روايه انا و هي

(الحلقه السادسه عشر ) ..( اخر جدار ليا )

اللى متابع الروايه يسيب لايك وكومنت يا شباب
(الحلقه السادسه عشر ) ..( اخر جدار ليا ) <3
............
(في الحلقه السابقه )
نوران : ياااااااااااااااااه انا ليه ماسمعتوش وليه ماخدتش بالي انه كان بيفوقها
ايه اللي حصل ايه اللي حصل
مين اللي عمل كده
يارب ارحمني
يارب ارحمني
........
( وكيل النيابه )
كمال : ايه يا ابو حميد احكيلي كل اللي حصل ومن غير كدب عشان ده ممكن يقوي موقفك ف القضيه
احمد : يا فندم حضرتك تقدر تسأل بنت صاحب المعرض اللي شغال فيه هي تقدر تقولك كل حاجه . انا سييتها وروحت اقفل المعرض ورجعت لقيتها نايمه ع الارض والمخزن مسروق
................ ( السادسه عشر ) <3
كمال : يعنى مش انت اللى خبطتها على دماغها عشان تسرق المخزن ولما البت حليت ف عنيك قلعتها هدومها بمنتهى الوضاعه والخسه عشان ترضى نزوتك .. ف عز لهوجتك دى واللى بتعمله ازاى فكرت ف انك تتهجم على البت .. ايه ده ؟
احمد : ههههههههه
كمال : انت بتسخر من النيابه ولا ايه
احمد : يا فندم حضرتك ابن ناس وفاهم وعدى عليك قضايا اشكال والوان . وزى ما حضرتك ابن ناس احنا بردو ولاد ناس وولاد ناس جدعان اوى ..
يا فندم انا امين المخزن ده بقالى فتره .
ليه حضرتك هختار الوقت والتوقيت اللى تكون فيه بنت صاحب المخزن موجوده وهعمل كده وليه من اساسه هخبطها واجيب لنفسي تهمه
وليه لما تقع هفضل جنبها عشان افوقها
كمال : الكلام ده اللى هياكده او ينفيه هى المجنى عليها نفسها .. هى اللى تقول مين اللى خبطها .. وممكن كلامها يغير مسارك ف القضيه كلها وتطلع منها
بس حتى لو طلعت من القضيه دى فيه قضيه أهم واكبر ودى الاهم بالنسبالى وبالنسبه للبلد
احمد : قضيه ايه ؟ الاثار يعنى ؟
كمال : الله الله مانت عارف وحلو اهو . ايوه كده يا ابو حميد عاوزك تعترف كده من غير ما نناهد معاك
احمد : يا فندم اعترف بإيه ؟ انا لسا عارف موضوع الاثار ده من ساعه . واتصلت على صاحب المعرض والمخزن ييجى يستلم حاجته لانى ماعدتش شغال
كمال : طلعلى تليفونك
احمد : تليفونى نسيته النهارده ف البيت ...
كمال : امال كلمته منين ؟
احمد : من تليفون المعرض
كمال : هو معرض ولا مخزن
احمد : معرض ومخزن .. انا بردو اللى ماسك المعرض اللى جنب المخزن .. واللى سيبت البنت موجوده فيه وقولتلها تخلى بالها لغاية ما اروح اقفل المعرض عشان اروح . حتى هى عرضت عليا انها توصلنى
كمال : انت معاد خروجك امتى . المعاد اللى بتخلص فيه الشغل يعنى
احمد : على 8 ..
كمال : بس ميعاد وقوع الجريمه كان 5 ونص تقريبا . يعنى كان لسا بدرى على ميعاد خروجك
احمد : اه يا فندم منا قولت لحضرتك انى مكلم الحاج عربي من بدرى لما عرفت ان المخزن فيه شبهة مخالفه
كمال : د اتهام منك واضح وصريح انك بتتهم الحاج عربي صاحب المعرض والمخزن بتجارته وحياذته لاثار مهربه
احمد : حضرتك انا لا اتهمت حد ولا عمرى هظلم حد . انا ماشوفتش حاجه ولا اعرف حاجه ومش هتهم حد باطل .. انا فيه حد بلغنى بطريقه مش مباشره ومشى وانا قلقت
كمال : امال ايه حكاية الساعه اللى قولت انك لسا عارف من ساعة
احمد : حد ابن حلال كده جه وقالى بشكل ( غير مباشر ) ان الطرود اللى بستلمها والمفروض انها تحف وانتيكات ممكن يكون فيها حاجه غير التحف والانتيكات .. حتى سالته ساعتها انت تعرف منين او منين جبت الكلام ده . سابنى ومشى .
