روايه انا و هي

(الحلقه التاسعه عشر ) ..( بوت أحمر )

اللى متابع الروايه يسيب لايك وكومنت يا شباب
(الحلقه التاسعه عشر ) ..( بوت أحمر ) <3
............
(في الحلقه السابقه )
عماد : ولا انا فاهم حاجه والله من ساعتها . بس لما انا ركزت معاه وسألته تانى قالى لا لا كنت بهزر معاك عشان تتطمن وتطمن اهلى ونوران بس .
نوران : مش عارفه .. ما يمكن فعلا يكون بيتطمنا ؟
عماد : انا مش عارف . انتى حاولى تفهمى منه الحوار ده عشان دماغى بتلف من ساعتها
نوران : ودى محتاجه كلام . طبعا هساله دنا دماغى لفت هى كمان
............... ( التاسعه عشر ) <3
( النيابه قامت باستدعاء فتحى بعد ظهوره ف الكاميرات )
كمال : ازيك يا استاذ فتحى . اتفضل اقعد
فتحى : ( بقلق ) متشكر يا فندم
كمال : انت كنت ف المنصوره من يومين وبالتحديد الساعه 3 ونص عصرا . كنت ف معرض عربيات الحاج عربي قعدت بتاع ربع ساعه مع المدعو / احمد .. احب اعرف ليه ؟ وايه علاقتك ب الاستاذ احمد
فتحى : ولا حاجه يا فندم . كنت بتمشى شويه بالعربيه بتاعتى ولقيت نفسي قريب من معرض الحاج عربي قولت ادخل اسلم على احمد واباركله انه بيشتغل هناك لانى ماكونتش باركتيله ...
كمال : تمام ! وبعدين
فتحى : بس حضرتك هو ده اللى حصل . قعدت معاه شويه وبعدين مشيت
كمال : بس لكاميرات بتقول ان كان فيه شد وجذب ف اخر الحوار ما بينكو . زى ما يكون انت نبهته لحاجه او قولتله حاجه ومن بعدها هو اتوتر
فتحى : لا يا فندم اكيد كان كلام عادى . العلاقه بينى وبين الاستاذ احمد كلها علاقه طبيعيه جدا . ولاد بلد واحده وكلنا ف البلد اصحاب وجيران . ف ممكن كان الكلام بهزار او حاجه بس
كمال : طب الحوار ما بينكو كان ماشى ازاى او كنتو بتتكلمو ف ايه
فتحى : ايه ! مافيش ! ازيك يا ابو حميد عال ايه مبروك الشغل الجديد ماتبيعلى عربيه بالقسط بهزار . وكل الكلام والقعده كانت هزار مانت عارف المصريين وكده
كمال : اها ! طيب انت خلصت مع احمد وعملت ايه بعد كده
فتحى : مافيش . روحت ع البلد على طول لانى كنت خلصت مشوارى . خرجت من عنده على باب عربيتى على البلد طوالي
كمال : كنت موقف عربيتك فين
فتحى : قدام المعرض
كمال : قدام المعرض ! يعنى وش العربيه كان ف اتجاه الطريق على طول ولا كان لازم تلف وتركب الطريق المعاكس ؟
فتحى : لا حضرتك كانت ف وش الطريق . يدوب كسرت يمين ركبت الطريق وعلى طول
كمال : طب ومخزن الحاج عربي اللى تمت فيه السرقه ماروحتوش او مازورتوش قبل كده
فتحى : انا عارف المخزن يا فندم بس ماروحتوش قبل كده
كمال : طب مكانه فين ؟
فتحى : ورا المعرض
كمال : طب لو افترضنا ان عربيتك واقفه قصاد المعرض . ووشها على الطريق .. المخزن عشان تروحه بالعربيه هتوصلله ازاى
فتحى : مش هعرف حضرتك ! لان المخزن ورا المعرض الناحيه التانيه . يعنى ورا الوش العربيه
كمال : تمام تمام
فتحى : هو فيه حاجه حضرتك ؟
كمال : لا ابدا .. معلش ازعجناك الشويه دول بس عشان نستكمل الاجراءات مانت عارف . دى قضيه كبيره .. سؤا اخير معلش
فتحى : اتفضل يا فندم
كمال : انت ايه رأيك ف الحاج عربي وابنه وائل وبنته اميره
فتحى : والله يا فندم هما ناس كويسين جدا وسمعتهم ف البلد معروفه . البلد كلها ف حالة صدمه وذهول من اللى احنا عرفناه ده
ووائل ابنه نفس الكلام . راجل ومحترم وابن ناس يعنى ف تعاملاته معانا
كمال : طب وبالنسبه لاميره ؟؟ ايه اللى يخليها تروح المعرض ف التوقيت ده وتقعد مع احمد
فتحى : بصراحه كده يا فندم انا اقسمت انى هقول الحقيقه عشان ماكونش بكدب
كمال : عندك حاجه تقولها ؟
فتحى : هى البلد كلها عارفه مش انا بس . ان كان فيه علاقة حب ما بين احمد واميره زمان . ايام الدراسه وشغل المراهقه والكلام ده يعنى
كمال : بتتكلم بجد ؟
فتحى : حضرتك ده مش سر . البلد كلها عارفه كده .. والله اعلم ممكن يكون بينهم اى حاجه بعد ما احمد اتجوز
كمال : طيب على حد علمى يا استاذ فتحى ان احمد يبقى زوج المحاميه اللى بتدافع عنه . ايه اللى يخليه يسيب اميره زى ما بتقول كده ويتجوز واحده غيرها
فتحى : مش عارف الصراحه . دى حاجه مش عندى
كمال : تمام تمام .. اتفضل انت يا استاذ فتحى وهنحتاجك تانى قريب ان شاء الله
فتحى : متشكر جدا ف الخدمه يا باشا .. عن اذن حضرتك
...
