روايه انا و هي

(الحلقه الثانية عشر) ..( اللعب على تقيل ) ❤

#رواية_انا_وهى_الجزء_التالت
(الحلقه الثانية عشر) ..( اللعب على تقيل ) ❤
............
(في الحلقه السابقه )
( حمو بيتصل على سلمى عشان تجيب نوران وتنزل بعد ما طلب من احمد يروح يجيبله حاجات )
.....
حمو : بصى بقي ياستى وواحده واحده ومن غير غباوه عاوزك تفهمينى لاحسن يمين الله هبطحك انتى وجوزك دلوقتى
نوران : هههههههههههههههه ايه ياعم فيه ايه خضتنى
.................. ( الثانية عشر ) ❤
حمو : اقعدى بس
نوران : اهو ياعم قعدنا .. ايه بقا قالقنى انت ومراتك ..
حمو : انا عاوز اسالك سؤال صغنن كده
نوران : اسال
حمو : هو انتى لو حد قريب منك جدا باقيله فتره صغيره مثلا ويبعد عنك او يفطس ويموت هتعمليله ايه ههههههههههه
نوران : ايه ياعم اعوذ بالله الكلام ده هههههههههههه
حمو : ردى ع السؤال انا بتكلم بالعموم
نوران : هحاول ادلعه طبعا واشوف ناقصه وعاوز ايه ويتمنى ايه
حمو : الله ! ماهو الموضوع سهل وبسيط اهو ياسلمى اومال قلقتينى ليه
سلمى : ههههههههههههه
نوران : موضوع ايه ياعم انا مش فاهمه حاجه
حمو : بصى ياستى . الحكايه وما فيها ان فيه واحد صاحبنا .. معرفه يعنى مش صاحبنا اوى ... تعبان . المفروض انه تعبان
نوران : المفروض ؟ يعنى ايه المفروض دى
حمو : ما علينا .. نمشيها تعبان .... واحمد جوزك بما انه الوحيد اللى يعرفه الشخص ده او قريب نوعا ما منه يعنى .. وطبعا انتى عارفه ان جوزك قلبه كبير وحنين .. ماهو تربيتى
نوران : ههههههههههههه اه عارفه انه تربيتك ...
حمو : ف طبعا جوزك اسم النبى حارسه وضامنه حب انه مايحسش بالذنب تجاه الشخص ده ويحاول على قد ما ربنا يقدره انه يشيل عنه شويه ويفسحه ويدلعه
نوران : ده اقل واجب طبعا .. ولو جوزى معملش كده هزعل منه
حمو : الله أكبر
سلمى : احححم .. صحيح والله دماغك كبيره يا نونه يا حبيبتى . ربنا يصلحهالك يا حبيبتى وينورلك بصيرتك يا قلبى
نوران : مين بقى الشخص ده
حمو : ( بيكح وبيشرق ) ايه ؟
نوران : الف سلامه عليك .. اجيبلك ميه ؟
حمو : لا انا هقوم اشرب انا وسلمى هتكملك الحكايه
سلمى : تقوم تشرب فين . تعالى اقعد هنا .. كمل
حمو : أكمل ايه مانتى الخير والبقره يا قلبى قصدى الخير والبركه
نوران : هههههههههههههههه ايه يا جدعان هو سر ما تقولو هو مين صاحبكو ده ولا معرفتكو ده عشان اساعدكو والله ولو اقدر اعمل حاجه هعملها
حمو : ربنا يجزيك خير يارب
نوران : مين بقي ؟
حمو : هو ايه
نوران : مين صاحبكو ده ؟
حمو : اهو واحد بقي يا نونه . هتعرفيه يعنى
نوران : ياعم قول يمكن اكون عارفاه . والله صعب عليا ربنا يتولاه يارب ..