ومن ساعتها وانا مش على بعضى
كلمت الحاج عربي مره واتنين واتصلت عليه ف البيت لانى كنت ناسي التليفون بتاعى زى ما قولت لحضرتك .. بنته اللى هى المجنى عليها هى اللى ردت عليا وسالتها فين ابوها وادينى رقمه
كلمته وقولتله انا ماشى يا حاج تعالى استلم او ابعتلى حد يستلم
كمال : طب ده مش سبب كافى يا ابو حميد انك تسيب الشغل وتمشي لما شكيت او خوفت انه يكون فيه حاجه ؟
احمد : حضرتك المخزن واسع وكبير و فيه بضاعه بملايين . انا بسلم المخزن للحراسه بالليل . وكان لسا بدرى على ماييجو . خوفت امشى او حاجه وزى مانت شايف المكان اللى احنا فيه مطرف شويه يعنى ممكن لو حد مترصد للبضاعه هيهجم وف اقل من نص ساعه ياخد اى حاجه
كمال : كلامك مترتب بزياده . ومافيش كلمه ناقصه
ماهو يإما انت برئ فعلا وده اللى حصل يإما انت فنان كبير ومخطط لكل كلمه . وانا مش هسمح للكلام ده . انا اتعاملت وقابلت من عيناتك كتير
احمد : عيناتى ؟ يا فندم مش اى حد هييجى لحضرتك هنا يبقوا ولاد ستين كلب . ماحنا منكو بردو
كمال : انت بتتكلم كده ليه يابنى انت ؟
احمد : ايوه عشان دى مش طريقه . انت حقك تعرف الحقيقه وانا من حقى ادافع عن نفسي لغاية ما تثبتها عليا التهمه دى .. انا معملتش حاجه . وبخاف ربنا جدا . والموضوع مترتب وفيه حاجه مش مظبوطه عشان يلبسوهالى انا . وانا مش هلبسها
.........
(عماد والمحامى على باب اوضة وكيل النيابه )
اشرف ( المحامى ) : لو سمحت ادى الكارت ده لوكيل النيابه
عسكرى : حاضر يا فندم
...
كمال : ( بيبص ف الكارت ) خليه يتفضل
...........
اشرف : خليك انت هنا يا عمده
................
اشرف : مساء الخير ! مع حضرتك اشرف خليل محامى وحاضر مع الاستاذ احمد . ممكن حضرتك اعرف ايه الموضوع
كمال : الموضوع كبير يا متر
كذا قضيه
اولا قضيه هتك عرض
ثانيا سرق مخزن
ثالثا وده الاهم تجارة وحياذه اثار متهربه
وموكلك مش عاوز يتكلم . فهمه يا استاذ ان الكلام هيفيده جدا
اشرف : اه يا فندم طبعا . ممكن حضرتك استفرد بموكلى دقايق
كمال : حقك . خمس دقايق وراجعلكوا
......................
