روايه انا و هي

(الحلقه الثالثه ) ..( صاحب جدع وليله بتتشكل ملامحها ) ❤

#رواية_انا_وهى_الجزء_التالت
(الحلقه الثالثه ) ..( صاحب جدع وليله بتتشكل ملامحها ) ❤
............
(في الحلقه السابقه )
احمد : مش هتسكتى ؟ طب خدى اهى
مى : لا انا داخله انام اخد مين ههههههههههههه
احمد : خدى انتى يابطه ردى عليها دى بتشتمك
فاطمه : ياسيدى ربنا يسامحها .. عشان خاطرك انت بس
نوران : والله ؟ انت هتشتغلنى .. اطلع يلا مستنياك
احمد : لله الامر من قبل ومن بعد . انا طالع ... انا طاااالع
............... ( الثالثه ) ❤
( ف الشقه )
نوران : تعالى ياخويا . اخواتك ادولك التمام ؟
احمد : لا انا كنت داخل اتطمن على امى وانا من حقى كمواطن انى اتطمن على اهلى صح ولا مش صح ... ها مش درستو ده ف القانون يا محاميه كفته انتى
نوران : بتقول ايه ؟ انا محاميه كفته ؟ طب وحياة امى منا سايباك
( بتشده من شعره وبتطلع على كتافه )
احمد : هههههههههههه انتى طالعه رايحه فين يا وليه يابنت الهبله ,, اااااااااااااااه ودنى ياجزمه ايه الهبره دى . دى عضة كلب دى
نوران : دا لولايا يا بابا كان زمانك لسا دلوقتى بتاكل عيش وحلاوه . ال محامى كفته ال
احمد : هههههههههههههه ياخرابي ..
نوران : وبعدين ايه ده ؟ انا المفروض مستنياك عشان اتخانق معاك تقوم لافف الموضوع ... انا مابقتش اكل بالكلام ده يا حبيبى . خد هنا
احمد : يا نونه يا حبيبتى انا راجع هلكان بدل ما تقوليلى تتعشى ايه ولا تشرب ايه ولا تعالى ادعكلك ضهرك . ايه مافيش حس خالص
نوران : لا مافيش حس خالص ... لما تكون ماشى مستقيم من عينى . ادلعك دلع عمرك ما سمعت ولا حلمت بيه لكن لما عينك تزوغ افقعهالك الاول وبعدين ادلعك
احمد : طيب عاوزه ايه دلوقتى اتاخرى بقا عاوز ادخل اغير هدومى
نوران : مانتش داخل غير لما تعترف
احمد : اعترف بإيه يابنت المجنونه دلوقتى هو انا اعرف حاجه
نوران : اه .. لمار لسا بتكلمكو ليه . فيه بينكو حاجه ؟
احمد : حاجة ايه . لا طبعا وحتى لو فيه حاجه ف اكيد هيكون كلام من ازيكو عاملين ايه وسلمولى على الحاج والحاجه وخلاص انتهينا .. ايه بقا . احنا هنفضل كده كل ما واحده تقرب من دايرتنا هتعمليلى البوليكه دى
نوران : اه . مانت اللى تعرفك لازم تبقى مصحصحه .. على ايه معرفش . اومال لو كنت حلو شويه بقا
احمد : هههههههههههههه الحلو للحلو يا قمر الزمان
نوران : المفروض اضحك دلوقتى واعدى الليله واقولك يا لهوى على كلامك صح
احمد : ايه ده . اه طبعا صح
نوران : هههههههههه
احمد : اخيرا ! اضحك بقا ياعم خلى عندك دم
نوران : تؤ . انت وحش على فكره
احمد : لا والله ما وحش المهم لازم يكون عندك ثقه فيا اكتر من كده
نوران : اقعد بس عشان افهمك حاجه
احمد : اهو قعدنا . فهمينى
نوران : موضوع الثقه ده ماتكلمنيش فيه تانى عشان انا لو مش واثقه فيك ماكنتش قبلت على نفسي انى احبك او اتجوزك
الموضوع كله ومافيه ان الست لما بتحب مابتحبش فرد واحد بجسمه وبس
لا دنا بحبك وبحب كلامك وبحب شعرك وبحب جسمك وبحب ضحكتك وبحب تفاصيلك وبحب طريقة مشيتك . بزعل لما تضحك لحد غيرى حتى لو كان راجل . بحب امتلاكك بحب تكون ليا وبس . فكرة ان حد ييجى يقرب من الدايره اللى انا حاطاها عليك دى تجنن اى بنت واى ست . عشان كده تلاقينى بعمل كده وغيرى بيعمل كده وأكتر كمان
ياريت تبقى فاهم النقطه دى عشان مش كل مره تسمعنى الكلمتين دول . اشطا ؟
احمد : اشطا
نوران : يلا زى الشاطر احكيلى عن لمار بقا من ساعه ما كنتو جيران لغايه دلوقتى
احمد : جيران زى اى جيران عاديين . دى كانت عيله يابنتى لسا ف ابتدائي
نوران : مابتكلمش عن الابتدائي والكلام ده وماتصيعش على امى . انا بتكلم عن الفتره اللى بعد كده .. مش كانت معاك ف المدرسه
احمد : اه بس عمرها ما كانت معايا ف فصل واحد ... غير انها دخلت علوم .
