روايه انا و هي

(الحلقه الخامسه ) ..( اتنين حلوين )

(الحلقه الخامسه ) ..( اتنين حلوين )
............
(في الحلقه السابقه )
مى : تعالى تعالى بشويش نشوفهم بيقولوا ايه
فاطمه : داهيه لايكون اخوك قافل باب اوضته
مى : ومن امتى اخوك بيقفل الباب بتاعه
فاطمه : هههههههههه ماهو دلوقتى الوضع مختلف .
مى : لا ده مابيخافش ده بجح هههههههههههه
فاطمه : طب وطى صوتك لايسمعك
.................. ( الخامسه ) <3
نوران : خد ياعم السحلب اهو ... مد ايدك شويه
احمد : هاتى ... مدى انتى ايدك شويه
نوران : ساعدنى هههههههههههه
احمد : يا قوة الله ... ايوه بس كده تمام
نوران : بالهنا على قلبك يا قلبى
احمد : يا روحى انت .... استنى اسكتى
نوران : ايه ؟
احمد : هششششش اسكتى استنى
نوران : طيب
(احمد بيتسحب ورا باب البلكونه وبيفتح فجأه وبيجيب مى وفاطمه من قفاهم )
احمد : تعالو تعالو .. شوفتى القرود اللى انا مربيها يا نونه
نوران : هههههههههههههههههه اه يا جزم انتى وهى بتعملوا ايه
مى : مابنعملش داحنا كنا جايين نشوفه بيشرب شيشه ولا نعمله واحده ههههههههههههه
فاطمه : يا فضيحتى
امل : ههههههههههههههههه وانا كمان معاهم يا حمو
احمد : اعوذ بالله .... انتو هتعملوا علينا روباطيه من دلوقتى ؟ لا انا هشوف شقه بعيده نسكن فيها انا والبت ...
مى : مين ياخويا ؟
فاطمه : والمصحف هنيجى نبات عندك
انت شقتك جاهزه فوق وكله كله . ههههههههههه ووعد ياعم مش هنطلعلك كتير اوى يعنى
نوران : استنى استنى انت بقي يا احمد .. تطلعى فين يا حيلتها انتى وهى . داحنا هنجيب كلب ونحطه قدام الشقه هههههههه
امل : اهلا وسهلا .. من دلوقتى ؟
نوران : اها
فاطمه : على فكره يا امل اختك دى واطيه اوى . داحنا كنا شغالين لحسابك يا جزمه وبنقولك على اخباره واسراره وبيحب ايه وبيكره ايه وجاى امتى هههههههههههه كده ؟ كده تبيعينا من بدرى
نوران : كله الا حمو هههههههههه محدش يقرب
امل : اتجوزوا انتوا بس وربنا يسهل
مى : شوفى ! اهو سايبنا نتكلم وعمال يشيش هو . دماغك ألماظات يا سيد المعلمين ... هات نفس طيب
احمد : عاوزه ايه ؟
مى : مش عاوزه حاجه وماتبصليش كده
نوران : لا هو هيبقى يسيبنى انا اشيش معاه صح يا حمو ؟
احمد : ياسلام ... طبعا امال ايه ...
نوران : مش متطمنالك .. يااساتر عليك
احمد : المهم يلا قوموا نامو عشان الدنيا بردت وورايا شغل الصبح وعشان بكره هنروح المشوار اللى قولتلك عليه يا نونه
نوران : خلاص ماشى يا حبيبى
مى : ما تتلمو بقي
فاطمه : هييييييييييييييح انا لسا ف سن خطر راعو مشاعرنا شويه
احمد : انتى يابت ؟
فاطمه : خلاص ياعم
امل : استنو ! مشوار ايه اللى هتروحوه بكره ده
احمد : وانتى مالك انتى
فاطمه : مال مين ياخويا انتو رايحين فين ؟
احمد : اخرسي انتى وهى وروحى نامى .... بت يا نوران . اوعى تقولى حاجه
نوران : اقول ايه هو انا عبيطه
احمد : طب يلا يا مزز . تصبحوا على خير
نوران : وانت من اهله
امل : هنعرف بردو . وانت من اهله
............
