روايه انا و هي

(الحلقه الرابعه ) ..( ثعبان جديد أكبر ) ❤

التفاعل يا جماعه بقا قليل ياريت كل اللى بيقرأ الروايه يحط لايك وكومنت
#رواية_انا_وهى_الجزء_التالت
(الحلقه الرابعه ) ..( ثعبان جديد أكبر ) ❤
............
(في الحلقه السابقه )
احمد : لذلك يوم فرحى ماكنش احمد موجود على طول فوق ف القاعه وفضل قاعد مع ابو نوران تحت يتكلمو ويهزروا كتير لانه وفا بوعده . وهو ده الصاحب اللى افديه بعمرى كله .. مش انت يا فقر يا نحس يابن الفقر ههههههههههههه
انا قايم بقي رايح مشوار كده وجاى
عماد : مشوار ايه ده ؟
احمد : مافيش مشوار كده ع السريع وهروح البيت اتغدى واقعد معاهم شويه .. سلام
..................... ( الرابعه ) ❤
( بيت أميره )
وائل : تعالى يا ابو حميد تعالى . شرفت ونورت
احمد : تسلم . منوره بيك وبالاهل
وائل : عن اذنك ثوانى هنادى ع الحاج بس عشان هو فوق
احمد : تمام ! خد وقتك بس والنبى يا وائل ياريت بسرعه لانى لسا ورايا كم مشوار كده
وائل : لا لا حاضر ماتقلقش
.....
( أميره بتدخل على احمد وهو قاعد لوحده )
اميره : احححم . ازيك يا مودى
احمد : ايه مودى دى ماتنشفي يابت
اميره : هههههههههه لسانك ده عاوز قطعه
احمد : طيب
اميره : بس اعمل ايه بقي هو اللى مودينى ف داهيه
احمد : متشكر
اميره : ايه الرخامه دى . انت عمرك ما كنت رخم يا واد انت . ابو شكلك
احمد : لمى لسانك جوه بؤك بدل ما والله انتى عارفه .. هقوم اديك علقه وانتى عارفه مابيهمنيش سواء كنت ف بيت اهلك ولا ف الشارع حتى ولا نسيتى علق زمان
اميره : ههههههههههه مانسيتش بس فك بقا شويه كده متنشن كده ليه
احمد : ولا متنشن ولا حاجه . وبعدين ايه اللى جابك اصلا انا جايب اخوك وابوك ف موضوع عاوزينى انا فيه . ايه اللى جابك هنا
اميره : هههههههههه لا منا عارفه انك جاى من امبارح اومال مش واخد بالك م الشياكه اللى انا فيها . حلو الميكب ؟
احمد : اه مانتى لازم تحطى ميكب لاحسن من غيره مش هعرفك هههههههههه
اميره : ههههههههههههه يلا يا جزمه دنا قمر . اجمل واحده ف بلدك بشهادة الشهود
احمد : اه . واللى انا متجوزها دى نظامها ايه ... دى احلى واحده ف بر مصر كله اجرى اجرى العبى على قدك
اميره : ( ضغطها بيعلى ) لا يا بابا احنا الاصل وبعدين مراتك ممكن تكون حلوه اه بس مش زيي وزي خفة دمى
احمد : هههههههههههه مين ياختى ؟ خفة دم مين دى حتة شرباته . اجرى اجرى روحى شوفى بتعملى ايه مش عاوز قلبة دماغ والنبى ههههههههههه
اميره : ( بترفع حاجبها ) طيب ما علينا بالكلام ده انا عارفه انك بتضايقنى اصلا وبترفع ضغطى انا كنت عاوزاك ف حاجه تانيه
احمد : انا مش عارف الدنيا كلها عاوزانى ليه النهارده . هو مين اللى عاوزنى . ابوك ولا اخوك ولا انتى ولا مين بالظبط ؟
