روايه انا و هي

(الحلقه الثانيه ) ..( انا بيحصل فيا كده ليه ؟ )

(الحلقه الثانيه ) ..( انا بيحصل فيا كده ليه ؟ ) <3
............
(في الحلقه السابقه )
احمد : عيش جنانها وشقاوتها
واستمد من روحها روح تانيه تعيشك ف سعاده بقية عمرك
الحب يا صاحبى عباره عن امتلاكك لروح بتفصلها على مقاسك بالملى
والجدع بس هو اللى بيحافظ ع القماشه اللى معاه م الكمكمه والرطوبه
فهمتنى يا عمده ؟
عماد : وحياة أمى انت خايف صح ولا هتنكر ؟
احمد : صح بس هنكر
عماد : ههههههههههههههههههههههههههه
............... ( الثانيه ) <3
احمد : انا قايم بقا ياعم ...
عماد : ربنا معاك يا حب ... صحيح اخبار الشغل ايه عندك
احمد : حاجه نيله ... الشركه احتمال تصفى كمان شهر ولا شهرين . امال انا عاوز اعمل مشروع ليه
عماد : طب ما تقدم ورقك ف حته تانيه
احمد : مقدم انا ف كم شركه بس زى ما تقول كده مقفله شويه . ربك يحلها من عنده ....
عماد : خليك بس ف المصيبه اللى انت رايحلها دى هههههههههههههه
احمد : قل لن يصيبنا الا ما كتب الله لنا " هههههههههههه سلام سلام
...................
( شقة ام احمد )
فاطمه : ايه يا نونه نازله بدرى يعنى
نوران : ههههههههههه اصل واحده صاحبتى جايه دلوقتى تباركلى . بقالى سنتين ماشوفتهاش
فاطمه : طب هى جايه دلوقتى
نوران : اه هى كانت هتيجى بعد العصر بس قولتلها تيجى دلوقتى عشان احمد هيروح المنصوره بعد العصر وعاوزاه يشوفها الصراحه واهم من كده عاوزه اروح معاه المنصوره سوا
فاطمه : ايوه ياعم .. احمد جاى امتى
نوران : انا لسا مكلماه اهو ...ع المحطه وزمانه جاى ... مى لسا ف الجامعه ؟
فاطمه : اه زمانها جايه بردو
نوران " طب تعالى نساعد طنط ف الغدا على ما ييجو
فاطمه : لا ماما عامله فراخ مشويه وحاطاها ف الفرن واساسا مابتحبش حد يدخل معاها المطبخ . بتقول علينا بنات اخر زمن وخايبين هههههههههههه
نوران : ههههههههههههههههههه معاها حق بصراحه ..
فاطمه : الجرس بيرن استنى اشوف مين
نوران : لا بصى بس من الشباك شوفى مين . لو واحده عسل كده قوليلى وانا هقوم افتح انا . دى شكلها هدير صاحبتى
فاطمه : طب استنى
...
فاطمه : اه هى تصدقى تعالى شوفى
نوران : استنى ! اه هى . دوووووودو ثوانى يا روحى ونازلالك
......
( ع البوابه )
نوران : دوووووووووو وحشتينى يا جزمه انتى ....
هدير : زى ما قولتى البيت مايتتوهش . بس بردو ماصدقتش وروحت لبيتكو هناك . واختك اللى شاورتلى على هنا
نوران : ههههههههههههههه ايه رأيك بقا ..
