روايه انا و هي

(الحلقه الثالثه العشرين ) ..( ذكاء ودهاء وكيد نسا )

(الحلقه الثالثه العشرين ) ..( ذكاء ودهاء وكيد نسا ) <3
............
(في الحلقه السابقه )
سهير : ايه ؟؟ عاوزه تدخليلها ؟ اتفضلى يا حبيبى هى الاوضه اللى ف اخر الطرقه دى ... وريلها الاوضه يا هبه بتاعة اختك
نوران : عن اذنكوا
احمد : ههههههههههههه هيييييييييييييييييه دونيا . ولا دايم الا وجه الله ..محدش بياكلها بالساهل يا عمرو ياخويا ..
عمرو : هههههههههههه يعنى ايه ؟
احمد : يعنى انت تقوم تعملى كوباية شاى وماتسألش هههههههههههه عشان اللى حصل حصل بقي هو انا هقطع نفسي
................ ( الثالثه والعشرين ) <3
( اوضة سمر )
نوران : ممكن ادخل ؟ هههههههههه
سمر : يا نهار ابيض انتى جايه هنا بنفسك انا كنت خارجالكو خلاص
نوران : مافيش فرق يا حبيبتى انا وانتى واحد ... ممكن كوباية ميه بعد اذنك يا هبه ؟
هبه : اه طبعا ثوانى
سمر : نورتينى يا نوران
نوران : ده نورك يا حبيبتى .. اقعدى بقي عشان عاوزاك
سمر : ايه خير ؟
نوران : اقعدى اقعدى
سمر : تمام
نوران : انا طبعا عاوزه اخدك صديقه ليا ومالقيتش احسن منك احكيله همى خصوصا لما خرجنا روحنا المنصوره امبارح سوا وقعدنا مع بعض حسيتك قريبه منى كده
وحسيت ان سرك مع احمد وهو كمان بيعزك ودايما يقول عليك زى اخته
سمر : ايه !! طبعا ! اكيد
نوران : طب انا عاوزه اسالك على حاجه
سمر : خير ؟
نوران : احمد كان فيه حد بيحبه او بيحب هو حد قبل كده
سمر : ليه ؟
نوران : اصل من يومين كده بالظبط . اللى هو النهارده وامبارح بدأت تجيله رسايل غريبه
تجيله رساله ع الفيس ومايرضاش انى اشوفها
امبارح كنت قاعده ف حضنه وجات رساله وقريناها سوا وهو من ساعتها مش عاوز يقول مين صاحبة الرقم
سمر : ( بتبلع ريقها ) ... مش عارفه يا نوران ... طب اتأكدى طيب الاول
نوران : انا متأكده انها واحده رمه عاوزه تخرب ما بينى وبينه
وده طبعا بعينها ومش هتوصل للى هى عاوزاه لان ده بالنسبالى لعب عيال
انا مش عارفه احمد امبارح عشان اشك فيه
بس هى اللى بدات تزودها وده والله مش شاغل دماغى بس عاوزه اوصللها انها تريح نفسها
وتهدى وتتبط كده بدل ما هى عماله تفرك وتلف وتدور حوالينا زى التعبان هههههههههههههه
سمر : ( بتبصلها ومسهمه ) طب انتى لو عرفتى هى مين ممكن تعملى ايه
نوران : ولا اى حاجه ... بس زى ماهى حاولت ترفع ضغطى انا كمان هعمل اللى فيه النصيب .. اقسم بالله ممكن اقصلها شعرها .... وبعدين انا بدعى ان شعرها يكون زى شعرك كده يا مورا تقيل وحلو وناعم كده عشان لما اتغابي عليه هى تزعل ههههههههه
سمر : ماكنتش اعرف انك مش سهله اوى كده يا نوران
نوران : مين قال كده ؟ انا سهله جدا والله وماليش ف المشاكل بس فيه ناس كده ساعات بتتجنن ف عقولها ولازم نطرقعلهم عشان يتعدلوا .. صح
سمر : ايه
نوران : بقولك صح ولا مش صح يعنى كلامى
سمر : لا اكيد طبعا صح
وبعدين الرك ع الراجل نفسه هو اللى بيقبل او يرفض
نوران : بالظبط ! واحمد رافض بدليل انه مش مدى خوانه ولا عاوز يعملها حاجه ولا حتى يكلمها ويقولها انا بحب مراتى
بقوله امبارح هى مين دى ياعم ماترد عليها
قالى لا ماتشغليش بالك . دى واحده بعزها جدا ومش عاوز اخسرها وقالى كمان الحب مش بايدينا وانا بعزها جدا زى اختى .والمشاعر اللى جواها دى متراكمه بس لاننا شبه متربيين سوا ...
