روايه انا و هي

(الحلقه السادسه ) ..( هو خايف من ايه ؟ ) ❤

رجاءا اللى متابع الروايه يدعمنا بلايك وكومنت
#رواية_انا_وهى_الجزء_التالت
(الحلقه السادسه ) ..( هو خايف من ايه ؟ ) ❤
............
(في الحلقه السابقه )
احمد : خدو يا بنات تذاكركو اهى . وانا ونونه وراكو عشان انا عندى طول نظر ومابشوفش من قريب
مى : ههههههههههههههههههه ايوه ايوه صح ماحنا عارفين
احمد : يلا يا حلوه انتى وهى ادخلو . خمس دقايق والفيلم هيبدا . هروح اجيبلكو فشار وحاجه تشربوها وجاى
..................
( جوه ف السينما )
( نوران بتمسك ايده وبتكلمه )
نوران : احمد ! انت فيك حاجه مالك يا روحى؟
..................... ( السادسه ) ❤
احمد : ليه يا روحى بتقولى كده ؟
نوران : اصلك مش طبيعى . رغم انك بتهزر ومفرفش معانا بس عينيك بتقول غير كده
احمد : هههههههههههه مال عنيا يابت . هتلاقى بس م الارهاق يا حبيبتى شويه مانمتش كويس بقالى يومين بس وبعدين احنا جايين النهارده نستمتع بقا ولا نفضل نفكر ونعيد ونزيد
نوران : انا فرحتى كلها انى اشوفك مبسوط وكويس
احمد : ( بيمسك ايديها ) وانا كمان يا قلبي ومش عاوز حاجه غير كده
نوران : بحبك
احمد : وانا بموت فيك
...........
( وائل بيدخل على اخته أميره )
وائل : قاعده كده ليه يا ميرو
اميره : مافيش
وائل : ههههههههههه مالك يابت انتى هتخبى عليا ولا ايه . وبعدين حضرى نفسك يلا عشان على اخر الشهر هاخدك ونروح لندن .. ولا تحبى تروحى حته تانيه
اميره : لنا عاوزه اروح ولا اجى . عاوزه افضل لوحدى وبس . ممكن ؟
وائل : ممكن . بس انا عندى ليك بشاره قريب هتسمعيها
اميره : بشارة ايه صدقنى مافيش حاجه فارقه معايا دلوقتى
وائل : تيجى نتكلم بصراحه
اميره : صراحة ايه
وائل : انتى بتحبى احمد صح ؟
اميره : ايه اللى انت بتقوله ده
وائل : يا حبيبتى انتى بتخبى عليا انا ؟ يابت احنا ولاد الحاج عربي
يعنى اغنى اغنياء بلدك كلها
احنا مش قليلين يا اميره ومش احنا اللى نترفض او يتقالنا لا
احمد ده هجوزهولك وحتى لو غصب عنه حتى لو اضطريت انى انى اعمل اى حاجه
اميره : وائل ! عارف لو أذيت احمد او فكرت انك تعمل معاه حاجه .. انا اللى هقفلك
وائل : ولا هأذيه ولا هعرف اقربله لان سلامته دلوقتى تهمنى جدا وصدقينى قريب اوى هبلغك بشرى حلوه اوى هتفرحك وتفرح قلبك بس ساعتها ماتنسيش انى اخوك ويهمنى اوى انى اشوفك سعيده
اميره : انت مايهمكش انك تشوفنى سعيده انت يهمك صورة الحاج . صورة العيله اللى ماينفعش تتهز
متلخبط انت وشارد من ساعة ما احمد قالك لا مش هشتغل معاكو
يا وائل سيبنى ساكته انا قربت اكره حياتى
وائل : يا حبيبتى انا مقدر اللى انتى فيه ومش هتكلم كتير .. قومى يلا اتعشى معانا
اميره : لا سيبنى شويه انا لما اجوع هقوم اعملى اى حاجه
وائل : على راحتك ,, تصبحى على خير
اميره : وانت من اهله ... وائل !
وائل : ايه يا حبيبتى
اميره : ماتزعلش منى انا بس مش متزنه اليومين دول واعصابى مشدوده شويه
وائل : ولا يهمك ... وقريب اوى اعصابك هترتاح
اميره : ياواد انت بطل رخامه بقا عمال تقولى اعصابك هترتاح واعصابك هتتزفت ما تنطق وتقول فيه ايه
وائل : ههههههههههه لا . مفاجأه
اميره : دانت رخم . امشى ياض
.................