( نوران بتدخل هى ومى وابوها )
نوران : عماد اهو ... تعالوا ...... ايه يا عماد الاخبار
عماد : لسا ... الاستاذ اشرف معاه بقالو حوالي ربع ساعه ومحدش خرج لسا .. ربنا يجيب العواقب سليمه
نوران : ( بتعيط ) يارب
مى : عماد اخويا هيخرج . اخويا ماله
عماد : وحياتكو هيخرج ومافيش حاجه وان شاء الله كله هيبقى تمام
( الباب بيتفتح وبيخرج احمد ومعاه اشرف المحامى وعسكرى )
نوران : ( بتجرى عليه ) حبيبى . انا اسفه يا احمد اوووى حقك عليا ( بتنفجر ف العياط )
مى : ( ( مش قادره تتكلم وبتعيط وبتحضنه )
احمد : ايه يابنت انتى وهى مافيش حاجه . بسيطه ان شاء الله وكلها بكره ولا بعده وكل حاجه تظهر . اميره بس تفوق وتصحى وكل حاجه هتتحل . تعالى يا نوران عاوزك ف كلمه
نوران : اهو يا حبيبى
احمد : بقا انا وحش ومش عاوزه تعرفينى وعاوزه تتطلقى منى ؟ انا ؟ هونت عليك كده دنا ف عز قرفى واللى انا فيه ده ماكونتش بفكر غير فيك وف اللى قولتيه
نوران : ( بتعيط بغباء ومش مالكه نفسها ) حقك عليا والنبى ماتزعل منى . انا شوفت البت دى وانت كنت ماسكها وبتفوقها دماغى ضربت . انت ماتعرفش هى بعتت على تليفونك ايه ؟ وده اللى خلانى اجى
احمد : بعتت ايه ؟
نوران : قالت كلام وسخ كده وقالت وحشتنى يا احمد ومش هنسي حنيتك عليا امبارح . ده اللى خلا دماغى هتضرب وخلانى لبست وجيتلك جرى .. وشوفتكو ف الوضع ده عاوزنى اعمل ايه يعنى .
احمد : استنى بس .. هى بعتت الرساله دى على امتى كده
نوران : يعنى حوالي الساعه 4 ونص كده
احمد : 4 ونص ازاى اذا كان انا مكلمها الساعه 4 الا شويه عشان اخد منها رقم ابوها وقولتلها انى نسيت تليفونى ف البيت هههههههههههههههههههه اه دى هى مرتبه اللعبه . كيد نسا يعنى . بتغيظك يا عبيطه
نوران : طب احلف
احمد : هههههههههههههههههههههههه والمصحف هديك بالكلبشات اللى ف ايدى دى ف مخك ده وقته يابنت الهبله يعنى محبوس وطالع عين امى وهيشنقونى وبتقوليلى احلف ان ماشوفتهاش ههههههههههههههه
نوران : اه احلف . مش هتتشنق وماتقولش الكلمه دى تانى .. احلف ان البت دى هى اللى مالفه الحكايه دى ومافيش بينك وبينها حاجه
احمد : هههههههههههههههههههههههه وحياة امى دماغك هربانه ومجنونه ... هتعرفي تطلعينى من اللى انا فيه ده ؟
نوران : برقبتى
احمد : انا استااذنت الاستاذ اشرف وقولتله انا عارف محامى تانى كان معايا ف الموضوع من أوله لاخره وعارف ايه الموضوع بالظبط وهيقدر يفيدنى ويساعدنى ولو اكيد احتاج اى مشوره من حضرتك هيبقى ييجيلك . الراجل رحب مع انه كان خايف جدا وقال القضيه كبيره
نوران : طب ومحامى جديد ليه يا احمد . ماهو اشرف كويس . انا اسمع انه كويس ومتخصص ف القضايا دى
احمد : هههههههههههههههههههههههه لا ده المحامى الجديد ده زى القمر نفسي اشوفه كده
نوران : اممممممم طب هو معروف يعنى ؟ عنده مكتب ؟
احمد : ولا حد يعرفه من اساسه وعمره ما كسب قضيه واحده لانه ببساطه ماشتغلش قبل كده وشغله هيحبسنى ابن الهرمه
نوران : مين هو ؟
احمد : واحده محاميه كده
نوران : نعم يا روح امك . اشمعنى محاميه يعنى وتعرفها منين .. ( بتديله ف وشه )
احمد : اه والله حتة بت عسله كده يخربيت جمال عيونها
نوران : انت بتتكلم عن مين ؟
احمد : حتة محاميه نص لبه كده اسمها نوران
نوران : مين ياخويا ؟ لا مش لاعبه انت هتهزر
احمد : ههههههههههههه انا خلاص وكلتك . فاكره لما قولتلك من كام يوم كده انتى تعرفى تشتغلى بدراستك وقولتيلى دنا هسمعلك الدستور كله ؟ اهو انا تانى يوم روحت سجلتلك ف نقابة المحامين والكارنيه بتاعك هتلاقيه ف جيب الجاكيت بتاعى الاخضر هههههههههههههههه سبحان الله زى ما يكون قلبى حاسس انى هقع ف مصيبه سوده بعيد عنك .
