روايه انا و هي

(الحلقه السادسه ) ..( تفاصيل تجنن )

(الحلقه السادسه ) ..( تفاصيل تجنن ) <3
............
(في الحلقه السابقه )
احمد : بقولك ايه ؟ احنا لسا ع البر . انا هفض الجوازه دى هههههههههههه عايش مع كلب ارمنت انا ولا ايه
نوران : دى اقل حاجه ... والله العظيم المره الجايه هخزقلك عينك
احمد : داهيه تسد نفسك .. يلا ياختى يلا نرجع زمانهم صحيح طلعوا
نوران : لازم تعصبونا يعنى . ماحنا كنا حلوين وهاديين
احمد : هههههههههههههههههه معلش ياعم ابراهيم معلش انا غلطان يا حاج .
................ ( السادسه ) <3
( نهاية السهره ف بيت نوران )
على : اهلا . حمد الله ع السلامه
احمد : اهلا بيك يا عمى ... الامانه اهى وصلت ههههههههه
على : ههههههههههه ماشى يابنى . اتعشيتو ولا لسا
احمد : اه الحمد لله . كنت عاوز حضرتك ف كلمتين كده
على : طيب تعالى ادخل . ماتيجى يا مى انتى وبطه
مى : شكرا يا عمو . هدخل ل ماما بقي
على : ماشى يا حبايبى .
احمد : اتفضل يا عمى اتفضل
......
( بالليل ف السهره )
نوران : بسبس . انت ياعم اتأخرت ليه
احمد : مافيش كنت بتعشى هههههههههه
نوران : انت مش متعشى معانا يابنى ؟
احمد : وده اسمه عشا ده . ده كلام فارغ
نوران : كلام فارغ ايه بس انت اللى شكلك بتاكل كتير اهو . بس مابيبانش عليك ليه ؟
احمد : الله اكبر . قرى بقي
نوران : المهم . انت اتكلمت قولت ايه مع بابا
احمد : مالك انتى ؟
نوران : بقا كده ؟ طب قول بقي
احمد : لاءا
نوران : قول يا رخم بقي . مش هعرف انام والله
احمد : قولتله يناسبك امتى الفرح . الراجل قالى انت لو جاهز انا كمان جاهز . بكره هينزل يكمل باقى جهازك . وكده كده مامتك عامله حسابها على موضوع الحاجات بتاعتك والهدوم وكده ههههههههههه والعفش بتاعى جاهز الحمد لله . قولتله على اخر الشهر يعنى ؟ قالى تمام .. وقالى كمان نحجز على يوم 2 ف الشهر الجاى
نوران : بجد يا حمو
احمد : بجد يا روح وقلب حمو ....
نوران : السهره كانت حلوه النهارده اوى ....
احمد : انا اللى ببقى ف دنيا تانيه والله ...
نوران : طب ايه ادخل نام بقي وراك شغل الصبح
احمد : انتى بتطفشينى يا بت
نوران : هههههههههه مقدرش مانت عارف انى عاوزه اقف الوقفه دى للصبح ولا يهمنى بس عشان ماتتعبش يا قلبى
احمد : حاضر يا روحى . وانتى كمان يلا قومى نامى
نوران : هنام .. عشان احلم بيك
احمد : وبتحلمى بإيه بقي ها ايه ؟ ايه ايه ؟ هاااا
نوران : بس يا واد انت مالكش دعوه ده حلمى انا وبراحتى
احمد : ههههههههههه طب منا كمان بحلم
نوران : طب وبتحلم بإيه بقي
احمد : بصى يا روح قلبى .. اوعاك تسألى راجل حلمت بإيه لما يقولك انا حلمت بيك ههههههههههههههه دى مقوله انا مؤمن بيك جدا
نوران : اه يا جزمه .. حلمت بإيه ياض
احمد : وحياة امى لا يمكن . اما نتجوز هبقى احكيلك ههههههههههههه لكن دلوقتى لا
نوران : اه يا قليل الادب . انت بتبوسنى ولا ايه ياض ف الحلم
احمد : ببوسك ؟ اه بتبقى بوسه خفيفه ع الخد كده . بريئه ...
