روايه انا و هي

(الحلقه الخامسه ) ..( الحب لا يفهم من الكلام )

(الحلقه الخامسه ) ..( الحب لا يفهم من الكلام ) <3
............
(في الحلقه السابقه )
رباب : ماتكمليش يا سمر بقي عشان حاجب نوران اترفع هههههههههههههه
سمر : ههههههههههههههههه اه منا عارفه . بس بحب انكشها . قليل اوى اللى يكون زيك كده يا نونه .. يعنى اه بتغيرى على جوزك وبتحبيه بس ف نفس الوقت عقلك كبير وبتعرفى تتصرفى
( هدير حابسه نفسها ف الحمام وبتعيط وبعد ربع ساعه بتخرج على نوران )
هدير : نوران ثانيه بعد اذنك
نوران : حاضر يا روحى . عن اذنكو يا بنات استنو ماتتكلموش غير لما اجى ههههههههه
................. ( الخامسه ) <3
نوران : ايه يا دودو
هدير : انا هقوم اروح بقا
نوران : تروحى فين اقعدى يابت . دانتى طول اليوم معايا النهارده .. دنا ممكن ابعت احمد ينام تحت وتنامى انتى معايا النهارده ونكمل سهره انا وانتى والبنات .
هدير : يابنتى اسهر فين بس . ماينفعش
نوران : بطلى خيابه انتى وتعالى يلا اقعدى . من امتى يابت البواخه دى مش متعوده منك على كده
هدير : طيب خلاص ياستى
نوران : تعالى بقا نسمع المصايب اللى كان احمد بيعملها . انتى عارفه مين دول ؟
هدير : مين ؟
نوران : دول قرايبه واصحابه وجيرانه من زمان . شوفى بيقولوا عليه ايه . ده وقعته سوده لما ييجى
هدير : هههههههههههههه انتى عسل اوى يابت انتى والله
نوران : عسل ايه بس دا من امبارح وهو خايف ههههههههههههههه بحب منظره اصلا وهو مرعوب كده وعامل انه خايف منى وكل ما اقرب منه يتوتر كده . بس اقولك حاجه . بيبقى حته عسليه كده وهو خايف . او عامل خايف منى
هدير : هههههههههههههههه ليه ؟ انتى ممكن تعملى فيه ايه لو حسيتى انه بيلعب بديله
نوران : هقطعله ديله هههههههههههههه احمد ده ملكية خاصه . ممنوع الاقتراب او التصوير
هدير : ربنا يفرحكوا يارب
.............
نوران : ايه يا بنات كملو كلامكو بقا ههههههههههههه
سمر : الله ! انتى عاوزه تعكننى على نفسك ولا على الواد خلاص بقا ده كان من زمان هههههههههههههههههه
رباب : هههههههههههههههه واضح انك مغيره لون احمد على طول . ارحمى شويه
نوران : هههههههههههه لا ده الغالي ده ماتقلقوش
رباب : المهم بقا ... احكيلنا امتى وازاى ابتدت الحكاية
نوران : حكايه ايه ؟
رباب : حكايتك انتى وأحمد !
