روايه انا و هي

(الحلقه العشرين ) ..( منشار )

(الحلقه العشرين ) ..( منشار ) <3
............
(في الحلقه السابقه )
نوران : هههههههههه لا يلا على شقتنا بقي ...
احمد : طب اسبقينى وانا وراك اهو
.....
احمد : يا عالم يا واطيه بتبيعوا اخوكوا
مى : ههههههههههه معلش بقي يا عمنا
فاطمه : ههههههههههههه احلى بيعه دى ولا ايه
احمد : انا طالع .. وربنا يستر م اللى جاى ... " وجعلنا من بين ايديهم سدا ومن خلفهم سدا فأغشيناهم فهم لا يبصرون "
.................... ( العشرين ) <3
( شقتهم )
( احمد داخل عمال يدور على حاجه تحت الكنب والكراسي والترابيزات )
نوران : انت بتدور على ايه انت ؟
احمد : بدور على اى حاجه مرشوشالنا هنا ولا هنا تعملنا عكوسات هههههههههههه
نوران : والله ؟
احمد : اه والله ... الناس اللى جم النهارده يعملوها ...وبعدين انا شايفك متعصبه كده ومش على بعضك ف اخاف بصراحه العكوسات دى مع نرفزتك تطلع على نافوخى ف الاخر
نوران : لا ماتخافش وتعالى
احمد : شغلى التلفزيون بقي
نوران : ايه مش هتدخل تنام
احمد : اه بس اخلص الحجر ده بس . انا يدوب لسا مولعه
نوران : ماشى ! بقولك ايه هو فين تليفونك
احمد : ايه ؟ معايا اهو ليه ؟
نوران : مافيش . وريهونى كده
احمد : ليه ؟
نوران : ( بتبرق ) ماتورينى تليفونك . انت مخبى عليه حاجه ولا حاجه
احمد : حاجه ايه لا .. ولا حاجه ولا حكايه . اهو تليفونى
نوران : ايه ده ؟ فين الفيس
احمد : فيس ايه انا معرفش ايه الفيس دى
نوران : ههههههههههههه وحياة أمك ؟ فين الفيس انت حذفت الابلكيشن كله ؟
احمد : اه كان متقل الجهاز وواخد مساحه ع الفاضي ومش عارف انزل ألعاب
نوران : ليه انت تليفونك مساحته كام جيجا ؟
احمد : 128
نوران : ههههههههههههههههههههه ياسلام . دانت لو عاوز تحط فيه قرشين هتحط .. مسحت الفيس ليه ياض ؟ خايف من ايه
احمد : وانا ايه اللى هيخوفنى ان شاء الله منا قولتلك بيتقل الفون . بلا قلبة دماغ
نوران : ومسحت الماسنجر بردو ؟
احمد : اه . يلا . فيه ناس كده بتيجى ترن
نوران : ناس ؟؟؟ ناس مين ؟
احمد : لا قصدى على العيال القرود ولاد القرود اصحابى وخصوصا الكلب اللى اسمه عماد ده . ياساتر يارب بيرن ف اوقات غريبه
نوران : طيب فين الواتس
احمد : اسكتى مش عاوز تحديث ؟ جيت احدثه وانا قاعد ع القهوه ضرب باين ولا ايه معرفش . وشغلانه بقي عاوز الرقم من جديد وهيبعت رساله تأكيد وشوره هم بعيد عنك .... وبينى وبينك انا هكلم مين يعنى . مابحبش الواتس والرغى ده
نوران : ( بتبصيله ورافعه حاجبها )
احمد : نعم ! بتبصيلى كده ليه ؟ مالك يا نونه ؟
نوران : مافيش يا قلب نونه من جوه ... طيب يا حبيبى هاتلى انت الاكونت بتاع الفيس بتاعك والباسورد وانا هفتحه من عندى انا على تليفونى .. تليفونى حلو مش بيهنج . انت شاريهولى قريب
احمد : ايه ؟
نوران : عاوز ايه ؟ بقولك هات اكونتك اما ادخل اشوف حاجه . اصل حسابى اتعطل وانا كنت حاطه حسابك انت انه يوصله رساله لو حسابى انا جراله حاجه
احمد : ايه ؟
نوران : هو ايه اللى ايه ايه ؟ انت مال خدودك ووشك سخن وإحمر كده ليه .. ولا سمر بقي معاها حق .....
