روايه انا و هي

(الحلقه الرابعه ) ..( حلاوة الدنيا )

............
(في الحلقه السابقه )
احمد : يا ولااااااااااااد الجزمه ... وحياة امى منا عاتقكوا ... وكتاب الله لاجيب دبش احدفه على بلكونتها اكسرلها الباب على نافوخها
مى : ههههههههههههههههه اطلع اطلع
..............
( آخر الليل ف البلكونات )
نوران : بسبس
احمد : مش طايقك .. روحى نامى
نوران : هههههههههه ليه بقي ان شاء الله
................ ( الرابعه ) <3
احمد : اهو وخلاص مش طايقك ... عاجبك ولا مش عاجبك
نوران : حموووو ! خلاص بقي يا حبيبى
احمد : قولتى ايه ؟
نوران : ماقولتش حاجه
احمد : لا قولى الكلمه دى تانى اللى قولتيها
نوران : كلمة ايه انا ماتكلمتش
احمد : يا بارده انطقى داهيه تسد نفسك . اخلصى يابت دنا ما صدقت اسمعها
نوران : ايوه هى ايه ؟
احمد : طب روحى نامى روحى . انا هدخل انام انا كمان
نوران : مش عاوز تقف معايا شويه
احمد : يخربيت ضعفى .. يخربيت ضعععععععععععفى . هو انا ليه بيحصلى كده لما بسمع صوتك . فيكى ايه ؟ عاملالى ايه انتى
نوران : ( بتبصيله وعينيها مدمعه ) بحبك
احمد : ايه ؟
نوران : ب ح ب ك
احمد : قولتيها ليه قبل منى ؟
نوران : مانت مش عاوز تقولها يا احمد
احمد : كفاية انك حاساها وشايفاها ف عينى بقالنا اكتر من 6 سنين
انا اللى بحبك وهايمان وعاشق
انا مش عارف انتى عاملالى ايه
مابقتش بقدر انام الا ولازم اطل ف عينك
براح عيونك بياخدنى من مكانى ويرزعنى ف مكان تانى بعيد مافيهوش بشر
انا اللى بحبك ووعد منى افضل احب فيك كده العمر كله
نوران : ( بتعيط ) ماكنتش متصوره ان كل ده هيحصلى وانت بتقولها
اوقات بحس انك ابويا واخويا
وعيت ع الدنيا لقيتك قدامى وقصادى
مربينى على ايدك زى ما بيقولوا
احمد : اه بس تربيه زى القمر هههههههههههههه
نوران : مابنساش وانت بتوصلنا واحنا صغيرين ع المدرسه انا واختك . وتفضل تبصيلى طول ماحنا ماشيين كأنك بتقوللى يلا اكبرى عشان نتجوز
عمرى ما هنسي النظرات دى كلها
ليك كم نظره كده مابيروحوش من بالى .
كل ما توحشنى افتكرك
احمد : كلها يومين وهتبقى خطيبتى رسمى . ومحدش هيبقاله حق عليك غيرى هههههههههههه من النهارده مافيش خروج
نوران : ههههههههههههه انت عارف ! انا عندى افضل واقفه وقفة البلكونات دى اكلمك واطل عليك واراقبك وانت خارج وداخل عندى احلى من 100 خروجه
احمد : اقولك سر
نوران : عارفه
احمد : عارفه ايه بقي ان شاء الله
نوران : عارفه انك كنت كل ما تسمع صوتى تقوم باصص عليا من ورا الشيش ومراقبنى
احمد : وعرفتى منين بقي
نوران : ههههههههههه ماهو انا اللى كنت بعلى صوتى عشان تسمعنى . وكنت كمان بعرف انك جوه
احمد : وبتعرفى منين
نوران : هههههههههههههه اخواتك . دول شغالين ل حسابى يا بابا ههههههههههههههه هما اسمهم اخواتك بس . لكن دول معايا انا
احمد : يا ولاد الجنيه .... بس بقولك ايه ؟ عاوز اتفق معاك اتفاق
نوران : اتفاق ايه ياض ؟
احمد : ايه ياض دى يابت ... لمى لسانك ده بدل ما اخرشمك
نوران : تعالى ورينى هتقدر ولا لا هههههههههه
احمد : هنروح من بعض فين يعنى . يومين بس هفضل مستحمل رخامتك دى يومين وساعتها هتلاقينى بشدك من شعرك عادى قدام ابوك وامك هههههههههه
نوران : ياسلام
