روايه انا و هي

(الحلقه السادسه عشر ) ..( مالحقش يتهني )

(الحلقه السادسه عشر ) ..( مالحقش يتهني ) <3
............
(في الحلقه السابقه )
احمد : ايه رايك ف المساج بقي
نوران : عارف !
انا حالا كنت ف دنيا تانيه
لمسه ايدك مع صوت نفسك خارج داخل وانا سامعاه كان متوهنى .. تعالي هات حضن بقي
احمد : اه ماقولكيش بقي ع حضن الزيت ده فلفصه وبهدله هههههههههههههه بكره عندى ليكى مفاجأه
نوران : مفاجأه ايه قول دلوقتى
احمد : بكره ماتبقيش زنانه هههههههههه
............... ( السادسه عشر ) <3
( تانى يوم )
نوران : يا بسبس . اصحى يا واد بقي
احمد : شويه بس معلش بعد اذنك
نوران : هههههههههههه لا حلوه . ايه الادب ده
احمد : يابت اتاخرى من على ضهرى يخربيت معرفتك . عاوز انام انا ماعرفتش انام امبارح
نوران : ومعرفتش تنام ليه امبارح . ها ليه ؟
احمد : معرفش . هديتى حيلى منك لله هههههههه
نوران : قوم بقا انا قومت حضرت فطار حلو زيك كده . قوم نفطر سوا
احمد : يا حبيبتى شويه طيب
نوران : نوووووو . قوووووم بدل ما ارش عليك ميه
احمد : ربنا بالينى بواحده هوبا خالص .
نوران : ههههههههه ايوه زى الشاطر كده قوم ...
احمد : بقولك ايه ماتحطيلنا محمايتين فحم ع النار كده اشيش بعد الفطار
نوران : هههههههه محضرالك المحمايتين . نفطر بس وهولعلك عليه . وبعدين هو ايه موضوع الشيشه دى بقت عامله زى البزازه ف بؤك ...
احمد : طب بس اخرسي . انا اسمحلك تغلطى ف اى حد .لكن تغلطى ف الشيشه لحد هنا واقفى ههههههه
نوران : هههههههههه طيب يلا قوم
.........
( بعد الفطار )
احمد : بقولك ايه ! ما تيجى نروح المنصوره النهارده
نوران : لا ياخويا انا عاوزه اروح اسكندريه . مش انت قايلى اننا هنروح نقعد هناك اسبوع كده ولا اسبوعين
احمد : طبعا ... ع الجمعه الجايه ان شاء الله . يعنى بعد بكره
نوران : طب هروح النهارده المنصوره نعمل ايه
احمد : ايه اللى نعمل ايه . اهو نخرج . ندخل سينما نتفسح . نشوف المحلات . اى حاجه
نوران : ماشى .. بقولك ايه يا احمد
احمد : اااااه بقلق انا من بقولك ايه يااحمد دى . وراها عكننه . خشى عليا بالعكننه خشى
نوران : هههههههههههه يعنى عارف انى هعكنن عليك
احمد : ياروح قلبى 6 سنين اعرفك فيهم وبحبك بينى وبين نفسي وبردو كنتى تعكننى عليا
نوران : ازاى ده بقا ان شاء الله
احمد : امممممممم يابت ... يابت مش عليا
نوران : الله ! عاوز ايه انت عملتلك ايه قبل كده وعكننت عليك
احمد : خدى عندك .. مش كنتى مره شوفتينى واقف مع واحده ع البحر وانتى كنتى ماشيه مع اختك رايحين مش عارف تشتروا ايه .... فضلتى 4 ايام ماتفتحيش بلكونتك . ولما اصلا فتحتيها كنتى تخرجى تقفى فيها وتنفخى وتعملى نفسك بتلعبى ف التليفون وواقفه تتدلعى مع نفسك ولا معبره امى اصلا ... بس بعد كده خليت اختى مى تجيلكو وتعرفك بالحداقه كده ان البت دى معرفهاش وكانت بتسالنى على حاجه ف البلد لانها كانت مش من هنا ... صح ؟
نوران : يابن اللذينه هو انت اللى كنت باعت مى ؟
احمد : هههههههههههههه مبروم على مبروم مايرولش يا روحى . دنا اللى مربيك ...يومها بالليل بقي جيتى سيادتك بتتحججى وعاوزه تكلمينى جيتى تسالينى عن حاجه ف الكليه عندك وانا رديت عليك ببرود وسيبتك ودخلت اوضتى ... وسمعتك وانتى بتبرطمى وشتمتينى بشتيمه قذره زيك اساسا ههههههههههههههههههه
نوران : وانت سمعتنى منين ؟
احمد : منا فضلت واقف ورا الباب واكتم بؤى بايدى من الضحك .... ياخرابي دانتى قولتى كلام .. ايه ده