كمال : الو ! سعد تعالى من فضلك
سعد : اوامرك يا كمال بيه
.......
كمال : عاوز مراقبه على اللى اسمه فتحى ده 24 ساعه
سعد : بتشك ف حاجه ولا ايه يا كمال بيه ؟
كمال : الواد ده مفتاح اللغز ... المحاميه بتاعة احمد بتقولى كلام وهو قالى كلام تانى . هى نبعتنى لموضوع الشد والجذب اللى ما بين احمد وفتحى ف الاخر وقالت ان فتحى ده هو اللى راح قال لاحمد ان المخزن فيه بضاعه اثار وكده . والواد هنا بينكر وبيقول كنت بهزر معاه وحركات مصريين .. ومن ناحيه تانيه بيحاول يشتت تفكيرى ويبعدنى عن مسار القضيه الطبيعى . بيقولى احمد كان على علاقه ب اميره وبينهم وبين بعض علاقه حب .. تفتكر ده ليه ؟
سعد : عشان ببساطه يثبت على احمد موضوع الاغتصاب وانه اتحرش بيها او البنت من كتر حبه فيها حاول يعمل معاها حاجه ..
كمال : الله عليك وعلى صحيانك معايا يا ابو السعود ههههههههههههههههههه قربت اوى . المهم خلى عينك ع الواد ده
.................
( نوران وهدير ف البيت بيتفرجو على نسخه من تفريغ الكاميرات واللى حصلوا عليها بإذن من النيابه )
نوران : مافيش اى حاجه ف ام الكاميرات دى احنا اتفرجنا عليها 50 مره . مافيش الا سي زفت ده وهو قاعد مع احمد
هدير : انا قرأت المحضر بتاع فتحى النهارده . شوفتى الوسخ قايل ايه . بيحاول يعك احمد ف حوار اميره وانه اللى اتهجم عليها وحاول يغتصبها بعد ما كان بينهم علاقة حب ... ايه ده ارجعى كده باللقطه دى ؟
نوران : لقظة ايه ؟
هدير : استنى استنى .. ده وكيل النيابه ادالنا دليل البرااااءه بايده ف المحضر ياخرااااااااااااااااااااااااااااااااااااااااااااااااااابي انا قلبى هيقف
نوران : وحياة ابوك يا هدير ما تلعبى باعصابي . خدى انتى اللاب اهو رجعى اللقطه اللى انتى عاوزاها
هدير : استنى ! بصى كده على اللقطه دى الاول . فتحى ده كان قاعد مع احمد لابس ايه
نوران : جاكيت لونه اسود وبنطلون ازرق وقميص
هدير : لا لا لا مالكيش دعوه باللى هو لابسه فوق . لانه راح غير هدومه لانه عارف انه هيعمل مصيبه .. بصى كده على الجزمه .. اظن دى جزمه مش عاديه . بوت طويل ومسنن لونه احمر وفيه حديده من الجنب صح
نوران : اه صح
هدير : هاتيلى بقا لقطه الكاميرات بتاع المحل اللى قصادهم الناحيه التانيه
نوران : استنى ! اهو مع انى شوفتها ومافيش حاجه
هدير : هو فعلا مافيش حاجه لان الواد ده شكله عارف المكان كويس وعارف مكان الكاميرات كويس اللى ف المعرض او المخزن او اللى ف المحلات اللى قصادهم . بس ربك بقا سبحانه مابيسيبش .... استنى . هاتى اللآب انا اطلعها لانى شوفت لقطه اقل من العشر من الثانيه ظهرت فيها الجزمه دى بنفس اللون وبنفس معدن الحديد اللى فيها
نوران : نعععععععععععععععععععععم وده كان بعد لقاء احمد ولا قبله
هدير : ههههههههههههههههههههههههههه لا بعده بحوالى ساعه يعنى وقت وقوع الجريمه . استنى . ادى اللقطه اهى . هو تقريبا عارف وحافظ الكاميرات عشان كده بيحاول يبعد الناس عن نطاق الكاميرات . بس رجليه بانت . استنى . استنى . استنى . استنى . لا رجعى ثانيتين كمان ورا . ايوه ايوه .. استنى . اهى الجزمه ف اول الشاشه من فوق اهى
نوران : ايوه استنى كده ( بتقرب وبتبص كويس وفجأه بتزغرط ) لولولولولولوللى كده احمد خرج ولا ايه ههههههههههههههههههههههههههه
هدير : هههههههههههههههههه لسا . مش عاوزين نفرح . لسا شغل كتير . دى اول تنفيده نفدناها ف كلام فتحى .. ان طلعناه كداب . هو بقا اللى سرق المخزن ولا مش هو ف ده شغل النيابه هتضغط عليه
نوران : بالظبط . ! بس ده شوط كبير قطعناه . يابنت الكلب انتى جبتى اللقطه دى ازاى . دى رجليه مظهرتش غير يدوب جزء من الثانيه
هدير : دى شغلتى ... بصى ! قضيه سرقه المخزن كده فشنك . احمد مش هو اللى سارق والكلام ده هيتثبت من اول تحقيق مع فتحى بعد الاقوال الجديده دى . لانه بعضمه لسانه قال انه طلع من عند احمد ومشي ع البلد .. ايه اللى جابه تانى بعد ساعه بقي ؟
نوران : بالظبط .. كده فاضل قضيتين . الاهم هى ان احمد كان يعرف انه بيشتغل مع تاجر اثار ولا لا والتانيه هى التهجم على اميره ومحاولة اغتصابها
هدير : بقولك ايه فكرى ودوريها ف دماغك شويه انا هقوم اعمل كوبايتين نسكافيه
نوران : ماشى .. وافتحى ل مى لانها هى اللى بتخبط
هدير : حاضر
...