عشان كده جيت كلمتك قولت يمكن تكونى انتى عارفه البنت اللى هو يقصدها دى
سمر : ( بتعيط )
نوران : ايه يابنتى مالك
سمر : مافيش
نوران : يا حبيبتى مالك ..مش احنا اخوات
سمر : طبعا
نوران : طب قوليلى بقي اعمل ايه ف البت الرخمه دى
سمر : ههههههههه ( بتضحك وهى بتعيط ) مش عارفه ... انتى بجد ماتعرفيهاش ؟
نوران : لا عارفاها وجيت لغاية عندها عشان اعرفها انى عارفاها
ومش عاوزه ادخل معاها ف شغل بنات ولا كيد نسا ولا اخطف جوزك وتخطفى جوزى والشغل ده .. احنا ولاد ناس واكبر من كده
سمر : ( بتقوم تحضنها ) حقك عليا انا اسفه
نوران : ايه ده معقوووووووووووول هو انتى يا سمر المقصوده
سمر : هههههههههههههههه يخربيتك انتى وجوزك .. اه انا معلش سامحينى ... اقسم بالله زى مانتى قولتى دلوقتى ممكن فعلا مشاعر متراكمه من زمان . ماكنش قدامى غيره
احمد بالنسبالنا يا نوران كان اخ وصاحب وكل حاجه
انا نفسي كنت بروح معاه اى درس او مدرسه او جامعه او اى مكان
ف تخيلى كده لما تحسي انك ملزومه من حد معين
واخد باله منك ف سفرك ف اكلك وشربك
ومش بس انا .. فيه اكتر من واحده بردو معانا صحاب وقرايب
انا عارفه انه عمره ما حبنى كحبيبه ... بس كان عندى أمل
وبجد كلامك دلوقتى وبذوقك العالى ده خلانى احس انى وحشه اوى ف نظر نفسي
صدقينى ووعد منى قدام ربنا احمد بالنسبالى دلوقتى اخويا وبس
بس خلى بالك انى بحب اخويا وده حاجه طبعا ماتزعلكيش
نوران : لا طبعا مش هزعل من كده طالما اخوكى
بس خليكى عارفه ان شعرك ده تقيل وناعم وطويل هااا
سمر : هههههههههههههههههههههه ( ضحكة رقاصات ) سيبى شعرى يابت هههههههههههههههههههههه
نوران : ههههههههههههههههههه لا انا بفكرك بس يا عنيا . عشان تبقى عارفه ان اى حركه كده ولا كده اقسم بالله هحلقهولك زلبطه
سمر : هههههههههههههههههههههه ههههههههههههههههههههههههههههه
نوران : ههههههههههههههههه
............
( بره ف الصاله احمد وعمرو سامعين ضحك البنات )
عمرو : ايه ده ياعم صوت الضحك اللى جاى م الاوضه ده
احمد : ضحك ايه ؟
عمرو : مراتك واختى بيضحكو كده ليه ؟
احمد : مراتى واختك ؟؟ ياعم قول كلام غير ده وماتقلبش دماغى
عمرو : طب استنى ( بيسمعوا تانى هما الاتنين بيلاقو ضحك كتير بردو )
احمد : اه . ده باينها ضحك ياض يا عمرو ... هو فيه ايه يا جدعان . ايه الضحك ده ( بيكلم نفسه ) المفروض اننا جايين نتخانق يقومو يضحكو ؟ ايه ده بقي هى شكلها هتعك على نافوخى ف الاخر انا عارف .. دى شورة ايه المنيله بنيله دى )
.........