( وائل بيتكلم مع حد ف التليفون )
وائل : ايه يا هندسه ! كله تمام ؟
مجهول : اه يا ريس عملت زى ما قولتلى . مكان الكاميرات كان مناسب جدا فكره بمليون جنيه انك تصورها صوره بس من غير صوت
وائل : يعنى كل حاجه واضحه اوى عندك ؟
مجهول : جدا ,, هبعتلك الفلاشه مع حسين كمان شويه وشوف بنفسك
وائل : الله عليك .... روح اصرف الشيك بكره
مجهول : تمام يا هندسه احنا تحت أمرك يا وائل باشا
..........
عربي : بتكلم مين يا وائل ؟
وائل : دقايق يا حاج وهتفهم كل حاجه
عربي : يابنى فهمنى بتخطط لإيه وبتعمل ايه
وائل : هههههههههههههههه مش كنت قولتلك انى هجيبلك احمد راكع على رجله ويطلب منك يتجوز اميره واحنا اللى نتشرط ؟
عربي : ازاى ؟
وائل : بص يا حاج وركز معايا
دلوقتى انا صورت احمد وهو قاعد معانا وبديله ملف لصورة الاشعه اللى المفروض انها بتاعة أختى اميره صح
عربي : صح
وائل : وفعلا هى كانت صورة للاشعه بس انا طبعا كنت حاططتها ف ملف لونه أحمر عادى مش بتاع تحاليل كأنى خايف على ان اميره تعرف او حاجه واحمد فهم كده
عربي : اه طبعا فهم كده وانا كمان
الكاميرات جايباه وهو قاعد معايا ومعاك بياخد منى ملف أحمر
ولحسن الحظ ان اميره اختى كانت مع احمد قبل ما احنا ندخل عليه وخرجت معيطه من عنده
عربي : يابنى قولى انت عاوز توصل لإيه ؟
وائل : احمد ابتزنا إنه يبلغ عننا بحاجات هو ماسكها علينا وعلى تجارتنا من ساعة ما كان شغال معانا وجه طلب مننا رشوه وطلب كمان عقود ارض من اراضينا لضمان حقه واللى ممكن ارزه الملف ده ف بيته من غير ما حد يحس وبسهوله جدا وعندى ناس تعمل الكلام ده
عربي : نعم ؟ كل ده ؟ عملتها ازاى دي
وائل : والله يا حاج لو سمع الكلام وجه اتجوز اميره اختى وسمع كل اللى هنقوله عليه خير وبركه واهو يبقى حبيبنا وبيتهيألى هيبقى محل ثقه لينا ولتجارتنا
لو اتجنن ف عقله وقل أدبه ساعتها هوديه ورا الشمس وبردو هييجى يطلب منى السماح ويترجاك انه يتجوز اميره عشان أرحمه ومفضحوش
عربي : طب هتوصل احمد التهديدات دى ازاى
وائل : قدامه لغاية بكره . لو ماردش عليا هقوله على كل اللى قولتهولك دلوقتى ويبقى يورينى هيعمل ايه
عربي : دانت داهيه يابن الدواهى
وائل : ههههههههههههههههههه طالعلك يا حاج . ماعاش ولا كان اللى يهز اسمك ف السوق دانت الكبير يا كبير
الروايه ملك ل بيدج هو وهى وصفحة الادمن الشخصيه فقط
عربي : اختك نامت ؟
وائل : لا فوق مكتئبه . يرضيك كده ؟ حتة عيل زى ده يعمل ف البنت العربي كده
عربي : اعمل اللى انت شايفه صح . ده اسمك واسم اختك قبل ما يكون اسمى
وائل : يديك طولة الصحه يا حاج ... قوم انت نام وارتاح
................
( ف العربيه وهما راجعين )
هدير : ميرسي يا احمد ع الخروجه الحلوه دى
احمد : اتبسطتو ؟
مى : ايوه يا حمودى ندعى للى بتخليك تخرجنا كل شويه
احمد : هو اى نعم انتو بتبقوا لازقه بس يلا مش مشكله اهو جميل وبعمله فيكو
فاطمه : ههههههههههههههههه احنا على قلبكو يا بابا
نوران : هههههههههههههههههههه المره الجايه هنبقى نخرج من بره بره . سوكيتى كده من غير ما حد يحس
هدير : اخص عليك يا نونه حتى انا مش هتقوليلى
نوران : ههههههههههههههههههه مانتى على طول معانا يابت انتى والمفاعيص دول . شويه راحه بقي .. نفس نفس
مى : ( بتشد نوران من شعرها من فوق الطرحه )
نوران : ااااى . بالراحه يا بقره انتى . ابو شكلك
احمد : هههههههههههههههه انتى مالك ومال شعرها . متغاظه منها ليه
مى : لا يا بابا انت قاعد معاك ف العربيه اربع مزز كل واحده شعرها احلى م التانيه
احمد : الصراحه . مقدرش اتكلم ف دى ..حاجه تعقد الصراحه . سايح ونايح واخر اوبهه كده ههههههه .. استنوا نعدى نجيب 2 كيلو كفته من هنا ناخدهم واحنا مروحين . زمانه عملهم انا متصل عليه من بدرى
هدير : طيب هتروحنى الاول بقي
احمد : ما تخليكى يابنتى تسهرى معانا شويه وممكن اكلم اخوك .. اخوك ده حبيبى
هدير : ههههههههههههههه لا ياعم مش عاوزه يتشبشبلى انا . كتر خيره انه سمحلى اجى معاكو .. روحونى بقا ف طريقكو قبل ما تمشى
احمد : طب اخليه يلفلك نص كيلو كفته كده هههههههههههه
هدير : هى بصراحه ريحتها فايحه من هنا
نوران : خليه يا عم يلفلها نص كيلو دى طفسه اصلا ههههههههههه
هدير : بقا كده . مااااااشى وحياة امى لامورياك
نوران : هههههههههههههه يلا يا واطيه
احمد : بطلو دوشه بقا العبو سوا . ثوانى وجاى ماتعملوش دوش هجيب الاكل
نوران : مودى ماتنساش الطحينه
احمد : اه منا عارف
...................
