روايه انا و هي

(الحلقه العاشره) ..( دى شكلها هتحلو ) ❤

رجاءا اللى متابع الروايه يدعمنا بلايك وكومنت
#رواية_انا_وهى_الجزء_التالت
(الحلقه العاشره) ..( دى شكلها هتحلو ) ❤
............
(في الحلقه السابقه )
سلمى : رجلى على رجلك بردو
حمو : الله ! طب هتيجى تهببى ايه طيب
سلمى : معرفش . بس لازم ابقى معاك . مش هقدر اسيبك هناك كده عمال تلاغى وتشقط كمان . بس ياض والله ادبحك
حمو : اووووف .. طب هندخل عليها ازاى طيب قوليلى فكره حلوه
سلمى : هقولك بس ماتضحكش عليا
حمو : يا وليه قولى يا وليه بقي ماتفتيش ف قلبي
................. ( العاشره ) ❤
سلمى : زى الافلام . خلى حد يعاكسها وادخل اضربه وبالصدفه البحته تعرف ان انت صاحب احمد . حمو .. مش انت بتقولى انك لقيت كومنت واضح فيه انها عارفاك . معنى كده ان احمد مكلمها عنك
حمو : ايوه ! فين السؤال مش فاهم
سلمى : ههههههههههه بص ياعم . احنا هنروح المنصوره تخلى حد من تبعنا يعاكسها وانت تدخل وتضرب الواد ده وتتعرف عليها بقا وجرالك حاجه ومعرفش ايه وكده .. والكلام هيجيب كلام . زى الافلام يا عم
حمو : ايه الفيلم العربيى المحروق ده . لا فكره وحشه
سلمى : ماهو اللى ماتعرفوش يا عنيا انى هبقى معاك على إنى أختك .. وده هيخليها تتطمن . ايش فهمك انت ..
حمو : ايه الدماغ دى .... راسك ابوسها ياست حلويات
سلمى : عشان تعرفوا بس
حمو : طب تفتكرى مين ممكن ينضرب ويسكت
سلمى : اى حد تكون البت دى ماتعرفوش ... الواد على مثلا
حمو : على ؟ هههههههه خلاص
سلمى : ماتكلمه تساله شوفه كده هيوافق ينضرب ولا لا
حمو : نعم ؟ هو خلاص جاى اعتبرى الموضوع خلصان مافيش بينا استئذانات يا ماما هههههههههه
سلمى : طيب انا أختك ها . ورجلى على رجلك ... يمين الله يا احمد لو عينك زاغت كده ولا كده لاطينها عليكو كلكو واحد واحد وانت عارف جنان أمى
حمو : مش محتاجه تحلفى يا قلبي انا عارف ...يلا ربنا يجيب العواقب سليمه
سلمى : هات بوسه ياض
حمو : احترمى نفسك بقي
سلمى : هههههههههههههههه ( بتقعد على رجله هى وابنها ) دلعنا شويه بقا انا وابنك
حمو : يا حلو ياللى العسل سايل من الشفه
شعرك سلاسل دهب
دمك كمان خفه
ادفع ف مهرك الوف
واهديك جميع مالى
لو قولتى كلمى ييييس مع ضحكه من الششششششششفه
سلمى : ايييييييييييه .. ( بتحضنه حضن كبيييييير ) عاشقاك يا مالكنى
حمو : دى كلمتى على فكره .. لسا فاكراها ؟
سلمى : هو انا هنساها ؟ دنا مصوراها .... لما كتبتلى على جدار السور بتاع الكورنيش حقك عليا يا مالكتى ... لسا موجوده قصاد بلكونتنا كنت كل ما ابقى مخنوقه ولا زعلانه وانت بعيد عنى ومعرفش انت فين كنت اروح اقعد هناك وافضل اكلمك
3 سنين يا جزمه معرفش عنك حاجه لما كنت خلاص
كنت بتعالج بسببك يا اخى حرام عليك
حمو : أهى ايام بقي ... عشان تعرفنا انى مقدرش استغنى عنك ثانيه واحده . يا سوسو انتى أمانى ... فكرك انتى بتتحامى بيا ؟ بالعكس انا اللى بتحامى بيك
بستمد قوتى وثباتى من ضحكتك
بقدر على الدنيا وعلى الايام عشان تفضل ضحكتك مرسومه قدامى
يمين الله لاولعلك ف الدنيا دى نار وجحيم على اى حد ف الدنيا يحاول يطفى ضحكتك ولو لثوانى ... دنا لما بدخل من باب البيت والاقيكى قاعده مستنيانى انتى والواد اللى مراقبنى ده بحس انى داخل الجنه
اقسم بالله بشم ريحة جمال ودلال الجنه . وليه لا ؟ ليه لا يعنى ماشمهاش وانا ف حضرتك يا ست الكل انتى
سلمى : كل مره بسمع فيها كلامك كأنى بسمعه لاول مره
حمو : بقولك ايه !
