روايه انا و هي

(الحلقه الثامنه عشر ) ..( دليل براءه ؟! )

اللى متابع الروايه يسيب لايك وكومنت يا شباب
(الحلقه الثامنه عشر ) ..( دليل براءه ؟! ) <3
............
(في الحلقه السابقه )
( هند صاحبة اميره بتزورها ف المستشفى )
هند : ايه يا بنتى كمية الظباط اللى بره دى . كل دى حراسه ولا ايه
اميره : ( بتعيط ) كويس انك جيتى انا مش عارفه اعمل ايه ومشتته . ابوس ايدك دلينى على الصح اعمله . لاول مره اقف مخدوعه ومصدومه ف كل حاجه كانت حواليا
هند : خير يا حبيبتى . احكيلى !
اميره : اسمعى !
.................. ( الثامنه عشر ) <3
( بعد نص ساعه كلام )
هند : يا خبر اسود ومنيل . انتى قولتى حاجه من الحاجات دى ولا ماقولتيش ؟
اميره : ولا نطقت ولا فتحت بؤى قوليلى اعمل ايه
هند : مش عارفه اقولك ايه والله ... طب وانتى عارفه مين اللى خبطك ؟
اميره : اه . وشوفته وانا واقعه ... انا لما وقعت على الارض فضلت ف وعيي بتاع 20 ثانيه كده بس عامله نفسي خلصانه عشان مايكملش عليا
هند : هو مين ؟ حد نعرفه ؟
اميره : مش مهم ...
المهم انى بعد ما خبطنى وانا وقعت كده لقيته بيقول للناس اللى معاه بسرعه انت وهو قبل ما الواد ييجى . واحد منهم قاله طب والبت دى يا ريس ؟ قاله ماتشغلش بالك بيها دى بنت ابوها يعنى ماتقدرش تتكلم لما تفوق عشان ابوها مايتحبسش
ده طبعا بعد منا بصيت بالصدفه على كرتونه من الكراتين اول ما احمد خرج لقيت فيها ...
هند : ايه لقيتى فيها ايه ؟
اميره : ( بتعيط ) مش مهم .... المهم قوليلى اعمل ايه ؟
لو نطقت وفتحت بؤي الناس دى مش سهلين ومش بعيد يخلصوا عليا ولا يعملو ف بابا حاجه .. ولو سكتت . الواد هيروح ف داهيه وانا مش هسامح نفسي العمر كله لو حصله حاجه ... اعمل ايه انا حاسه انى قلبى مفروغ منى ومش عارفه اقول ايه ولا اعمل ايه
هند : ياااااااااربي . انا مش عارفه اقولك ايه
عسكرى : خلاص كده يا انسه لو سمحتى
هند : حاضر حاضر خارجه ..... ( بتبوسها من دماغها ) قلبى معاك ياروحى بس اعملى اللى انتى شايفاه صح وهيريحك العمر كله
...................
( عماد ف زياره لاحمد )
عماد : عامل ايه يا حب
احمد : بخير يا حبيب اخوك ... ماتسيبش امى واخواتى يالا . اهم حاجه تطمنهم . ماتخليهمش ييجو هنا . مش عاوزهم يشوفونى وانا هنا .
عماد : ماتقلقش . دى أمى يالا . المهم عاملين ايه معاك هنا . حد ف الحجز اغتصبك ولا لسا
احمد : ههههههههههههههههه يغتصبوك انت يابن الجزمه . تعالى انت بس معايا جوه خمس دقايق وهتطلع حامل ف توأم هههههههههههههههه اخوك راجل يالا
عماد : ههههههههههههه يا حبيبى انا عارف . ربنا يفك المحنه دى على خير ... المحاميه بتاعتك ماشوفتاهاش م الصبح من ساعة ما كانت هنا .
احمد : ههههههههههههههههه
عماد : احمد ! هو انت واثق فيها اوى كده ليه
احمد : بص يا عمده !!!
انا راجل بعرف احكم على اللى قدامى كويس
نوران لو ماكنتش شاطره انا ماكنتش هحملها مسؤليه زى دى ... هى فعلا شاطره وتقديرها ف الكليه كان كويس غير ان فيه حاجه تانيه كده حبيت احققهالها
عماد : حاجه ايه ؟
احمد : نوران من زمان كان نفسها تطلع محاميه ههههههههههههه
اول معرفتى بيها على سطوح بيتنا
كانت لسا صغيره ف اولى ثانوى
لقيتها بتذاكر كده بقولها بتذاكرى ايه يا نونه .. قالتلى عربي
بقولها انتى نفسك تطلعى ايه دكتوره ولا مهندسه
قالتلى لا . محاميه
قولتلها اشمعنى محاميه يعنى ؟ البنات كلها بتقول دكتوره ولا صيدلانيه
قالتلى عشان ادافع عن بابا وماما وحبيبى
قولتلها اممممممم ومين هو حبيبك بقي
قامت مكسوفه كده ووش امها إحمر وقالتلى مالكش دعوه لما اعرفه هبقى اقولك
قولتلها ممكن يعنى تدافعى عنه وتطلعيه من اى مشكله قالتلى اه من اى مشكله . مش هسيبه يتحبس يإما هتحبس معاه ...