هدير : صحيح يا بنات نسيت اسالكو عن حاجه
مى : حاجة ايه
هدير : انا سمعت عن صاحب اخوك يا مى . هو ايه نظامه ده هههههههههههههه الكل بيشكر فيه
مى : قصدك حمو ؟
فاطمه : محدش يتكلم عن حمو ههههههههههههه دا حموتى انا
نوران : هههههههههههههه اه لو اخوك سمعك
فاطمه : هههههههههههههههه ماهو سمعنى قبل كده وقعد يضحك وقالى لو بتتكلمى عن حد تانى كنت جبتك من شعرك بس ده حمو
هدير : ليه يعنى ايه الفرق
مى : بصى ! هو بعيدا عن انه اخف دم ممكن تقابليه ف حياتك وبعيدا عن انه عند جوز عيون يودو ف داهيه وبعيدا عن انه اللى معلم اخويا وصحابه كلهم الحنيه والحب والرومانسيه بس عمرك ما تقابلى حد جدع وراجل بمعنى الكلمه زيه
يابنتى شهم ف زمن مابقاش فيه شهامه
عارفه !
شعور غريب بتحسيه كبنت لما يكون الواد ده موجود ف الحته اللى انتى فيها . وهو شعور انك متطمنه ومش شايله هم اى حاجه ف الدنيا
اقولك على حاجه . اخويا نفسه قالى الكلمه دى قبل كده
قولتله يا احمد انت عمرك ما خوفت
قالى يابنتى اللى له ضهر عمره ما يخاف
قولتله وانت مين ضهرك ... قالى واد مجنون طلعت بيه م الدنيا ممكن يفدينى بعمره لو تطلب الامر كده . وهيفدينى بعمره ومش هيبقى زعلان
قولتله ساعتها مش للدرجادى ياعم . مابقاش فيه صحاب كده
قالى مسيرك تعرفيه وتقابليه وتحكمى بنفسك
الروايه ملك ل بيدج هو وهى وصفحة الادمن الشخصيه فقط
لما شوفته ف فرح الواد مالك صاحبهم كنت هاكله بسنانى
معرفش ليه غيرت عليه وماكنتش عاوزه اى بنت تبص عليه حتى اختى . حتى مراته
مراته دى بقا حكاية تانيه خاااااالص
مجموعة بنات مخلطين على بعض
جمال ايه ورقة ايه ودلال ايه وانوثه ايه ورجولة ايه ههههههههههههههه تشوفيها وهى واقفه ف الفرح وحامل وعلى وش ولاده ومش قادره تقف وكل شويه تروح تكلم بنت ف الفرح وتقولها بطلى تبصى لاخزقلك عينك هههههههههههه تصدقى انى كنت فاكره ان هى اخته من كتر ماهما شبه بعض اوى
احمد وسلمى دول حكايه من ضمن حكايات ألف ليله وليله
هدير : طب ماخدتونيش ليه الفرح ده ههههههههههه اهو نتفرج شويه
فاطمه : ههههههههههههه دنا من ساعتها وانا بايته ف صفحته وكل اصحابي دخلوا معايا وكل يومين ندخل نتاخانق مع سلمى ونفضل نضحك ههههههههههههههههههه دى سلمى مستحلفالى استحلاف يا جدعان تقولى وحياة امك يا بطه لما اشوفك لنا جايباك من شعرك ع اللى انتى عاملاه فيا ده ههههههههههههههههه
نوران : اقولكو سر
من فتره قريت روايه اسمها بنت الاكابر
كنت متابعاها يوم بيوم
ساعه بساعه كنت بستناها تنزل بالدقيقه
بس كان الواد بتاع الصفحه يتخنق مننا اننا مابنعلقش وكده وكان بيذل فينا ههههههههههههه بس ولا كان بيهمنى كنا نسيبه يبرطم وبردو ينزلها لانها كانت روايه حلوه بجد ...ماكنتش روايه اد ماهى كانت حلم كل واحد او واحده يتمنو يعيشوه
فاطمه : ههههههههههههههههه طب منا كنت متابعاها بردو وكنت بحكيها ل مى كل يوم قبل ما ننام
ومره سالت لاخويا عنها فضل يتوه ويقولى بطلو روايات اللى لحست عقولكو دى لغاية ما اكتشفت انها حقيقه هههههههههههههههههه وان البطلين موجودين فعلا واللى كانو قدامنا وطلعو اصحابنا كمان هههههههههههههه
نوران : انا من ساعتها بقا وانا حاسه بحلاوه الدنيا كده ان فعلا الشخصيتين دول لازم يكونو ف حياتنا .