احمد : تعرفى انى نفسي احضنك دلوقتى
نوران : ( بتعيط )
احمد : بتعيطى ليه يا قلبى
نوران : مافيش
احمد : بجد نفسي احضنك دلوقتى . تفضلى ف حضنى فتره كبيره وانسا نفسي وانسي اسمى . اشم ريحتك بس
نوران : احممممد ! بس بقي
احمد : ههههههههههه انتى مالك عملتى كده ليه ؟ يعنى مانفسكيش تحضنينى انتى كمان
نوران : ( بتعيط ) بعيط عشان نفسي اوى
احمد : طيب وده يخليكى تعيطى
نوران : اه . احنا ممكن نتجوز امتى
احمد : هتفق مع ابوك على اول الشهر الجاى .. وكده كده القاعه اللى ف اول البلد مافيهاش شغل الايام دى كتير . الدنيا تلج ههههههههههه يعنى ممكن اروح احجزها . انا هروح الصبح احجزها على طول
يدوب هنفضل 18 يوم مخطوبين بس
مش عاوز اضيع وقت انا
نوران : احححم بقي .. بس
احمد : ابس ايه مش مبس انا ... وبعدين انتى مش سقعانه وانتى واقفه كده ؟
نوران : لا مش سقعانه ... دفى نفسك انت .. كل يوم تخرج تقعد مع اصحابك وترجعلى الساعه 12 .. ده اسمه كلام ده ؟
احمد : ما خلاص بقي ... نتجوز بس وانا مش نازل هههههههههه
نوران : وانت مين اصلا مفهمك انى هسمحلك تنزل ..هههههههههه غلبان انت يا حمو والله
احمد : ايه ده يعنى مش هنزل ؟
نوران : تنزل تروح فين يا قلبي . هتلاقى نومتك وأكلك وشربك وشيشتك كمان ههههههههههه هو انت عاوز اكتر من كده
احمد : اه بروح ألعب شويه دومينو مع العيال صجابى او بلاى ستيشن
نوران : خلاص تعلمنى وابقى الاعبك انا
احمد : هو اى تدبيسه وخلاص . وبعدين هى نص ساعه هبقى اخرجها وارجعلك تانى . خلاص بقي
نوران : مش بقولك غلبان .. دانت تحمد ربنا انى هسيبك تروح شغلك .. اه نسيت .. خلى بالك بقي لاحسن هتلاقينى كل فتره كده ناطالك ف الشغل . يعنى تلم نفسك شويه . بقولك ايه ؟ هو الشغل بتاعك ده فين بالظبط
احمد : ف قلب المنصوره . ف شارع متفرع من شارع الجلاء
نوران : فين بالظبط ؟
احمد : بقولك ايه . اتلمى شويه والنبى
نوران : هههههههههه هعرفه هعرفه ماتقلقش . ممكن اراقبك
احمد : مش مستبعد الصراحه . تعمليها
نوران : احمد
احمد : عيونه
نوران : انت بقيت تخصنى انا . عشان كده ماتزعلش لو خنقتك ولا غيرت عليك بزياده
احمد : اساسا لو ماعملتيش كده هزعل منك وهحس انى مش فارق معاك
نوران : لا انا بقولك الكلام ده عشان ماترجعش تعيط بعد كده هههههههههههه انا ف الحب اكون او لا اكون يا حبيبى .. يعنى انت بتاعى انا
ملكى انا
تخصنى انا
انا وبس .... فاهم ؟ ولا اجى افهمك
احمد : ( بيبلع ريقه ) ايه ده فيه ايه يا حاجه اهدى على نفسك والنبى يا ماما
نوران : ماتخافش ماتخافش . طول مانت ماشى مستقيم ماتخافش من حاجه هههههههههه
احمد : ( بيبصلها )
نوران : اححححم . بتبصيلى كده ليه يا واد انت
احمد : ضحكتك حلوه اوى . بتشرح القلب كده
ايه الجمال ده كله يا بت انتى . ايه الرقه دى
المهم
نوران : ايه
احمد : سؤال صغنن بقي نفسي اسالهولك من زمان ومحرج بس اعتقد انه بقي حقى دلوقتى
نوران : سؤال ايه ؟
احمد : انتى شعرك طويل ولا قصير
نوران : احم احم . طويل .. وطوووووويل ماشاء الله اوى يعنى . من كم يوم كده الفكره كانت ف بالى انى اقصه شويه . اقصره يعنى مايبقاش بالطول ده
احمد : الحمد لله
نوران : الحمد لله على ايه
احمد : على ان شعرك طويل .
