روايه انا و هي

(الحلقه الخامسه عشر) ..( ذكاء فنان ) ❤

#رواية_انا_وهى_الجزء_التالت
(الحلقه الخامسه عشر) ..( ذكاء فنان ) ❤
............
(في الحلقه السابقه )
احمد : ههههههههههههههههه رايح تقابلها بكره فين ؟
حمو : مالك انت اتنيل يا بغل اتنيل ووطى صوتك . مراتك مجنونه قيراط انا مراتى مجنونه 360 . وطى صوتك
احمد : طب اهو موطى صوتى .. قول بقا هتقابلها فين
حمو : ( بيبص وراه بيتأكد ان مافيش حد ) هروح نفطر انا وهى ف كافيه ولا حاجه وبعدين بقي هشوف هعمل ايه تانى
...
( سلمى واقفه ورا الباب وسامعه كل حاجه )
............. ( الخامسه عشر ) ❤
احمد : وناوى على ايه طيب
حمو : ما قولنا وطى صوت امك ده . انت ايه ؟ صوتك عالى ياعم لوحده . اخرس خالص
احمد : ههههههههههه ماشى
.........
سلمى : ( بتنادى على مى بالراحه ) ميوي ! تعالى خرجى الشاى ده لاخوك واحمد
مى : ماشى يا روحى هاتى
.......
مى : احمد ! امسك الصينيه من ايدى
احمد : مونشكرين يا ميوش
مى : اى خدمه افتكروها
حمو : ناولنى لاي الشيشه ده ياعم انت ايه ماسك فيه كده ليه ؟
احمد : خد اهو ماتزقش
...........
نوران : ايه يا سوسو قاعده مسهمه كده ليه ؟
سلمى : مافيش بس بفكر ف موضوع كده
نوران : هههههههههه موضوع ايه ها
هدير : ههههههههههههههه احكي يا سلمى عاوزين نتعلم منك .. موضوع ايه
سلمى : هههههههههههههههههههه لا يا حلوه انتى وهى مش هتعرفوا دلوقتى . هتعرفوا لما يتم ويخلص
.............
احمد : بقولك ! انت هتروح مع اميره دى ازاى ؟ وامتى وهترجع امتى ؟
حمو : همشى من هنا 8 كده هاخد العربيه بالراحه وهقابلها على معرض العربيات اللى ف اول البلد من بره ده
احمد : اه اه عارفه ... وبعدين ؟
حمو : هى هتيجى وهتسيب عربيتها وهروح انا وهى
احمد : طيب ماهو اصلا اصلا انت واخدها هناك ليه
حمو : هكشف عليها بصياعه
احمد : بتقول ايه وحياة امك تكشف على مين
حمو : يا واطى هكشف عليها . هاخدها بصياعه كده وهخليها تكشف وبمزاجها
احمد : ازاى بقي يا فالح
حمو : الواد عبد الرحمن . شغال ف الطوارئ وكلمته انا من شويه وشرحتله الموضوع . قالى تعالى انت بس وانا هعمل انى بتطمن عليك وعليها وهكشف ولو فيه حاجه هنعرف
احمد : يابن اللعيبه ... جبتها ازاى
حمو : بس بس بلاش خيبه
احمد : بردو ماقصديش على كل ده .... هتروح وتيجى ازاى من غير سلمى ولا من غير ما تقولها
حمو : ماهو ده اللى منغص عليا عيشتى . مش عارف هجيبهالها ازاى
احمد : ههههههههههه بتخاف منها ؟
حمو : لا !
احمد : اومال
حمو : بخاف على زعلها
احمد : للدرجه ؟
حمو : وأكتر
الروايه ملك حصرى ل بيدج هو وهى وصفحة الادمن الشخصيه فقط
احمد : طب هتروح تقابل البت دى ليه ياعم مش مهم
حمو : يا صاحبي . حبي لاصحابي لا يقل عن حبي لاهل بيتى
احنا طلعنا م الدنيا دى ببعض يابنى .. انا مش واخدكو اصحاب بس والله يا ابو حميد انا واخدكو اهل ؟ فهمتنى ؟
احمد : والله فاهم .. يا اخى انا لو ربنا بيحبنى يبقى بس عشان انت موجود ف حياتنا والله .. الهى ربنا يكرمك ويفرحك بعيالك
حمو : ايه جو الصعبانيات اللى احنا فيه ده .... ما تنشف ياض
...........
