روايه انا و هي

(الحلقه الثامنه ) ..( احمد وصحابه )

(الحلقه الثامنه ) ..( احمد وصحابه )
............
(في الحلقه السابقه )
احمد : هههههههههههههههه بقولك ايه .. انتى هتاخدى الكيس ده وتحطيهولى ف الدولاب بتاعى لا من شاف ولا من درى
مى : وانا مالى ياخويا ده لو امك شافتنى داخله بيه هتسألنى بتاع مين وهتفضح ههههههههههههههههه لا ياعم
احمد : يا ميوش ليك 200 جنيه اخر الاسبوع تشبرقى بيهم نفسك
مى : احطلك الكيس ده ف الدولاب من فوق ولا من تحت
نوران : ههههههههههههههههه كلبة فلوس
................ ( الثامنه )
( قبل الفرح بيوم )
( على البلكونات )
احمد : نونه !
نوران : ايه يا روحى
احمد : اخر ليله هتناميها لوحدك
نوران : اسكت بقي انا جسمى عمال يترعش كل ما افكر ف الموضوع ده ... على قد مانت واحشنى على قد مانا خايفه
احمد : ياروحى دى حاجه عاديه انك تخافى . ماتشغليش بالك بالليله دى .. هتعدى زى الفل ان شاء الله
نوران : اوعى يا احمد ها اوعى ههههههههههههه
احمد : ههههههههههه انتى شايفه ايه ؟
نوران : انا شايفه انى هتجوز اجمل واجدع واحن راجل ف الدنيا عشان كده اسلملك عمرى كله وانا متطمنه
احمد : كان نفسي اشوف الفستان عليك وانتى بتقيسيه
نوران : لا ياعم ده فال وحش ان العريس يشوف عروسته بالفستان قبل يوم الفرح
احمد : ليه يعنى ان شاء الله
نوران : اهو كده بقي . بيقولوا كده
احمد : ربنا يستر ويبعد عننا العيون . انا عارف انهم هيحسدوكى عليا والله
نوران : يا حبيبى انا اللى هتحسد ...
احمد : بقولك ايه .. مش احنا كتبنا الكتاب خلاص . ماتيجى تسهرى معايا انا والبنات ههههههههههههههه
نوران : مستعجل ليه ماكلها كم ساعه وهيكون انا وانت وبس . ولا بنات ولا غير بنات
احمد : المهم ! طلعتى القميص والحاجات التانيه ؟
نوران : تعرف انك قليل الادب ههههههههه وبعدين انا حاسه كده يا حمو إنى ...
احمد : انك ايه ؟
نوران : انى ....
احمد : انطقيها وقوليها عشان عليا النعمه من نعمة ربى لارميلك نفسي من البلكونه دى
نوران : هههههههههههههههه بعد الشر . بس مش عارفه حاسه كده والله اعلم ان ليلة بكره شكلها كده بح
احمد : ااه . قلبى . هيجيلى جلطه ؟ هو ايه ؟ عليا النعمه لو اللى ف بالى هو اللى حصل لاكون مبلغ عنك وعن ابوك وعن امك وعن بيتكو كلكو .. عشان انا على آخرى
نوران : ههههههههههههههه يا جزمه ... طب مافيش حاجه بقي . انا الحمد لله تمام بس بردو مش هتلمسنى ... اخرك حضن بس . عشان انا اللى هحضنك اول ما ندخل شقتنا . وبعدين تصبح على خير يا قلبى وتصبحى على خير يا حبيبتى . ماتفكرش ف اى حاج تانيه .. ها ماتفكرش
احمد : بصى يا نونه !!! ندخل بس شقتنا وربك يحلها من عنده
نوران : هههههههههههه
احمد : ياتى كميله .. المهم يا روحى يلا قومى نامى يا بابا يلا عشان يومنا بكره طويل
نوران : حاضر يا روحى .. تصبح على حضنى يا احلى حاجه ف حياتى
احمد : وانتى من اهلى ... خلاص كلها ساعات وهتكونى من أهلى ... بقولك ايه .
نوران : ايه
احمد : اممممممممممممممممممواح
نوران : عيب يا واد . وبعدين ماجتش فيا
احمد : هههههههه خلاص يبقالك بوسه بكره هديهالك
نوران : احم . بوسه بس
احمد : بقولك ايه روحى نامى . مش طالبه دلع أمك ده دلوقتى هههههههههه خليها بكره
نوران : هههههههههه بحبك
احمد : وانا كمان بحبك ... تصبحى على خير يا قلبي
نوران : وانت من اهل الخير يا روحى
................