سمر : ايوه والنبى عاوزين نعرف الحكاية دى . من امتى بدأت وامتى كل واحد فيكو حس انه بيحب التانى ومتعلق بيه كده
نوران : انا واحمد صحينا الصبح كده لقينا نفسنا بنحب بعض
تعرفى انه لغاية يوم الخطوبه ماكنش حد فينا قال للتانى انه بحبك
كانت تصرفاتنا بتقول ان الشخص التانى ده بيحب اوى
كنت بشوف ف عيونه لهفه غريبه اوى انه يشوفنى
كان كل يوم بالليل الساعه 12 وقفتنا ف البلكونه دى تعتبر اهم حاجه ف اليوم
وكان كل يوم نطلع البلكونه كانت بحجه مختلفه
ف بداية معرفتنا خالص
يعنى من ساعة ما بدا هو يتعلق بيا وانا اتعلق بيه كنت انا لسا صغننه اوى
كنت ف اولى ثانوى
كنت كل يوم بالليل وانا بذاكر اشوف ابن الجيران الواد ابو عيون عسليه واقف وبيعاكس ف العيال اللى ماشيه ورايحه تحت ف الشارع ويحدفهم بالطوب
كنت لما اطلع اقوله بتعمل ايه يا عمو .. يقولى عمو مين يا عمو انتى هههههههههه
سمر : ههههههههههههه
نوران : اقوله مش انت اكبر منى . كان هو تقريبا ف اخر سنه ف الكليه او ف سنه تالته
يقولى عمو مين دنا مستنيك تكبرى عشان اتجوزك
كنت انا ف الاول اخد الكلام بهزار وبضحك وافضل اضحك واهزر معاه ويقولى اخبار الكيميا ايه والاحياء والعربي
كنت افضل اشتكيله واقوله مش فاهمه حاجه منهم
كان يذاكرلى . كان يقولى انا بذاكر ل مى اختى هى ف اعدادى ابقى تعالى اذاكرلك معاها
اقوله ماشى . وفعلا كنت اجيب الكتاب بس كان يذاكرلى وهو واقف ف البلكونه وانا ف البلكونه بتاعتنا
كنا بنستهبل الصراحه ولا بنذاكر ولا نيله بس اهى كانت حجه واقفين بيها عشان نفضل نتكلم
اصبحت العاده دى مقدسه بالنسبالنا . نخلص يومنا وعشانا ونخرج كل واحد يستنى التانى
واول ما التانى يدخل بلكونته نعمل نفسنا متفاجئين ههههههههههههه
كل مره كان هو يطلع ويلاقينى مستنياه اقوله ايه ده ازيك يا عمو يقولى عمو ف عينك غيرى بس حرف العين وخليه حرف الحاء . يعنى بدل عمو خليه حمو
اقوله لا عيب ماينفعش اقولك كده يا عمو
يقولى يادى النيله على عمو وسنين عمو ههههههههههههههههههههه كنت لما احب انرفزه اقوله عمو دى
كام مره كده ف وسط الكلام الاقيه بيقولى بهزار مش تكبرى بقا يا نونه عشان اتجوزك
كنت اقوله هتستنانى ؟ يقوم قايلى امال انا مستنى مين بقا
بس كنت اضحك واعديها واخدها بهزار
لغاية ما اتأكدت ان الواد ابن الجيران ده مابيهزرش وبيتكلم بجد
مره كنا مسافرين اسماعيليه عند عمو هانى اخو بابا قعدنا عنده اسبوع
كان اسوء اسبوع ف حياتى كلها
كانت الساعه تيجى عليا الساعه 12 احس ان فيه حاجه ناقصانى محتاجه اشوفه محتاجه اسمع صوته محتاجه ابصله وهو بيتكلم
بعشق طريقته ف الكلام
بعشق حركة حواجبه وهو بيتكلم
بعشق رإكشنات وشه وحركة عيونه وطريقة نظرته ليا
طريقة نظرته ليا كانت مختلفه عن نظرته لاى بنت تانيه
آمااااااااان رهيب وشعور بالقوه وهو بيكلمنى
كان طول الاسبوع ده امى تيجى تكلمنى الساعه 12 بالظبط وتقولى ايه يا نونه اخبارك ايه يا حبيبتى . زى مايكون قلبها حاسس ان بنتها ناقصها روحها
بس اللى عرفته بعد كده ان احمد ده كان مكلم ماما من وانا عندى 15 سنه وقالى البت دى بتاعتى . تكبروها عشان وقت ما تخلص جامعة هتجوزها
ههههههههههههههههههههههه وامى كانت عارفه وساكته
عشان كده كانت حاسه بيا وكانت تيجى تسالنى وتتطمن عليا
كانت كل فتره كده تيجى تقولى فيه واحد قابل بابا عشان عاوز يتقدملك . كنت اتعصب عليها واقولها مش متجوزه ولا نيله ولا عاوزه اتزفت واسيبها وادخل انام
