضن ده ف التوقيت ده
احمد : وحياتك انتى انا بحس انى مالك الدنيا دى كلها وانتى ف حضنى وبالخصوص الحضن ده اللى بعد ال ... الحاجات يعنى
نوران : ههههههههههههه بطل بقا .. صحيح عاوزه اقولك حاجه اخدت بالى منها النهارده ومش لاقيالها تفسير
احمد : حاجة ايه دى
نوران : البت هدير
احمد : مالها هدير
نوران : مش عارفه ..تصرفاتها النهارده كانت غريبه
احمد : غريبه ازاى يعنى ؟
نوران : تعرف انها كانت بتعيط النهارده
احمد : ياسااااااتر يارب عليك وعلى تشغيل دماغ امك . هو انتى لازم تعرفى كل صغيره وكبيره بتحصل ف ام الكوكب اللى احنا عايشين فيه ده
نوران : هههههههههههههههههه طبعا . كل ما يتعلق بك يا سيدى الفاضل فأنا لابد ان اكون حاضرة ف الميعاد والمكان المناسب . فأنت لى انا فقط
احمد : طب نانى بقا نامى قفلتى اليوم
نوران : ههههههههههههههههههه حاضر يا روحى ( بتبوسه ) هنام اهو .. بس بردو مش هرتاح الا لما اعرف كل حاجه تصبح على خير
احمد : ياساتر يارب .....( بيبوسها ) وانتى من اهله ....
نوران : ( ف سرها ) بكره يحلها ربنا بقا هعمل حتة حركه هعرف كل حاجه
احمد : ( ف سره ) ياخفى الألطاف نجنا مما نخاف .
....................