هدير : طب ابقى ابعتيلى الاكونت بتاعه يا بطه عشان ادخل اهزر معاكو اشطا
فاطمه : اشطا وطو صوتكو بقا عشان احمد جاى
احمد : اتأخرت عليكو ؟
نوران : كنت فين ياعم داحنا قولنا انت مشيت وسيبتنا ههههههههههه
فاطمه : ههههههههههههههههههههههه
مى : ههههههههههههههههه
احمد : الضحكه دى انا عارفها . كنتو بتنمو على مين .. عليا ؟
هدير : لا والله مش عليك
احمد : ههههههههههههههههههههههههه اهو يعنى كنتو بتنمو على حد . مين بقا
نوران : ولا حاجه ياعم دى عيال فاضيه
احمد : طيب يلا ...
.............
( قدام البيت )
احمد : يلا يا بنات انزلوا . واتعشوا بقا على ماجى . هروح ارجع العربيه واقعد مع عماد شويه بس وجاى
نوران : يا حبيبى ماتتأخرش بقا
احمد : لا يا حبيبى مش هتأخر . نصايه بس
فاطمه : تصبح على خير يا قلبي
احمد : وانتى من اهله يا بطه
...................
( ع القهوه )
عماد : ايه يا نجم حكاية الورق اللى مع كريم ده ؟
احمد : ورق ايه . ده ورق عادى ياعم تبع الشغل نسيت اخده معايا قولت ل كريم يسيبه معاه عشان ماكنتش ضامن هرجع بدرى ولا لا
عماد : ( بيبصله ومستغرب ) هههههههههههههههههههه ازاى يعنى مانت كنت ممكن تاخده معاك ف العربيه
احمد : ههههههههههههههههه ياعم مش مهم بقا الورق اصلا مالوش لازمه عادى . انت شوفته ( بقلق )
عماد : لا واشوفه ليه ؟ دنا كنت برص الحجر جوه بدل الواد ده ولقيته حاطط الورق جنب المعسل بقوله شيل الورق ده من هنا يابنى لاحسن يتبل ولا يبوظ قالى ده بتاع الاستاذ احمد ف عشان كده استغربت
احمد : لا لا يا حب ده ورق عادى جابهولى الواد هشام من شويه وقولت بدل ما اخيل بيه نفسي وافضل ماسكه وانا ماشى ف الشارع قولت اسيبه معاه والصبح اخده وانا رايح الشغل
عماد : ماشى يا حب . هتشيش ولا هتروح
احمد : لا قاعد شويه
.....
( بعد خمس دقايق )
عماد : انت مالك يالا
احمد : مالى ياعم
عماد : لا بجد مالك مش مركز ليه من الصبح وتايه كده ... من ساعة موضوع العصر ده اللى قولتلى ماشى ورايا مشوار وانت متلخبط . وبرن عليك وانت ف المنصوره بردو كنت تايه . فيه ايه ؟
احمد : هههههههههههههه يابن الهبله اطلع من نافوخى بقا انت هتوترنى على مافيش ليه .. مش ناقصه عبط
عماد : هههههههههههههه بس وحياة امى انت فيك حاجه . وده اللى قالهولى حمو
احمد : ( بيكح وبيسيب الشيشه ) مين ياخويا ؟
عماد : احمد ! اتصل عليا من شويه وقالى صاحبك ماله ؟
احمد : وقولتله ايه ؟
عماد : معرفش قعدت انا وهو نهزر شويه وقولتله مافيش حاجه كان كويس معايا لغاية ما مشى . بس وحياة امك لو فيه حاجه قول
احمد : لا اله الا الله .. يابنى والله مافيه حاجه ... بقولك ايه انا مروح بقا
عماد : ماشى ياعم . براااحتك .. وع الهادى يا زبادى ههههههههههههههههه
.............