نوران : بريئه ؟
احمد : طبعا . انتى تعرفى عنى حاجه غير كده
نوران : مش عارفه ليه مش مصدقاك . مش قادره ابلعها
احمد : هههههههههههه لا منتى يا تصدقيها يانفض الجوازه دى ههههههههههههه
نوران : اتلم عليك بس ونتجوز وندخل شقتنا وهوريك يا احمد
احمد : لا من ناحية تورينى ف انا فعلا اللى هوريك .. ودينى وما أعبد لاوريك هههههههههههههههههه
نوران : ههههههههههههه طب يلا يا حبيبى ادخل نام بقي
احمد : ماشى . هروح اظبطلى حجر شيشه كده وانام بعدها
نوران : لا مافيش شيش الساعه 2 ونص يلا روح نام
احمد : ايوه حجر صغنن كده
نوران : صغنن ايه والله مانت مشيش ..
احمد : انتى بتحلفى عليا
نوران : اه . وعلى الله اشوفك بتشيش يا احمد . وحياة ربنا ما هكلمك تانى
احمد : طب ماتحلفيش تانى يا جزمه بعد كده
نوران : بس بقي هه
احمد : هو ايه اصله ده ؟ انتى اللى زعلانه دلوقتى ؟
نوران : لكش دعوه
احمد : ايه لكش دعوه دى .. طيب خلاص مش هشيش
نوران : وانا مالى بقي هه
احمد : ما خلاص بقي يابت يخربيت دلع أمك
نوران : مش هضحك على فكره بس هه
احمد : بس هه ؟ انتى بتقوليلى انا بس هه ؟ نونه ادخلى نامى عشان مانزلش اجيب مأذون يكتبلنا الكتاب ف البلكونه دلوقتى ههههههههههه
نوران : ههههههههه بردو مش هضحك ...
احمد : خلاص بقي فكى والله ما هشيش
نوران : مش مصدقاك
احمد : وحياة نونه ما هشيش خلاص وهقوم انام
نوران : طيب خلاص هصدقك
احمد : اه يا جزمه ...
اقولك على سر
نوران : قول
احمد : كان اى حد يسألنى عنك . عن البنت اللى مشقلبه كيانى دى
كنت الاول اقولهم بنت مين ؟ انا حياتى بلا بنات
وبما انى كنت مفضوح وعنيا فاضحانى كان الواد عماد بس هو اللى عارف انى بحب وهيمان على روحى
مره سالنى . انت بتحب البت اللى بتحبها ليه دونا عن بقية البنات ؟
رديت وقولتله
وماحبهاش ليه
بحس اننا فوله واتقسمت نصين
شبه بعض ف حاجات كتير
ثنائي تافه كده
فاكره ساعة ما حكمتى رأيك انى لازم أغنى ؟
نوران : هههههههههه اه
احمد : بتضحكى ؟ دنا كنت ف نص هدومى
ال ايه . عاوزه اسمع صوت حضرتك وانت بتغنى يا استاذ احمد هههههههههههههه
هو احنا كنا شاربين ايه ؟ ولا كنا معاتيه ولا شوية هبل احنا
تخيلى 6 سنين بنقف الوقفه السوده دى واتكلمنا وحبينا بعض بس من غير كلمة بحبك
يعنى حتى الجمله دى غنيلى يا استاذ احمد تحسيها جمله متخلفه عقليا كده ههههههههههه
ومع ذلك قولتلك حاضر هغنى يا ست نوران
من كسوفى بدل ما اغنى اغنيه حب ورومانسيه . روحت غنيت خلى السلاح صاحى ههههههههههههههههه
نوران : ههههههههههههههههههههههههههه اسكت بقي ماتفكرنيش ... دنا فضلت اسبوع كل ما افتكر منظرك اضحك واسخسخ م الضحك . يخربيت كده
احمد : والله حرام عليكى اللى كنتى عاملاه فيا ده ... مشحططانى معاك .. سلاح ايه اللى صاحى اللى روحت اغنيه ده ههههههههههههه
نوران : وانا مالى ياخويا مش انت اللى غنيت ...
احمد : مانتى كنتى موترانى اعوذ بالله . ايه غنى يا استاذ احمد دى . يامتخلفه عقليا انتى
نوران : هههههههههههههههه بس ياض وبعدين يلا بقي غنيلى
احمد : اغنى مين . مش انا توبت ؟ وربنا توبت من اخر مره دى
نوران : ههههههههههههه ماليش دعوه . غنى
احمد : بقولك ايه . مش عاوزين قلة أدب بقي . يلا ادخلى اوضتك
نوران : كده ( بتضم شفايفها على بعض وبتعمل انها زعلانه )
احمد : نونه . مش وقت دلع ومياصه والنبى . يلا يا قلبي ادخلى نامى
نوران : مش بكلمك ... وحاضر يا استاذ احمد هدخل انام وماتغنيش
احمد : طيب ... تصبحى على خير
نوران : وانت من اهله حضرتك
.....
