روايه انا و هي

(الحلقه التاسعه ) ..( شلة مجانين ) ❤

رجاءا اللى متابع الروايه يدعمنا بلايك وكومنت
#رواية_انا_وهى_الجزء_التالت
(الحلقه التاسعه ) ..( شلة مجانين ) ❤
............
(في الحلقه السابقه )
حمو : موضوع ايه ياعم
عماد : احمد !
حمو : هههههههههههههه ما يولع احمد انا عاوز انام الله يخربيوتكو الولا ابنى ما صدقت نام هلاقيها منكو ولا منه ولا من امه . جاتكو داهيه تاخدكو كلكو
عماد : هههههههههههههههههههه لا ده الموضوع كبير والولا شكله ملعوب عليه او حاجه ولا ايه معرفش ولا شكله بدا يعك او يتهطل ف نافوخه
حمو : عمده ! ادينى خمسه بس هقوم اصحصح واغسل وشى وهرن عليك
عماد : ماشى يا حبيبى مستنيك
................ ( التاسعه ) ❤
( بعد ربع ساعه )
حمو : الو ! خير يابنى
عماد : ركز معايا عشان انا مش فاهم اى حاجه خالص
حمو : طب قول
عماد : فاكر انت المشكله بتاعته اللى من شهرين دى وكان هيروح ف داهيه بسببها
حمو : اه اكيد . مالها ؟ هو معكوك عكه زيها ولا ايه
عماد : معرفش . بس بنت الناس دى اللى هو اساسا اتحبس بسببها وكان متهم انه اتحرش بيها والقضيه دى يااحمد
حمو : ايوه يابنى كان اسمها اميره تقريبا . ماهو حكالنا كل حاجه واحنا ف فرح الواد مالك
عماد : بالظبط ! دلوقتى بقا هو معاه ملف لصور اشعه وتحاليل فيها ان البت دى عندها الله اكبر يعنى يعنى كانسر ومرحله متدهوره . انا سالت واد دكتور ف البلد كده لسا من مافيش عشر دقايق كان رايح عيادته وسالته ....
حمو : ايوه ! وبعدين
عماد : معرفش . الغريبه بقا ان اكيد اكيد احمد بيقابلها لان وانا قاعد معاه امبارح جاتله رساله على تليفونه من رقم غريب ولما كشفت ع الرقم لقيت هو رقم البت اميره دى
حمو : الرساله كان مكتوب فيها ايه ؟
عماد : مكتوب فيها متشكره ع اليوم الحلو ومعرفش ايه
حمو : لا ثوانى بس
من شهرين ماكنش طايقهم ولا طايق البت من اساسه وبيقولى انها طول عمرها بتطارده وهو مش شايفها
ودلوقتى بيقابلها ويوم حلو ومعرفش ايه .. وايه حكاية الاشعه والكانسر دى كمان
عماد : ماهو ده اللى مجننى . ايه علاقة الكانسر باللى عندها بالكلام ده
حمو : لا لا لا لا انا تقريبا بدات افهم ... هى ممكن تكون صعبانه عليه مثلا ؟ او بيعمل كده معاها من باب الحنيه ههههههههههههه
عماد : هههههههههههه والله ممكن ليه لا
حمو : ياعم دى مراته هتعلقه . دى بنت مجانين .. بقولك ايه انت تعرف البت دى طبعا صح ؟
عماد : اه طبعا كانت زميلتنا لغايه 3 ثانوى
حمو : تعرف اكونتها ؟
عماد : اه ...
حمو : طب ابعتهولى . ابعتلى الرابط
عماد : هفتح وابعتهولك
حمو : انجز بقا انا هقوم اجيب اللاب واجيب خبر البت دى اشوفها مالها كده وايه الحكايه
عماد : حاضر ... هقفل معاك وابعتهولك
حمو : بسرعه
.................
( عماد بيبعتله أكونت أميره وبيبدا يلف فيه ويشوف صورها واصحابها وكله )
....................
( شقة احمد ونوران )
نوران : مووودى !