( عماد بيرن على احمد )
عماد : الو ! ايه يا عريس فينك
احمد : اهو يابا . انت اللى فينك
عماد : ههههههههههههه ع القهوه اهو . ماكنت تيجى تسهر معانا الليلادى يا عم . اخر ليله ليك ف العزوبيه عاوزين نحتفل
احمد : تحتفلوا بإيه ؟
عماد : نحتفل بيك . وحياة امى احنا ناوينلك على نية سوده بنت كلب بكره هههههههههههههه كل العيال مستحلفين
احمد : مين عندك
عماد : علاء ورضا وهاشم .... هههههههههههههه الصوان اتنصب خلاص . بكره هندلعك احلى دلع
احمد : طب خليكو انا نازلكو . خمسه واكون عندكو
..........
( ع القهوه )
علاء : ياختى عليها ياختى عليها ههههههههههههههه تعالى تعالى دانت ليلة امك سوده . هطلع على جتتك اللى طلعته عليا لما جيت اتجوز
احمد : بس يالا اخرس ...
رضا : هههههههههههههه بص يا معلم . انا جايبلك بكره جريده نخل من ع البحر وجاهز من دلوقتى هههههههههههههه
احمد : ههههههههههههه دانت قلبك اسود يابن ال... ولا بلاش هههههههههه
هاشم : بص يا كبير ... ربك يسهل بس
احمد : بس وحياة امك انت وهو اللى هيتغابى هطلع ميتين أمه هههههههههه مش عاوز شكلى يبقى وحش ياشوية كلاب ههههههههههه
عماد : المهم ! سيبك من كل الكلام ده .. انت دلوقتى داخل على حياه جديده وروح جديده هتسكن معاك . عارف طبعا هتعمل ايه
احمد : هههههههههههههه اتنيل يا عجل يا اهبل . دنا اللى كنت بقولك تعمل ايه
عماد : الا صحيح انت الكلام ده كله تعرفه منين
يا اخى الدنيا كلها مستغرباك . انا نفسي صاحبك اهو ومستغربك . انت ازاى قادر تفهم كل ده . وانت لا اتجوزت ولا خطبت قبل كده ولا اتنيلت على عين أمك ... ايه ياعم .. ازاى قادر تنصح بين اتنين متجوزين وازاى قادر تقول لواحد يصالح مراته ازاى ولا خطيبته ولا حبيبته ازاى .... انت متجوز من ورانا ولا ايه يالا
احمد : بص يا عمده
مش شرط عشان اكون اعرف اتعامل مع انثي اكون مريت بتجارب
طبعا معاك ان التجربه اهى ابلغ رأي وابلغ حكم ولوحدها تغنى لانك بتكون عايش ف التفاصيل نفسها وبتعرف تقول ايه وتعمل ايه ...
بس اللى شايف الموضوع من بره ده بيبقى له حكمه ف كده بردو
عماد : ازاى
احمد : بص يا حبيبى ... انا لما اقول لواحد متجوز دلع مراتك . قولها كلمه حلوه . هاتلها علبه شوكولاته . كلهم بلا استثناء وانت بالذات يا كلب البحر انت بتفضل توجع دماغ اهلى بشوية كلام يسدو النفس
من عينة ياعم ايه ياعم هو كل يوم . ياعم انا مضغوط ف شغلى
ياعم انا بعمل وهى بارده
وشوية كلام ان دل ف هو يدل على قلة الحيله اللى انتو فيها
يابنى يا حبيبى مافيش بنت على وجه البسيطه دى مش عاوزه تتدلع وتعيش وتتهنى وتحكى وتتحاكى لصحباتها واخواتها وامها ان جوزى بيدلعنى وبيريحنى وبيحبنى
الحكاية كلها ف كلمة السر اللى محدش واخد باله منها
وهى انت .. انت كشخص . كراجل . تكوينك الجسمانى يابنى انت وهو كرجاله المفروض انه اتبنى عشان يكون سند وآمان وجدار تتسند بيه انثتك عليه وقت ضعف ووقت خوف
تكون ليها حمايه .. تكون ليها ضهر
انتوا عارفين
الرضا ده اهم حاجه . انك تبقى راضى بمراتك
بشكلها بصوتها بجنانها بحلاوتها ووحاشتها . ده ف حد ذاته منتهى الرجوله
مش تدخل تاخد مزاجك منها ومع اول خلفه ليها لما وشها يتغير وجسمها يكرمش تبص بره وتطلع عليها عقدك زى انتى تخنتى انتى بقيتى بارده انتى بقيتى لا تطاقى
كل ده لانك بتقارنها بناس تانيه
بتقارنها برقاصه ف التلفزيون
بتقارنها بفنانه وممثله ومغنيه
بتقارنها بواحده تانيه جارتكو او قريبتكو وعاوزها تبقى زيها .
