روايه انا و هي

(الحلقه الثامنه ) ..( صحاب جدا ) ❤

رجاءا اللى متابع الروايه يدعمنا بلايك وكومنت
#رواية_انا_وهى_الجزء_التالت
(الحلقه الثامنه ) ..( صحاب جدا ) ❤
............
(في الحلقه السابقه )
احمد : ايه ؟ لا مافيش ده ورق كده تبع حد اعرفه واوصلهوله
اميره : ماشى ! يلا بينا ولا ايه
احمد : يلا
..........
( بيمشو ع الكورنيش وبتمسك ايده )
احمد : اححم شيلى ايدك يا ميرو كده ماينفعش
اميره : عشان خاطرى . يا اخى نفسي اجرب الاحساس ده مره واحده قبل ما اموت حرام عليك
احمد : يا اميره بس بقي
اميره : عشان خاطرى والنبى والنبى
................ ( الثامنه ) ❤
( بالصدفه هدير مع اخوها ف المنصوره وراكبه جنبه العربيه ولمحت اميره وهى ماسكه ايد احمد )
حسن ( اخو هدير ) : ايه ده هو ده احمد اللى ورانا ده يا هدير ؟
هدير : ايه ؟ لا لا وهو احمد ايه اللى هيجيبه هنا دلوقتى ...( بتتلفت عشان تبص كويس وبتلاقيه هو احمد فعلا )
حسن : ها هو ولا مش هو ؟
هدير : ايه !! لا لا مش هو . واحد تانى
حسن : طيب كويس انا استغربت بردو . دول مأنجين بعض اوى ههههههههههههه لا بس البت حلوه بصراحه تستاهل
هدير : ايه ! اها
حسن : انتى مالك ؟
هدير : مافيش يا ابو على .... هنروح بقا على طول ولا ورانا ايه تانى
حسن : اه خلاص هنروح . ولا تحبى تتغدى ف اى حته ؟
هدير : لا روحنى بقا ... البت نوران وحشتنى عاوزه اقعد معاها شويه
حسن : ماااشى . هروحك بس الاول تتغدى وبعد كده هوديك على نوران
هدير : لا لا هاكل عندها هى عامله حسابي ومكلمانى
حسن : خلاص يا حبيبتى ماشى ... اربطى الحزام بقا عشان الوصله دى كلها بنت جزمه مقرفه
هدير : ماشى
...............
( حمو بيتصل على احمد وهو قاعد ف المطعم لوحده واميره ف الحمام )
حمو : انت فين يا زفت . قافل تليفون أمك ليه
احمد : هههههههههه مافيش يا عم . عاوز ايه انت
حمو : انت فين ؟
احمد : مافيش ف المنصوره
حمو : بتهبب ايه ف المنصوره
احمد : مافيش . بشوف الشغل اللى بيتم ف المحل بتاعى
حمو : ربنا يوفقك يا حب . بقولك ايه كله تمام مش محتاج حاجه
احمد : لا يا غالي منا لو احتاجت مش هتكسف يعنى واطلب
( أميره بتيجى وبتتكلم وتقوله : اتأخرت عليك يا مودى )
( احمد بيغمزلها انها توطى صوتها )
( حمو بيسمع وبيعمل نفسه مش سامع )
احمد : الو !
الروايه ملك حصرى ل بيدج هو وهى وصفحة الادمن الشخصيه فقط
حمو : ايوه يابنى روحت فين ؟
احمد : هنا اهو
حمو : اخبار مراتك ايه ؟
احمد : كويسه الحمد لله . بخير
حمو : سلمى كانت عاوزه تسلم عليها يا اخى . هى جنبك ؟
احمد : لا هى ف البلد
حمو : اها خلاص .. لما تروح بقي هبقى اتصل عليك وتكلمها
احمد : ماهى مراتك معاها رقم نوران يابنى خليها تتصل عليها
حمو : فكره بردو ... خلى بالك من نفسك يا حب
احمد : حبيبى يا غالي
حمو : مع السلامه
احمد : مع السلامه
.............
احمد : الله يحرقك كنتى هتودينى ف داهيه
اميره : هههههههههههههه ايه ياعم انت خضتنى دنا افتكرتها مراتك
احمد : ده انيل من مراتى ربنا يخربيتك
اميره : ليه مين ده ؟
احمد : الواد احمد ! حمو
اميره : ههههههههههههههههه طب ماقولتليش ليه كنت اسلم عليه
احمد : يا حلوه ؟ عشان ييجى يعلقنى انا وانتى
اميره : ههههههههههههههههه نعم للدرجادى ؟
احمد : اه والله
اميره : دا لو ابوك مش هتخاف منه كده ياعم
احمد : ماهو عشان كده انا بخاف منه وعامله حساب . هو الجدار الوحيد اللى باقيلى وباقي لاصحابنا
اميره : تصدق انى نفسي اشوفه واعرفه اوى
احمد : لو شوفتيه هتحبيه يا اميره
اميره : ماظنش . انا بحبك انت
احمد : احححم . تاكلى ايه ؟
..................