( تانى يوم قدام البيت )
احمد : ياحلو انت يا حلو
ام نوران : هههههههههههه انت بتعاكس مين ياض
احمد : هههههههههه بعاكسك انتى . اخبار حضرتك ايه يا ام الغاليه
ام نوران : بخير يا حبيبى انت اللى اخبارك ايه واخبار شغلك
احمد : الحمد لله .... بقولك ايه انا عاوز اروح انا ونوران المنصوره نتفرج على سينما
ام نوران : طب ودى هتعملها ازاى . ابوها مش هيرضى
احمد : امال انا جاي لحضرتك ليه بقي مانتى هتشوفيلنا صرفه
ام نوران : ياواد ابوها مش هيرضي . اتصرف انت معاه
احمد : حرام عليكو والله
ام نوران : اقولك . استنى لما تبقى الخطوبه رسمى وهو بنفسه اللى هيقولك خدها
احمد : لا وانا لسا هستنى ليوم الجمعه . انا عاوز اخرج معاها النهارده
ام نوران : اممممممممممم طب هتتأخروا ؟ قدامكو لغاية فين كده ؟
احمد : الساعه 9 هجيبهالك .. الساعه دلوقتى 4 ونص . هنتحرك كمان نصايه كده . وكلها ساعه نبقى ف المنصوره هندخل نتفرج ع الفيلم الساعه 6 . هيخلص الفيلم 8 هجيبها واجى ... بس
ام نوران : احمممممممممد ؟ الساعه 9 ؟
احمد : وحياة امى الساعه 9 هتلاقيها قدامك
ام نوران : طيب .. وانا هقول ل ابوها راحت ل آلاء صاحبتها
احمد : حبيبتى يا ناااااااااااس .. ههههههههههههه
ام نوران : بس اسمع .. لو اتطلقت على ايدك النهارده يبقى انت السبب
احمد : ههههههههههههههههه بعد الشر .. خلى نونه تجهز بقي هى قاعده مستنياك تقوليلها انتى
ام نوران : ههههههههههه ماشى
............
( اوضة احمد بيلبس وبيحط برفان ومى وفاطمه بيدخلوا عليخ لابسين ومتشيكين وجاهزين )
فاطمه : يلا يا حمو احنا جاهزين
( بيبصلهم ومصدوم وماسك المشط ف ايده )
مى : ايه يا حمو . يلا يا حبيبى احنا جهزنا خلاص . وزمان نوران وامل جهزوا
احمد : انتو بتقولوا ايه ؟
فاطمه : ايه يا ابويا واخويا . مالك يا روحى . مزبهل ليه كده
احمد : انتو بتعملوا ايه ؟ وجاهزين يعنى ايه ؟ ولابسين كده رايحين فين ؟
مى : جايين معاك يا قلبى .
احمد : جايين معايا فين ؟ وامل مين دى كمان اللى هتيجى ؟
فاطمه : ( بتوشوش مى ) خليكى مستعده عشان شكلنا هنجرى دلوقتى وهيجرى ورانا
مى : حمو ! صلى ع النبى يا قلبي كده . ماهو احنا لازم نيجى معاكو على فكره ماينفعش تخرجوا لوحدكو عيب من غير حاجه رسمى
احمد : اه يابنت الجزمه انتى وهى . .ايه شغل القرود اللى انتو عاملينه ده ... داهيه تسد نفسكو وتاخدكوا ف يوم واحد ..... اخلصوا يلا وانا هنزل ادور العربيه . مش عاوز لكاعه واخلصى
مى : من عنيا يا قلبي انت . هات بوسه ياض
احمد : بوسه ؟ وحياة امى انا على تكه ف مش عاوز قلة ادب وكلمه زياده عشان مارمكوش من الشباك ده . اخلصوا يلا . جاتكو مصيبه
...........
( على باب البيت )
نوران : ههههههههههههه
امل : ههههههههههه ههههههههه ده هياكلنا بعينه اعوذ بالله
فاطمه : اسكتى اسكتى مانتى ماكنتيش معانا دلوقتى . داكان هيرمينا م الشباك
مى : ههههههههههههه يلا يا جزمه انتى وهى بقي يلا
..........
(ف العربيه )
نوران : هههههههههههههههه
امل : هههههههههه هههههههههههه
مى : ههههههههههههه ههههههههههههه
فاطمه : هههههههههههههههههه هههههههههههههه
احمد : وحياة أمى اى كلبه هسمع صوتها لاكون داخل ف اى شجره عشان نخلص
نوران : ولا حتى انا يا حمو
احمد : بس يا سهتانه يا بهتانه انتى . هما دول عرفوا منين ؟ ماهو منك ... اخرسي بقي . ماسمعش صوت جزمه فيكو
نوران : ههههههههههههه هههههههههههه ياباي عليك
..........