احمد : صباح الفل يا قلبي
نوران : اصحى بقا انت كل ده نوم ... الساعه داخله على 9
احمد : طب وايه يعنى مانشالله تبقى 12 هو احنا ورانا حاجه
نوران : انت مش قولتلى امبارح اصحيك عشان رايح المنصوره للعمال
احمد : اااااه صحيح نسيت
نوران : انت بقيت بتنسي حاجات كتير اوى اليومين دول
احمد : ههههههههههه مقدرش ؟ وبعدين انتى مالك محلوه اوى النهارده كده ليه ؟
نوران : شيل ايدك ياض . لسا النهارده كمان
احمد : انا زهقت ههههههههههه ايه ياعم هى هتفضل شهر عندك ولا ايه
نوران : ههههههههههه خلاص بقي هانت دنا هتجنن
احمد : والله انا هتجنن عليك انت
نوران : انت ماشوفتش هدير هناك ف المنصوره امبارح ؟
احمد : اشوفها ف المنصوره فين ؟
نوران : اصل البت كانت مع اخوها امبارح ورجعت م المنصوره عليا ومن ساعتها وهى متلخبطه ومش عاوزه تقولى حاجه بس انا عارفاها هى شكلها تايهه ومش على بعضها ومش مركزه
احمد : لا يا روحى ماشوفتهاش . منا لو كنت شوفتها كنت هعزمهم اكيد هى واخوها على اى حاجه او حتى على انهم ييجو المحل يقفوا معايا شويه
نوران : اه ماهو عشان كده بس انا مش هسيبها هفضل وراها لغاية ما اعرف هههههههه مانت عارفنى لما بحط حد ف دماغى لازم اجيب اراره
احمد : ربنا يستر
نوران : على ايه
احمد : ايه اللى على ايه ؟ ربنا يستر عادى
نوران : مش مستريحالك انت كمان ههههههههههههه
احمد : طب قومى اعملى فطار يا حلوه خلينى انزل امشى بقي
نوران : ماشى . كلها النهارده بس وهقطعك من بكره
احمد : دنا اللى هقطعك وحياة امك
................
( اسكندريه )
( حمو قاعد ف الصاله بيقلب ف صور أميره وأكونتها وردودها وتعليقاتها )
حمو ( بيكلم نفسه ) : نفسي افهم بقا مالها يعنى ؟ البت لغاية امبارح منزله بوستات اهو واصحابها بيردو عليها .كانسر ايه وقرف ايه بقي مش فاهم
( فجاه بيقرا كومنت لبوست نازل امبارح ل صاحبة اميره اسمها هند بتقول فيه : ايوه ياعم مين قدك تعرفى اتنين حمو انتى ) اميره بترد عليها : ههههههههههههه والله انا اعرف حمو اللى هنا نفسي انا اعرف مين حمو الى هناك ده الاسكندرانى
حمو ( بيكلم نفسه ) : هو ايه اصله ده حمو مين وبتاع مين . انتو تقصدو حمو مين يا ولاد الكلب هتودونى ف داهيه هههههههههههههه وانا مالى انا يا لمبى
( فجأه سلمى بتظهر ورا احمد وبتمشى بشويش وهو بيبص على اللاب وبيتفرج على صور أميره وبتقف وراه وبتبص وبتسمعه وهو بيكلم نفسه )
حمو ( بيكلم نفسه ) : وبعدين بقا ياض يا حمو هنعمل ايه ف البت دى . هنلاغيها ازاى ؟ ولا هنشقطها ازاى ؟ ادخل اكلمها ع الاكونت طيب ؟ لا ياعم لازم تبقى تقيل ؟ لازم نروشها كده واخليها تتجنن وتحبنى انا وبعدين اعرف حكايتها ايه ؟ هيييييييه محدش بياكلها بالساهل
( بيقوم وبيتطمع وبيبص وراه وبيلاقى سلمى )
حمو : اعوذ بالله من غضب الله ... ( بيعمل نفسه بيمشى وهو نايم ) انا ايه اللى جابنى هنا
سلمى : ايه اللى جابك هنا ؟ دنا والمصحف لابطحاك ... خد ياض هنا ياض
حمو :الله اكبر الله اكبر ! اهدى يا مدام . اهدى يا حاجه ... اهدى يا وليه
سلمى : عاوز تشقطها يا حبيبى .. وماله دنا هشقطك م الدنيا دلوقتى .... ( بتحدفه بالمخدات )
حمو : اااه عينى يابنت الهبله ..