اميره : لا انا معرفش بابا عاوزك ف ايه والله .. انا اللى عاوزاك . عاوزه اشكرك ع اللى عملته معايا وده المتوقع والطبيعى طبعا من ارجل بنى ادم شوفته ف حياتى
اوعى ف يوم تلومنى على حبى ليك يا احمد , ده كان غصب عنى . مشاعرى ناحيتك اتشكلت لوحدها واتكونت وكبرت يوم بعد يوم وانا مبسوطه بكل ده . مبسوطه بوجودك ف حياتى حتى لو عارفه ومتأكده انك مش بتبادلنى نفس الشعور ده والمشاعر دى . بس صدقنى عمرك ف حياتك دى كلها ما هتقابل ولا هتلاقى واحده نفسها تعملك اى حاجه عشان تشوفك سعيد ومبسوط .. انا بحلم وبتمنى بيوم واحد اقضيه معاك وبعدها انشالله اموت ولا اروح ف ستين داهيه .... حتى وانا مخبوطه ومضروبه وسايح دمى وفاقده الوعى . كان كل شغلى الشاغل هو انت فين ولا مين اللى عمل كده وانت كويس ولا لا ؟
اقولك سر ؟ انا كنت مستعده انى اشهد ليك بالحق واطلعك من كل ده حتى لو كان على حساب ابويا واخويا .... احمد انا بحبك . وبحبك اوى كمان ( بتسيبه وبتطلع بره وهى بتعيط )
احمد : ( بيكلم نفسه ) وبعدين بقي ف بنت المجنونه دى وجعتيلى قلبى الله يحرقك
..............
( وائل وأبوه )
عربي : يا وائل لازمته اي اللى انت بتقوله ده ؟ وليه من أساسه
وائل : يا حاج .. يا حاج انت ماتعرفش الناس بتقول علينا ايه بره .. البلد كلها مالهاش سيره غير عربي وعياله اللى بيتاجرو ف الاثار وكانو هيودوا واد مظلوم ف داهيه .. الناس كلها بتبص لاحمد دلوقتى على انه حاجه كبيره أوى وبيبصولوا دلوقتى على انه الصادق الامين ..
عربي : طيب ماهو فعلا كده مش عاوزين نتبلى عليه سيبه ف حاله
وائل : يابا اسمعنى .... سمعتنا مش هترجع زى الاول وألسنة الناس تتخرس الا لو اللى بقولك عليه ده تم ... البلد كلها لما تشوف احمد ابن الناس الطيبين اللى ماقبلش على نفسه قرش حرام والكلام ده داخل خارج على بيتنا هيتطمنو من ناحيتنا وهيبدأو يقولوا . لا داحنا كنا ظالمين عربي وعياله ... وفعلا ان عاشور وادهم وابنه فتحى هما اللى عملو كده زى ماحنا وصلنا للناس الكلام ده .. يبقى لازم نأكد الموضوع ده بخبر زى اللى قولتلك عليه ... وهو جواز احمد من أميره
عربي : انت عارف ان ده مستحيل هيحصل .. مستحييييييييييييييل . مش احمد اللى هيعمل كده لسببين . اولا باين قدامك اوى انه بيحب مراته ومراته مش سهله انها ممكن تسمح لحاجه زى دى . وتانى سبب هو كاره اميره وكرهها أكتر بعد المشكله دى . او خلينا نكون واقعيين هو مش كارهها ؟ لا هو مش عاوز يقرب مننا تانى . خوفه ده هتقدر تغيره ازاى ؟
وائل : انا خلاص نفذت وقررت ولقيت السكه اللى هدخله بيها
عربي : سكة ايه ؟
وائل : خد شوف التحاليل دى ؟
عربي : تحاليل مين دى ؟
وائل : أميره بنتك !