بشويش كده وماتتحركيش . الواد شكله نام ... هششش بالراحه خالص سلكيه من على ايدك هاتيه على ايدى . وانا هقوم احطه ف سريره وحصلينى ورايا بسرعه
سلمى : طيب اهو بالراحه اوعى يصحى
حمو : لا ماهو لو صحى هرميهولك م الشباك . انا تعبت ... حسو بيا بقي
سلمى : هششششششش وطى صوتك
حمو : متزفت اهو .. ايوه . ايوووه .. ايوووووه ... بالراحه .. نام يا حبيبى نام وانا ادبحلك جوز حمام . جوز مين نام وانا هدبحلك الحمام كله
سلمى : هههههههههه
( لسا بينيم الواد على سريره الواد بيصحى وبيفتح عينه بس من غير عياط )
( حمو متسمر مش عاوز يتحرك لا الواد يعيط )
حمو : سوسو أعمل ايه ... اعمل ايه الواد عمال يبصيلى
سلمى : اوعى تتحرك .. لو اتحركت هيعيط
حمو : وانا هفضل واقف مقرفص كده كتير . نام يابن الجزمه هيجيلى الغضروف .. نام ياض انت بتعاملنى كده ليه .
( بيبدا يعيط ويصرخ )
حمو : ارحمنى يارب ... خدى ابنك .. خدى ابنك واطلعو بره . بره بيتى يا كلاب
سلمى : هههههههههههههههههههههههه هعوضهالك بالليل ماتزعلش
..................
( تانى يوم في المنصوره )
( أميره بتطب على احمد في مكان المحل بتاعه )
احمد : ايه ده انتى ايه اللى جابك هنا ؟
اميره : قولت اعملهالك مفاجاه ... اتغديت ؟
احمد : فيه ايه يا اميره .. هو انتى مراقبانى بقي
اميره : اه .. تعالى نتغدى بقي والله جايه م البلد مخصوص عشان اكل معاك هنا
احمد : وبعدين يعنى
..........
عماد : الو ! انت فين يا نجم ؟
حمو : داخل ع المنصوره اهو ... معايا سلمى
عماد : طيب عشان الزبون قاعد مع الزبونه دلوقتى اهو ..
حمو : طب اخلع انت وانا داخل عليه اهو . كأنى عاملهاله مفاجاه
عماد : طيب انا واقف لغايه ما تطب عليه لاحسن يمشى ولا حاجه دلوقتى
حمو : بقولك ! المحل بتاعه ف وش شارع جيهان على طول ؟
عماد : اه هو ده . هتلاقيه بيتشطب لسا
حمو : خلاص خلاص عرفته ... انا خلاص 10 دقايق وهكون هناك . هو شكله مطول هناك ولا هيقوم
عماد : لا شكله مطول
حمو : طب اخلع انت بقي مش عاوزه يشوفك
......
سلمى : انت ايه اللى خلاك تجيب شهاب وماتجيبش على
حمو : بفكر ف حاجه كده
سلمى : بتفكر ف ايه .. ماهو احمد مايعرفش شهاب
حمو : هههههههههههههه اه منا عارف .. منور يا ابو الشهابات .. زى ما اتفقت معاك ها .. كلهولى علقة مووت . عاوزه يتربي هههههههههههه عاوز البت تكرهه وماتطيقش تبص ف وشه ...