نوران : اعملك ايه ماكنتش طايقاك ولما هديت وجيت اكلمك لقيتك بتسيبنى وعملت فيها انك انت اللى مقموص . ها ؟
احمد : الله ! انتى بتعضينى من كتفى ليه دلوقتى
نوران : معرفش . عشان كل ما افتكر اللى كنت بتعمله فيا زمان هعضك
احمد : يا نهار اسود . دانتى على كده هتعضينى كتير اوى
نوران : يعنى عارف ان بلاويك كتير
احمد : الحمد لله بلاويا كتير بس قلبي ابيض من جوه ... اقولك سر ،
نوران : قول
احمد : كنا واحنا صغيرين افضل ادعى وادعى عشان الاريال بتاع التلفزيون بتاعكوا يتحرك عشان ابوك يندهلى اعدلهولكو واشوفك
نوران : اقولك سر انا
احمد : ياريت
نوران : كنت كل ما توحشنى كنت انا اللى اطلع احرك الاريال بتاعنا وابوظه عشان تيجى واشوفك
احمد : يابنت الجنيه هههههههههههه
نوران : انت عارف انا عاوزه ايه دلوقتى ؟
احمد : ايه
نوران : اشرب شيشه معاك
احمد : ماتقولى يابنتى عاوزه ايه ؟
نوران : بقولك اشرب شيشه معاك
احمد : يابنتى قولى انتى ساكته ليه
نوران : اه . خلاص هههههههههههههه ماتبرقش كده طب هات نفس واحد بس
احمد : قولنا بس بقي بدل وكتاب الله هقوم اجيبك من شعرك
نوران : سيب شعرى ف حاله . انت ما بتصدق اصلا عاوز تشده وخلاص
احمد : بقولك ايه ما تيجى نتخانق
نوران : نعم ؟ ايه نتخانق دى
احمد : يعنى نقوم نضرب بعض . بس مش ضرب يعنى .. يعنى عض تكتيف ابكاس شد شعر هههههههههه
نوران : لا ياعم انت ايدك تقيله ومش حملك انا
احمد : ههههههههههه لا قومى مش هتقل ايدى ماتخافيش
نوران : ايوه يعنى اخرة الخناق ده ايه عشان انا عارفه دماغك اصلا
احمد : ههههههههههههه ههههههههههههههه هههههههههههههههه هههههههههههههه هههههههههههههه هههههه هموووووووووووووووووووت ( بيقع ع الكنبه )
نوران : اه يابن اللذينه . يعنى كنت ناوى تغدر بيا صح ؟ والله كنت عارفه
احمد : انا يابنتى ؟
نوران : والنبى ايه ؟ طب بس بس . دانت يتفاتلك بلاد ..... مين اللى بيخبط دلوقتى
احمد : هيكون مين يعنى غير بلاوى الزمن اللى ربنا بلانا بيهم . اخواتى واختك . جايين يصبحوا ع اللى خلفونا
نوران : هههههههههههههههه طيب استنى اما افتح ...
مى : انتو اتأخرتو ليه ؟
نوران : بقولك ايه مش ناقصه غتاته ع الصبح احمدى ربنا اننا فتحنا اصلا
مى : ايه ده حمو ! عامل ايه يا بطتى هههههههههههه
احمد : هو اللى يصبطح بخلقكوا يبقى عامل ايه .. فل الفل
امل : هههههههههههههه هو جوزك مش طايقنا ليه يا نونه
فاطمه : ههههههههههه مش عارفه والله مش طايقنا ليه زى ما نكون واكلين أكله ولا حاجه
احمد : انتو نازلين بسرعه ليه مش تقعدوا شويه . طب خلاص يلا مع السلامه
مى : ههههههههه قوم انت نام . احنا قاعدين مع نونه شويه
احمد : لا انا خارج شويه .. نونه على العصر كده هرن عليك تجهزى اشطا
مى : ايه ده رايحين فين
احمد : مال امك انتى
مى : اوف بقي ماتقول ياعم
احمد : مافيش رايحين نزور واحد صاحبى عيان
مى : نعم ؟ وواخد مراتك ليه
احمد : امال هدخل ع الناس ازاى . بقولك عيان وماينفعش ادخل على مراته كده والراجل عيان حرام
نوران : هههههههههههههههه
مى : ماشى ... مش متطمنه . وكله هيبان هههههههههه انزل انت بس على ميعادك
..............
( ف شغل عماد صاحبه )
احمد : ايه يا عمده اخبارك
عماد : بخير يا حب ... انت ايه جاى على ملا وشك يعنى خير
احمد : مافيش . انت قدامك اد ايه وتخلص شغل
عماد : خلاص . دقايق وهقوم
احمد : طب انجز بقي . انا تحت ع القهوه لما تخلص عدى عليا
عماد : اوكى . هتلاقينى وراك
احمد : تمام
........