هدير : هو انتى متجوزه الواد ابن الجيران اللى كنا بنعاكسه انا وانتى
نوران : هههههههههههههههه اه ماهى دى المفاجاه اللى كنت عاملاهالك
هدير : مفاجأه ؟ اه فعلا مفاجاه حلوه ... مبروك يا حبيبتى الف مبروووووك ( مصدومه )
نوران : بس والله ندله ازاى ماتجيش الفرح يعنى
هدير : ايه ؟
نوران : يا حبيبتى بقولك ليه ماجيتيش الفرح
هدير : معلش . كان بابا مشغول شويه ف اسكندريه واخويا كان وراه شغل ف اسماعيليه ومعرفتش انزل البلد .. معلش سامحينى
نوران : لا يا قلبي ولا يهمك ..... تعالى نطلع شقتى فوق على ما الغدا يخلص واحمد يكون جه ونتغدا كلنا
هدير : لا هنا كويس .. ازيك يا قمر
فاطمه : قمر ايه بقي انتى اللى قمر وستين قمر .. انا حاسه انى شوفتك قبل كده
هدير : فين ؟
فاطمه : مش عارفه بس حاسه انى شوفتك والله
هدير : هههههههههههههه ممكن تكونى شوفتينى عند نوران ولا حاجه ماحنا اصحاب من زمان .. وانتو جيران اهو
فاطمه : هههههه اه ممكن بقا
نوران : احنا طالعين يا بطه بقا لما احمد ييجى افتحيله وعرفيه ان هدير معايا ماشى
فاطمه : ماشى ياحب
..............
( فاطمه بتفتكر مع نفسها حوار دار بينها وبين احمد من فتره وكان الحوار كده )
فاطمه : ايه بتعمل ايه
احمد : اهو قاعد عمال اقلب ف اللاب شويه
فاطمه : طب هات اقعد ع الفيس بتاعك شويه
احمد : هتعملى ايه ع الفيس
فاطمه : اهو هدخل اشوف فيديوهات وروايه بحب اتابعها اوى ومن ساعة ما الفيس بتاعى اتقفل مش عارفه اوصللها
احمد : طيب ! خدى اهو وانا هدخل اخد دش بسرعه
فاطمه : ماشى
احمد : بس بقولك ايه !
فاطمه : هههههههههههههههه ماتقلقش يا قلبي الشات بتاعك محرم عليا
احمد : ايووووه هو ده .. يعنى لو اى حاجه جات هنا ولا هنا ماتبصيش فيه . اشطات . عشان احبك
فاطمه : هههههههههههه عيب دانا اختك
احمد : مين دانا اختك دى
فاطمه : هههههههههه امشى بقي
( بتيجى صورة على شات وفاطمه بتشوفها )
فاطمه ( بتكلم نفسها ) : يابن المحظوظه ياحمد البت عسل اوى ههههههههههههههه بتلعب بديلك ولا ايه .. لو البت نوران جارتنا عرفت هتطين عيشتك ... لا هشوف صورة البت تانى ... ماشاء الله عيون زرقا وبياض وحاجه اخر نقاوه .. البت شكلها بتشتغل اخويا وبتبعتله صورة من ع النت وبتقوله دى صورتها هههههههههههههههه هدخل الاكونت بتاعها اشوفها كده ............ هو مافيش اى صور ع الاكونت بتاعها بس باين كده والله اعلم من التعليقات ان البت عسل ااوى .. ياخرابي !!! دى نوران معلقالها على صورة .... يا وقعتك السوده يا احمد هههههههههههههههههههههه
.........................
( فاطمه بتصحصح على صوت جرس الباب وبتروح تفتح )
احمد : ايه يابت محدش جوه ولا ايه
فاطمه : ايه
احمد : جاتك أوى مالك يابت ؟
فاطمه : اصل نوران فوق مع واحده صاحبتها
احمد : صاحبة مين دى المفروض هتيجى العصر
فاطمه : عشان انت ابن حلال بس هههههههههههههههه
احمد : يعنى ايه
فاطمه : ههههههههههههههه يعنى كل خير
احمد : مش مرتاحلك يا اعتماد ... هو حصل حاجه ولا ايه
فاطمه : ههههههههههههه لا بس على وشك يعنى
احمد : طب قوليلى انا اخوك ... حصل حاجه ولا ايه
فاطمه : هههههههههه والله ما حصل بس على وشك ... اصلك ماشوفتش وش البت صاحبتها دى كان عامل ازاى لما عرفت ان نوران متجوزه ابن الجيران : يعنى شكلهم كده كانو عارفينك هما الاتنين
احمد : ( بيبلع ريقه ) بتتكلمى جد ؟
فاطمه : ههههههههههههه اه ... تعالى عاوزه اوشوشك ف حاجه كده .