شهاب : هههههههههههههه عيونى ... يعنى انا ادخل ارخم ع البت عادى يعنى ولا ايه ؟
حمو : بالظبط . شويه معاكسات كده حلوين بس خلى لكنتك م المنصوره ماتحسسهمش انك من اسكندريه
شهاب : عيونى ههههههههههه
حمو : اقفلى الشباك جنبك يا سلمى عشان الواد
سلمى : ايوه حاضر
حمو : بعد ما تخلص عليه انا هدخل اتغابى عليك انا بقي ههههههههههههههه يمين الله لو قليت باصل أمك معايا لنا معلقك
شهاب : هههههههههههههه عيونى بس خف ايدك ها
حمو : لو خفيت ايدك ع الواد هتغابي عليك .. لو اتغابيت عليه هخفها عليك انت اشطا
شهاب : ههههههههههههه وحياة أمى لاظبطهولك
.................
حمو : الو !
احمد : حبيبى حبيبى حبيبى ... واحشنى كتييييييييييييير ياض انت
حمو : ماهو باين يا واطى ... بقولك ايه انا ف المنصوره دلوقتى ساعه واكون قدامك ف البلد
احمد : نععععععم ؟ انت بتهزر بقي .. انا ف المنصوره
حمو : اييييييييييه ؟ يا نهار ابيض يا ابو حميد انت بتتكلم بجد . دنا قولت اعملهالك مفاجأه . معايا سلمى . دانا تصدق قدام المحل بتاعك اهو .. انت قاعد فين ؟
احمد : ايه ؟ فين ؟ مين ؟
(بيوشوش اميره : قومى يا اميره بسرعه دلوقتى )
حمو : هركن ونازلك يا حب
..........
( حمو بيشاور ل شهاب على البت وبيروح يعاكسها فعلا وبتشتمه وبيضطر احمد انه يدخل ف الموضوع .. شهاب بيتغابي عليه وبيضربه وبيقطعله القميص )
( حمو بيظهر مع سلمى وفقا للخطه وبيروح يضرب شهاب والناس بتتلم وتفض الخناقه )
......
حمو : مين ده ياض ؟
احمد : وانا ايش عرفنى ... ده ايه الاشكالات دى
حمو : بس انت بقيت خرع كده ليه مش عارف تضربه جاتك ستين نيله ... انتى كويسه يا عروسه ؟
اميره : ( بتتنح من كاريزمة حمو وشخصيته ) اه كويسه الحمد لله
حمو : المنصوره واللى منها يا ابو حميد ههههههههههه
اميره : هههههههههههه متشكره أوى انت معاك انسه تقعد كل بنات المنصوره على جنب
حمو : احم . اه دى اختى
احمد : ههههههههههههه نسيت اعرفكو ببعض ... ده حمو يا اميره
اميره : ايه ؟ هو انت ؟ بتتكلم بجد
سلمى : ( بغيره وعصبيه ) اهلا . انا أخته على فكره . سلمى . اسمى سلمى وده ابنى
حمو : اه اختى . وده ابنها كنا جايين زياره للمعلم ده وبالصدفه عرفنا انه ف المنصوره قولنا نطب عليه ... ماعرفتناش بقا بالعسل ده يا ابو حميد ..
سلمى : اه وانا كمان عاوزه اتعرف ... جوزى مسافر الصراحه قولنا نيجى نشوف المنصوره وجمالها
حمو : اه جوزها مسافر
سلمى : الظاهر كده هيسافر م الدنيا كلها قريب باذن الله
اميره : ههههههههههههههههه ماشاء الله . طبعا لازم تكونو اخوات . شبه بعض اوى ماشاء الله
حمو : ربنا يكرمك ... دانتى اللى باين عليك ذوق ,ادب وشياكه . ايه ياعم
اميره : ( بكسوف ) متشكره
سلمى : ( بنرفزه بتضرب احمد ف ايده ) اتلم يابن الهبله بدل ماطرقعلك
حمو : وطى صوت أمك هنتفضح
الروايه ملك حصرى ل بيدج هو وهى وصفحة الادمن الشخصيه فقط
سلمى : اخر مره بقولك اتلم ... انا مش كيس جوافه هنا
احمد : تعالو تعالو شوفو المحل بتاعى
حمو : تعالى .. تعالى عاوزك يا ابو حميد ثوانى . خدو راحتكو يا بنات
.....