سلمى : لو راجل اثبت ف مكانك وماتتحركش ...
حمو : لا مش هثبت هههههههههههههههه انتى فاهمه الموضوع غلط والمصحف
سلمى : نعم ياخويا ؟ دنا سمعت كل كلمه ودينى لامخرشماك ... فين السكينه اللى كانت هنا ...
حمو : سكينة ايه بس دلوقتى الله يهديك ... الله يهديك اسمعى منى .
سلمى : اثبت ياض
حمو : ابنك بيعيط جوه روحى شوفيه
سلمى : لما اربى أبوه الاول هبقى اروح اربيه هو كمان
حمو : ههههههههههههه والله ابوه متربي وزى الفل ... انا فعلا اه مش متربي انى عرفت عيال منيله بستين نيله . اسمعى منى بقا
( سلمى بيتنقض عليه وبتنام فوقه ع الارض وبتشده من شعره )
حمو : ياوليه يابنت المجنونه سيبى شعرى
سلمى : بقا قايم بدرى وعمال تتسحب وفاتح اللاب وعاوز تشقط البت .. يا حنين ؟
حمو : ( بيكتفها وبيجيبها تحت منه وبيكتف ايديها وبيبوسها )
سلمى : اوعى ! ماتلمسنيش
حمو : خلاص بقا ايه الجنان ده . دى مش تبعى البت دى
سلمى : ياسلام
حمو : وحياة سلمى عندى ما اعرفها
سلمى : احلف بغلاوة ابنك
حمو : لا ! أمه عندى اغلى منه
سلمى : والله
حمو : والله العظيم انتى اغلى الناس عندى .. انتى ف حته والدنيا كلها ف حته تانيه
سلمى : طب قول يعنى تبع مين البت دى وعاوزها تحبك ليه
حمو : تبع الشيلحف اللى اسمه أحمد .. الواد شكله ملعوب عليه او بيعك او معرفش بيعمل ايه من ورانا وحتى عماد مايعرفش هو بيروح فين وبييجى منين وحاله متلخبط
سلمى : طب وايه علاقة البت اللى عمال تقلب ف صورها دى
حمو : دى ياستى البت اللى هو بيكلمها وماشى معاها . معاه هو ورق بيقول انها عندها كانسر واساسا اساسا البت دى هى البت اللى كان اتحبس بسببها يعنى بنت الناس اللى كانو هيودوه ف داهيه .. ف انا عاوز اعرف الحكايه ايه ؟
سلمى : هى دى الحكايه ؟
حمو : اه والله .. شوفتى بقا
سلمى : بس انت بجح أوى . عاوزنى اسمعك وانت عمال تقول هلاغى البت دى واشقطها ازاى وعاوزنى اسكت هههههههههههههههه دنا الدم فار ف نافوخى حرام عليك
حمو : ( بيبوسها وهو مكتفها وبتلف دراعها على رقبته )
سلمى : بتعرف تثبتنى انت يابن اللذينه
حمو : طب بقولك ايه . بما ان الواد نايم يعنى والدنيا هوس هوس ما تيجى اقولك حاجه كده
سلمى : مش كفاية بالليل .
حمو : لا مش كفاية طبعا .. كفاية ازاى يعنى . ها هو اللى يعرفك يعرف حاجه اسمها كفايه . يا ابيض انت يا مجننى
سلمى : طيب شيلنى
حمو : اتوكلنا على الله
سلمى : ( بتسمع صوت الواد بيعيط وبيصرخ )
حمو : انزلى ياسلمى انزلى روحى شوفى الشملول ابنك بدل ما ارتكب جنايه دلوقتى . الواد ابن الكلب ده مراقبنى اصلا
سلمى : ههههههههههههههههههههههه هههههههههههههههههههههه ههههههههههههههههههههههههههههههههه هههههههههههههههه همووووووووووت . ثوانى وراجعالك هنيمه واجي
احمد : يامه بقا دانتى بتنامى جنبه .. روحى روحى انا هعمل فطار . هاتيه وتعالى نقعد مع بعض احنا التلاته نناحى ف بعض واقعد معاه اشوفه عاوز منى ايه
سلمى : هههههههههههههههههه ياخواتى ( بتبوسه وبتمشى ع الاوضه )
حمو : بقولك ايه انا احتمال انزل المنصوره بكره او بعده
سلمى : رجلى على رجلك يا عنيا
...............