مى : مساء الخير يا بنات . صوتكو كان عالى من شويه وكنتو تقريبا بتهيصوا
هدير : ادخلى ادخلى نونه هتحكيلك
مى : ايه يا نونه فيه جديد ولا ايه ؟
نوران : اه يا حبيبتى طلعنا حاجه كده ان شاء الله ف صالح احمد .. ماصدقناش نفسنا . اخوكى طالع يا مي ان شاء الله
مى : يا رب يا حبيبتى ان شاء الله . امى بتفضل تدعيلك يا نوران يمكن اكتر منى انا وفاطمه .. بشوفها بتصلى وبتتنهنه وبتبكى ف الدعا وهى ساجده وكل الدعا ليك ولاحمد
نوران : ( بتدمع ) والله العظيم لايطلع وقريب اوى مي عاوزه اسألك على حاجه
مى : اتفضلي يا حبيبتى
نوران : بخصوص اميره .. هى اميره رغم غرورها وعنادها الرهيب ده . الا انها ممكن تلين شويه وتقول الحقيقه ولا هما ماعندهمش هما الخوف من ربنا وشهادة الزور والكلام ده
مى : بصى ! اميره مش سهل ومش صعب انها تشهد باللى حصل .. يعنى هى ممكن تعمل كده وممكن تعمل كده ...
نوران : طب وايه اللى يخليها تغير شهادتها مثلا وتشهد بالحق
مى : تتكلمى معاها وماتكلميهاش بنبرة تحدى لانها هتعند . اتكلمى معاها على اساس الحق والعدل وواحد مظلوم مالوش ذنب هيتورط فيها . وفكريها ان الواحد ده يبقى احمد
نوران : هتخاف على احمد اكتر من ابوها واخوها ؟
مى : لا مش موضوع اخوها وابوها . محدش قال كده س هى هتخاف .. واحب اقولك ان ابوها واخوها هيخرجو هما كمان حتى لو ثبتتى التهمه . دول عالم واصلين يا نوران بدرجه غبيه . مسنودين من فوق
نوران : انا فهمت ... وان شاء الله ليا زياره معاها بكره ومش هسيبها غير بعد ما اخلص معاها كل حاجه ..
هدير : ده هيبقى فاضل تهمه واحده بس بعد ما خلصنا من قضيه سرقة المخزن ومن قضيه اغتصاب اميره وهى اهم قضيه . قضيه التجاره ف الاثار نفسها وهل احمد كان عارف بيها ولا اتورط
نوران : ودى هنجيبها ازاى ؟ دى لايمكن تحصل الا لو عربي نفسه اعترف ان احمد مالوش صفه
هدير : يحلها المولى من عنده . احنا كنا فين وبقينا فين . قومو يلا انتو الاتنين نامو شويه عشان نقدم الكلام اللى طلعنا بيه ده النهارده
نوران : ماما وبطه نامو ولا لسا يا مي
مى : اه يا حبيبتى نامو . انا هنام معاكو النهارده عشان اجى معاكو بكره المنصوره
نوران : ماشي يا حبيبتى . يلا قومى
.............
( النيابه حجزت احمد مع عربي ووائل ف نفس الاوضه لوحدهم وفيه كاميرات وميكروفانات بتسجلهم باذن من النائب العام شخصيا )
وائل : يا حاج ! ماتتكلمش باى حاجه لاحسن يكونو بيسجلولنا ولا حاجه
...............
ايه رأيك ف اللى عملته هدير ونوران النهارده ؟ وهل احمد هيقدر يطلع من اخر قضيه دى ولا دى اللى هتبقى صعبه