احمد : حاجه ايه ماتقولى يابت سيبتى ركب أمى
فاطمه : فاكر انت من فتره كده من كم شهر كده كنت انا قاعده على اللاب بتاعك على الفيس . جات صورة بنوته حلوه كده من شات ....
احمد : اه يومها انا اتخانقت معاك وقولتلها بتشوفيها ليه صح
فاطمه : ههههههههههههههههههههه صح
احمد : ايوه وعاوزه ايه يعنى
فاطمه : اصل انا فضلت افتكر واعصر نافوخى لغاية ما عرفت ان البت اللى كانت بعتتلك صورتها دى هى هى نفس البنت اللى قاعده مع مراتك دلوقتى
احمد : هههههههههههههههههههههه دى وقعة اخوك سوده
فاطمه : طب هى كانت بعتتلك صورتها ليه
احمد : وانا مالى ... وبعدين مانتى يومها شوفتى الشات بتاعها ... شوفتينى انا رادد بكلمه واحده ؟
فاطمه : الصراحه لا .. انا شوفت منها كلام كتير كده وانت فين وعاوزه اعرفك وعاوزه اتعرف عليك ووحشتنى . ورد ولايكات كتير وف الاخر اخر ما زهقت يا عينى قامت باعتالك صورتها يمكن تحس على دمك
احمد : هههههههههههههههههههههههه ماهو انا كنت قدام نارين
لو كنت رديت كانت هتبقى بهدله ونوران اكيد كانت هتعرف وساعتها الجوازه اعتبريها باظت
ثانيا بقا لو كنت رديت وقولت ماينفعش وماتكلمنيش تانى كانت البت هتزعل وكانت بردو نوران هتعرف بل بالعكس بقا دى ممكن تقولها انى بلعب بقلبها ولا حاجه .... ماتعرفيش انتى كهن البنات قدى هههههههههههههههههههه
فاطمه : عشان كده قررت تسكت
احمد : بالظبط .. والحمد لله سكوتى جه بفايده اهو وهتطبل فوق نافوخى
فاطمه : هههههههههههههههههههههههههههههههه طب ايه هتطلع ولا ايه
احمد : اطلع فين يا حاجه صلى ع النبى ف قلبك . لا انا بايت هنا . هدخل انام ولو نوران قالتلك اخوك فين قوليلها جه نام
فاطمه : ياعم مراتك مجنونه هتنزل تصحيك ولا تخبطنى بحاجه
احمد : ماتوريهاش شكلك .. اختك لسا ف المنصوره ؟
فاطمه : اه
احمد : طب الحمد لله .. اهى واطية زيها هههههههههههههههه
فاطمه : بص ! انا عاوزاك تقرأ كل القرأن اللى انت حافظه عشان ربنا يطلعك م الزنقه اللى انت فيها دى على خير
احمد : هو انا بقرأ غيره من امبارح
فاطمه : هههههههههههههههههههههههه اخراااابي .. طب بقولك ايه انا هطلع اشوف الجو فوق عامل ايه ملبش ولا فيه قلق ولا كله تمام
احمد : ماشى . ولو سالتك عنى قوليلها احمد تحت قاعد مع ماما ... بس ماتكتريش ف الكلام
فاطمه : اشطا !
.........................
( شقه احمد فوق )
نوران : انتى مالك يابنتى متنحه ليه كده ومش مركزه من ساعة ما جيتى
هدير : مافيش يا حبيبتى اصل كان فيه موضوع ف دماغى كده شاغلنى بقاله فتره
نوران : موضوع ايه خير احكيلى
هدير : لا خير ان شاء الله . بس فيه واحد كان متقدملى الاسبوع اللى فات وكنت بقلبها ف دماغى يعنى ..