نوران : يعنى ماكنتش بتشوفها هنا ف درس هنا ف مكان هنا
احمد : ايه ؟ لا ؟
نوران : اعترف ماتخافش
احمد : محصلش
نوران : مع انى عارفه انك بتكدب بس ماشى . المتهم برئ حتى تثبت ادانته بردو وانا مش ظالمه ... قوم غير هدومك
احمد : ومش هتغيريهالى ولا ايه
نوران : لا . محروم م الدلع النهارده وبكره ولمده 6 ايام
احمد : نعم ؟ ليه ان شاء الله
نوران : حظك بقا
احمد : ايه ؟ ااااااااااااه . اه منا مبخت الصراحه
نوران : ههههههههههه معلش بقي غصب عنى
احمد : هو وش الكلب اللى اسمه عماد . وش أمه فقر
نوران : ههههههههههههه
.............
( شقة لمار )
منه : مالك يابنتى قاعده كده ليه
لمار : سيبينى دلوقتى
منه : ليه يا حبيبتى مالك زعلانه ليه . مالك بس حد مزعلك ولا ايه
لمار : لا مافيش بس كان نفسي اشوفه ولو دقايق
منه : انا نفسي اعرف انتى حبيتيه ليه ؟ وازاى ؟ وامتى ؟
لمار : معرفش . انا لقيت نفسي بحبه ومتعلقه بتفاصيله مع ان تقريبا عمرنا ما اتكلمنا كلمتين على بعض . بس كان مجرد وجوده حواليا ف اى حته كان بيدينى شعور غريب بالطمانينه كده والراحه . كنت برتاح اوى وانا شايفاه
ليه وازاى وعشان ايه معرفش بقي
النهارده دخلت اكلم فاطمه اخته وكنت بكلمها ف اى حاجه كنت خلاص هسال واقولها احمد عامل ايه وحشنى بس مسكت نفسي . انا نفسي اشوفه اوى يابنتى والله . وحشنى بغباء
منه : طب بس بقا امسحى عينك ابوك قاعد بره ف الصاله
لمار : مافيش حاجه يابنتى صدقينى
...........
( تانى يوم الضهر ف شقه اميره . بتتكلم مع هند ع الواتس )
هند : عامله ايه يا مزه دلوقتى
اميره : الحمد لله ياروحى خلاص بقيت قرده هههههههههه
هند : اه والله كانت ايام صعبه .. عدت على خير
اميره : اه انا فضلت تايهه كم يوم كده وكل ما اصحى اقع من طولى بس دلوقتى خلاص بقالى حوالي اسبوع اهو حاسه انى طبيعيه
هند : طيب تمام ... باباك واخوك كويسين
اميره : اه تمام .. ماتشغليش بالك
هند : واخبار السيكو سيكو ايه هههههههههههههه لسا حاطاه ف دماغك
اميره : ومش هيطلع
هند : ربنا يوفقك ههههههههههه بس احمدى ربنا ان الموضوع عدا . والله لسا لغاية دلوقتى ما مصدقه اللى حصل ده ولا كأنه فيلم هندى
اميره : حظه بقا .. بس النهارده احتمال احتمال ومش اكيد . يحصل ف الامور أمور
هند : أمور ايه ؟
اميره : ايه ؟ انتى مالك انتى اساسا ... غورى انتى بقي عشان بينادو عليا افطر
هند : تفطرى الساعه 1 الضهر هههههههههههه برنسيسه والله
اميره : اه عشان هقوم اظبط نفسي . لازم الوح الواد احمد النهارده
هند : ليه هتشوفيه فين ؟
اميره : هييجى البيت . ابويا عاوزه ومديله ميعاد على بعد العصر .. فرصه بقا ..
هند : هههههههههه طيب يلا قومى مع السلامه
...............
( ع القهوه )
عماد : يابنى المحل بتاعك هيخلص امتى
احمد : الفرش هنجيبه الاسبوع ده والباضعه نفسها انا خلاص يعتبر جبتها . هتتشحن اخر الاسبوع ع المحل على طول ...