نوران : ههههههههههه بتحب الشعر الطويل ليه
احمد : يابنتى انوثه وجمال ووقار وكل حاجه
اللى شعرها قصير دى بشوفها اى حاجه تانيه غير انثي ههههههههههه انثي يعنى شعر طويل ورقه ..
نوران : طيب ياخويا ... هبقي اقصه شويه كده لو ربنا اراد وحجزت القاعه
احمد : هتبقي تعملى ايه ؟
نوران : ايه يا احمد . هقصه شويه . هقصره يعنى هخليه ل نص ضهرى كده
احمد : هيهيهيهيهيهيهيهي . ضحكتينى يا نونه والله دمك شربات
نوران : ليه ياعم ؟
احمد : وانتى فاكره يا روح امك انتى انك تقدرى تيجى جنب شعرك ده من دلوقتى ؟
نوران : ايون
احمد : ايون ف عينك .. وكتاب الله أجل الجواز خالص لغاية ما تطلعيلى شعرك تانى . وابقي قابلينى
نوران : ليه يعنى هتبقى تعمل ايه بشعرى وهو طويل
احمد : انتى مالك انتى . هبقي اقولك ساعتها
نوران : ( بتتكسف ) طيب .. ولا حتى شويه صغننين .. ؟ده لاخر ضهرى والله ومضايقنى
احمد : ولا قصقوصه واحده ... اخرك هتشرزميه كده من تحت يوم فرحنا وبس اللى هو تظبيط .. غير كده انسي
نوران : اووووووووووف بقي
احمد : اخرسي يا قليلة الادب . ايه اوف دى يابت ؟
نوران : عشان خاطرى طيب ..
احمد : قولنا لاءا .. مش عاوزين كتر كلام
نوران : طيب ياخويا طيب .. يباتونةىيةلاسبتنسيتوتلاب
احمد : انتى بتبرطمى بتقولى ايه يا بت ؟
نوران : ماتكلمتش ..
احمد : اه بحسب ... البت اختك اللمضه فين ؟
نوران : نايمه عشان وراها امتحان بكره ....
احمد : وانتى مش هتنامى ؟
نوران : خليك معايا شويه
احمد : ومين قالك انى هنام .. انا هفضل كده للصبح هههههههههه ماتروحى تعمليلنا شوية سحلب طيب واعمليلى كوباية . على ما اظبط حجر شيشه كده يكون معتبر
نوران : انا مش عارفه ايه كيف الشيشه بتاعتك دى . بطلها شويه .
احمد : والله مش موضوع كيف . بس ساعات الشيشه بتطلع فيها خنقتى او زهقى
مجرد انى افضل العب فيها كده واغسلها واولع النار . بتغنينى عن تفكير كتير الواحد بيكون حاسس بيه وبيفكر فيه ... ربنا ما يوريك
نوران : خلاص يا روحى . هروح اعمل كوبايتين وجايه .
احمد : وانا هعمل الشيشه وهاجيبها هنا . بقولك ايه صحيح استنى
نوران : ايه
احمد : عم على نام ولا لسا صاحى
نوران : هههههههههههههه لا نام . وبعدين انا قافله باب الاوضه عليا انا وأمل .. يعنى ماتقلقش . لو حسيت بأى حد هبقى اغمزلك تخرج الشيشه ههههههههههههه
احمد : الله عليك يا أم التفانين انتى . ايوه كده عاوزك تدارى عليا
نوران : هتودينى ف داهيه يا جزمه
احمد : يابت مش قولتلك لمى لسان أهلك ده . انا خطيبك دلوقتى يعنى ف مقام اخوك الكبير ههههههههههه
نوران : اخويا ف عينك ... مش هتأخر بقي وانت خلص الشيشه بتاعتك
احمد : ماشى يا مزتى .
.........
( ف اوضة نوران )
نوران : بسم الله الرحمن الرحيم . خضتينى يا جزمه انتى لسا صاحيه
امل : ههههههههههههه اه وسمعت كل اللى اتقال .. انا جسمى قشعر من حلاوتكو اقسم بالله .. مابشوفش الكلام ده غير ف الروايات بس والافلام ...