( ع القهوه )
عماد : حجر معسل والنبى يا كريم
احمد : اقعد بقا وطرطأ ودانك
عماد : هههههههههههه ايه ياعم القفشه دى
احمد : ركز وحياة أمك .... انت تعرف البت سمر ..
عماد : سممممر سمر بتاعتنا !
احمد : بتاعتك مين الله يحرقك انت كمان ... زميلتنا ف المدرسه ... جاتك داهيه على ألفاظك
عماد : هههههههههههه معلش . ايوه منا قصدى انها زميلتنا . مالها
احمد : البت لقيتها باعتالى رساله ع الفيس امبارح بتقولى بحبك ووحشتنى ومش قادره اتصور انك اتجوزت
عماد : يانهار اسود ومنيل
احمد : اسود ايه ومنيل ايه دنا هشمع ام الفيس ده ههههههههههههه البت مراتى كانت جنبى وكانت هتبقى ليله لقيتها بتقولى مين اللى باعت رساله بقولها عماد زفت باعتلى بيقولى العيال ع القهوه ما تيجى وقلبت الحوار ف ثانيه
عماد : ههههههههههههههه سااااايس يا معلم سايس أمورك لاتتطربق فوق دماغك
احمد : نوران حساسه جدا . دى ممكن تتعب لو قرات حاجه زى دى
عماد : ياعم نوران بتحبك وانت بتحبها
الحياه بينكو ربنا يبعد عنكو اى حاجه وحشه مش هتتاثر
احمد : هى مين دى اللى مش هتتأثر ؟ ياعم اجرى بقولك مرعوب من امبارح
عماد : ههههههههههه يا حلاوتك ف الهلس يا طعم
احمد : اتنيل على عينك ..
عماد : طب اللى اعرفه يعنى ان سمر اتخطبت بقالها مده . حاطاك ف دماغها لسا ليه
احمد : عملى الاسود ف الدنيا اعمل ايه ... انا خايف بس لاحسن تبعت لنوران حاجه ولا تتشك ف لسانها
عماد : ياعم ادعى بس انها ماتروحش تزورك
احمد : مين ياخويا ؟
عماد : هههههههههههههه تزورك .
احمد : يابنى بطل تفاهه بقي تروح لفين هى معتوهه اه بس مش للدرجادى
عماد : طب وحياة امى ممكن تعملها وممكن تيجى تزورك من باب المجاملات والصحوبيه وبعدين دى قريبتك من بعيد ..
احمد : قرابة سوده بعيد عنك ال ايه معرفش امها تقول لامى يا بنت عم خالة مرات ست مرات جدى ههههههههههههههه حاجه ف الرينج ده
عماد : طيب
احمد : على فكره انت ابن جزمه
عماد : ههههههههههههههههههه ليه يابا وانا مالى
احمد : الله يحرقك لعبت ف راس اللى خلفونى
عماد : هههههههههه احسسسسسسسسسسسن خلى راسك تسخن وعاملى فيها بوورم . ياجدع اجرى
احمد : الله يحرقك .... استنى الزفته اللى اسمها مى اختى بترن . شكلهم مش هيسيبونى وعاوزين يخرجوا معايا انا ونوران . عيال لازقه يا اخى مش عارف ايه ده
عماد : طب رد رد
احمد : استنى !
ايوه يا زفته انتى عاوزه ايه .. مش جايين معانا ومش عاوز زن كتير بقي
مى : ههههههههههههههه
احمد : بتضحكى على ايه يا نيله انتى
مى : هههههههههههههههههه
احمد : ماتنطقى يابنت العبيطه عاوزه من أمى ايه ؟
مى : إلحق وتعالى بسرعه عشان وقعتك هتبقى مش باينلها ملامح
احمد : خير . مانتو مابيجيش من وراكو غير وجع القلب ..
مى : البت سمر جايه هى وامها عشان يباركولك عشان معرفوش ييجو الفرح
احمد : إلهى يسد نفسك ونفس اللى خلفوك ونفس الكلب اللى قاعد جنبى ده . غورى ف داهيه انتى واخبارك
مى : هههههههههههههههههه
.........
عماد : ايه ياعم بتبصيلى كده ليه ؟ وحياة امى انا كنت بخمن معرفش انها هتطلع بجد
احمد : ولا يا كريم ... هات الجردل اللى جنبك ده واملاه بأوسخ ميه عندك وتعالى
عماد : طيب انا قايم مروح بقي
................
الجماعه السناجل : طبعا فرحانين ف الواد ..؟