ف انا اهو بديلها فرصه يا تطلعنى يا تيجى تتحبس معايا ههههههههههههه ده السجن هيبقى جنه ساعتها
عماد : بردو مارديتش عليا ؟ واثق فيها للدرجادى
احمد : هو انا لو مش واثق يا عماد كنت هتشوفنى بضحك كده
عماد : طب افرض نوران ماعرفتش توصل لحاجه او شوية الكلاب دول رخموا عليها وعلينا
احمد : ههههههههههههههههه ساعتها هديلهم دليل برائتى وهطلع اكل الكلاب اللى بره
عماد : دليل براءتك ؟ يعنى ايه
احمد : ههههههههههه انت يالا مش واثق ف صاحبك
عماد : ياعم اخلص مش ناقصه لعب بالاعصاب هى وحياة امك . يعنى ايه دليل براءتك
احمد : ههههههههههههههههههه يعنى دليل براءتى . هقدملهم كده الدليل اللى يطلعنى من هنا بعد دقيقه واحده من الدليل بس انا مش عاوز اطلع ... انا عوز نوران هى اللى تطلعنى
عماد : هو انت مجنون ؟
احمد : ههههههههههههه اه
عماد : لا بجد يعنى مجنون ولا متخلف عقليا ولا ده كلام بتقولهولى عشان تتطمنى
احمد : ايه ! اه يا عمده بطمنك بس . عاوزك تطمن اهلى يا جدع وامى واخواتى
عماد : ف عنيا يا احمد .. ماتلعبش باعصابى وحياة امك بعد كده انا مش ناقص رعب
احمد : حاضر يا حب
عسكرى : الزياره انتهت يا استاذ
عماد : ثوانى يا دفعه خلاص
احمد : قوم انت يلا . ورن على نوران وهدير خليهم يتغدوا شكلهم ناسيين نفسهم م الاكل
عماد : يابنى خليك ف نفسك انت والنبى ماتقلقش علينا
احمد : اخلينى ف نفسي ايه يابن العبيطه انت مانتو نفسي ههههههههههههههههه خلى البت تاكل يالا عشان دى معتوهه اصلا وهتنسي تاكل . وحياة امك لو ما اتصلت عليها وخليتها تاكل لنا خارج عابطك ف نص الشارع . زعقلها وقولها عاوزين ناكل
عماد : ( بيحضنه ) عمرى ما شوفت حب بالشكل ده . يخربيتك يا جدع . يارب تخرجلها بالسلامه عشان انتو الاتنين حرام ماتعيشوش سوا ...يلا مع السلامه
احمد : بالسلامه يا صاحبى
...................
نوران : استنى يا هدير عماد بيرن
هدير : طب شوفيه عاوز ايه . شكل احمد قاله حاجه
نوران : الو ! ايوه يا عماد
عماد : اتغديتو ولا لسا
نوران : غدا ايه بس دلوقتى احنا ورانا مشوار مهم
عماد : بلا مشوار بلا غيره . جوزك ياستى مهزأنى النهارده بسببك . هاتى هدير وتعالى هنتغدى واجى معاكو نكمل مشاوير
نوران : يا بنى مش جعانين والله .. هنروح المعمل الجنائي بس وجاييين
عماد : وحياة امى لو ما جيتو لنا داخل معترف على احمد دلوقتى انه هو اللى عمل الكلام ده . جوزك شتمنى بأمى جوه بسببكو
نوران : ضحكتنى وانا ماليش نفس اضحك ربنا يسامحك ...هو عمل كده فعلا ؟
عماد : اه والله .. يلا بقي هاتى هدير وتعالو
نوران : خلاص حاضر . ماتتحركش احنا خمس دقايق هنكون عندك
.................
( حوار بين وكيل النيابه ومفتش المباحث اللى ماسكين القضيه كمال وسعد )
سعد : عامل ايه يا كمال بيه ؟
كمال : بخير يا سعد اقعد عاوزك
سعد : معاك يا ريس
كمال : عاوزك تعزللى اللى اسمه احمد ده وتحطهولى هو وعربي ووائل هما التلاته ف حجز لوحدهم .. او هاتهم الاوضه بتاعة التحقيق وسيبهم بتاع ساعه مع بعض . وعاوزك تحطلى ميكروفونات عاوز اشوف كلامهم مع بعض عامل ازاى
سعد : تمام يا ريس اعتبره حصل ... باشا انت بتشك ف مين . او مستبعد مين انه يكون عملها
كمال : هى كل الدلايل بتقول ان عربي ووائل اصحاب الليله واحمد ده بيشتغل عندهم وماسكهلم الشغل يعنى هو الدراع اليمين .. بس اقولك حاجه ومن واقع خبرتى الطويله دى !! اقولك ان الواد ده يإما برئ جدا يإما استاذ جدا . عينه مابتتهزش ولا بتتكسر وهو بيتكلم وكأنه واثق انه هيخرج من هنا ليه معرفش
الاتنين التانيين على الرغم انهم مراكز كبيره وواصلين ومعاهم فلوس الا انهم بيتلجلجو ... انا شاكك ان الواد اللى اسمه احمد ده ماكنش فعلا يعرف حاجه عن تجارتهم زى ما بيقول . بس فيه حلقه مفقوده .. وهى البنت نفسها
سعد : يا ريس ماتستبعدش بردو انها ممكن تكون خايفه .. لو اتكلمت ممكن تسجن ابوها واخوها ..