نوران : احمد ؟ انت بتتكلم بجد ؟
احمد : اه يا روحى بتكلم جد ... وحياة امك لو ماطلعتينى وسيبتينى اتشنق لاجيلك ف الحلم كل يوم واطلع عين امك هههههههههههه
نوران : ( بتعيط ) يا اخى حرام عليك انت بتعمل ايه وعملت ايه انت دلوقتى ؟
احمد : بقولك ايه
نوران : ( بعياط ) نعم
احمد : بحبك
نوران : ( بتنفجر ف العياط )
العسكرى : يلا بينا يا استاذ
...........
مى : ايه يا نوران اخويا قالك ايه
نوران : هدير ! هدير فييييييييييين اتصلولى عليها بسرعه
عماد : ايه يا استاذ اشرف الدنيا فيها ايه ؟
اشرف : تقدروا تفهموا كل حاجه من المحامى بتاعه الجديد
عماد : محامى جديد ايه هو لحق كلم حد ووكله
اشرف : اه
عماد : مين ده ؟
اشرف : مدام نوران مراته
مى : بتقول مين ؟ الواد هيتحبس
عماد : احمد اللى قالك كده ؟
اشرف : اه . استاذه نوران لو احتاجتى حاجه انا موجود معاك .. وهفهمك الدنيا فيها ايه ومش معاك ماتقلقيش
نوران : متشكره لحضرتك ( بقلق ) اكيد طبعا هنحتاج لحضرتك انا لسا ماعنديش خبره وهو احمد مش عارف مراهن عليا بناء على ايه .
اشرف : يمكن هو عاوزك قريبه منه وشايف انك الوحديه اللى هتقدرى تطلعيه لو انتى مأمنه ببراءته
نوران : مأمنه طبعا وان شاء الله محنه وتعدى
اشرف : ان شاء الله ..
............
( الساعه 12 بالليل )
نوران : الو ! هدير انتى فين ؟
هدير : نايمه يا حبيبتى انتى فين ؟
نوران : انا ف المنصوره ف المديريه .. احمد اتقبض عليه المغرب كده وكلنا هنا ووكلنى ابقى المحاميه بتاعته ..
هدير : ( بتتخض وقلبها بيوجعها ) بتقولى ايييييييييييييييييه ؟
نوران : ( بتعيط ) انا عاوزاك
هدير : مسافة السكه وهتلاقينى عندك
نوران : لا لا تعالى على البيت انا راجعه ف الطريق انا ومى . عماد قالنا انه مالوش لازمه اننا نكون هناك لانه ف الحجز دلوقتى وعنده عرض تانى ع النيابه بكره ... انا خدت ورق القضيه وراجعه بيه على البيت . عاوزاك معايا عشان نفر فيه ونسهر عليه النهارده
هدير : يا حبيبتى وقت ما تدخلى على اول البلد كلمينى بس وانا هنزلك وتاخدينى ف سكتك ونروح سوا
نوران : طيب يا حبيبتى . انا 10 دقايق بالكتير وهتلاقينى برن عليك
هدير : مستنياك
............
هدير : ( بترمى التليفون وبتعيط بطريقه أول مره تعيطها وقلبها بيوجعها )
بقا هو ده الحلم ؟
هو انا دخلت جوه الحلم ولا دى حقيقه ولا ايه
انا مش مصدقه اللى سمعته
طب اشمعنى احمد يعنى ؟
ربنا يسترها من عنده
..................
تتوقعوا نوران هتقدر تطلعه منها ولا ممكن الواد يضيع ..؟
كل اللى متابع الروايه يسيب كومنت ولايك