نوران : ولا انا مصدقه والله . ابن الجيران واد حليوه وعاجبنى وعاجباه وبنحب بعض من سنين وساكتين وخلاص كم يوم هنتخطب رسمى ؟ بزمتك مش كده عسل اوى .. لا وايه . البلكونه ف البلكونه
امل : عارفه يا نوران .... ف كل صلا بصليها لازم ادعيلك وادعيله ... لانكو انتو الاتنين حاجه حلوه ف زمن مابقاش فيه حاجه حلوه خلاص . ربنا يجمعكوا على خير ويتتمملكو على خير يا قلبي ويوعدنى بواحد زى احمد ده هههههههههههههه
نوران : عاجبك اتفضليه
امل : بجد ؟ متشكره يا قلبي
نوران : ( بتشدها من شعرها ) اتلمى يابنت الجزمه من هنا ورايح اسمه أبيه أحمد . يعنى مرقعه مش عاوزه والهئ والمئ بتاعك ده مش عاوزاه
امل : ههههههههههههه اه يا هبله بتغيرى منى
نوران : اغير من أمى نفسها ههههههههههههه
امل : اعمل ايه بس . بحب انكشه واناغشه كل شويه . ردود افعاله بنت جنيه وبتموتنى .. يا خرااااااااااااااااااااااااااابي
مره كان واقف تحت ع الناصيه بتاعة الشارع . وكنت انا راجعه من الجامعه متأخره وجايه مع البت سميره وماشيين .. وكنت ماشيه بضحك انا وهى بصوت عاليه شويه
مش عارفه ليه اول ما لقيته خوفت منه
اقسم بالله اترعبت وقولت للبت اخرسسي يابنت الكلب هننضرب
مع انه اكتفى انه يبصيلى بس ونظرات عينه كانت بتطلع شرار
البت قالتلى انتى خايفه من مين ؟
قولتلها احمد جارنا
قالتلى خايفه من جاركوا ؟
قولتلها دنا مابخافش من ابويا وبخاف منه ههههههههههههه
ساعتها البت قالتلى هو مين ف اللى واقفين دول ؟
قولتله الواد ابو بلوفر اخضر ده . فضلت تعاكس فيه وتسألنى عنه طول كل يوم هههههههههههههه لغاية ما قولتله لو اختى سمعتك هتبهدل اللى خلفوك . ده يبقى الكراش بتاعها ههههههههههههههه
نوران : البس دبلته بس وهخزق عين كل واحده تبصيله
امل : لا يبقى هتتعبى بصراحه لان معجبينه كتير ههههههههههههه
( احمد بينادى وهو واقف ف بلكونته )
نوران : هيييييييييييييييي يخربيتك دنا نسيت اعمل السحلب . ده هيشردنى
امل : هههههههههههههههههههه تلاقيه قاعد بيشيش ومستنيك
نوران : بقولك ايه وحياتى يا امل قومى اعملى كوبايتين سحلب وانا هقوله ان السحلب لسا ع النار . اللبن بيغلى
امل : ايوه . شغلونا معاكو بقي
نوران : معلش وانا خارجاله
امل : طيب ياختى ؟
....
نوران : ايه يا حبيبى خلصت
احمد : خلصت ايه يا بت انتى انا عمال انادى لما كنت هصحى ابوك يخربيتك . ايه كل ده بتغلى شوية لبن .. فيه ايه ؟ هو انتى بتحلبى الجاموسه من أول وجديد
نوران : هههههههههههه يخربيت ألفاظك
احمد : امال فين السحلب ناولينى
نوران : اناولك ايه لسا مخلصتوش . ع النار اهو
احمد : طيب ياختى . مش عارف بوتاجاز ايه ده . . ..
بقولك ايه ما تيجى نروح المنصوره بكره سوا نتفرج على سينما ...
نوران : اتكسف .. مانت عارف انى مش هعرف اعمل كده من ورا بابا وماما
احمد : مالكيش دعوه بالموضوع ده انا هخلص الموضوع مع امك ههههههههههه دى حبيبتى . دنا بعاكسها كل يوم
نوران : ماشى ياخويا . ثوانى بقي هروح اجيب السحلب وجايه
.....
مى : تعالى تعالى بشويش نشوفهم بيقولوا ايه
فاطمه : داهيه لايكون اخوك قافل باب اوضته
مى : ومن امتى اخوك بيقفل الباب بتاعه
فاطمه : هههههههههه ماهو دلوقتى الوضع مختلف .
مى : لا ده مابيخافش ده بجح هههههههههههه
فاطمه : طب وطى صوتك لايسمعك
...........
ماتنسوش التفاعل يا جماعه وشارك برايك ف الحلقه