كمال : عارف السر ايه ؟
سعد : ايه يا ريس
كمال : انا عاوز اعرف علاقتها ايه بالواد . وليه راحتله وكانت عنده ف التوقيت ده بالخصوص
سعد : اعتبره حصل . اقل من 12 ساعه هيكون تقرير عنها وعنه قدام حضرتك
كمال : بالظبط ... وهكتبلك اذن دلوقتى هتجيبلى كشف بمكالماتها اخر يومين .. ده طبعا طلب من المحاميه بتاعة احمد .. ماشاء الله شكلها شاطره ... وانا طلعت ل عبد الله اذن بتفريغ الكاميرات بتاعة المعرض وبتاعة المحلات اللى قصادهم
سعد : على فكره يا ريس دى مرات احمد المحاميه دى
كمال : لا ماشاء الله عليها . بتحبه جدا ومأمنه ببراءته وطالعاله كده عينيها قويه ف الكلام ومش خايفه وهى بتتكلم
سعد : احمد برئ يا ريس ؟
كمال : مانت عارف اننا لينا براهين قدامنا وادله وبنطبق القانون وبس . حتى لو انا عارف ومتأكد انه برئ . لازم يقدم دليل او المحاميه بتاعته تقدم دليل
سعد : هقوم انا يا ريس انفذ اللى طلبته منى
كمال : ف امان الله
.........
( ف مطعم )
نوران : خلاص الحمد لله مش قادره
عماد : هو ايه ده . ياستى كلى ماتعمليلناش مشاكل مع جوزك الله يكرمك
نوران : خلاص والله كلت الحمد لله مش قادره
عماد : اه مانتى مابتسمعيش كلام زى السم من جوزك . دنا ببقى شايل هم اللى بيعمله فيا بسببك
نوران : بيكلمك عنى ؟
عماد : بيكلمنى عنك ايه . هو احنا بنتكلم غير عنك اصلا . بقوله يابنى ما تركز ف ام القضيه دى بقا وشوف هنعمل ايه . يقولى هى عامله ايه . طب فطرت ولا لسا طب اتغدت ولا لسا . انا معرفش مالكو انتو الاتنين ههههههه
نوران : ( بتبص ل هدير ) شوفتى ! اعمل ايه ف بنى ادم بالشكل ده . ف عز اللى هو فيه وبيفكر فيا . والله العظيم لو اطول اتحبس معاه هتحبس
عماد : ( بيتف الاكل من بؤه وبيضحك ) الله يخربيتكو هههههههههههههههههههههه ما كفايه بقا
نوران : ايه يا عم . ماله ده ؟
هدير : اشرب ميه اشرب
نوران : مالك ياعم
عماد : اصلك قولتى نفس الجمله اللى احمد قالها النهارده ... قال لو مطلعتش من هنا هجيبها تتحبس معايا
نوران : بتتكلم بجد . قالك كده ؟ ههههههههه
عماد : اه والله
نوران : وانا موافقه جدا ..
هدير : ياستى ربنا يعديها على خير ومحدش يتحبس ولا الكلام ده ...
نوران : ( بتدمع ) وحشنى اوى والله . انا كأنى شايفاه وانا باكل
عماد : بقولكو ايه . قومو شوفو وراكو ايه وبطلو نكد . اه صحيح يا نوران النهارده حصل حاجه كده
نوران : حاجة ايه
عماد : احمد كان بيكلمنى كده وبنتكلم انا وهو عادى وبعدين قولتله تعمل ايه يعنى لو نوران معرفتش تخرجك او مش عارف ايه
لقيته بيقولى ساعتها هقدملهم دليل براءتى واخرج انا عاوز نوران اللى تطلعنى
ده يعنى ايه ده فهمتى حاجه ؟
نوران : يعنى ايه ده ؟
عماد : ولا انا فاهم حاجه والله من ساعتها . بس لما انا ركزت معاه وسألته تانى قالى لا لا كنت بهزر معاك عشان تتطمن وتطمن اهلى ونوران بس .
نوران : مش عارفه .. ما يمكن فعلا يكون بيتطمنا ؟
عماد : انا مش عارف . انتى حاولى تفهمى منه الحوار ده عشان دماغى بتلف من ساعتها
نوران : ودى محتاجه كلام . طبعا هساله دنا دماغى لفت هى كمان
...............
تتوقعوا ايه دليل البراءه ده وهل احمد ممكن يكون مخبى حاجه ؟