عماد : هتجيب مين يقف ف المحل
احمد : هههههههههههه اسال الحاجه نوران . هى اللى قالتلى البنت اللى هتقف ف المحل هى للى هتجيبها وتختارها وقالتلى حسك عينك اشوفك هناك ف المحل الا اخر اليوم وانت رايح تاخد الايراد
الروايه ملك حصرى ل بيدج هو وهى وصفحة الادمن الشخصيه فقط
عماد : هههههههه معلش عدى يومك معاها . اهو انت شايف اهو
احمد : بقت عصبيه اوى البت دى . بس سبحان الله يا اخى حنية الدنيا فيها
عماد : هى ولا سلمى مرات الواد حمو
احمد : سلمى ؟ ياختاااااااااااااااى . سلمى طبعا . طب نوران بعرف اضحك عليها ولا اهديها بكلمه حلوه ولا بنظره حلوه . لكن سلمى ؟ يا نهار اسود دى كانت بتبهدله .
عماد : ههههههههههههههه هو بصراحه ماينفعش معاه الا كده ..اقولك حاجه يا ابو حميد . مهما قابلت وشوفت اتنين بيحبو بعض عمرى ما هشوف زى الاتنين دول
مهما قريت روايات وقصص واتفرجت على افلام حب بردو هتكون دى اصدق حكايه واحلى حكايه ممكن الواحد يلمسها بعينه
اتنين جايين من عالم تانى
سواء هو ولا هى
هو عارف هى تبقى مين وبتحبه ولا لا ولذلك مديها الحق ف نفسه
مديها الحق لغيرتها لامتلاكها ل حبيبها لخوفها عليه
لعصبيتها اللى بتتقلب لنار ممكن تولع ف اى حد يقرب منه
هو عارف الكلام ده ومقدره بل بالعكس بيحبه فيها
هى بقا عارفه انها بتحب واحد مختلف مابقاش فيه من عينته كتير
صاحب الكل وجدع مع الكل سواء ولاد ولا بنات
شخصيته ليها كارزما تفرض عليك واحبارى انك تحبه حتى لو بالسمع
حتى من غير ما تشوفه مجرد ما حد يحكيلك عنه او حد كتب عنه حكايه او روايه هتلاقى نفسك بتحبه وبتسال . هو ده موجود بجد ولا لا ؟
يابنى احنا بنشوف حكاية جديده اجدع من حكاية روميو وجوليت مليون مره وهى حكاية احمد وسلمى دول ... تفاصيل التفاصيل عاوزالها روايه من 50 جزء عشان نقدر نسرد جزء بسيط من حكايتهم وكلامهم وطريقة نظرتهم ل بعض
بالك انت يا ابو حميد لما كنت ببقى واقف معاكو وسط الشله
واقفين بتكلم بنضحك بنهزر بنجرى ورا بعض
كنت ببقى جاى بس عشان اقف ف الجنه ونعيمها وهى نظرات احمد ل سلمى ونظرات سلمى ل احمد ... من تحت ل تحت
هو يتعمد انه يوجه كلمه او سؤال للبنت او الشاب اللى واقف جنب سلمى عشان وهو بيتكلم يخطف عينه عليها ويبصلها ويملى عينه منها
وهى تتحجج بأى حجه عشان تفضل واقفه معاه
تخيل 4 سنين على الحاله دى
حب لابعد مدى وابعد حد من غير ما تتنطق فيها كلمة بحبك
بل بالعكس كانو كل يومين يتخانقوا هههههههههههههه
احكيلك حاجه انت ماتعرفهاش عن الاتنين دول ؟
احمد : انا معرفهاش ؟ ههههههههههههه يابنى انا وحمو ومالك ومصطفى وعلى وحسن الله يرحمه كنا 24 ساعه مع بعض دنا لما كنت انزل البلد واسيبهم اليومين دول كنت بتعب وماكونش ببقى على بعضى
عماد : هههههههههههه هحكيهالك ولو عارفها قولى انك عارفها
احمد : طب احكى
عماد : سلمى ماشاء الله وتبارك الله وربنا يحميها يارب احلى واحده وارق بنوته ممكن تقابلها وتشوفها ف حياتك
بتديلك حاله من اللاوعى كده وانت واقف معاها وده كان سبب عصبيه احمد وخناقه معاها دايما .