حمو : يارب
نوران : قول بقي مين ؟
حمو : قوليلها يا سوسو
سلمى : لا قولها انت يا روح سوسو
حمو : وحياة عتريس ابنك لاتقوليلها انتى
سلمى : وغلاوة ابو العتاريس ابنك تقولها انت
نوران : ههههههههههههههههههه ياغواتى عليكو . وحياة النبى حتتين عسليه . انا بحبكو والله انتو الاتنين
حمو : ربنا يديك المحبه دى يارب دقيقتين كمان قدام هههههههههههههههه
نوران : لا والله انتو حبايبى وربنا يعلم غلاوتكو
حمو : أميره
نوران : هى ايه دى اللى أميره
حمو : معرفش . مين جاب سيرة أميره ف الموضوع
نوران : هههههههههههههه انت لسا قايل اميره اهو ياعم . ايه أميره دى
حمو : لا انا بقول عليك يعنى انك اميره وبنت أمرا وبنت ناس طيبين
نوران : تسلملى انت اللى امير وابن حلال ومتجوز البرنسيسه بتاعتنا
سلمى : متشكره يا حبيبتى دانتى الغاليه والنواره بتاعتنا
نوران : يا جماعه قولو بقي مين صاحبكو ده اللى تعبان تعب وحش وهيموت قريب
حمو : بصى يا نونه !
الموضوع برمته لا بد ان ينصاع الى التدرج الطبيعى والتلقائي للعلاقات البشريه التنمويه
نوران : أومال
حمو : ف بالتالى لابد ان تظهر الحقيقه يوما ما . وبالضروره الكل سوف يفهم ويستنتج الحكايه وهتبقى ليلتنا زبادى بالصلاه ع النبى يبقى احنا لازم نعترف بسرعه . صح
نوران : هو انا مش فاهمه حاجه . بس طالما انت بتقول صح يبقى صح .. صح يا سلمى ؟
سلمى : صح طبعا ... اى حاجه يقولها حمو يبقى صح
حمو : الله اكبر ... ف لله الامر من قبل ومن بعد ... انا اتخذت القرار
سلمى : اثبت . ربنا معاك .
حمو : سمعتينى يا نونه ؟ سمعتينى يا سلمى .. انا اتخذت القرار وهتكلم . وهنطق . ورزقى ورزقك على الله ... الشخص اللى عيان وهيموت يا حرام ده وجوزك بيحاول يخففف عنه يبقى ....
نوران : ها
حمو : يبقى ...
نوران : الله .. ما تقول ياعم هو ايه ده
حمو : اميره
نوران : تانى هتقولى اميره وبتاع . قول مين ؟
حمو : اميييييره . اميره
نوران : اميره ! اميره مين يا عنيا ؟
حمو : ايه ده انا ايه اللى جابنى هنا
سلمى : احنا نقوم نلحق صلاه العشا بقي يا حمو
حمو : ايوه يا سوسو يلا على وضوء صح ؟
سلمى : الحمد لله أخى الفاضل
نوران : تعالو هنا انتو الاتنين . انتو بتقولو مين يا عنيا انت وهى ؟
حمو : وانا مالى . هى اللى قالت
سلمى : وحياة ابنى هو اللى قالى
حمو : اه يا كدابه يا جبانه
سلمى : هههههههههههههههه
نوران : أميره مين . اكدب عليا وقول انها مش هى اللى ف بالى . عشان والله العظيم لو هى اللى ف بالى لايكون اخر يوم ف عمركو كلكو النهارده
حمو : ما تهدى بقي يا بت انتى . دنا جايبلك عرض هتحلمى بيه
نوران : عرض ايه ده . وقول الاول هى ولا مش هى
حمو : يا وليه يا حيذبونه انتى ماسكه شعر مراتى كده ليه . خلى بالك دى مجنونه أجن منك هى بس اللى ساكتالك هههههههههههههه اهدى بقي اما اعرفك الحكايه
نوران : حكاية ايه ياخويا ان شاء الله . انطق
حمو : دلوقتى بجد جوزك المفروض انه جايله ان اميره دى عندها الله اكبر مرض وحش . المرض الخبيث ده .. يعمل ايه بقي لما انه راجل شهم وابن بلد . يحاول يرسم على وشها ضحكه مؤقته لغاية وقت قريب بس .. كده يزعلك ف حاجه ؟
نوران : اه . يزعلنى
حمو : طب اقولها ايه دى ؟
سلمى : ههههههههههههه نونه يا حبيبتى استنى بس وخلى احمد يكمل كلامه
حمو : ف احنا الاول نازلين هنا البلد عشان نتأكد من كلامه ومن الكلام اللى جاله .. هل بجد اميره دى زى ماهو عرف تعبانه بجد ولا كمين معمول ع الواد الغلبان لغرض معين وممكن يتعك فيه عكه سوده تانيه غير الاولانيه
نوران : ( بعصبيه ) طب وهو ليه يقرب من اساسه
حمو : عشان جدع .. عشان انا مابصاحبش غير بنى ادمين جدعان
ولو حد وقع ف ضيقه ممكن نفديه بحياتنا حتى لو بينا وبينا مشاكل الدنيا كلها
مش احنا اللى نتخلى عن حد ف ضيقه
ومش احنا اللى نشمت ف مرض ولا ف موت ولا ف مصيبه
لو قدرنا نحلها او ندخل نساعد بنسبه 1 % هندخل .