احمد : ايه ؟
نوران : احمممممممممممممممد . اتقى شرى الساعادى وهاتلى اكونتك ... إحلص واشترى عمرك ( بتنام فوقه وبتكتفه )
احمد : الشيشه هتقع هتحرقنى يابنت المجنونه . اوعى يابت
نوران : لاء .... واخلص
احمد : اصل ... اصل انا مش فاكره ... وبعدين فيس ايه وكلام فاضى ايه .. مابحبش الفيس ده .... جروبات وصفحات وكلام فاضى
نوران : اه منا عارفه انا الكلام الفاضى ده ... قول بقي
احمد : اقول ايه
نوران : ماتستهبلش وقول
احمد : ايوه قوليلى عاوزانى اقولك ايه وانا هقول على طول
نوران : هات الاكونت بتاعك افتحه على تليفونى
احمد : هاا
نوران : هات يلا
احمد : ما تقولى يابنتى عاوزه ايه ساكته ليه
نوران : ( بتضربه ف عينه وبتعضه من دراعه )
احمد : ااااااااااااااااى يابنت العضاضه
نوران : وحياة امك وامى منا سايباك الليلادي غير لما تقول
احمد : ايوه يعنى ليه ؟ شاكه فيا ؟ اخص عليك . اخص عليك ألف خاصيه
نوران : انا اشك فيك ؟ دنا اشك ف الدنيا كلها يا روحى ولا اشك فيك
احمد : لا لا حقيقى انا مصدوم .. اتاخرى اتاخرى اما ادخل انام انا مصدوم فيك والله ماتكلمنيش
نوران : ( بتشده من شعره ) خد هنا انت هتعملى فيه مسكين .. الظاهر الذوق مش ماشى معاك . نجرب العافيه
احمد : عافية ايه ؟ خدى هنا رايحه فين
نوران : هتعرف دلوقتى
.....
احمد : ايه ده الله اكبر ... انتى جبتى المنشار ده منين .. استهدى بالله ... ( بيمسك المخده وبيخبى وشه )
نوران : اخلص وانطق لاشقك نصين
احمد : ياختااااااااااااااااى ... ياختاااااااااى ياختاااى ياختاااى . إلحقونى ههههههههههههههه
نوران : هههههههههههههه انت فاكرنى بهزر ؟ دنا طلعت فوق السطوح لقيت المنشار متعلق قولت الحمد لله جات من عند ربنا
احمد : طب استهدى بالله ونزلى البتاع ده لا السلاح يطول ولا حاجه
نوران : لا .. وانت عارف انى بنت مجانين ... واللى حصل النهارده ده مش مريحنى وفيه حاجه غلط ..وانت بنفسك كنت خايف
احمد : ( بيقرب بالراحه ) اممم وايه تانى
نوران : انت عاوز ايه تانى يحصل ..وانت عارف انى مابستحملش عليك الهوا
والجزمه الواطيه اللى اسمها سمر دى كانت عماله تبصلك بصات غريبه كانت هتاكلك بعينيها ... عاوزنى اعمل ايه
احمد : ( بيقرب منها بالراحه ) وايه تانى يا روحى
نوران : حسيت بخنقه وضيقه وهى بتتكلم عنك هى او امها
كأنهم بيتكلمو عن واحد قريب منهم اكتر منى
انت عارف انك ملكيه خاصه بيا انا وبس ... ليه تعمل فيا كده وتسيبها تبصلك كده ... ماصعبتش عليك ؟ محستش بيا وسالت نفسك انا حاسه بإيه وهى بتبصلك كده ( بتدمع )
احمد : ( بيشدها لحضنه ) هشششششششش اهدى
نوران : سيبنى . اوعى اتاخر
احمد : ( بيحط دقنه على راسها وايده على جسمها كله وحاضنها ) هو ده اللى مزعلك يا عبيطه انتى