مره كنت خارج كده وبتمشى ولقيت المعلم ده قاعد على التلاتوار ومكتئب كنت لسا بقرب منه عشان اقوله قاعد كده ليه يالا لقيت سلمى جايه من وراه مغميه عينه وبتقوله أنا مين ؟
احمد : فين الموضوع ده ؟
عماد : الموضوع ان احمد قاعد مكتئب . تمام ؟
احمد : تمام
عماد : انا عينى عليه . قاعد كده عينه ف الارض ومابصش يمين ولا شمال وانا مركز معاه .. تمام ؟
احمد : تمام
عماد : لحظة ظهور سلمى من وراه ييجى ب 30 متر ايه اللى خلاه يضحك ويبتسم ويتلفت يمين وشمال كأنه فجاه لقا حاجه ضايعه منه او حس انها قريبه منه
انا وقفت ل لحظات كده موهوم .. هو بيحس بيها ؟ طب هو شافها مثلا وضحك .. شكله ماكنش بيقول كده . هو ابتسم وبس . وفجأه بدون مقدمات . واحد قاعد مكتئب متنكد من حاجه فجاه رفع عينه من ع الارض وابتسم وبص يمين وشمال كأنه بيقول لنفسه سلمى قريبه منى ....
دخلت سلمى عليه وغمت عينه تخيل هو عمل ايه ؟
احمد : يخربيتك يا عمده ... عمل ايه
عماد : شال ايديها من على عينه وحطها على قلبه وقالها انتى اللى موجوده هنا . صح ؟
سلمى : قالتله صح وقامت شاداه من ايده .. كنت بدات اقرب منهم عشان اسمع الحوار الحلو اللى هيتم .. وفعلا قربت من غير ما شافونى
لقيتها بتقوله قاعد كده ليه يا بابا ؟
هى كلمة بابا طلعت من هنا وانا اقسم بالله العلى العظيم عينى بدات تخوننى وتنزل دموع هههههههههههههههههه ايه الجمال ده يا جدعان
رد عليها بعد ما فضل باصصلها بتاع 5 ثوانى وماسك ايديها ولسا حاططها على قلبه كأنه ف دنيا تانيه .. اقسم بالله كانه ف دنيا تانيه حرفيا ومش معانا
وقام واخد نفس وقالها كنتى فين ؟
قالتله معلش الطريق كان زحمه والله وكنت عديت على بابا ف الشركه واتأخرت
قالها ماشى . تعالى بقا نشوف العيال فين ووشه اتقلب 180 درجه من جزن واكتئاب لواحد وشه منور
احمد : ايه يابنى ده . ايه العيال دى ابو اشكالهم ههههههههههههههه
عماد : اتنيل يا بغل مانت متعلم منه الحب وسنينه
احمد : مانكرش طبعا .. طب اقولك سر واول مره اقوله ف حياتى كلها لمخلوق ومحدش يعرفه غيرى انا والواد حمو
عماد : سر ايه
الروايه ملك حصرى ل بيدج هو وهى وصفحة الادمن الشخصيه فقط
احمد : ههههههههههههههههههه مره كنت قاعد بردو وكنا لسا ف اولى كليه وكنت قاعد كده ملخوم وطالع عينى . لقيته داخل عليا من بعيد وقالى انا عارف القعده دى . دى قعدة واحد متنيل على عين أهله وبيحب جديد
ههههههههههههههه هو قالى كده وانا مامسكتش نفسي وضحكت
وحكيتله قولتله بنوته لسا صغيره وحاببها وعاشقها من زمان
هو اللى شجعنى وقالى لازم تحجزها وتكلم اهلها . مش انتو جيران لاغى امها كده او ابوها لو ليك كلام معاهم واحجز البت يا عبيط يابن العبيطه
تحب اجى معاك ونكلم ابوها ؟ قولتله هتنزل المنصوره مخصوص يعنى
قالى اه هههههههههههههه وفعلا نزل معايا اخر الاسبوع وقعد معايا يدوب ساعتين تلاته ومشي وقالى ماتقولش لحد ولا حتى لعماد.. راح كلم ابوها وفضل يهزق فيا هههههههههههههه وهو ماشاء الله عنده قدره رهيبه ع الاقناع . معرفش ازاى ابوها قدر يسمعله ويفهم كلامه
لذلك يوم فرحى ماكنش احمد موجود على طول فوق ف القاعه وفضل قاعد مع ابو نوران تحت يتكلمو ويهزروا كتير لانه وفا بوعده . وهو ده الصاحب اللى افديه بعمرى كله .. مش انت يا فقر يا نحس يابن الفقر ههههههههههههه
انا قايم بقي رايح مشوار كده وجاى
عماد : مشوار ايه ده ؟
احمد : مافيش مشوار كده ع السريع وهروح البيت اتغدى واقعد معاهم شويه .. سلام
............
( بيت أميره )
وائل : تعالى يا ابو حميد تعالى . شرفت ونورت
...........................