نوران : بجد ؟ طب ايه هو حلو كده وبيشتغل ايه وتعرفوه منين
هدير : لا هو كويس والله عشان كده بفكر . انتى عارفه بقا انى برفض كتير من قبل حتى ما اشوفهم
نوران : اه فعلا . كنت بكلم البت سماح من فتره كده وسيرتك جات ف السكه ههههههههههههههه بقولها البت دودو مش ناويه تتجوز بقا وتريحنا قالتلى دى كانت حاطه عينيها على واحد .. سألتها واحد مين ده قالتلى والله ما اعرف بس هى بتحب واحد وبتكلمه وهو تقريبا مسافر او مش قريب منها حاجه زى كده
هدير : فعلا ! بحبه جداااا ونفسي اشوفه لو 5 دقايق بس .. هو جوزك فين مش جاى ولا ايه عاوزه اسلم عليه هو كمان عشان اسيبكو وامشي
نوران : تمشى فين انتى طول اليوم معايا يا جزمه انتى . احمد زمانه جاى هيتغدى معانا وبعدين هيمشى مع صاحبه على المنصوره وراهم مشوار كده . وانتى خليكى بقا معايا . وكده كده بلدكو 5 دقايق مواصلات بطلى رخامه
هدير : يا حبيبتى عشان تبقى على راحتك بس
نوران : ايه على راحتى دى مانا قولتلك انه وراه مشوار والله وحشتينى يابت وعاوزه اشبع منك
هدير : خلاص ماشى
( فاطمه بتتصنت من على باب الشقه وسمعت كل حاجه ونازله تانى )
.....
( الشقه تحت )
احمد : ايه الدنيا اخبار الدنيا ايه فوق
فاطمه : الدنيا فوق بتشتى واحتمال يبقى ليها توابع ورعد وبرق كمان شويه
احمد : الهى يسد نفسك
فاطمه : هههههههههههههههه والمصحف دانت شكلك هتاكل ضرب النهارده لما يبانلك اصحاب
احمد : ليه يا فوزيه ايه اللى حصل
فاطمه : البت عماله تشعر فيك على انك حبيبها اللى فات وبتقول كنت بحب واحد ونفسي اشوفه وبتتكلم بزعل كده . شكلها هتمسك ف خناق مراتك ... ومراتك ماشاء الله ماتتصواش عماله تقول احمد وحمو واخر نيله زى ماتكون بتفرس البت
احمد : اذن . فلتكن هى الحرب . نأخذ من كل رجل قبيله هههههههههههههههههههههه
فاطمه : ايه ياعم اللمبى ههههههههههههههههههههههه انت ودنك احمرت كده ليه
احمد : هى ودنى بس اللى احمرت . دنا كلى احمريت . يلا كله عند ربنا . بقولك ايه انا كاتب وصيتى هتلاقيها ف المنور جنب الشيشه
فاطمه : ههههههههههههههههههه من عنيا
احمد : انا قايم انام .. بقولك ايه . لو الدنيا شوفتيها بتتهد كده محدش يصحينى ... تصحينى انتى ف حالة واحده بس ان البت هدير دى تمشى . ماشى ؟
فاطمه : من يمتى انا ماشى من عنيا . لكن من يمة مراتك دى بقا محدش يضمنها
احمد : لا هى ساعتين بس وهقوم اخرج اروح المنصوره مش هظهر النهارده خالص .
فاطمه : وحياة امك هتتقفش . مراتك يابنى دى مش سهله والمصحف وهتنزل تجيبك وممكن تشيلك او تنزل بالبت هنا تتغدى معانا اسكت اسكت دانت روحت اتجوزت واحده بركه هههههههههههههه
احمد : لا هى بركه فعلا . اهى بترن اهى . اعوذ بالله من الشيطان الرجيم
....................