( اسكندريه )
مصطفى : ما تلعب يابنى
حمو : ( دماغه شغاله )
مصطفى : هههههههههههههههه افصل دماغك دى شويه هههههههههههههههه مالك ياض
حمو : هو اللى يعرفكو يعرف الفصلان .؟؟ دانتو عيال هم . انا مش عارف ايه اللى خلانى اعرف امثالكو
مصطفى : ههههههههههههههههههههه الشوق الشوق الحب الحب بولوبيف بولوبيف .. مالك صحيح ؟
حمو : مافيش .. يحلها ربنا من عنده
مصطفى : انت هتخبى عليا ؟ ما تنطق ياض
حمو : يابنى مافيش والله . لما اتأكد بس .. الواد على فين ؟
مصطفى : جوه بيغسل ايده ..
حمو : طب اطلبلى حجر معسل على ماجى
مصطفى : على فين
حمو : مافيش هرن على سلمى بس اتطمن عليها عشان مش سامع حاجه هنا . ثوانى وجاى
.......
حمو : الو ! انت فين يالا
عماد : ف البلد
حمو : عمده !
عماد : عيونى يا غالي
حمو : عينك على احمد اليومين دول ...
عماد : يعنى ايه ؟
حمو : هو دلوقتى ف المنصوره ... عاوزك لما يرجع تفضل معاه وتراقبه ولو مشى امشى وراه شوفه بيعمل ايه . وبكره معرفش تتصرف ازاى وتعرفلى بيروح المنصوره يهبب ايه
عماد : فيه حاجه ولا ايه ؟ هو بيروح يخلص الشغل ف المحل بتاعه
حمو : ياعم اسمع اللى بقولك عليه . هتعرف ولا مش هتعرف
عماد : هعرف ان شاء الله . بس طمنى طيب فيه حاجه
حمو : لا مانت هتعمل كده عشان اعرف هو فيه حاجه ولا لا
عماد : هو بصراحه حاله مش متطمنى بقاله كم يوم ومتلخبط كده
حمو : عينك عليه وبكره زى دلوقتى هتصل عليك تعرفلى بيعمل ايه وبيهبب ايه
عماد : حاضر . ربنا يسهل
..............
( شقة نوران )
نوران : ايه يابنتى فينك
هدير : وسعى بس انا عاوزه ارتاح هههههههههههههه م الصبح ف المنصوره وفرهدت م الحر .. حسن اخويا قالى اروحك قولتله هروح لصاحبتى . جوزك هنا ولا فين
نوران : لا ف المنصوره
هدير : بيعمل ايه .
نوران : مافيش بيتابع العمال ف المحل عشان خلاص بيشطب اهو . هيفرش الاسبوع ده
هدير : اها . ربنا معاه ... قوليلى بقي انتى واحمد عاملين ايه مع بعض
نوران : يعنى ايه ؟
هدير : مافيش يا روحى بتطمن عليكو . كويسين يعنى الحمد لله
نوران : اه ههههههههههههههه اضحكك على حاجه . امبارح كان عندى ظروف وكنت هنسي نفسي بس لقيت احمد اللى فكرنى بشكل يفطس م الضحك وفضلنا نضحك
هدير : يارب يا حبيبتى يهدى سركو
نوران : بس مش عارفه ليه مش حاساه مظبوط يا دودو بحسه مدارى عليا حاجه او بيضحك وهو مهموم او زى ما يكون فيه حاجه شاغله باله على طول
هدير : يا حبيبتى ممكن ارهاق بس مش اكتر
نوران : ان شاء الله ... استنى اما احمر الفراخ بقي وناكل عشان انا كمان جعانه .. كلمت احمد من شويه قالى لسا هيتاخر شويه
هدير : ايه ؟
نوران : ايه
الروايه ملك حصرى ل بيدج هو وهى وصفحة الادمن الشخصيه فقط
هدير : مافيش . اجى احمر معاك
نوران : لا لا دول دقيقتين بس ... ريحى انتى جسمك شويه
هدير : بطه ومى تحت ولا فين ؟
نوران : شوفيهم كده . انزلى اندهيلهم . طنط زمانها كلت
هدير : ماشى
..............
( اسكندريه )
حمو : تمام كده الحلم اتفسر بالمللى
مصطفى : حلم ايه ؟
حمو : ايه ؟ ماتشغلش بالك
مصطفى : ههههههههههههههه ماتنطق يا بارد حلم ايه
حمو : الوليه مراتى احلامها مبروكه ههههههههههههههههه
مصطفى : اشمعنى ؟ حلمت بإيه ؟ واتفسر ازاى
حمو : مافيش يا درش مافيش
..................