عربي : ايوه معناها ايه قولى اللى ف دماغك ومالها التحاليل دى فيها ايه ؟
وائل : المفروض ان اميره عندها بعد الشر يعنى كانسر وف حاله متأخره جدا وكلها شهور او سنه بالكتير اوى و
عربي : بس بس الله يحرقك ايه الفاظك دى ... بعد الشر ع البت
وائل : يا حاج بعد الشر طبعا وهو ده اللى انا عاوزه . الخضه اللى حضرتك اتخضيتها دى هى هى نفس الخضه اللى احمد هيتخضها . وهيبدا يفكر .. لو فكر وادى نفسه مساحه من التفكير يبقى انا كسبت . انى قدرت ألعب ف دماغه
عربي : طيب يا فالح هو يعنى صغير ؟ ماهو اكيد هياخد التحاليل ويروح هو لاى معمل ف الدنيا ويتأكد وساعتها هيعرف ان الكلام ده مضروب
وائل : ههههههههههههههه عيب يا حاج هو انت ماتعرفش ابنك ؟ الاشعه سليمه ميه ف الميه وصحيحه ولو اى معمل ف الدنيا او اى دكتور شافها هيقوله نفس الكلام
عربي : يابنى ماتلعبش باعصابى . انت مش بتقول ان اميره كويسه
وائل : يا حاج مال اميره بالموضوع .. الورق انا جايبه من معمل تحاليل بالشئ الفلانى وخليتهم يطبعوا اسم الحاله باسم اختى عليها يعنى دلوقتى احنا قدام ورق رسمى طالع من معمل تحاليل مشهور ومختوم كمان . هو بقي ياخد الورق والاشعه ويتأكد عند اى معمل تحاليل هيتأكد وهيقولوله نفس الكلام .. فهمتنى ؟
عربي : يابن الكلب هههههههههههه طب انت مصمم ع الجوازه دى ليه ؟
وائل : اقولك الصراحه يا حاج
عربي : طبعا ..
وائل : لسببين !
الاولانى وهو ده السبب الرئيس هى سمعتنا ف البلد ومش هترجع سمعتنا دى تانى زى الاول واحسن الا بواحد زى احمد واحمد بالخصوص يدخل حياتنا عن طريق جوازه من اميره ... لان مستحيل احمد اللى وقف قدام التجاره المشبوهه ورفض الحرام ومعرفش ايه انه يروح يتجوز بنت الراجل اللى الناس كلها بتتهمه ... صح ؟
عربي : صح جدا . والسبب التانى
الروايه ملك حصرى ل بيدج هو وهى وصفحة الادمن الصخيه فقط
وائل : السبب التانى هو موضوع كرامه . كرامة اختى اللى شايفها مدلوقه عليه ومش عارفه تعمله ايه عشان يحبها .. وده موصل نفسيتها ف الارض . لا بالعكس دنا اجيهولها راكع على رجله واذله واخليه يترجانى عشان اجوزهاله وبعدين اجوزهاله واخليها هى بنفسها اللى تديله الطريحه التمام وتمشيه .. ساعتها لا هو ولا غيره هيقدروا يرفعوا رااسهم ف البلد ولا اى كلب يقدر يناطحنا بالكلام ولا يقول نفس كلمه علينا تاني
عربي : يخرب عقلك . انت كل ده فكرت فيه إمتى ؟
وائل : من ساعة ما خرجنا م الموضوع ده وانا بفكر ازاى نرجع زى الاول وهى دى الفكره اللى وصلتلها ومارضيتش اقولك غير لما اسويها ف دماغى
وبينى وبينك فيه سبب تالت هقولك عليه بعدين بس هو هيفيدنا بعدين لان فيه عيون من المباحث ابتدت تدورو رانا
عربي : طيب دلوقتى هو تحت . المفروض هنقوله ايه
وائل : خلينى انا اتكلم معاه . وهتشوف بنفسك . ومش عاوز منك غير انك تكون متأثر شويه بس عشان يصدقك ويصدقنى .. اهم حاجه ان اميره ماتعرفش حاجه عن الموضوع .. المفروض انها تعبانه وماتعرفش ولا حد مننا قايلها
عربي : طب يلا بينا عشان مايزهقش ويمشى
وائل : على مهلك يابا . تعالى
...................
