روايه انا و هي

(الحلقه الثامنه عشر ) ..( خروجه سعيده )

(الحلقه الثامنه عشر ) ..( خروجه سعيده ) <3
............
(في الحلقه السابقه )
نوران : مش عارفه وخلاص ؟؟ فيه حاجه مش مريحانى ...
احمد : من ناحية ايه ؟
نوران : ماتشغلش بالك انا هخرج بقي اقعد معاها بره على مانت تخلص
احمد : ماشى يا روحى
نوران : ماتتأخرش ياخويا
احمد : من عنيا حاضر
.....
احمد ( بيكلم نفسه ) : قلبى هيقف منكو لله ..... معايا يارب انا غلبان وانت عارف
.............. ( الثامنه عشر ) <3
( ف العربيه ف الطريق )
أحمد سايق ونوران قاعده ف الكرسي اللى جنبه ومى وأمل وسمر راكبين ورا )
أمل : مش كنا نستنى فاطمه تيجى
مى : لا دى طلع وراها درس تانى اتصلت عليها قالت لسا وراها درس . وكانت هتموت وتيجى
احمد : يلا . اهو ربنا يعدلها من عنده
مى : هههههههه
احمد : يابنت العبيطه انتى بتضحكى من أول النهار . ماتبس بقي . هاا بس عشان مش ناقصك
نوران : ايه يا حمو مالك . متعصب على مى ليه
سمر : هههههههههههه هما على طول كده يا نوران . نقيرهم من نقر بعض . هما الاتنين عسل اصلا احمد ومى .. كنت احب اروح اقعد معاهم ف البيت . تقريبا كنت قاعده معاهم على طول
نوران : والله ؟ وايه كمان يا حبيبتى انا شايفه ان ماشاء الله علاقتكو حلوه اوى ببعض
احمد : علاقة مين بمين بس عشان ابقى فاهم
نوران : قصدى على سمر وانتو يعنى . انت ومى وماما وفاطمه ... زى ما يكون كده عيله واحده ماشاء الله
احمد : اه منا قولتلك اننا كنا قرايب
نوران : كنا ؟ ايه كنا دى
احمد : قصدى يعنى قرايب
نوران : انت مالك يا حمو متوتر ليه ؟
احمد : مين ده اللى متوتر . لا انا مافيش اى توتر خالص الحمد لله
سمر : ههههههههههههههه
نوران : ايه يا مورا بتضحكى على ايه ؟
سمر : بصى لخدوده كده بتحمر ازاى لما يكون عامل عمله
احمد : عملة ايه ان شاء الله
سمر : لا قصدى يعنى ان خدودك مابتحمرش غير ف حالتين . لما تكون سقعان او تكون متوتر كده وبتفكر ف موضوع .. اصل يا نوران انا اعرف احمد ده كتير اوى يعنى
نوران : والله ؟ وانت بقي يا حبيبى ايه من دول . سقعان ولا متوتر ولا ايه
احمد : تللللللللج . تلج بعيد عنك . الدنيا النهارده زوابع وربنا يستر
نوران : هو فين البرد ده . دانت حتى لابس النهارده ب نص كوم . وفاتح شباك العربيه اهو والدنيا جميله
احمد : لا انا سقعان . انتى هتحسي اكتر منى .... وبعدين استنو بس اشغل اى حاجه نسمعها بدل مانتو عمالين ترغو صدعتونى مش عارف اركز ف الطريق
نوران : ( بتبصيله ) طب ركز يا حبيبى ركز
مى : ( بتبص ل احمد من مرايه العربيه وحاطه ايديها على بؤها وهو بيبصلها وعاوز ياكلها )
نوران : ايه يا مى صحيح عماله تضحكى ليه
مى : مافيش يا حبيبتى اصلى فيه موضوع معلق ف دماغى كده وكل ما افتكره اضحك . مابقدرش امسك نفسي
احمد : ( بيشغل اغانى وبتطلع اغنية مسرحيه ريا وسكينه )
الدور الدور الدور الدور
الدور يالى عليك الدور
مى : ( بتضحك بصوت عالى جدا ومش قادره تمسك نفسها )
احمد : وادى ام الكاسيت اهو ( بيطفيه ) ماهى ناقصة اللى خلفوه
نوران : مش فاهمه مالك انت واختك
مى : همووووووووووووووت والمصحف هموت مش قادره كل ما افتكر الحاجه اللى ف بالى دى ببقى هموت . الدنيا شكلها هتعك . الطبيعه واقفه بتديله أمارات اهو . ربنا يسترها ههههههههههههههه
احمد : انا عرفت يا جزمه انتى بتضحكى على ايه ..