( المطعم )
اميره : احمد ! ساكت ليه
احمد : مافيش . باكل اهو
اميره : يا احمد اوعى تخلى حاجه ف الدنيا تزعلك .. كل حاجه تتعوض وكل حاجه نصيب اوعى تزعل على اى حاجه
احمد : اى حاجه يعنى ايه ؟
اميره : يعنى ! اى حاجه ... كله نصيب وقدر ومافيش حد بايده حاجه . ده ف اى حاجه
احمد : انتى كلامك ماله موزون النهارده يعنى . ايه العقل ده ؟
اميره : انا طول عمرى عاقله يا بابا هههههههههه وبعدين انت مابتاكلش يعنى . عمال تقلب ف الاستيك وخلاص
احمد : لا هاكل اهو
اميره : طيب يلا عشان هتدخلنى سينما النهارده
...............
( بالليل ع القهوه )
عماد : ايه يا نجم فينك طول النهار
احمد : اهو كنت مع العمال هناك . قربو يخلصوا التشاطيب النهائيه
عماد : على خير يا حب ان شاء الله .. انت لسا ماسك ام الملف ده
احمد : ايه ؟ اه لا اللى المفروض ييجى ياخده ماجاش
عماد : ليه هو منين ؟
احمد : م المنصوره
عماد : م المنصوره وماكنش فاضى 10 دقايق يعدى عليك ياخد حاجته بدل مانت رايح جاى بيه كده ؟
احمد : مش مهم بقا هو يعنى انا شايله على دماغى ؟
عماد : على رأيك ... هتروح ولا هتشيش
احمد : لا هضربلى حجر مع كوبايه قهوه عشان هقوم امشى
عماد : ماشى يا حب .. رايح فين ؟
احمد : جوه ثوانى وجاى محصور يا اخى م الصبح
عماد : هههههههههههههه خد وقتك
( احمد بيروح بعيد 5 متر وبيرجع ياخد الملف تانى وده اللى بياكد شك عماد )
احمد : معلش يا عمده لاحسن يتنطر ولا حاجه ولا الواد يوقع عليه شاى ولا حاجه
عماد : لا يا حبيبى ولا يهمك
( شويه وبتيجى رساله على تليفون احمد بتظهر بالصدفه ع التليفون من بره : اليوم كان حلو اوى النهارده يا مودى ربنا ما يحرمنى منك )
(عماد بيسجل الرقم وبيكتبه لانه مش متسجل بإسم )
...............
( اخر السهره )
عماد : مش هتقوم بقا ولا ايه انا قايم انا كمان
احمد : يلا .. ثوانى بس
..
احمد : بقولك ايه يا كريم . هتفتح امتى بكره
كريم : الساعه 7 يا حب
احمد : طيب الملف ده خليه معاك تانى معلش والساعه 8 هعدى عليك اهو
( عماد سامع الكلام وعامل نفسه مش مركز )
كريم : عيونى يا كبير
.....
احمد : يلا يا عمده
عماد : يلا
................
( الساعه 7 وخمس دقايق الصبح ع القهوه )
عماد : صباح الفل يا كرمله
كريم : حبيبى يا استاذنا .. صباحك زى العسل
عماد : ايه لسا مولعتش نار ولا ايه
كريم : ههههههههههههههههه لا حالا يا ريس . على ما تشرب كوبايه شاى يكون الفحم مسك ف بعضه
عماد : تسلملى يا كرمله .. بقولك ايه يا كريم اقصدك ف خدمه ؟
كريم : اؤمرنى
عماد : هاتلى سندويتشين من ع المحطه بس من عند عرفه
كريم : بس كده ؟ خلاص . بس انت صاحى بدرى يعنى النهارده
عماد : اه ياخويا غصب عنى . ابو مراتى تعبان شويه ورايح اوديه المستشفى
كريم : الف سلامه عليه يارب .. ثوانى يا ريس هجيبلك الفطار واجى ..
...........
( عماد بيروح يفتح الدرج وبيصور الورق بموبايله اللى ف الملف من غير ما يبص فيه من كتر ماهو ملبوخ )
( عماد بيفطر وشويه وبيمشى )
............
( عماد بيتصل على حمو بعد ما بدا يفهم ويستوعب كل حاجه )
عماد : الو ! ايه يا حبيبى
حمو : ايه يا عمده . ايه يا زفت فيه حد بيتصل على حد الساعه 7 ونص الله يحرقك
عماد : هههههههههههههههه لا صحصح معايا كده جبتلك انا ارار الموضوع
حمو : موضوع ايه ياعم
عماد : احمد !
حمو : هههههههههههههه ما يولع احمد انا عاوز انام الله يخربيوتكو الولا ابنى ما صدقت نام هلاقيها منكو ولا منه ولا من امه . جاتكو داهيه تاخدكو كلكو
عماد : هههههههههههههههههههه لا ده الموضوع كبير والولا شكله ملعوب عليه او حاجه ولا ايه معرفش ولا شكله بدا يعك او يتهطل ف نافوخه
حمو : عمده ! ادينى خمسه بس هقوم اصحصح واغسل وشى وهرن عليك
عماد : ماشى يا حبيبى مستنيك
...............