( احمد بيمد ايده يمسك ايد نوران وهى جايبه ف العربيه )
امل : ايه يا عمنا . ايدك شايفاها بتطول يعنى
احمد : هششششش خليكى ف نفسك
امل : ههههههههههه حاضر انا اسفه
مى : وانتى ياست نوران . شايفاكى مسلمه يعنى ولا بتصدى ولا بتردى
نوران : هششششششششش انتى كمان خليكى ف نفسك
احمد : عارفين يا بنات
دى اول مره المس البت دى .. اول مره حتى امد ايدى واسلم عليها
لما كنتو تيجو تتغدوا عندنا كده كل فتره
كنت بقعد مع ابوكوا وبطرف عينى لا اراديا بلاقى نفسي عمال ابصلها
اتأمل ضحكتها لما كانت تضحك على حاجه ف كلامكو سوا
بس لما كانت عينى تيجى عليها لا اراديا كنت بكسرها ومابرضاش اطولها
دايما كنت ببصلها على انها الحاجه الصح النضيفه ف حياتى
انا حبيتها حب ماكنتش متخيل انى هحب حد بالشكل ده
عشان كده مافيش حاجه هتقدر تبعدنى عنها ولا تبعدها عنى ...
عشان ده انا هاين عليا دلوقتى اتصل على ابوها واقوله اننا رايحين المنصوره سوا عشان مانكونش بنعمل حاجه غلط
نوران : لا اوعى . هيضربنا
احمد : يضرب مين ؟ طب استنى
امل : احمممممممممد . لا بقي
مى : بس يا احمد بلاش هزار
احمد : الو ! ازيك يا عم على ...
اه الحمد لله احنا كويسين والبنات معايا اهو
هههههههههه اه البنات كلهم اخواتى ومعانا أمل . شبطوا فينا
ماتقلقش يا حبيبى . مش هأخرهم
ف رعاية الله
.....
نوران : ايه ده انت كنت قايلة ؟
احمد : هههههههههههه ماينفعش ابدأ حياتى معاك بحاجه غلط واننا نخبى عن اهالينا
امل : يابن الجنيه
احمد : انتى عارفه انا خايف على مين ؟
نوران : على مين
احمد : على أمك هههههههههههه
نوران : اشمعنى
احمد : ههههههههههههههههه ابوك هيسالها ويقولها البنات فين . هتقوله دول عند صاحبتهم آلاء هههههههههههههه يا نهار ضرب
نوران : حرام عليك . طب استنى اما ارن عليها هههههههههههه
احمد : بسرعه بقي قبل ما ابوك يروح
......
( على باب السينما )
احمد : يلا يا بنات ادخلوا انتو وانا هجيب فشار ونسكافيه من هنا وداخلين
امل : يلا . يلا يا نونه معانا
احمد : لا خلوها معايا . امال هشتال الحاجات دى كلها ازاى
مى : طب ايه اجى معاكو ..
احمد : بقولكوا ايه . انتو تدخلوا تحجزولنا مكان حلو وخلاص ...
فاطمه : اححححم . ماشى ياعم . يلا بينا يا بنات بس ماتتأخروش
احمد : من العين دى قبل العين دى
...........
نوران : انت واخدنى ورايح فين يا مجنون
احمد : بقولك ايه . الفيلم مدته ساعتين .. الساعتين دول بتوعى انا وانتى وبس . الفيلم اللى داخلينه بايخ اصلا هههههههههه
نوران : والله مجنون . طب هنروح فين
احمد : ياستى المنصوره كبيره . تعالى نتمشى وخلاص . عشان بعد ما الفيلم يخلص هنروح نتعشى كلنا
نوران : طب يلا
احمد : وبعدين انا اخاف امشى جنبك وانتى كده .. ايه يابت الحلاوه دى . دى بنات المنصوره كلها هيغيرو منك . ايه ده ههههههههههه
نوران : بس بقي يا رخم ماتكسفنيش
احمد : تتكسفي منى ؟ امال هتعملى ايه لما نتجوز ههههههه
نوران : أحمممممد ! عيب بقي اسكت
احمد : وحياة امك لو ما اتعدلتى لنا عادلك بضهر ايدى
نوران : كده وأهون عليك ؟
احمد : ماهى المصيبه انى هقعد اعيط جنبك هههههههههه اقولك سر
نوران : ايه ؟
احمد : ف يوم من الايام كده لقيت البت بطه اختى كانت عندكو جايه بتقولى البت نوران تعبانه أوى
يانهار اسود ع اللى حسيته يومها
كنت هاين عليا اروح اقولك مالك يا روحى واخدك ف حضنى لغاية ما تخفى ههههههههههههههه بس قولت امسك نفسك يا واد
كنت اطلع البلكونه الاقى بلكونتك مقفوله كانت بتصعب عليا نفسي
كنت بتخيل نفسي وحياتى كده من غيرك كانت هتبقى عامله ازاى
اقسم بالله اليومين تلاته دول انا كنت بنام ف الصاله بره ع الكنبه ... ماكنش بييجيلى قلب انام ف الاوضه اللى بتطل على بلكونتك
انتى كنتى عاملالى ايه يا نوران ؟
نوران : ( بتتسند على كتفه وهى ماشيه )
احمد : الله اكبر ..