نوران : اممممممم
احمد : ( بيشيلها وبيقعدها على رجله على كنبة الصالون )
نوران : ( بتستخبى جوه حضنه وبتدمع )
احمد : مش قولتلك بس
يا حبيبتى كون انى مش راضى اوريلك الفيس او اعمل اى رد فعل ضد سمر او امها ف ده لانى مش عاوز ازعلك على موضوع اصلا مايستاهلش
يا نونه سبق وقولتلك بدل المره ألف انى مستغنى بيكى عن الدنيا
يابنتى انتى دنيتى ومافيها وما قبلها
مش عاوز والله حاجه غير انى افضل اطل ف عيونك كده طول العمر ( بيرجع الشعرايتين بتوعها ورا ودنها وبيمسح دمعها بضهر ايده )
وبعدين سمر او امها كانو عندهم أمل لسا انى ممكن اتقدم ل بنتهم
بس انا عمرى ما حسيت ناحيتها بأى حاجه غير انها زى اختى
وبالنسبه للقرابه وانها كانت بتقعد معانا كتير ده . ده فعلا حصل بصفتها قريبه مننا وبصفتها زى ما قالتلك ف مقام اختنا ....
لكن هى بقي تحبنى او ماتحبنيش ف ده حاجه مش بإيدى ومقدرش الومها عليه
الحب عمره ما كان اختيار .. ده بيبقى زى القضا المستعجل كده
بدليل انا وانتى اهو
بزمتك انا عمرى قولتلك انى بحبك قبل ما اقولهالك وانا بقولك جايين نخطبك ؟
نوران : ناء
احمد : طيب ولما هو ناء عامله فيها زعلانه ليه يخربيت دلعك ومياصتك
نوران : عشان زعلانه منك بردو . المفروض ما تخبيش عليا موضوع زى ده
احمد : موضوع ايه .. انتى عاوزانى اجى اقولك قبل الفرح دى فلانه بتحبنى وفلانى عاوزانى اخطبها وفلانه معرفش ايه .. هتفكرينى بمكع عليك ولا بهيص ف الهيصه وخلاص والا كان زمان مش خلصان
نوران : نعم ياخويا ؟ هو فيه غير سمر ؟
احمد : ايه ؟
نوران : رجعنا لأم ايه دى تانى ... انطق فيه غير سمر ؟
احمد : وانا ايش عرفنى ... وانا هعرف منين اذا كان حد تانى بيحبنى ولا لا
نوران : انت ؟؟؟ دانت سوسه كبيره يتفاتلك بلاد ....... طب ورينى الفيس بتاعك طيب
احمد : ايه ؟
نوران : احممممممممممد أنا عاو( بيقطع كلامها وبيبوسها من شفايفها بوسه كبيييييييييييييييييييره جدا بتنسي نفسها بعدها )
احمد : عاوزه ايه بقي
نوران : ( بصوت واطى ) مش عاوزه حاجه
احمد : ( بيبوسها تانى بوسه بالراحه وطويله بردو )
نوران : رخخخخم
احمد : يا حبيبتى انتى اتخلقتى عشان هما يغيروا منك مش عشان انتى اللى تغيرى منهم
مين سمر دى ومين غيرها ... دنا بحب الشمس نفسها
نوران : ايوه ثبتنى بكلمتين
احمد : ايه ده امال بتتثبتى بكام كلمه
نوران : ههههههههههههه
احمد : ياغواتى .. ايه الضحكه دى
نوران : يعنى بجد كنت ممكن تنام بعيد عنى النهارده
احمد : مين ده ؟ دنا كنت بكلم نفسي . وانتى بنفسك سمعتينى وانا بقول هخلص الحجر واطلع .. انام بعيد عنك فين دنا كنت هتهبل عليك
نوران : اححححم . ماشى . هصدقك عشان انا سمعت بودنى
