روايه انا و هي

الجزء الثاني (الحلقه الأولى) ..( بدايتها فل )

(الحلقه الأولى) ..( بدايتها فل ) <3
............
(في الحلقه السابقه )
نوران : طيب ياخويا انت ومشاعرك دى ... صحيح بقولك فيه واحده صاحبتى عاوزه اعزمها . كانت ف اسكندريه طول الاجازه دى وكلمتنى ع الواتس قالتلى انها جايه بكره ف انا قولتلها تعالى على طول
احمد : طيب يا روحى وبتقوليلى ليه مانتى عارفه انه عادى هاتى اى حد من طرفك
نوران : ماشى يا روحى
احمد : صاحبتك مين بقا انتى ماشاء الله صحابك كتير
نوران : هههههههههههههههههه لا انت اكيد عارفها او شوفتها قبل كده من فتره يعنى لما كنت انا ف الجامعه ؟؟
احمد : ناولينى اشرب من جنبك ... ايوه مين طيب
نوران : خد يا حبيبى .. البت هدير .. الحلوه العسل دى
احمد : ( بيكح وبيشرق ) بتقولى مين ؟ ( ف سره : يا نهار اسود ومنيل . هى لما بتتطبل بتطبل كلها مره واحده . انا حد داعي عليا ف أم الجوازه دى )
.................... ( الحلقه الأولى ) <3
نوران : ايه ياعم مالك ؟
احمد : مالى يعنى منا حلو اهو .. وبعدين هى البت دى اختفت ليه ؟
نوران : مافيش . ولا اعرف عنها حاجه الواطيه دى بقالى ييجى سنتين . من ساعة ما اتخرجنا وهى بقا علي طول ف اسكندريه مع عيلتها وقليل لما بترجع بلدهم زياره بسيطه
احمد : مش واخد بالى الصراحه . بس انا عارفها شكلا يعنى
نوران : مابتفوتش انت اى بنت الا ولازم تعرف عنها كل حاجه
احمد : اى واحده كانت قريبه منك كان لازم اعرف عنها اى حاجه او على الاقل اعرفها شكلا وصفا . هو هسيبك تصاحبى اى واحده ولا ايه
نوران : كانت دايما نتكلم انا وهى عنك ههههههههههههههههه
احمد : ( بيكح تانى ) عنى انا ؟ ليه ان شاء الله ؟ هو كان فيه بينا حاجه اصلا ايامها
نوران : ههههههههههههههه لا . البت اللى كانت معجبه بيك الصراحه كانت كل ما تيجى البيت تقولى فيه واد جاركو هنا يابت يا نونه هموت واكلمه واشقطه ههههههههههههههههه بس كنت انا بضحك واقولها لا ده بيحب وهيخطب قريب .. عاوزه اشوف رد فعلها لما تعرف انه انت بقيت جوزى
احمد : يعنى ايه ياختى ؟
نوران : ايه ياعم
احمد : يعنى هى لغاية دلوقتى ماتعرفش انك اتجوزتينى انا ؟ ابن الجيران ؟
نوران : ههههههههههههههههه نو ماهى دى المفاجاه اللى عاملاهالها
احمد : يانهار اسود ومنيل
نوران : بتقول ايه انت عمال تبرطم م الصبح ليه ياعم ؟
احمد : مافيش ياختى مافيش . وهى ناويه تيجى امتى ان شاء الله
نوران : بتقولى بكره العصر هتكون هنا ... دى حتى قالتلى حتة كلمه خلتنى مسخسخه على نفسي من ساعتها
احمد : كلمة ايه اشجينى !!
نوران : قالتلى الواد ابن الجيران لسا موجود ولا ايه . عشان اجى واظبط نفسي والبس الحته اللى على الحبل هههههههههههههههه قولتلها اه لسا موجود واوعدك انك هتشوفيه
احمد : لا اله الا الله ... نامى يا نوران نامى دانتى اعوذ بالله عليك . قادره
نوران : ايه ياعم انت عاوز ايه . انت مالك اساسا دول اصحابى
احمد : طيب انا احتمال ابقى بره بكره ومعرفش اجى اشوفها ولا اسلم عليها
نوران : برة فين ان شاء الله . مافيش الكلام ده هتيجى تسلم . شكلى هيبقى وحش
احمد : يا حبيبتى انا رايح مشوار المنصوره كده مع الواد عماد
نوران : رايحين تعملوا ايه ؟
احمد : مافيش . رايحين نشوف كم حاجه كده عشان انا عاوز اعمل مشروع حلو كده واسيب الشغلانه اللى بشتغلها دى ومش جايبه همها
نوران : مشروع ايه ماجبتليش سيرة يعنى
احمد : احنا كنا ف ايه ولا ف ايه اليومين اللى فاتو من سمر ل رباب ل هدير
نوران : هدير مين ؟ انت مالك ومال هدير ياعم دى صاحبتى وهتيجى تشوفنى وتسلم عليا وعليك وخلاص ...