نوران : تعالى نخرج بقي عاوزه اشوف رد فعل احمد لما يلاقينا انا وانتى خارجين بنضحك .. ده المفروض انى جايه اتخانق معاك
سمر : هههههههههههههههه هيترعب ... لو كنا اتخانقنا كان هيبقى مبسوط . لكن هيشوفنا خارجين بنضحك وبنبوس بعض اقسم بالله هيترعب هيقول اتفقوا عليا هههههههههههههههه
نوران : هههههههههههههههههههههه اه منا عاوزه اشوف وشه عشان كده .. هيببقى مخضوض بردو ولا ايه الدنيا
سمر : تعالى تعالى
.............
سهير : ايه يا بنات تعالو .... كنتو بتضحكو على ايه جوه
سمر : ههههههههههههه كنا بنهزر انا ونونه جوه
احمد : نونه ؟ نونه مين ؟
سمر : ايه انت .. نونه مراتك
احمد : ( بيكلم نفسه ورافع حاجبه : سمر بتقول لنوران يا نونه ؟) ايوه .. وكنتو بتضحكو على ايه
نوران : مالك انت ؟ دى حبيبتى
احمد : ( بيكلم نفسه : نوران بتقول على سمر انها حبيبتى ؟ ) انتو كويسين يا بنات ؟
سمر : الحمد لله ... المهم هتتعشوا معانا
احمد : نتعشى مين لا احنا لسا خارجين رايحين مشوار
نوران : لا لا يا احمد هنتعشى هنا لسا ماقعدتش مع سمر
احمد : ايه ؟
نوران : هههههههههههه بقولك لسا مقعدتش مع سمر . دى صاحبتى خلاص من دلوقتى
احمد : ايه ؟
سمر : ههههههههههههههه جوزك اتجنن . مالك يابنى ايه ايه انت ؟
احمد : طيب انا قايم رايح اعدى على الواد عماد ع القهوه وهعدى عليك العشا اخدك ونروح ماشى
نوران : ماشى ... احنا ف الاوضه مش هنخرج يعنى
احمد : ايه ؟
سمر : هههههههههههههههههههه روح يابنى اتوكل على الله
...........
( اوضة البنات )
سمر : ههههههههههههههههههههههههههههه اقسم بالله هيجرالى حاجه .. جوزك اتجنن
نوران : ههههههههههههههههه اسكتى بقي ده صعبان عليا وشه يا عينى اتبدل ف ثانيه
سمر : ههههههههههههههه عارفه احلى حاجه ف احمد كانت بتعجبنا ايه
نوران : ايه
سمر : ردود فعله .. كان عليه ردود فعل تخليكى متنحه كده زى رد الفعل اللى هو عمله من شويه . دى امى سخسخت م الضحك على منظره هههههههههههههههههه اول مره اشوف امى بتضحك بالشكل ده
..........
( ع القهوه )
عماد : ايه يا رايق . اخبارك ...
احمد : والنبى سيبنى ف حالى دلوقتى الله يكرمك مش ناقصك
عماد : جرا ايه ياض مالك
احمد : هو انا مش قولتلك خليك ف حال امك . بدل ما اتغابى على اهلك
عماد : ههههههههههههههههههه ايه ده انت متشبشبلك ولا ايه
احمد : اطلبلنا ياعم حجر معسل خلينى اظبط دماغى اللى اتكعبلت دى
عماد : طب ما تقول يابنى فيه ايه
احمد : دلوقتى انا ومراتى كنا رايحين عشان المفروض مراتي عاوزه تتخانق مع سمر وتجيبها من شعرها وتهددها انها تبعد عنى
عماد : يانهار اسود . ومراتك عملت ايه . طينت الدنيا طبعا وراحت ضربت البت وعملتلكو مشاكل مع البت وامها .... صح . مراتك شكلها مجنونه وممكن تعمل كده اصدق
احمد : اتنيل يا عجل يا اهبل
عماد : ليه طيب ... عملت اكتر من كده
احمد : ماهى المصيبه انها معملتش كده ..