هو قدرك كده . نصيبك كده انك عرفتى واحد من النوعيه دى . وانا مابلمش حواليا ولا بصاحب غير النوعيه دى .. معانا بقي ولا لا ؟
نوران : ( بعياط )
حمو : يا ست البنات بصيلى بس انتى زعلانه ليه . دنا جايبلك عرض الموسم .. هتفشي غلط وهتطلعى عقدك كلها ع الواد هههههههههههه
نوران : ( بتضحك بصعوبه ) ازاى بقي ان شاء الله
حمو : بصى يا ستى ! احمد جوزك مايعرفش انى هقولك حاجه ولا انك هتبقى على درايه بالموضوع اصلا ... ف انتى بقي ايه تشتغليله ف الازرق .. تشيبى راسه . تحلمى احلام كده وتقوليله انا حلمت انك بتخونى
سلمى : ايوه زى منا كنت بعمل معاك كده يا قلبي صح
حمو : اسكتى انتى
سلمى : هههههههههههه حاضر
نوران : ههههههههههههههههه تمام وبعدين
حمو : ولا قبلين .. عاوزك تخليه يعملها على ورحه وتسيبى مفاصله . عاوزه يلف حوالين نفسه .. ومن ناحية تانيه سيبيلى انا موضوع اميره ده انا هعرف الحكايه كلها
نوران : على ضمانتك يعنى احمد مايقربلهاش ..
حمو : عيب بقي . دنا نازلك مخصوص ومشحطط مراتى معايا هى والواد اللى لسا مكملش كم شهر ... نتلم بقي
نوران : ههههههههههه انتو بجد نازلين عشان الموضوع ده وعشانى وعشان احمد ؟
حمو : لا نازل عشان المش والجبنه القديمه بتاعتكو
نوران : ههههههههههههه هو انا ليه ماكنتش ف الشله بتاعتكو
سلمى : مش مهم .. المهم دلوقتى انك معانا وف وسطنا ومش مهم امتى بقي دخلتى وسطينا
نوران : عندك حق .... قليل اوى اللى يبقى عنده اصحاب زيكو كده . والله العظيم مجرد ما سمعت صوت احمد وهو بيقولى عاملك مفاجأأأه وسمعت صوت حمو وصوتك يا سلمى حسيت بفرحه ما بعدها فرحه كده
بجد ربنا يخليكو ليا وما يحرمنا منكو وتفضلو سند لينا ونفضل سند ليكو
حمو : على فوق بقي انتى وهى عشان جوزك زمانه جاى والعيال فوق مايشغلوش دماغهم ويقولو راحو فين
نوران : ماشى . يلا يا سوسو
..................
( بيت أميره )
اميره : الو ! ايوه يابت هند . تعالى بسرعه البيت عاوزاكى جدا
هند : خير يابت
اميره : ههههههههههههههه خير خالص تعالى بسرعه
هند : 10 دقايق هتلاقينى عندك
...............
( ع القهوه )
كريم : منورين يا اساتذه
احمد : نورك يا كرمله . طقم قهوه بقي و3 شيش
كريم : اومال الباشا منين يا ريس
احمد : ههههههههههههه ده صاحبى واخويا .
حمو : ايه يا كرم .. ماتكبسش الحجر بقي عشان مايدخنش
كريم : هههههههههههههه دانت ابن سوق وفاهم اهو
حمو : ههههههههههه قهوه ع الريحه ها عاوز افوق .. ولا اجى اظبطهالك انا
كريم : هههههههههههه حبيبى يا هندسه . عن اذنكو
احمد : مش عارف ليه يا اخى انا قلبى مقبوض وحاسس انى داخل على ايام سوده
حمو : ههههههههههههههههههههههه بطنى
عماد : ههههههههههه ايه يابنى بتضحك على ايه
حمو : لا اصل افتكرت موضوع كده ... القهوه يا كرمله ....
..................