سمر : على ايه يا احمد . اختك بتضحك على ايه
احمد : لا ده موضوع بينى وبينها ... المهم يلا حمد الله ع السلامه ... هتنزلى فين يا سمر
سمر : ع الجامعه بقي . فيه محلات قصاد الجامعه حلوه بتبيع حاجات حلوه وبعدين على شارع جيهان اكمل من هناك
احمد : تمام ... حد هينزل معاها يا بنات ؟
نوران : وانت فكرك يعنى هنسيب سمر لوحدها ... هننزل كلنا معاها نشوف هى عاوزه ايه وبعدين نجيلك نشوف بقي هتودينا فين .. سمر معانا النهارده لغاية ما نوصلها اليت
سمر : متشكره اوى يا نوران والله ...
احمد : ايه ! وانا هروح فين انا وانتو بتشتروا
نوران : شوف اى قهوه بقي اقعد فيها شويه
سمر : احنا مش هنتأخر . انا يدوب هشترى طرحه بس وشنطه مش اكتر .. يعنى نصايه ان شاء الله
احمد : نصاية !! طيب تمام . ماتتأخروش .. خلصوا ورنولى وانا هتلاقينى قدامكو
نوران : تمام ! بايباى بقي
.........
( على قهوه )
( احمد بيرن على عماد )
عماد : الو ! ايه يا حب الدنيا فينك
احمد : انا ف المنصوره اهو
عماد : طب الحمد لله انك خلعت من سمر وامها
احمد : ايوه فعلا الحمد لله .. انت عارف انا فين دلوقتى يا عمده ؟
عماد : فين يا قلب العمده هههههههه
احمد : انا على قهوه بشرب قهوه وحجر معسل عشان دماغى اللى هتضرب دى
عماد : ليه ؟ ومراتك فين
احمد : مراتى بتدور على شوية حاجات كده هى واخواتى واختها مع واحده صاحبتهم
عماد : واحدة مين دى
احمد : سمر
عماد : ههههههههههههههههههه ههههههههههههههههههههههه ههههههههههههههههه هههههههههههههههههه ( ضحكته بتجيب آخر الشارع )
احمد : تصدق انى حمار انى عبرت أمك اساسا . غور يالا
عماد : ههههههههههههههههههههههههه والمصحف ما قادر امسك روحى انت بتتكلم جد
احمد : بقولك ايه يا عمده . غور عشان ماقلش أدبي على ميتين أمك .. انت والكلبه اللى اسمها مى اختى دى فشتكو عايمه النهارده . بنت الهبله عماله تضحك بردو . ماهى اللى كانت عارفه ان سمر عينيها منى ... الدنيا كلها بتدينى امارات ان فيه بلوه هتحصل
عماد : هههههههههههههههههههه امارات ايه بس احكيلى احكيلى دانت وقعة امك هباب
احمد : بشغل الكاسيت بتاع العربيه واحنا جايين الاقى اغنيه ريا وسكينه طالعه ف وشى
عماد : انهى اغنيه فيهم ههههههههههههههه
احمد : الدور ياللى عليها الدور .. حسيت ان الاغنيه بتتغنالى انا
عماد : هههههههههه هههههههههههههه ههههههههههههههههه اقفل اقفل مش قادر امسك التليفون . العيال ف القهوه هيقولوا الواد اتجنن يخربيت مطنك
احمد : سلام ياخويا
............