احمد : ايدك ابوسها وحياة امك ماتفضحنى ولا تجرسنى
حمو : انت لسا شوفت فضيحه ؟ دنا هخلى اللى مايشترى يتفرج على امك دلوقتى
احمد : حقك عليا ههههههههههه انا اسف . انا ابن ستين ف سبعين واستاهل بس الموضوع لو عرفته هتعذرنى ...
حمو : بقا بتلعب بديلك ياض .. هو انا مش قولتلكو قبل كده يا شوية بهايم اللى هيلعب بديله بعد ما يتجوز هقطعهوله
احمد : هههههههههههههه حمو عشان خاطرى ... وبعدين ايه حكاية سلمى اختك دى
حمو : لا منا كنت عاوزك تتجنن ف عقل امك وتقولها دى مراته .. انا جايلك اصلا مخصوص يا كلب السكك انت . جاى اشوفك بتهبب ايه وسلمى معايا ف اللعبه دى
احمد : طب من غير فضايح عشان خاطرى وهحكيلك على كل حاجه
حمو : طب تعالى اما نشوف بيعملو ايه بره مسكو ف بعض ولا لسا
..........
اميره : حمو اخوك زى العسل يا سوسو
سلمى : الله طولك يا روح
اميره : ايه يا حبيبتى بتقولى ايه
سلمى : مابقولش
اميره : لا بجد انا ياما سمعت عنه من احمد بس ماكنتش اعرف ان حته بونبونى كده
سلمى : ياصبر ايوب
اميره : انتى بتقولى ايه يا سلمى مش سامعاك يا حبيبتى
سلمى : ( بضحكه صفرا ) مافيش يا روحى ببرطم مع ابنى اللى مغلبنى ده ومطلع عينى
اميره : ربنا يخليهولك ....
سلمى : وانتى بقي تعرفى احمد من زمان ؟
اميره : اه داحنا زمايل دراسه
سلمى : امممم واتقابلتو النهارده بالصدفه بقا ولا ايه
اميره : اه كنت جنب المحل بتاعه قولت اعدى اسلم .. انتو نازلين معانا البلد
سلمى : اه نازلين نسلم على طنط ام احمد
اميره : هى تعرفكو ؟
سلمى : اه .. كلنا عارفين بعض وبنزور بعض
اميره : هههههههههههه لو مافيش اماكن ف البيت هناك عندنا اماكن كتير ف البيت بتاعنا . شقه كامله هتبقى ف خدمتكو ف العماره بتاعتنا
سلمى : متشكره يا روحى ... انا بحب اقعد مع البنات بطه ومى . ونوران حته السكره بتاعتنا
اميره : امممممم يا عينى عليها
سلمى : عينك على مين ؟
اميره : لا مافيش مافيش . طب ايه هتتحركو ع البلد دلوقتى ولا شويه لسا
سلمى : استنى الجماعه جايين اهو هنسالهم
اميره : ايه يا حمو هتيجو معانا البلد
سلمى : بتقولى ايه يا حلوه ؟
اميره : ايه ؟ بسالكو يعنى هتروحو البلد ولا لسا
سلمى : لا اللى قبل السؤال
اميره : حمو ؟ !
احمد : ( بيوشوش حمو ) ادخل شيل مراتك عشان شكلها هتاكل البت
حمو : يا منجى من المهالك يارب
سلمى : على فكره يا حبيبتى هو اسمه احمد عادى جدا . حمو ده مابيقولهالوش غير اصحابه القريبين منه وحبايبه يعنى
اميره : ايه ده يعنى انا مش بقيت صاحبتكو خلاص
حمو : احححم اه طبعا انتى طالما تعرفى الغالى ده يبقى اكيد هتبقى واحده مننا طبعا ده اسمه كلام ....