( نوران وهدير ف الشقه )
هدير : مالك يا نون
نوران : مافيش يا روحى بس مخنوقه شويه مش عارفه ليه
هدير : ههههههههههههه بطلى بقا تشاؤم يابت ... احنا كنا فين وبقينا فين .. جوزك فين صحيح ؟
نوران : زمانه جاى مش عارفه اتأخر ليه كلمته من نص ساعه كده قالى انا ع القهوه اهو وقايم جاى ع البيت
هدير : طيب قوليلى بقي .. مخنوقه من ايه
نوران : مش عارفه وقلقانه جدا .. اقولك حاجه بس وحياة ابوك ماتقلقينى معاك
هدير : حاجه ايه انتى كده قلقتينى انا شخصيا
نوران : فاكرة الحلم بتاع التعبان اللى كان فيه احمد وانتى
هدير : اعوذ بالله ليه السيره النكد دى حرام عليك يا شيخه
نوران : الحلم بقالى يومين بشوفه تانى بس بشكل بشع وبشكل بيخنقنى ومش عارفه اعمل ايه تانى ولا اتصرف ازاى ؟
الروايه ملك حصرى ل بيدج هو وهى وصفحة الادمن الشخصيه فقط
هدير : طيب الحلم كان عباره عن ايه
نوران : اوسخ من الحلم الاولانى ... الحلم الاولانى كانت تعابين واترصدت لاحمد بس انا شيلته ف الاخر .. لكن الحلم ده عمره ما كمل معايا ... دايما كنت اصحى وانا شايفه التعابين مترصداله وخلاص هتهجم عليه
هدير : لا اله الا الله .. ياشيخه حرام عليك سيبتى مفاصلى . انتى ليه بتعملى فيا كده .. بقولك ايه انتى ماتناميش غير وانتى طاهره ومتوضيه . معرفش ازاى بس اتصرفى .. واستعيذى بالله من الشيطان الرجيم قبل ما تنامى واقرى آيه الكرسي .. انتى مش كل يوم والتانى هتكركبيلى بطنى حرام عليك يا نوران . والله حرام عليك
نوران : ( بتعيط ) طب اعمل ايه طيب .. اعمل ايه ف احلامى الزفت دى . انا بدأت اكره حياتى ومش عارفه اعمل فيها ايه .
شويه اضحك على نفسي واقول ده مجرد حلم او توابع للحلم القديم وبفتكرها وخلاص
وشويه اقول لا دا الحلم الاولانى اتفصل بالمللى اشمعنى ده يعنى مش هيتفصل
وشويه احاول انسي واضحك واهزر وارخم على احمد عشان انسي الحلم بس مجرد ما اروح ف النوم الاقى نفسي بحلم بيه تانى
اللى مضايقنى المرادى انى مش عارفه اكمل الحلم
مش عارفه احدد اخره ايه . اخره وحش ولا اخرج فرج
هدير : ( بتحضنها ) اهدى يا روحى اهدى ياماما انشالله خير .. اهدى عشان شكل مى طالعه ع السلم
نوران : اه . اوعى تقوليلها حاجه والنبى ولا تقولى لاى حد حاجه
هدير : لا لا قومى انتى ع الحمام بسرعه اغسلى وشك واطلعى عادى هزرى واضحكى معانا . يلا يلا
نوران : ماشى افتحيلهم انتى
................