( البنات )
سمر : ايه رأيكو يابنات ف الطرحه دى ؟
نوران : حلوه اوى . لونها جميل وذوقه حلو
سمر : تعرفى ان ذوقكك زى ذوق جوزك
نوران : ايه ؟ بجد ؟
مى : ايه يا جماعه احنا هنفضل نتكلم .... مش خلصنا ولا لسا
نوران : استنى يا مى استنى . بتقولى ايه يا مورا يا حبيبتى كملى . يعنى ايه ذوقى زى ذوق احمد
سمر : مافيش . اصل كتير كان يختارلى بردو الوان واستايلات لاى حاجه
نوران : بجد ؟ كنتو بتخرجو فين بقي
سمر : يعنى لما نكون ف الجامعه مثلا . اصل انا دخلت أداب وهو تجاره ... بس من خامسه ابتداي واحنا مع بعض ف نفس الفصل كمان لغاية 1 ثانوى
نوران : جميل اوى الكلام ده .... طب يابنتى ماكنتى تتجوزوا احسن ههههههههههههههه
سمر : ( بتسكت )
نوران : ايه سكتتى ليه ؟
سمر : مافيش . انا بقيس الطرحه تانى بس عشان اشوفها مظبوطه 100 % ولا لا
مى : ( الله اكبر ) طب يلا يا جماعه بقي انا هرن على احمد عشان على ما ييجى يكون خرجنا
نوران : ايوه رنى عليه رنى ( بتبص ل مى وبتاخدها على جنب ) تعالى يا ميو هنشوف حاجه ف المحل
مى : تعالى
نوران ( بتخنق مى ) وحياة امك لاقتوليلى كل حاجه ياكلبه انتى . انا مش مرتاحه للبت دى ومش مرتاحه لاخوك وتصرفاته . هو كان فيه حاجه بينهم ؟
مى : ايه ؟ حاجه ايه مافيش حاجه ماهى عماله تقولك زى الاخوات . هى كانت على طول معانا
نوران : وحياة امك ؟ انا مش مستريحه .. وكنت اصلا بشوفها كل فتره كده عندكو بس ماكنتش ببقى متابعه باهتمام .... مى قولى فيه حاجه بينها وبين اخوك ولا لا
مى : حاجة ايه يا عبيطه انتى ... هو لو فيه حاجه هنخبى عليك ؟ عيب .... عيب واستهدى بالله كده هههههههههههههههههه
نوران : اهى ضحكة أمك المستفزه دى اللى عماله تضحكيها من الصبح اللى مش مريحانى .. وحياة امك لامعرفاك ومعرفه اخوك النهارده بس لما نرجع .... اصلا البت عماله تبص لاخوك نظرات من تحت لتحت كده وانا متابعاهم .... وهو كل ما عينه تيجى على عينه يقوم باصصلى عشان يشوف انا شوفت ولا لا
مى : ههههههههههه احييييييييييييييييييييييه ؟ ايه كل ده انتى واخده بالك ؟
نوران : امال انتى فاكرانى هبله ؟ لا يا حبيبتى انا نونه . يعنى تفاصيل التفاصيل لازم تكون عندى .. وليلة اخوك النهارده ليلة منيله بستين نيله .... وانتى بردو بس انتى حسابك بعدين مش دلوقتى
مى : ياساتر يارب .. طب يلا عشان احمد زمانه بره
نوران : يلا ياختى
...........
( بره على باب المحل )
احمد : ايه يا جماعه خلصتوا ؟
سمر : اه الحمد لله ... ذوق مراتك زى ذوقك بالظبط ..
احمد : ( بيبلع ريقه ) ايه ؟ اه ! طب يلا يلا يا جماعه عشان نلحق نشوف رايحين فين
نوران : صحيح رايحين فين ؟
احمد : هندخل م(جمع السينيمات اللى هناك نتفرج على فيلم حلو اوى ..
نوران : اه .
سمر : يااااااااااااااااه فكرتنى بأيامك السينيمات
احمد : انا مش داخل زفت سينيمات .. احنال هنروح نتعشى ف مطعم كده وبعدين نروح ع البيت ... ومش عاوز اسمع كلمه من اى حد تانى بعد كده
مى : هههههههههههههههههههههههههه ههههههههههههههههههههههه ( بتاخد جنب وبتقعد على السور من كتر الضحك )
امل : ههههههههههههههههههههههه هههههههههههههههه ( بتوشوش مى ) اهو انا دلوقتى عرفت انتى بتضحكى على ايه ... ليلة اخوك النهارده شكلها ليلة سوده على دماغه ودماغ امه ههههههههههههههه
مى : يا نهار ألوان . هموت واكون معاهم ف البيت النهارده
امل : ومين سمعك وانا جدا ههههههههههههه اخوكى وشه مزرق . بس اقولك حاجه . البت سمر دى وحشه . وعينيها وحشه وكلامها بيقول انها عاوز تخرب عليهم او توقع ما بينهم
مى : لا اللى بين احمد ونوران عمره ما يتأثر بلعب العيال ده . هى اه هتبقى خناقه وقمصه بس احمد هيصالحها وهيخليها تكبر دماغها ...
امل : بقولك ايه ... هو فيه بين اخوك وبين البت دى حاجه
مى : حاجه ايه لا طبعا ... هى اللى عينها من احمد من زمان . وهو ماكنش شايف حد غير اختك ...