( آخر السهره خالص )
(احمد وحمو نايمين ف الشقه تحت )
( البنات كلهم نايمين ف شقة نوران فوق )
نوران : ايه ده ! سلمى انتى قاعده هنا بتعملى ايه ؟ لسا صاحيه ؟
سلمى : اه كنت برضع ابنى ....
نوران : جوزك وحشك ؟
سلمى : مابعرفش انام غير ف حضنه
نوران : بجد
سلمى : والله بجد ! لما قالى انا جاي لاحمد اقعد معاه يومين كان ممكن اقوله ماشى روح يا حبيبى وخلى بالك من نفسك وكده كده انا قاعده بالواد مابروحش الشركه .. بس مقدرتش ..
نوران : يابت انتى اقسم بالله انا لا شوفت ولا هشوف كده ..
سلمى : تراهنينى انه تحت لسا صاحي باصص ف السقف ومش عارف ينام
نوران : الساعه 4 الفجر ممكن يكون نام م التعب
سلمى : استحاله ! مش هينام قبل ما يبعتلى رساله يقولى فيها بحبك يا مالكتى
نوران : ههههههههههههه هييييييييييييح . طب لو مابعتش
سلمى : قولى عليا مابفهمش حاجه
نوران : خلاص وانا مش هنام غير لما الرساله تيجى .. واراهنك على كوباية شاى هعملهالك دلوقتى بايدى ونمخمخ فيها انا وانتى
سلمى : اتفقنا
..........
( تحت ف الشقه )
احمد : اييييه . ما تنام يابنى هتنزل بدرى الساعه 4 الفجر
حمو : ( بيبصيله بقرف ) طب نام .. نام نامت عليك حيطه
احمد : هههههههههههه ايه يا شقيق . مالك ؟
حمو : مافيش ياعم .. الناموس عندكو كتير بس ومش عارف اتخمد
احمد : هههههههههههه الناموس بردو
حمو : انا تليفونى مخه وجعه ,, حاطه ف الشاحن من ساعه ولسا ماشنش الظاهر البطاريه سلمت نمر
احمد : تليفونك فاصل خالص
حمو : متزفت على عين اهله .. مش عارف ايه اللى نسانى اغيرله البطاريه النهارده
احمد : طب نام نام وانا هغيرلهالك بكره من عند العمده بتاع التليفونات اللى جنبنا
حمو : انام ازاى ؟ مش هعرف
احمد : الله ! مالك ياض
حمو : قوم معايا
احمد : على فين دلوقتى يابن الهبله
حمو : ياعم قوم ... انا هطلع اخبط ... لو سلمى هى اللى ردت تنزل وماشوفش وش اهلك . لو اى حد تانى غير سلمى انت اللى هترد وتقولهم خلى سلمى تفتح لو لسا صاحيه
احمد : ماهى ممكن تكون نايمه
حمو : لا صاحيه
احمد : طيب تعالى
...........
نوران : ايه يا سوسو . قاعده يعنى ولا على بالك
سلمى : على بالى ايه
نوران : نسيتى الرهان ولا ايه
سلمى : رهان ايه ؟
نوران : هههههههههههههه جوزك مابعتش حاجه لسا ولا رن
سلمى : يابنتى انا الكسبانه والله . هو انا مش عارفه جوزى بيحبنى ولا لا
نوران : هههههههههههههه منا قولتلك ممكن يكون نام م التعب واللف والمشاوير
سلمى : لا ... لو مضروب بالنار بردو هيكلمنى
نوران : ايه ده مين بيخبط دلوقتى
سلمى : خدى الواد ده وادخلى الاوضه
نوران : استنى لايكون احمد جوزى
سلمى : لا ده احمد جوزى انا هههههههههه اهو عشان تتأكدى .... مين ؟
...
حمو : خلاص هى سلمى . اخلع انت ياض رد الباب عليك
احمد : هههههههههههههههه الله يسهلك
....