احمد : ( بيبصلها وعاوز ياكلها بعينه )
نوران : بطل بقي ماتبصليش كده
احمد : حتى وانتى غيرانه ومش طايقانى تجننى
يابنت الحلال انتى واخده قلبى معاكى وممرمطاه ليه كده
نوران : عشان انت بتاعى . ملكى . حقى . صبرى اللى صبرته وربنا جازينى بيه ونولهولى .. ومش ناويه ارد هدية ربنا عليا واردها ولا افرط فيها ولا اخليها تضيع منى ( بتمشى ايديها على شفايفه ) الشفايف دى ماتنطقش ولا تكلم بنت غيرى
( بتمشى ايديها على عينه ) العيون دى ماتبصش بصه اعجاب لاى بنت غيرى ولا بنت تانيه تبصلها وتسرح فيها زى منا الاول سرحت فيها وجابتنى الارض
( بتقرصه من خده ) الخدود دى مافيش حد له الحق يتأمل فيها غيرى
كلك ملكى .. كلك بتاعى فاهم ؟
احمد : طب هو انتى بتقولى الكلام الحلو ده وانتى لسا ماسكه المنشار ليه
نوران : ههههههههههههههههههههههههه هههههههههههههههههههه ( ضحكة رقاصات ) انت ايه بقي .. ايه انت قادر تضحكنى ف عز ضعفى وزعلى ليه وازاى ؟
احمد : ببقى قاصد على فكره
نوران : طب منا عارفه على فكره
احمد : خدينى من ايدى وعيشى بره الدنيا يا نونه
اى مشكله تعدى علينا خلينا نطلعلها لساننا ونكمل
ماتخليش حاجه توقع بينى وبينك او تبهت على علاقتنا ... خلى علاقتنا كده كتاب مفتوح . انا اهو حياتى قدامى ومش مخبى عليك اى حاجه . او بمعنى اصح مافيش حاجه ممكن اخاف منها قدامك ... اللى ممكن اخبيه عنك هخبيه لانى عارف انه ممكن يضايقك فتره او يزعلك فتره .. غير كده لا ... استفقنا ؟
نوران : اممممممممممم
احمد : اتفقنا ولا ماتفقناش
نوران : طيب
احمد : ايه طيب دى ...
نوران : عاوزنى اقول اتفقنا ؟
احمد : المفروض
نوران : تورينى الفيس بتاعك الاول
احمد : ( بيبوسها بوسه طويله )
نوران : ههههههههههههه على فكره انا مش عاوزه الفيس ولا حاجه . انا قولت كده عشان تبوسنى تانى ...
احمد : بحبك طيب
نوران : وانا بموت فيك طيب .... ايه ده فيه صوت رساله جايالك على تليفونك
احمد : هتلاقيها م الشركه بتاع فودافون .. هاريانى رسايل طول اليوم وحاجه قرف
نوران : طب شوف
احمد : اهو ياستى .. الشركه والله هيكون مين يعنى ... استنى بس ( بيفتح الرساله بتلقائيه ونوران ف حضنه بتبص عليها معاه بيلاقيها من سمر مكتوب فيها : متشكره أوى يا حمو ع الخروجه الحلوه دى كان نفسي اوى اكون معاك واشوفك واقرب منك زى زمان )
احمد : ( بيرمى التليفون وبيطلع يجرى ع الاوضه )
نوران : ( بتمسك المنشار وبتجرى وراه )
احمد : لا اله الا الله . استهدى بالله يا حاجه
..................
الاخوه المتابعين : شايف ان بعد ما تنحتوا م الرومانسيه لسا بتضحكو وشمتانين بردوف الواد .... صح ؟
ماتنسوش التفاعل يا جماعه عشان نكمل