احمد : ايه ؟ اه طيب
نوران : بس انت وحشتنى على فكره
احمد : لا انتى تشيلى ايدك من عليا وتنامى . انا مش هعرف اقوم باى واجبات من واجباتى الزوجيه النهارده
نوران : هههههههههههههههههههه ليه يعنى ؟
احمد : الخوف يابت عمى بيعمل اكتر من كده ... يكفيك الشر
نوران : ههههههههههههه وايه اللى مخوفك يا بطتى انتى
احمد : اهو بقي ... ذنوب وبتخلص ف الواحد . وماشاء الله كلها بتخلص ف نفس الايام ههههههههههههه
نوران : ههههههههههههههههه مع انى مش فاهمه حاجه بس ماشى ,, تعالى بقا عاوزه انام ف حضنك والله ياواد انت
احمد : تعالى ياختى تعالى .. اهو اللى هنقدر نعمله ف الليله دى هو الحضن فعلا بس
نوران : ههههههههههههههه وانا مش طمعانه بأكتر من كده
.......................
( تانى يوم بعد الشغل على القهوه )
عماد : ايه يا فنان . انت لسا ماروحتش ليه ؟
احمد : مافيش ياعم انا لقيت نفسي نازل كده اقعد ع القهوه قبل ما اروح .. بقولك ايه انا عاوزك ف خدمه العمر النهارده
عماد : خدمة ايه
احمد : لو اى حد سالك انت فين بعد العصر قوله انا رايح مع احمد المنصوره نشوف كم محل كده عشان احمد عاوز يأجره
عماد : ايوه يابنى ماحنا فعلا هنعمل كده بكره
احمد : مال امك انت انا عاوز نعمله النهارده ومش هنروح ... بس انا بأكد عليك بس عشان لو حد اتصل عليك وخصوصا الشيخه خديجه
عماد : شيخه خديجه مين دى ؟
احمد : مراتى !
عماد : هههههههههههههه ياحلوه .. انت بتتفقس كل يوم ولا ايه ... طب ايه اخر فقسه ليك
احمد : اخر فقسه ليا بكل الفقسات اللى فاتت دى فيها دبح
عماد : ماتحكى يالا انت ماتنقطش امى
احمد : فاكر انت صاحبة نوران . البت البيضه ام عيون زرقا دى
عماد : ايووووووووووووووووه البت اللى كان اسمها هدى باين ولا ايه ؟ اللى كانت بتحبك وتبعتلك رسايل حب هههههههههههههههههههههه
احمد : داهيه تاخدك وتشيلك من ع الارض يا ذكر ام الخلول انت . اه هى .. بس اسمها هدير مش هدى
عماد : ههههههههههههههههههههههه طول عمرك بتقع واقف يخربيت اهلك . طب وانت عاوز ايه منها ماهى خلاص مشيت
احمد : يا متخلف عقليا افهم . البت ماتعرفش ان انا اللى اتجوزت نوران صاحبتها . تمام ؟ والمفروض انها جايه النهارده تزور نوران وتسلم عليها وتباركلها ... هتعمل هى ايه بقا لما تعرف ان انا اللى اتجوزت صاحبتها
عماد : ولا اى حاجه .... هى المفروض انها بعدت فتره
احمد : ايوه تبعد ولا ماتبعدش الموضوع زى مانت عارف انى ماكانش ليا اى صله بيه
هى البت اللى جابت رقمى معرفش منين ولا من مين وكانت تبعتلى رسايل
وانا لا عمرى كلمتها ولا رديت عليها ولا حتى بصتلها بصه مش تمام
عماد : نعمل لامك ايه بقي . طول عمرك مبخت ههههههههههههه
احمد : ياعمى بطل قرف وقولى اعمل ايه ف المصيبه دى
عماد : مصيبة ايه يابنى الكلام ده كان من سنتين تلاته وف السنتين تلاته دول ماتعرفش عن البت دى حاجه ... ياعم تلاقيها اتخطبت ولا اتجوزت ولا اى حاجه كبر مخك