( احمد مع عربي ووائل )
عربي : اهلا ! ازيك يا احمد يابنى
احمد : اهلا بيك يا حاج
وائل : اقعد يا احمد واقف ليه
احمد : مافيش بس بعد اذنكو يعنى انا كنت عاوز افهم ايه العباره وايه الموضوع اللى جبتونى بسببه هنا
وائل : الموضوع بصراحه ومن غير مقدمات هو موضوع حياة او موت بالنسبالنا . استنى ثوانى أرد الباب علينا بس عشان ماينفعش حد يسمع اى كلمه ن اللى هتتقال دلوقتى
احمد : حياة او موت ؟ ايه الحكايه يا وائل .. فيه ايه ؟ فيه مصايب تانى ؟
وائل : هى مصيبه يا احمد بس انت مالكش علاقه بيها من قريب او من بعيد بس ف ايدك سبه كبيره انك ترحمنا
احمد : ( بعصبيه ) يا عم وائل بطل لعب باعصاب الواحد وقول اللى انت جايبنى عشانه . ماتتكلم يا حاج عربي ولا مكفكوش اللى حصل قبل كده
عربي : اهدى يا احمد بس اهدى هو وائل هحكيلك كل حاجه
وائل : الموضوع ف اميره اختى يا احمد
احمد : مالها اميره ! ماهى كانت هنا من شويه وانا وهى كنا بنهزر مع بعض . ايه العباره
وائل : اميره لما دخلت المستشفى ف الحادثه بتاعتنا كلنا كانت بتجيلها حالة لا وعى كده كل شويه وده اللى خلا دكتور المستشفى يطلب شوية تحاليل
لما راحو وعملولها التحاليل اللى عاوزينها اتفاجئنا كلنا ان اميره
احمد : ان اميره ايه ؟
وائل : ( بينزل دموع تماسيح ) اميره عندها كانسر وف مرحله متأخره جدا . الحكايه كلها مسأله شهور او سنه بالكتير وماتكونش معانا ... المشكله انها عدت مرحله اعلاج بالكيماوى . لان كل ده مش هيعمل حاجه او بمعنى اصح ف الفاضى . وده اللى مخلى ابويا زى مانت شايف كده بقا قليل الكلام
احمد : ( باستغراب وقلق ) اميره عندها كانسر ؟
وائل : ( بيعيط ) اه يا احمد اميره تخيل ؟
احمد : ( بزعل شديد ) لا اله الا الله ... حرام عليك يا اخى . حرام عليك انت زى ما يكون جبت جردل ميه فوق دماغى ...
وائل : احمد : الكلام ده مافيش غير تلاته بس يعرفوه .. انا وابويا وانت ... اميره نفسها ماتعرفش حاجه عشان نفسيتها وكده . فاهمنى ؟
احمد : فاهم فاهم .... لا اله الا الله يارب . ايه الاخبار دى بس ....... اميره ؟ اميره زميلة طفولتى والملاك البرئ اللى دايما كنت احب اطلع روحها ؟
وائل : ( بيبص لابوه )
احمد : اميره ؟ اميره العربي حتة البونبونى اللى دايما بتدي للمكان اللى موجوده فيه بهجه وحب وجمال ودلع وكل حاجه حلوه ؟
عربي : انت بتحب أميره يا احمد ؟
احمد : طبعا بحبها . اكرهها ليه ؟ بحبها زى اختى زى صاحبتى . صديقة طفوله ليه اكرهها يا حاج ؟ ( بيعيط )
وائل : احمد حقك طبعا ماتصدقش كل الكلام اللى قولتهولك ده بس دى الاشعه والتحاليل بتاعتها وحقك تعرضها على اى معمل ف الدنيا وتتأكد من كلامى
احمد : مش موضوع مش مصدقك انا مصدوم يا وائل
وائل : لا انا مصمم انك تاخد الاشعه وتتأكد بنفسك وتتأكد الكلام اللى جوه ده مظبوط ولا لا
احمد : مالوش لزوم بس حاضر هات الاشعه .... بس انا ليا سؤال واحد بس .
وائل : احنا ليه قولنالك انت صح ؟
احمد : بالظبط .. ليه قولتولى ؟ وليه انا بالذات
وائل : بصراحه
عربي : لما تعرف ان بنى ادم قدامك ايامه معدوده ف الدنيا ممكن تعمله ايه
احمد : هحاول اسعده على قد ما اقدر
عربي : وانا عاوز بنتى تعيش سعيده ف اخر ايامها .. تتجوز أميره يا احمد ؟
..............