( ع القهوه )
احمد : عمده ! ماروحتش الشغل يابنى ولا ايه ؟
عماد : لا ياعم . عم فضل كان تعبان شويه
احمد : ابو هبه ؟ ماله
عماد : مافيش ياعم السكر على عليه امبارح وداخ شويه . دى بتحصله كل يومين يا عينى . بقا كويس خلاص بس من ساعة ما صحيت معرفتش انام تانى . المهم انت رايح فين
احمد : انا هاجى اشربلى حجر بس وبعد كده هروح المنصوره
عماد : ع المحل يعنى ؟
احمد : اه الفرش هييجى النهارده . ماتيجى ياض معايا ياض طالما ماروحتش الشغل
عماد : انت عاوزنى اجى ؟
احمد : وماتجيش ليه ياروح امك ..
عماد : يعنى لاتكون بتخلبص من ورانا هههههههههههههههههه
احمد : وهو يعنى انا لو بخلبص هخاف منك يعنى ولا هتكسف منك . اللى بينا مافيهوش الكلام ده يا عمده
عماد : هههههههههههههههه طب حمو ؟ هتقوله بردو
احمد : هههههههههههههههههه لا ياعم . هخاف
عماد : ههههههههههههههه نفسي اعرف انت ولا الواد مالك بتخافو منه ليه
احمد : معرفش . والله ما اعرف تصدقنى ؟ بس اهو شايفه حاجه كده كبيره قدامى واقفه ما بينى وبين انى اتهد واتكسر .. لما بفكر انى خلاص جبت اخرى وهتهد ومش قادر اكمل بلاقيه جاى ينشلنى من اللى انا فيه .. وعارف انه هيحس بيا
عماد : طب ليه ماتحكيلوش عن اى حاجه معكننه عليك
احمد : بحكى والله . وبعدين هو فيه ايه اصلا ياعم مافيش حاجه .؟ انت عشان صاحى دماغك هربانه منك هتهربلى دماغى انا كمان هههههههههههههههههههه ايه يا عمده
عماد : هههههههه
احمد : يا كريم .. هاتلى حجر والنبى يا كريم وهات الملف بتاعى
كريم : عيونى يا كبير
...............
( بالليل )
حمو : ها ماقولتليش بقا هنحلها ازاى يا شملوله . مافيش غير الطريقه دى
سلمى : طب ماهو يمكن تكون هى متعلقه باحمد وبس وممكن ماتبصلكش او تتعلق بيك
حمو : ماهو انا عاوز اعرف هى دماغها فيها ايه ؟
بصى يا روحى
فيه نوعية بنات كده مايحبوش الى يكون مرمى تحت رجليهم
هى طبعا بنت غنيه وغنيه بغباء ولما لاقت ان كل الولاد بتترمى تحت رجليها الا احمد اللى طول عمره كارفها ف حبت تجرب المختلف ده .. فهمتينى ؟ ف انا عاوز اوريلها حد مختلف غير احمد واشوف رد فعلها ولمعة عينيها ... بس
وبعدين انتى مش واثقه ف عيون جوزك ولا ايه
سلمى : رجلى على رجلك بردو
حمو : الله ! طب هتيجى تهببى ايه طيب
سلمى : معرفش . بس لازم ابقى معاك . مش هقدر اسيبك هناك كده عمال تلاغى وتشقط كمان . بس ياض والله ادبحك
حمو : اووووف .. طب هندخل عليها ازاى طيب قوليلى فكره حلوه
سلمى : هقولك بس ماتضحكش عليا
حمو : يا وليه قولى يا وليه بقي ماتفتيش ف قلبي
......................
دخول حمو وسلمى ف الموضوع هيحله ولا هيعقده ؟
التفاعل يا جماعه التفاااااااااااااااااااااااااااااعل