احمد : لا اتخطبت ولا اتجوزت
عماد : وانت عرفت منين وحياة امك
احمد : ايه ؟
عماد : بقولك ايه يالا .. عرفت منين انت متابعها يعنى ولا ايه
احمد : لا
عماد امال عرفت منين ؟
احمد : يحرق الفيسبوك على سنينه السوده . من حوالي شهرين كده كانت بعتتلى ادد ورساله
عماد : اوباااااااااااااا وعملت ايه هههههههههههههههههه
احمد : ولا حاجه . حذفت الادد ولسا ماشوفتش الرساله .. متعلقه كده بس مسحتها
عماد : والرساله كان مكتوب فيها ايه
احمد : ايه ؟
عماد : ماتنطق يا متخلف انت
احمد : ولا حاجه . كلام كده من عينة انت فينك يابنى اخيرا ظهرت كنت بدور عليك وعلى الفيس بتاعك ووحشتنى
عماد : يانهار اسود . قالتلك وحشتنى ؟
احمد : اه وحياة امى . امال انا حاسس ان الدنيا بتلف بيا من امبارح ليه . حاسس انها هتطربق فوق دماغ اهلى النهارده
البت كانت متعلقه بيا تعليقه سوده ومعرفش ليه ولا عشان ايه
واللى مزعلنى اكتر ف ام اليله دى ان هى ونوران اصحاب اوى
ونوران مش مديه خوانه
وخايف من رد فعل هدير نفسه لو عرفت ان الشخص ده اللى كانت بتحبه يبقى متجوز صاحبتها الروح بالروح
انا مش عارف والله ايه اللى انا فيه ده . اعمل ايه ؟
عماد : ههههههههههههههههههههههههههه ياخرابي على شكلك وانت واقع الوقعه دى
بس هقولك على حاجه
طالما انت نيتك خير يبقى ماتقلقش من حاجه
كل ده يا اخى اعتبره اختبارات بتقيس بيها درجه الحب ما بينك وبين مراتك
او كل واحد فيكو بيعرف هو بيحب التانى اد ايه ومتشعلق بيه اد ايه وممكن يسامح او يقدر الظروف لغاية فين ؟ فهمتنى ؟
احمد : الله اكبر . ايه العقل ده اول مره تقول كلام عدل من ساعة ما عرفتك
عماد : عشان تعرف بس
احمد : بردو ماقولتليش اعمل ايه النهارده
عماد : مانت خلاص حليتها اهو وقولت انك مع عماد ف المنصوره
احمد : ياعم دى بتشمشم . ماتعرفش مراتى انت . دى بنت جنيه . بحسها مخاويه وحياة امى واول ما اروح دلوقتى وهقولها انا ماشى بقي مع عماد هتقولى لا استنى انا عارفه ان مافيش لا مشاوير ولا اى حاجه
عماد : هههههههههههههههه يا عينى يا عينى دانت غلبان
احمد : تعرف يا عمده !
هى الحكاية كده ، هو الموضوع كده
بسهوله هتكسب قلبها وهتخليها عايشه ف عالم من خيالها شايفه فيه كل حاجه ف الدنيا دى حلوه !
وبنفس السهوله ممكن تخسرها وتكسرها للآبد وهتكره اليوم اللى عرفتك فيه
إوعى تخليها تصعب على روحها
إوعى تحسرها على نفسها وعلى أيامها اللى اختارت بإرادتها انها تعيشها معاك
لو لقيتها زعلانه فرحها
لو مكتئبه شاركها حزنها وماتستهونش بيه
عيش جنانها وشقاوتها
واستمد من روحها روح تانيه تعيشك ف سعاده بقية عمرك
الحب يا صاحبى عباره عن امتلاكك لروح بتفصلها على مقاسك بالملى
والجدع بس هو اللى بيحافظ ع القماشه اللى معاه م الكمكمه والرطوبه
فهمتنى يا عمده ؟
عماد : وحياة أمى انت خايف صح ولا هتنكر ؟
احمد : صح بس هنكر
عماد : ههههههههههههههههههههههههههه
...........................