عماد : امال ايه
احمد : دخلتلها الاوضه
عماد : اوباااااااا وطبعا قفلت عليهم الاوضه وهاتك يا ضرب وعض وقلة ادب والبت جرالها حاجه وراحت المستشفى صح
احمد : قوم روح يا عماد والنبى عشان هتغابى على امك وهطلع خنقتى فيك
وانا مش ناقص متخلفين عقليا اكتر من كده ف حياتى
عماد : هههههههههههههههههههه يابن الهبله ماتقول ايه اللى حصل
احمد : حضنو بعض ولقيتهم خارجين م الاوضه بيضحكو وبيبوسوا بعض . والمفروض انى سايب مراتى دلوقتى قاعده مع سمر عشان سمر مسكت فيها ومراتى قالت خلينى شويه ولما انا اخلص قعده مع صحابى هعدى عليها اخدها ونروح
عماد : ماتبطل اشتغالات يا روح امك وانطق يالا
احمد : عليا النعمه من نعم ربى انا شكلى هغتصبك انت عشان انا مش ناقص عاهات .. اقولك على حاجه . انا قايم ياعم اروح اجيب البت ونروح
عماد : ههههههههههههههههه ربنا يعينك يا حب
...........
( وهما ماشيين مروحين )
نوران : ايه مالك ساكت يعنى ؟
احمد : هو انتى بتشتغلينى يابت ؟
نوران : ههههههههههههههههه
احمد : بطل استفزاز امك ده وقوليلى ايه اللى حصل بالظبط ده
نوران : انت تسمع عن حاجه اسمها كيد نسا ؟
احمد : اه المفروض اسمع عنه
نوران : هههههههههه اهو انت شوفته بعينك النهارده ... يا حبيبى انتو لسا قدامكو كتير كرجاله عشان تفهمو دماغنا فيها ايه ؟
احمد : اه يا صايعه .. انتى خدتى البت ف صفك ؟
نوران : وحياتك زى الخاتم ف صباعى دلوقتى
وخليتها تقتنع انك اخوها بالظبط ووعدتنى انها مش هتضايقنا تانى ولا اى حاجه م اللى كانت بتحصل دى وفيه حاجه اكتر من كده وهو ده اللى انا بعمل كل ده عشانه
احمد : حاجة ايه
نوران : مالكش دعوه
احمد : هو ايه اصله ده ؟ ماتنطقى يا جزمه انتى
نوران : هههههههههه نو ... استنى اما نجيب فطريتين بسكر عشان بحبهم من هنا
احمد : طيب استنى .... فطيرتين يا ريس والنبى
..
احمد : انطقى بقي اتفقتى مع البت على ايه ؟
نوران : هههههههههههههه مالكش دعوه قولتلك .. دى البت حكتلى شويه حكايات عنك .. ليلتك سوده
احمد : طيب انا هروح اسهر مع عماد بقي واحتمال ماجيش النهارده
نوران : هههههههههههههه عماد مين والله مانت خارج النهارده احنا هنروح نغير هدومنا وننزل نتعشى سوا مع مامتك واخواتك ونقعد نلعب شويه وبعدين تطلعلى
احمد : اطلعلك فين لا انا هبات عند امى النهارده
نوران : هههههههههههه وحياة امك ... دى سمر كتبتلى ليستة أسامى اد كده كانو بيحبوك ونحنحه وقلة ادب وسفاله .. دانت ليلتك هباب النهارده
احمد : حسبى الله ونعم الوكيل
رايحين عشان نتخانق تقومى واخده البت ف صفك ومقرراها على كل حاجه
يا نهار اسود ومنيل عليا وعلى سنين ... ايه الستات دى ؟
نوران : هههههههههه صحيح اخبار رباب ايه ؟
احمد : ( بيشرق وبيكح ) بتقولى مين ؟
...........
الاخوه المتابعين : ايه رأيكو ف كيد النسا ده ؟ 😃😃
ماتنسوش التفاعل يا جماعه عشان نكمل