حمو : افتحى يا سلمى
سلمى : ههههههههههههه عندك ليا كوباية شاى .. ادخلى بقي ثوانى وجايالك
نوران : هيييييييييييييييييييييييييييييح
.............
( بتفتح الباب وبيرجعلها شعرها ورا ودنها )
حمو : انا تليفنى فاصل على فكره
سلمى : منا كنت حاسه على فكره
حمو : طب تعالى ( بيشدها لحضنه وبتلف دراعها على رقبته )
سلمى : ( بتبوسه على خده ) بحبك
حمو : وانا بحبك ... بوسيلى الواد ابن الكلب اللى جوه ده نايم وسايب ابوه
سلمى : ( بتبوسه من خده التانى ) حاضر ... تقل على نفسك وانت نايم الجو فيه لسعه
حمو : وانتى كمان .. ادخلى يلا نامى
سلمى : ماشى
حمو : تصبحى على خير يا مالكتى
سلمى : ههههههههههههه وانت من اهلى يا كل اهلى
...............
نوران : يخربيت كده ... دنا كنت فاكره جوزى رومانسي وحبوب وبيعرف ازاى يحب
سلمى : هههههههههههههه يلا يا حلوه قومى نامى ارتاحى عشان هسيبلك الواد ابنى بكره معاك طول اليوم وهنزل بدرى
نوران : تنزلى على فين هو انتى تعرفى حد هنا ورايحه فين . انتى واحمد ولا لوحدك
سلمى : مع احمد بس لوحدى
نوران : ازاى !
سلمى : هههههههههههههههه تعالى هفهمك
..................
( تانى يوم الصبح )
حمو : زى ما قولتلك .. لما البنات تصحى وينزلو قولهم راح يجيب اكل من بره هنتغدى بيه كلنا عشان هنطلع نقعد ع الارض وناكل واهو تبقى فسحه ...
احمد : اممممم
حمو : ماتصحصح يابن الهبله هتودينى ف داهيه . انت سامعنى
احمد : ( وهو نايم ) اه سامعك فهمت خلاص
............
نوران : سلمى ! ايه خلاص هتنزلى
سلمى : اه . انتى متأكده ان المعرض اللى قولتيلى عليه ده ف المكان اللى قولتلى عليه ؟
نوران : اه . طب هتعملى ايه ف العربيه . هتروحى مع مين
سلمى : لا ماتقلقيش انا عارفه البلد ... هاخد توكتوك بسرعه ع المحطه وهاخد عربيه من هناك بسواقها .... بيحبو هما جو الاكشن ده واطلعلى ورا العربيه دى والجو ده
نوران : هههههههههههههههههه اه يابنت الاروبه
سلمى : خلى بالك م الواد .. انا نازله عشان احمد خلاص طلع بعربيته ... حلوه العبايه بتاعتك دى ههههههههههه سلام
.................
( ف المنصوره )
حمو : ايه يا ميرو تحبى تفطرى ايه بقي
اميره : على ذوقك بقي ،
حمو : طب ساعدينى طيب قوليلى على اماكن مطاعم حلوه . انتى اكيد هتعرفى المنصوره اكتر منى
اميره : اه اذا كان كده اوكى .... خليك ورا الجامعه بقي
حمو : تمام
.......
سلمى : وراهم يا اسطا والنبى مايروحوش عن بالك
السواق : حاضر يا استاذه
.........
( سلمى بتدخل وراهم مطعم وهى لابسه عبايه ونضاره كبيره مداريه نص وشها وبتقعد ف الترابيزه اللى وراهم )
......
حمو : تفطرى حاجه معينه بقي ولا اخليهم يجيبو فطار م المنيو
اميره : لا عادى اى حاجه
...
حمو : قوليلى بقي
اميره : عيونى
حمو : ايوه منا هكلمك بمناسبة عيونك .. ايه العيون دى ياعم
اميره : على فكره انا لغاية دلوقتى مش مستوعبه انك قاعد معايا
حمو : ليه ؟ بالعكس داحنا مش قدك ولا قد جمالك يامرمر
اميره : يا حمو انت اللى زي العسل والله
حمو : يا خرابي ياناس ع الرقه ...