اميره : ميرسي اوى يا حمـــ قصدى يا احمد كده صح يا سوسو هههههههههههههه
سلمى : ( بتوشوش حمو ) شيلو بنت الجزمه دى من قدامى بدل ويمين الله همسح بيها اسفلت الشارع
حمو : ايه يا ابو حميد مش هنمشى ولا ايه ... معاك عربيه ؟
احمد : لا جاى مواصلات
حمو : طب يلا عشان أكل امك وحشنى
اميره : طيب ماتجيب سلمى معايا ف العربيه وامشو انتو . واحنا وراكو
احمد : ايه ؟
الروايه ملك حصرى ل بيدج هو وهى وصفحة الادمن الشخصيه فقط
اميره : ماتخافوش انا بعرف اسوق كويس
حمو : خلاص كويس فكره بردو ... خلى بالك منها يا ميرو
اميره : ( اميره بتتنح وبتبدا تسهم ) من عنيا . دى ف عينى
حمو : تعالى يا سلمى هقوللك حاجه على جنب
...
سلمى : ابعد عن وشى دلوقتى عشان مش طايقاك ولا طايقه البلد دى ولا طايقه صاحبك ده
حمو : وحياة النبى .. وحياة النبى يا شيخه تعدى الليله دى على خير هههههههه ابوس ايدك وحياة عتريس اللى ف ايدك ده
سلمى : انت ! دانت هتشوف منى ليله النهارده . ليله سوده على دماغك
حمو : الله ! وانا مالى انا يا لمبى
سلمى : هو كده .. هاتلى شنطتى م العربيه يلا
حمو : عيونى
.........
( ف العربيه حمو سايق عربيته ووراهم اميره مع سلمى ف عربية اميره )
حمو : بص بقا يا نجم .. احكيلى كل حاجه بدل ما اطربقها على دماغ امك النهارده ف البيت ...
احمد : هتعمل ايه يعنى مابخافش
حمو : لا يا حب انا مش هعملك حاجه . انا بس هدى نبذه مختصره للست نوران هانم السكره بتاعتنا
احمد : لا والنبى لا
حمو : طب ها اشجينى .. قسم وسمعنى حكاية أمك ايه
احمد : ياسيدى الحكايه ومافيها ان ...... ( بيحكيله كل حاجه )
............
( عربية أميره )
اميره : وانتى بقى بتعرفى تسوقى يا سلمى
سلمى : الحمد لله .
اميره : احكيلى عنكو شويه بقي
سلمى : احكي عن مين
اميره : عنك انتى وحمو.. احححم قصدى احمد اخوك مش عارفه بتزعلى ليه لما بقوله حمو
سلمى : مش موضوع زعل بس ده حبيبى ده غالى عليا ... انا وهو مافارقناش بعض طول عمرنا ف عشان كده تلاقينى متعلقه بيه اوى يعنى وبغير عليه
اميره : هههههههههههههه هو الصراحه يتخاف عليه .. اومال ناويه تعملى ايه لما يتجوز بقا
سلمى : يحلها ربنا من عنده بقي ساعتها
اميره : هههههههههههه ع فكره لو بتدوريله على عروسه انا جاهزه اهو ههههههههههههه
سلمى : ( ضحكه صفرا ) هههههههههههههههه ان شاء الله
اميره : هههههههههههههههههههه فاكرانى بهزر صح . والله بتكلم بجد دنا ممكن ادفعله المهر كمان
سلمى : هى البلد بعيده ولا ايه حكاية امها ايه ؟
اميره : هى ايه ؟
سلمى : البلد بتاعتكو
اميره : لا خلاص قربنا
.................
( هدير مع نوران )
هدير : نونه
نوران : ايه يا روحى
هدير : فيه حاجه عاوزه اقولك عليها مش قادره اسكت اكتر من كده
.................