تروح هى بقا تقول لاحمد وتطمنه . كل حاجه تمام يابنى ماتقلقش البت مش عاوزه غيرك
مى : هههههههههههههههههه ياخرابي . يعنى اخويا اللى كان بيبعت امك تتطمن بتحبيه زى الاول ولا لا
نوران : ههههههههههههههههههههه اه ياختى شوفتى . قوليلى انتى بقي وهى اعمل ف البنى ادم ده ايه
هدير : ( مسهمه وساكته )
نوران : ماكملتش بقا وانا راجعه بعد الاسبوع ده كنت عامله ازاى
دخلنا البيت الساعه 2 بالليل ابص على بيت ابن الجيران الاقيه مضلم وشكلهم نامو
وانا هموت واشوفه
طلعت شقتنا ودخلت اوضتى وجريت على بلكونتى
ابص على اى اكشن مافيش
ابص على اى نور مولع مافيش
اكح واعطس وازعق واعمل نفسي بزعق مع اختى اقولها فين بنطلونى فين قميصى فين اى حاجه عشان حد من الحبايب اللى ف الشقه التانيه الجيران يسمعونا مافيش
وافضل ابرطم واشتمه واقوله اطلع بقا يا اخى دانت بارد . هو انا ماوحشتكش ولا ايه ؟
وسبحان الله زى ماكون كنت سامعه صوت ضحكته ف ودنى لدرجه انى سكتت كده عشان اسمع الضحكه دى جايه منين بس اتأكدت انها كانت ف خيالى
بس تانى لقيته واقف الصبح بدرى مستنينى وفضلنا نتكلم لغايى العصر .. وبالليل كملنا كلامنا
مى : ههههههههههههههههههههههه
سمر : ايه يابت بتضحكى على ايه يا عديمة المشاعر انتى . مرات اخوك عماله تشعر وتقول كلام حلو وانتى بتضحكى ؟ وحياة امى انا جسمى قشعر من الكلام
مى : ههههههههههههههههههههههههه
رباب : يابت الهبله بطلى برود بتضحكى على ايه
مى : ههههههههههههههههههه
نوران : مالك يا مى انتى متخلفه ؟ بتضحكى على ايه
مى : اصل انا فاكره موضوع الاسبوع اللى انتو سافرتوه ده
نوران : بجد ؟ وفاكره فيه ايه بقا
مى : ياخراااااابي يا بنات على شكل احمد ف الاسبوع ده كان عامل ازاى
كان بيلف حوالين نفسه
كان كل شويه يخرج البلكونه ويبص عليكو ومايشوفش حد يقوم داخل تانى
كان كل شويه يخرج يكلم امى يقولها انتى مابتتصليش على ام نوران ليه تتطمنى عليهم
تقوله انا لسا مكلماها من ساعتين ومتطمنه عليهم يقولها لا اتطمنى تانى
تقوله يابنى اركز بقا
كان مش على بعضه
والله العظيم كنت انا لسا صغيره فعلا بس كنت اشوف شكله وهو داخل يشوفك ويدور عليك ف بلكونته كان بيصعب عليا
زى ما يكون فعلا حد ضايع منه وبيدور عليه
اما بقا لموضوع يوم مانتى رجعتى ده وفضلتى تخبطى ف الاوضه وتزعقى عشان تشوفيه ف انا مش هتكلم ولا هنطق ههههههههههههههههههه
نوران : اخلصى يا روح امك دانتى عيله بارده صح . انطقى
مى : ههههههههههه طب سيبى شعرى طيب . الحقينى يا هدير
هدير : ههههههههههه هدير مش على بعضها وعاوزه تعرف هى كمان ايه الحكاية
اصل ف اليوم اللى كنتو راجعين فيه كانت امى كلمت امك وقالتلها انكو جايين النهارده بس على متأخر شويه
واحمد بقا زى ماكون العيد جه ههههههههههههههههههه ويقول أخيرا
بس واحنا قاعدين بنتعشى كده لقيته مش مركز ومسهم وبيفكر ف موضوع وبيخطط لحاجه وسابنا ودخل اوضته
انا بقا دخلت وراه وقولتله ايوه ياعم مين قدك الأمانه جايه النهارده زمانها وحشاك قام ادفنى بالمخده وقالى اطلعى بره يا جزمه . قولتله طيب انت واحشها زى ماهى واحشاك كده ولا ايه
قالى بنت حلااااااااااااااااااااااال مصفى اهو ده اللى عاوز اتأكد منه النهارده . هما جايين متأخر النهارده قولتله اه على نص الليل او الساعه 1
قام قايلى ماشى .