اميره : انت عمال تبص ورا وقدام وعلى يمينك وشمالك ليه
حمو : ايه ! مش عارف .. بس قلبى مقبوض والمصحف . هههههههههههههه مش عارف ليه . حاسس ان فيه حاجه هتحصل
اميره : هههههههههههههههههه قولى بقا . ماتجوزتش ليه لغاية دلوقتى
حمو : ايه ! لسا لغاية دلوقتى مالقيتش الانسانه الحلوه اللى تفهمنى وافهمها .
اميره : احححم
حمو : وشكلى كده هبدا افكر ف الموضوع ده اليومين دول
اميره : ( بتتكسف وبتبص ف الارض )
حمو : ثوانى يا ميرو ارد ع التليفون بس
اميره : اه طبعا اتفضل
عبد الرحمن : الو ! انت فين يالا انت مش قايلى هتيجى وتجيبها على 10 كده
حمو : حبيب قلبى والله واحشنى كنت لسا هعدى عليك اسلم عليك . انت فين ماتيجى تفطر معايا
عبد الرحمن : افطر مع مين هتيجى امتى ياعم عشان عندى حالات كتير
حمو : لا خلاص حاضر من عنيا هعدى عليك ربعايه كده هتلاقينى عندك
عبد الرحمن : تمام يا حب مستنيك
....
اميره : مين ده صاحبك ولا ايه
حمو : اه واحد صاحبى عرف انى هنا حب اسلم عليه . هفطر واروح اسلم عليه واجيلك تانى .. ولا تحبى تيجى معايا هو ف الطوارئ هنا جنبنا
اميره : بص ! انا معاك النهارده ف اى حاجه
حمو : تمام . نفطر ونقوم
.....
سلمى : وقعتك سوده بعون الله . لما اتلم عليك بس
............
( ف المستشفى )
حمو : ايه يا عمنا فينك يا دكتور وااااااااحشنى
عبد الرحمن : حبيبى حبيبى حبيبى . واااااااااااااااحشنى جدا يا ابو الشقاوه . فينك ياض انت ياض يعنى لا تسلم ولا تبص ولا اى حاجه . عيب يا جدع
حمو : هههههههههههههه معلش يا حب والله غصب عنى ... اخبارك ايه واخبار شغلك
عبد الرحمن : تمام التمام .. ماتيجى اعزمك على حاجه
الروايه ملك حصرى ل بيدج هو وهى وصفحة الادمن الشخصيه فقط
حمو : ههههههههههههههههه لا ياعم ابعد عنى مابحبش انا جو المستشفيات ده
عبد الرحمن : طب عليا النعمه لاعملك كشف دورى على جسمك كله وشامل هههههههههههههه تعالى
حمو : اجى فين يابن المجنونهه الحقينى يا اميره
اميره : هههههههههههههههههههه
عبد الرحمن : هى اسمها اميره . طب والله لاتعمل هى كمان معاك . تعالى دنا ما صدقت لقيت شغل ههههههههههههههههه
حمو : يابن الهبله . ماتبطل حموريه بقي يعنى دكتور واهطل هههههههههههههههه
عبد الرحمن : لم لسانك ياض انا دكتور وليا اسمى هنا . ها ماتقلش ادبك .. تعالى .. تعالى يا اميره
...............
( بعد ساعه احمد واميره ماشيين مع بعض ع الكورنيش )
حمو : ههههههههههه اهو ده دكتور واهبل . معلش معلش بقي
اميره : ههههههههههههههه لا بالعكس اهو كشفنا ببلاش ياعم
حمو : تمام تمام ( بيجيله اتصال )
اميره ثوانى بعد اذنك بس
الو ! ايه ياعم ؟ ايه الدنيا
عبد الرحمن : هى مين دى يالا اللى انت جايبها دى وبتقول عليها عيانه ؟ دى صحتها احسن منى ومنك ههههههههههههههههه
حمو : يانهار ازرق ههههههههههه طيب يا حبيبى متشكر جدا
( بيبص بعيد شويه بيلاقى سلمى متخفيه ف العبايه والنضاره بس بيعرفها ،، بيضحك ف سره ومابيبنش انه عرفها )
ههههههههههههه اه يابنت الهبله ،،، طب ودينى لارفعلك ضغطك صبرك عليا
.......................