لا يا حبيبى . مراتك دى سكه تانيه
حاجه تانيه وهى عباره عن انعكاس لشخصيتك انت وروحك انت
بإيدك تخليها جميله واحلى منهم وبايدك تطفى عيشتها وتكرهها ف دنيتها
استمد منها طاقه حلوه تعيش بيها وتتغلب على قرف شغلك وقرف الشارع والمجتمع
طالع عين امك ف الشغل . يبقى تاخد منها حضن ينسيك وجعك
يابنى الستات دول اقوى مما احنا نتخيل
دى ترضع الولد وتذاكر للبت وتعملك طفح تطفحه وتروق البيت وممكن تكون بتشتغل بردو ومع ذلك مابتشتكيش
وده لسببين
الاولانى انها عاوزاك انت من نفسك تهتم بيها وتقولها تسلم ايديكى تاعبك معايا ماتحرمش منك .
والسبب التانى ان هما ماشاء الله عندهم الموت اهون ولا نظره شماته ولا انها تحس انها قليله ف عين حد حتى لو جوزها
قهمتوا ؟
عماد : فهمت ؟طيب انت ف رأيك ايه الحاجات اللى ممكن اى ست تحبها ف الراجل اللى هتتجوزه او بتحبه عموما يعنى
احمد : لازم يكون حمش وله شخصيه .. مش رامى ودانه هو لأى حد
و يشتمها لما يكون غيران بأمها بس مش اى شتيمه ..
يعنى مثلا وحياه أمك لاوريك لما اجى .. وحياه أمك لاضربك على بؤك .. ايه اللى انتى عملتيه ده يا روح أمك ... بحبك يخربيت حلاوه أمك . الحاجات النغشه الحلوه دى
و بردو مايكونش وحش ف زعله .. الاحلى انه يعمل زى رشدى اباظه كده ف الزوجه 13 . مقموص بس بيبص عليها من بعيد ويرفع حاجبه كده
ويكون بنى ادم ويقدر المواهب بتاعتها ف انها بتعرف تنام 16 ساعه متواصله . دى اهم نقطه
وعنده دقن حلوه كده مش تقيله ولا خفيفه . ايوه ايوه زى بتاعتى دى ههههههههههههههه
ويكون بيعرف يطبخ .. ياااه ع الجمال بقا . ده مراته تعيشه ملك . الحمد لله انا عليا حته صينيه بطاطس .. ماتتاكلش اساسا
يقولها إلبسي عشان هننزل نتعشى بره ... دى بقا مراته هتعيشه ف سعاده طول عمره
و بيعرف يقول كلام حلو ..
و اخر حاجه انه يغنيها عن العالم ومافيه ..
المكان والزمان مايكونوش موجودين وهما ف حضن بعض يخرجها بره الدنيا ..
ساعتها بس اقدر اقولك انه اكتر بنى ادم محظوظ ف الدنيا
لانها مش هتبقى عارفه تعمله ايه ولا ايه
عماد : يابن اللذينه . انت هتعمل كل ده ؟
احمد : وحياة أمى ده اقل حاجه ههههههههه يابنى انا بذاكر لجوازى ده من زمان ههههههههههههه
عماد : هههههههههههههه وحياة امى هتجيب آجلنا . داحنا كلنا متجوزين وقاعدين متنحين من الكلام ... مالك ياض انت وهو ياض ههههههههه العيال تنحت من كلامك حرام عليك
احمد : طب بقولك ايه انت وهو !