( بيت احمد )
سلمى : مين بتعرف ترقص يا بنات
مى : ههههههههههههههه كلنا
نوران : احب اقولكو يا حلوين ان مهما وصلنا ل رقص ف مش هنكون زى رقص سلمى ودلعها ف الرقص هههههههههههههه البنات حكولى
مى : هههههههههههههه
سلمى : واحده فيكو تقوم ترقص بقي
هدير : انا ههههههههههههه
نوران : ( باستغراب ) انتى يا هدير ؟ وانا اللى كنتى فاكراكى محترمه
هدير : ههههههههههههههه اخرسي يابت . انا حاسه انى وسط اخواتي واهلى والله
نوران : اخص اخص ... طب ورينا يا حلوه رقصك
فاطمه : ( بتجرى ع المطبخ تجيب كانزات بيبسي )
مى : ( بتحزم هدير وبتشغل اغانى ف السماعات متوصله بتليفونها )
.............
( بيت اميره )
هند : ايه يابت فيه ايه ؟
اميره : هههههههههههه ده فيه وفيه وفيه . .. شوفته وقابلته واتكلمت معاه . نظراته ليا كانت غريبه انا اقسملك بالله انه اعجب بيا
هند : هو مين ده يابت انتى مجنونه ؟ كل يوم بحال . شويه بتحبى عبد الله وشويه بتحبى احمد وشويه مين تانى ؟ انتى بتتكلمى عن مين
اميره : عبد الله مين واحمد مين ههههههههههههه حمو وبس
هند : حمو ؟ وشوفتيه امتى ده ان شاء الله ماقولتليش يعنى
اميره : هو انا كنت مرتبه ؟ دنا روحت اتغدى مع احمد ف المنصوره لقيته طابب عليه هناك بالصدفه وكان معاه اخته ... حتة بنت ؟ ايه ده عمرى ما شوفت بنات طعمين وحلوين بالشكل ده . البت تحل من على حب المشنقه وكتاب الله .. مش انا حلوه صح ؟ واللى يشوفنى يتجنن عليا ؟ كنت قاعده جنبها كنت حاسه انى زباله اوى هههههههههههههههههه وعرفت انهم اغنيا جدا . البنت ماشاء الله لبسها كله براندات وماركات وطريقه كلامها اصلا تهبل ... انا عاوزه ادخل العيله دى ماليش فيه ...
هند : طب واحمد ؟
اميره : ماله ؟ احمد متجوز وغالبا كده مش هيطلعها من دماغه ،، رغم انى بحبه جدا بس لغاية امتى هفضل ناسيه نفسي يعنى . انا بكبر ومنشفه دماغى ليه نفسي افهم ...
هند : ع فكره يا اميره هقولك كلمه وياريت ماتزعليش منى
اميره : كلمة ايه
هند : انتى عمرك ما حبيتى أحمد
اميره : غلطانه
هند : انا صحبتك من زمان وعارفه انا بقولك ايه
حبك لاحمد كان حب امتلاك لمجرد ان ابن الجناينى ماينفعش يقول لبنت الباشا لا
انتى حبيتيه الحب ده
اللى هو انت ليه ماجيتش تترمى تحت رجلى وتطلب منى انى احبك
وليه كنت مختلف عن كل الشباب
حبيتى تثبتى لنفسك انك أول الحكايه واخرها لكن كحب ؟ عمرك ما حبيتى حد
اميره : كلامك كله غلط على فكره
هند : طب هسالك سؤال دلوقتى بس تجاوبينى بصراحه
اميره : سؤال ايه ده
هند : انتى دلوقتى دماغك شغلانه بمين .
اميره : دلوقتى ؟ صاحبه ... وغالبا هيبقى صاحبه على طول . هو ده اللى ينفعنى ويستاهلنى . له كاريزما جباره كده حتى طريقة نظرته ليا كان فيها تقل اللى هو مش دابب عينه فيا وخلاص .. لا لا لا وحياة امى لايمكن يخرج من تحت ايدى
ايه ده ؟ فيه رقم باعتلى رساله مين ده ؟
هند : رسالة ايه ؟
اميره : استنى !
" متشكر على اليوم الحلو ده يا ميرو كان نفسي اطول معاك بس عشان اختى واحمد كانو معانا بس... ملحوقه بقي انا عازمك بكره على يوم حلو ف المنصوره لو ترضي يعنى.. بس سكتم بكتم ها ماتقوليش لحد "
اميره : هند ! اقرصينى ... ده هو
..................