وعلى ميعاد وصولكو وصوت العربيه وهى تحت . قام مطفى نور الاوضه بتاعته وكانت امى واختى نامو اصلا وانا جريت على اوضته اشوف بيعمل ايه لقيته جرى عليا وكتم صوتى وقالى وطى صوتك يابنت الجزمه هتبوظى الخطه قولتله انت بتعمل ايه لاحسن والله هعلى صوتى . بتعمل ايه
قالى هدخل البلكونه وانام فيها عشان اشوف البت دى هتعمل ايه ولا هتجرى تشوفنى ولا حكاية امها ايه دى
قولتله دخلنى معاك قالى هتضحكى . قولتله لا والله عيب مش هضحك
قالى عليا النعمه لو سمعت صوت أهلك لنا راميك م البلكونه
قولتله لا عيب
دخلنا البلكونه وقفلناها من جوه عشان تبان ان الاوضه مضلمه واحمد نايم بقا
هوب سمعنا صوتك وانتى داخله تزعقى لاختك وتشتمى وتعلى صوتك عشان احمد يصحى وف الاخر سمعناك بتشتميه وبتقولى عليه يا بارد وهوب احمد مقدرش يمسك نفسه م الضحك وكان صوته هيطلع بس انا كتمت صوته بايدى .
وبعدين قمتى شاتمانا كلنا وقولتى عيله خوم نوم اعوذ بالله انتو بتنامو بدرى كده ليه . كنت انا اللى هضحك ساعتها قام احمد كاتم بؤي بايده ههههههههههههههههه
سمر : هههههههههههههههههههههههههههههههههه اقسم بالله هيجرالى حاجه . ايه الضحك ده . انا أكاد اكون متخيله منظرك انتى واخوك يا نيله
رباب : ههههههههههههههههههههههههههه بطنااااااااى هتفرقع والمصحف
هدير : هههههههههههههههههههههههههههههههههههههههههه وحياة ربنا ما قادره امسك نفسي
نوران : يا ولاااااااااااااد الجنيه . بقا كنتو سامعينى . والله انا اول مره اسمع الكلام ده ياخراااااااااااابي دنا شكلى وحش اوى قدامه هههههههههههههههههههههههه اه يا جزمه
سمر : ههههههههههههههههههههههههههه لا بس حكاية حكاية والله . انا روحت دنيا تانيه من الكلام نفسه حرام عليك
نوران : المهم بقا . احم احم عاوزه اخد رايكو ف حاجه . او بمعنى اصح عاوزه اسالكو على حاجه ...
سمر : حاجة ايه
نوران : هو احمد عمره ما لعب بديله او عرف واحده وكان يسهر يكلمها كده ولا لا . وبصراحه عشان انا هعرف هعرف ومش عاوزه كدب ههههههههههههههه
سمر : عاوزه الصراحه ولا ابن عمها
نوران : ههههههههههه لا ابن خالتها . انطقى يا حلوه انطقى دانتو وقعتكو شكلها سوده معايا
...........
( ع القهوه )
عماد : تفتكر ياض يا ابو حميد ايه اللى بيتم ف شقتك دلوقتى
احمد : تخطيط على مستوى عالي يابنى دنا فروتى مش بتتقطع دى بتتنفض دلوقتى
. يلا . كله عند ربنا بقي . احنا يابنى اتخلقنا عشان الستات تذل فينا هههههههههههههههههه
عماد : لا بس انت صحتك ردت ع الكلام ده ... شكلك حلو وانت خايف كده وحالتك بالبلا الاسود
احمد : يا اخى انا مش عارف ليه مش متطمن ولا قلبى متطمن من لمة البنات دى هناك دلوقتى .. ده بتقولك سمر ورباب وهدير . يانهار اسود . كل دول ؟
........................
ايه رأيكو ف حكاية الاتنين دول لغاية النهارده ؟ ومين اللى لسا شمتان ...؟!