عماد : نعم ؟
احمد : جربت تحسس مراتك بأنوثتها
عماد : بمعنى ؟
احمد : بمعنى انك جربت تحسس مراتك بأنوثتها ؟
عماد : ههههههههههههه فهمنى طيب
احمد : بص يا عمده
كل انثي ولها نسبة انوثه جواها مابتطلعش الا ف مواقف معينه
ومع شخص معين وبدرجات معينه
مرحلة انها بتحبك مابتشوفش منها غير نسبه قليله جدا واللى بتخليك تجرى وراها وتبقى هتتجنن عليها عشان تخطبها او تقولها بحبك
مرحلة الخطوبه بتبقى على قد ما تقدر تحاول توريك انوثتها وف نفس الوقت تمنعها عنك عشان انت ماتخافش منها ولا تقول ايه البت المايصه دى
مرحلة الجواز واللى المفروض انها بتبدع ف المرحلة دى وبتطلع عليك بكل انوثتها لكن للاسف الشديد
علاء : ايوااااااااااااااااااا للأسف ايه بقي ؟
احمد : للآسف الشديد هى بتصاب بالإحباط
يابنى الانثي عموما كائن جميل
كائن رقيق حساس
خلاياه غير الخلايا بتاعتنا
ايديها غير ايدك
قلبها غير قلبك
احنا اتخلقنا عشان نعمل حاجه هما مش هيقدروا يعملوها
بالك انت انا بيصعب عليا مين ؟
هاشم : مين ؟
احمد : بيصعب عليا اوى الست اللى ماشاء الله جميله وشكلها حلو وكل عيلتها واصحابها وجيرانها شايفينها آيه ف الجمال والرقه الا جوزها
شايفها مهمله
شايفها مابتعملش حاجه
شايفها مقصره معاه مع انها دايما دايما بتحاول ترضيه على الوجه الأمثل
بس هو مش شايف / او مش عاوز يشوف
طلع انوثتها عليك يا عمده
اوعى تحبطها ولا تخليها تحس انها أقل من غيرها
اوعاك تخليها تغير من اختها ولا من صاحبتها ولا من سلفتها
اوعى يابنى ماتبقاش قفل .. ماتبقاش حمار
دلعها كأنها بنتك ، ومش أى بنت . لا بنتك اللى لسا بتمشى خطواتها الاولى
وشوف نفسك هتخاف عليها ازاى
هتبقى متشعلق بيها ازاى
هتبقى مش قادر تصبر على بعدها عنك فترة الشغل ازاى
جربت تاخدها ف حضنك وانتو قدام التلفزيون
جربت ترجع الشعرايتين اللى دايما مدلدلين على وشها لورا ودنها
طب جربت تجرى عليها وتحضنها اول ما تدخل البيت
جربت تمشي ضهر ايدك على وشها وانتو بتتكلمو
جربت تسرح ف شكلها وف ضحكتها وهى بتتكلم
جربت تبوسها وهى نعسانه وتقولها انا نازل يا حبيبتى
جربت تقول اه وانت تعبان وف عز تعبك وتحط راسك على صدرها او رجليها كأنها الامان اللى بتهرب م الدنيا ليه
جربت تشاركها همك وحزنك قبل فرحك
على فكره الستات شيالين اكتر مننا
وعندهم قدره ع التحمل اكتر منى ومنك
قوتهم ف انوثتهم ،
ومع الآسف 1 % بس اللى بيقدر يعيش مع انثي مش مع زوجه
عماد : ايه الفرق انى اعيش مع انثي وماعيش مع مراتى
احمد : الفرق كبييييييييييييييييييير /
لو عيشت مع زوجه ف انت هتعيش مع زوجه بس ، أكلك ونومتك وشربك ومزاجك وبس
لكن لو عيشت مع انثي
ف انت هتعيش مع الكون كله .. وتقريبا مش هتحتاج اى حاجه من اى حد
فاهمنى ؟
عماد : فاهمك ... ربنا يكرمك .. نوران بالنسبالك ايه ؟
احمد : ههههههههههه نوران دى بالنسبالى الكون وما بعده وما قبله وما فوقه وما تحته ... يابنى انا حياتى ابتدت من اللحظه اللى عينى طلت على عيونها
الشمس والهوا والقمر والزمن والميه والخضره بحسهم جزء منها .. بيلفوا حوالين منها
كلها كم ساعه ومش هعرفكوا تانى يا كلب يابن الجزمه انت وهو ههههههههههههه
عماد : ههههههههههه اصيل يا ريس اصيل ... يلا قوموا نامو . عشان بكره ليلة الكبير وعاوزين نستعد من دلوقتى
......
( تانى يوم بعد الفرح )
احمد : ادخلى برجلك اليمين يا عروسه
.......
*ملحوظه : ابتداءا من بكره ماشوفش سنجل واحد بيقرا الروايه 😃😉