امل : ياسلام
مى : اه والله ...
احمد : يلا يا جماعه فيه مطعم حلو هنا قصاد الجامعه . يلا بينا
......
( اخر السهره ف العربيه وهما راجعين )
سمر : لا يا جماعه بس كانت سهره جميله . اوعا اكون مضايقاكو ولا حاجه
نوران : يا نهار ابيض ليه بتقولى كده . دانتى نورتينا والله واهو عرفتك . هاتيلى بقي رقم وصفحتك ع الفيس عشان ابقى اكلمك
سمر : بس كده ! من عنيا ... هبعتلك اضافه
نوران : انتى كنتى عارفه صفحتى بقي ولا ايه
سمر : ايه ! اه طبعا عرفتها من صفحة احمد ..
نوران : انتى صديقه عند احمد ؟
احمد : ( بيكح وبيشرق )
مى : هههههههههههههههههه هههههههههههههه
سمر : اه من زمان
نوران : اممممممم طب ابعتيلى اضافه ابعتيلى
سمر : ثوانى بس افتح !
( احمد سايق العربيه ما بيتكلمش )
....
(قدام بيت سمر )
نوران : حمد الله ع السلامه يا سمر . ابقى كلمينى على طول بقي
سمر : اوكى . سلام يا بنات ! سلام يا حمو
احمد : وعليكم السلام ورحمة الله وبركاته . اتفضلى اتفضلى
....
( ف العربيه وهما راجعين البيت )
مى : هههههههههههههههه
امل : ههههههههههههههه
احمد : نعم ! بتضحكو على ايه انتو الاتنين
نوران : ياخويا سيبهم يضحكوا بكره يعيطو
احمد : بكره ؟ اشمعنى بكره
نوران : اصلى ناويه على نيه بعيد عنك سوده . هبقى اقولك عليها واحنا لوحدنا يا روحى
احمد : ايه ؟ طيب انا هنزلكوا وهروح اسهر مع الشباب ع القهوه شويه وراجع . ساعه بالكتير
نوران : براحتك يا قلبي
احمد : ايه ؟
نوران : ايه هو كل كلمه هقولهالك هتقولى ايه ؟ اجمد كده أمال لسا بدرى على التوهان اللى انت فيه ده . سلامتك يا روحى . المهم هات معاك وانت جاى حاجه حلوه كده نهضم بيها الاكله الحلوه دى ..... سمر ماشاء اللله يابنات كانت مبسوطه اوى بالاكل والخروجه . دى حتى كانت بتبص ل احمد شوية بصات جميله طول القعده . ياراجل دى كانت هاين عليها تاكلك بعينها
احمد : اخوات بقي تقولى ايه ... وبعدين خطيبها واد قيمه ومحترم كده . ده احيانا بييجى يقعد معانا ع القهوه
نوران : والله ! ياروحى . دانت عندك اخبارها بقي
احمد : اخبار مين . وانا ولا اعرفه . ده بييجى كده يشربله كوباية شاى مع المحامين زمايله ويمشوا ..
نوران : طيب . نزلنا يلا ...
احمد : وانا هرجع العربيه واعدى ع العيال ف القهوه وراجع تانى
نوران : منا قولتلك براحتك
....
( ف البيت )
( امل ومى لوحدهم )
مى : همووووووووووووووووووووووت كانت خروجه سعيده بشكل
امل : هههههههههههههههه ياترى نوران ناويه على ايه
مى : مش عارفه بس اللى اعرفه ان الليله دى هتبقى ليله ولا الف ليله وليله .... دى عينيها كانت بتطلع شرار .... ياساتر يارب
امل : ههههههههههههه انا ماشيه بقي ... اختك زمانها هتاكل ودانك وتقولك روحتو فين وعملتو ايه ..
مى : اقسم بالله لو بطه كانت معانا كانت وقعت مننا ع الضحك اللى كات هتضحكه
امل : دنا نفسي كنت هموت .. اخوك وشه كان عمال يصفر ويزرق ويخضر ويحمر هههههههههههههه بطنى يا جدعان بطنى
مى : الليله دى نوران هتدبح ل حمو القطه هههههههههههههه يعدلها ربنا من عنده
.......................
الاخوه المتابعين : طبعا الكل بطنه وجعاه من الضحك والشماته ع الواد . صح ؟
ماتنسوش التفاعل