نوران : ايه ... عامل حساب للناس ؟
احمد : ناس مين ؟ انا وانتى ماشيين لوحدنا
نوران : ههههههههه طب والناس اللى حوالينا دى
احمد : وحياتك مافيه حد جنبى غيرك . مش شايف غيرك
نوران : ياواد انا بحبك اوووووى
احمد : بكره ان شاء الله تيجو تتغدوا معانا عشان تشوفى الشقه والحاجات اللى انا جايبها
نوران : ههههههههههههههه
احمد : بتضحكى على ايه
نوران : يعنى انت كنت فاكر انى هفضل كل ده من غير ما اشوف شقتك ... دنا حافظاها . اقولك حاجه وماتضحكش عليا
احمد : قولى
نوران : كنت لما اطلع اشوفها واقعد فيها انا واخواتك .. كانو هما يسيبونى قاعده فيها شويه لوحدى بتاع 10 دقايق كده زى ما يكون كانو عارفين انى بحس انى مخطوفه وانا فيها . كنت ابص على كل جدار واتخيل حياتى معاك هنا عامله ازاى
اتخيل وانا واقفه معاك هنا هنعمل ايه
هنضحك ونهزر هنا واحنا بنتفرج ع التلفزيون
هندخل نهزر ف المطبخ
كنت بشوف حياتى وحياتك ف دقايق بكون فيهم ف الشقه
احمد : يانهار اسود . دنا ساعات كنت بعمل كده على طول هههههههه اطلع اقعد ف الشقه واقعد ع الارض وافكر ف كل اللى بتقوليه ده ..
انتى يابت انتى هنتجوز امتى انا مش قادر اصبر
نوران : هههههههههههه اتلم . وبعدين انت ماسك ايدى كده ليه هو انا هسيبك واهرب
احمد : مالها ايدى ؟ منا ماسكك اهو عادى
نوران : ماسكنى عادى ايه . دنا فعصت ايدى
احمد : اصل مش مصدق والله .. نونه !
نوران : ايوه
احمد : ( بيحضنها وهما ع الكورنيش )
نوران : ( بتحط ايديها على رقبته وبتسكت )
احمد : بحبك اوى يابت انتى والله
نوران : ( بتعيط ) طب بس بقي الناس يقولوا علينا ايه
احمد : مافيش ناس .. هروح النهارده واتعشى مع ابوك واكلمه عن ميعاد الفرح ونشوف ناقصنا ايه
نوران : ياريت يا روحى انا مش قادره اصبر انا كمان والله . مش قادره
احمد : هانت .. هتنامى وتقومى هتلاقينى بقولك قومى يا عروسه اجهزى عشان فرحنا الليله ... هانت
نوران : طب يلا نرجع بقي عشان زمان الفيلم خلص والبنات واقفين يدعوا علينا هههههههههههههه
احمد : يلا
نوران : ايه اللى انا شايفاه ده ياروح امك انت
احمد : نعم
نوران : البت دى بتبصلك ليه كده
احمد : بت مين مش عاوز عبط انا
نوران : عاجباك اوى ياخويا اروح اجيبلك رقمها ؟
احمد : بقولك ايه عبط مش عاوز . احنا ماشيين ولذاذ مع بعض اهو . هتعكننينا ليه ؟
نوران : ( بتعضه من كتفه )
احمد : ااااااااااااى كهربتينى يابنت الهبله ..فيه ايه ؟ ايه العضه دى
نوران : ( بتشده من شعره ) لو فكرت تبص على واحده تانى المره الجايه هخزقلك عينك .. ( بتعضه تانى من ايده )
احمد : بقولك ايه ؟ احنا لسا ع البر . انا هفض الجوازه دى هههههههههههه عايش مع كلب ارمنت انا ولا ايه
نوران : دى اقل حاجه ... والله العظيم المره الجايه هخزقلك عينك
احمد : داهيه تسد نفسك .. يلا ياختى يلا نرجع زمانهم صحيح طلعوا
نوران : لازم تعصبونا يعنى . ماحنا كنا حلوين وهاديين
احمد : هههههههههههههههههه معلش ياعم ابراهيم معلش انا غلطان يا حاج .
..............