( بعد خمس دقايق )
( احمد بيحدف طوب على بلكونة نوران )
امل : ههههههههههههههههه يابنت الجنيه .. عرفتى منين انه هيحدف طوب تانى بعد ما قالك نامى
نوران : هههههههههههههه احمد بيحبنى وفيه حنية الدنيا كلها واستحاله كان هيسيبنى نايمه زعلانه
امل : وانتى كنتى عامله زعلانه ليه ؟
نوران : عشان ماكنش راضى يغنيلى
امل : هييييييييييح ربنا يوعدنا ... طب اخرجيله بقي لانه عمال يهبد ف الباب
نوران : طب اسكتى اسكتى اما اعمل انى متأثره وزعلانه
امل : ههههههههههههههه يالهوى عليك بت
.......
نوران : نعم ؟
احمد : ايه التكشيره دى ياهانم
نوران : مافيش حاجه حضرتك
احمد : حضرتك مين يابنت الجزمه انتى اتلمى بقي
نوران : انت بتنادينى عشان تتخانق معايا تانى ؟
احمد : لا
نوران : امال عاوز ايه ؟
احمد : تحبى تسمعى اغنيه ايه ؟
نوران : مش عاوزه اسمع حاجه
احمد : اوووووف عليك . خلاص بقي
نوران : خلاص بقي ايه . مش عاوزه اسمع حاجه انا
احمد : فيه اغنيه شاميه بحب اسمعها
نوران : طيب
احمد : ( بيغنى )
بعدك زعلانه مني .. ؟
قوليلي ردي عليا
بعدك زعلانه ؟
هالنظرة بتجنني
انا وحياتك ما فيي ... أشوفك زعلانــــه !
ريتو يسلملي الزعلان
العامل حالو مش سألان
بيقتلني برمشو النعسان
وعيونه الدبلانه
.....
لومي عليا وزيدي جنونك
ما بزعل والله
انا عندي نظرات عيونك
بالدنيا كلــــــــه
كل الدنيي تزعل مني
وتبقي رضيانـــي
.........
مثل الورد باول عمرا انا بدي تكونــــي
اغمرها وطول بالغمـــرة وتسكن بعيوني
انا ضايع وعيونك انتي بيتي وعنوانـــــي
بعدك زعلاني مني قوليلي ردي عليي
بعدك زعلانـــي
نوران : يابن اللذينه ... صوتك دافى اوى . انا جسمى قشعر حرام عليك . ايه الاغنيه دى اول مره اسمعها . اسمها ايه ؟
احمد : هههههههههههه ده واد شامى معرفش سورى ولا منين .بس اغنيه تحفه
نوران : بس حلوه ... تبقى تغنيهالى واحنا ف شقتنا
احمد : ما بلاش سيرة شقتنا دى انا جتتى مش خالصه
نوران : ههههههههههه اتلم بقي
احمد : ههههههههههه طب يلا يا مزه روحى نامى بقي . انتى كنتى نمتى يابت ولا ايه ؟
نوران : ايه ؟ اه كنت خلاص بنعس
احمد : شوف ازاى ؟ هههههههههه طب روحى روحى نامى وابقى خلى اختك امل الهبله توطى صوتها شويه . ابو اشكالكو
نوران : ههههههههههههه طيب يلا تصبح على خير يا حبيبى
احمد : وانتى من اهلى يا روح حبيبك
................
( تانى يوم ف شغل احمد )
احمد : حضروا نفسكوا يا حضرات ويا هوانم عشان على اخر الشهر هتيجو فرحى
ولاء : بتهززززززززززر يابن اللذينه .. مبروك وربنا يتمم على خير . طب ماعزمتناش على الخطوبه ليه يابنى
احمد : خطوبة ايه الخطوبة لسا الجمعه الجايه بس ع الضيق كده ف البيت عندهم .
سمر : اه انتو قرايب بقي ولا ايه
احمد : لا جيران
عمرو : الف مبروك يا فنان . وربنا يتمم على خير
احمد : طبعا انتو جايين . انا هروح احجز القاعه النهارده بالليل وهبقى ابلغكوا بكره على الميعاد النهائي
ولاء : طبعا لازم نيجى ربنا يتمملك على خير يا حمو يارب . انت ابن حلال وتستاهل كل خير
احمد : تسلمى يا لولو والله
( نوران بتدخل الشغل وهو بيقول تسلمى يا لولو )
احمد : ايه ده ؟ انتى جيتى هنا ازاى ؟ جيتى لوحدك ؟
نوران : ( بتسيبه وتمشى )
....................