روايه انا و هي

(الحلقه الثانيه ) ..( شكلنا داخلين على ايام )

............
(في الحلقه السابقه )
احمد : بقولك ايه يا حاجه .. انا قررت اخطب
ام احمد : البت نوران صح ؟؟؟
احمد : ايه ده ؟ هو انا باين عليا اوى كده
ام احمد : لولولولولى .. مبروك يا قلبي
فاطمه ( اخت احمد ) : ايه ده ... بتزغرطى على ايه يا ماما
ام احمد : هنخطب لاخوك
فاطمه : ههههههههههههه نوران ؟
احمد : دى مصيبة ايه دى ؟ امال لو ماكنتش بحبها ف السر بقي كان مين تانى عرف
................ (الثانيه ) <3
ام احمد : المهم بس قولى نروح كلنا كده الاول ولا اروح اخد ميعاد الاول مع امها الاول
احمد : معرفش اتصرفي انتى بقي . ولا اروح اكلم ابوها انا ولا ايه
فاطمه : هههههههههههه ايه ده انت مالك وشك محمر ليه كده
احمد : بقولك يا بطه خدى هنا
فاطمه : ايه ؟
احمد : هو انتو عرفتوا ازاى انى بحبها ده المفروض ماكنتش بقول لحد ولا كنت ببين لحد
فاطمه : هههههههههههههههه عييييييب دنا عارفه . وامك عارفه وامها عارفه وابوها عارف وست كارمه جارتنا عارفه وبنتها فريده اللى لسا عندها شهرين عارفه
والشارع عارف والبلد كلها عارفه ههههههههههههههه
احمد : يا نهار اسود ومنيل .. ايه الفضايح دى . جاتكوا دهيه
دنا كنت بحاول على قد مقدرتى مابينش حاجه ل حد . اعوذ بالله
فاطمه : هههههههههههه داحنا كنا بنضحك ضحك عليك وعلى شكلك
احمد : عليا انا ؟ ازاى ؟
فاطمه : بلاش بقي ربنا حليم ستار ....
احمد : انطقى يا بارده
فاطمه : ااااااااااااي سيب شعرى . خليه يسيب شعرى يا ماما
ام احمد : هههههههههه ماليش دعوه ... انتى اللى اتسحبتى من لسانك
فاطمه : طب خلاص خلاص سيب شعرى هقول والله
احمد : ها انطقى
فاطمه : اختك مى ف الجامعه وزمانها جايه ابقى اسالها ههههههههههههه ( بتجرى ع الاوضه )
احمد : انتى بتجرى ؟ وحياة امك منا عاتقك
ام احمد : ههههههههههههههههههههه
احمد : انتى بتضحكى على ايه ؟ انا هتجنن والله . فيه ايه هى العيال دى كانت عارفه ازاى ...
ام احمد : هههههههههه تعالى يا قلبي هات حضن وانا هقولك
احمد : اهو قولى
ام احمد : يديك طولة العمر طالع لابوك الله يرحمه
عيونه كانت فاضحاه دايما ومابيعرفش يخبى عننا حاجه
احمد : والنبى ؟ ازاى
ام احمد : البنات الجزم دول ولاد الجزمه كانو يتعمدوا يجيبو سيرة نوران وانت قاعد معاهم ويبصولك .. كنت لا اراديا كده بتهتم باللى بيقولوه وتفضل باصصلهم بيقولوا ايه . وهما من تحت ل تحت مسخسخين
احمد : اه ! وانتى كنتى بتسخسخي معاهممش كده
ام احمد : ههههههههههههههههههه هههههههههههههههههههه طبعا . ابنى وبيحب .. مش عاوزنى افرح .... دى امنية حياتى
احمد : اه بس بقولك ايه . بلاش شغل الحموات مع البت ... زى مانتى شايفاها كده دى حتة بسكوته يعنى مش هيمشى معاها شغل حموات ولا غيره
ام احمد : لا يا حبيبى مانت مش فاهم .. انت الحيله بتاعتى . يعنى ماليش الا انت ... يعنى اللى هيرشك بالميه هرشه بالدم .....
احمد : لا اله الا الله .... هو لازم يعنى هههههههههههه
ام احمد : طبعا ..... الشقه خلصانه فوق اهى ... هروح الاول احدد ميعاد مع امها وربنا يسهل
فاطمه : حمووو فيه طوب بيتحدف ف البلكونه ههههههههههههههههه
احمد : طب وحياة امى منا عاتقك
فاطمه : هههههههههههههههههه ماماااااااااااااااااااا الحقينى يا ماماااااااااااااااا
ام احمد : ههههههههههه ربنا يسعدكوا يا حبايبى
..................
فاطمه : ميوي عملتى ايه ف الامتحانات
مى : قرف ! اهو قرف من ضمن القرف بتاع الكليه ... انا ايه اللى خلانى ادخل كلية تجاره دى .. لا وكمان ف المنصوره ... اعوذ بالله
فاطمه : ههههههههههههههه هموووووووووووت
مى : طبعا ! مانتى ثانويه عامه ولسا مش هتتزنقى دلوقتى . كله اخر السنه
فاطمه : عندى ليك خبر بمليون جنيه
مى : خبر ايه
فاطمه : اخوك قرر يخطب
مى : بججججججججججججد ؟ نوران مش كده ؟
فاطمه : هو فيه غيرها ههههههههههه دانا وامك النهارده مسكناه واتريقنا عليه لما خليت وشه يولع
مى : هههههههههههه ازاى ؟
فاطمه : ههههههههههههه ده كان متخيل ان محدش يعرف حاجه ومحدش يعرف انه بيحب نوران هههههههههههههه وايه بقي جاى يتكلم كأنه بيقول سر حربي .. وفجأه قال انا قررت اخطب هههههههههههه
مى : ههههههههههههههههه اه يا شوية جزم . كان نفسي ابقى موجوده
فاطمه : لا منا خليته يستناك عشان نحكيله
مى : نحكيله ايه بالظبط
فاطمه : منا لما عرفته اننا كلنا عارفين قال عرفتو ازاى وجرى ورايا . انا قولتله ابقى اسال اختك لما تيجى
مى : هههههههههههههه بتدبسينى يا حماره انتى .. ابو شكلك .. وبعدين هعمل ايه انا ف اصحابى اللى هيقطعوا علاقتهم بيا دى لما اخويا يخطب
فاطمه : هههههههههههههه واللله ده اللى خايفه منه . اصحابى بردو عينيهم من اخويا وانا ايه بقي عايشه ومتسيطه احلى سيطه على حسه
مى : هو اخوك فين ؟
فاطمه : نايم جوه ...
مى : طيب امك خلصت الغدا ولا لسا
فاطمه : اه هى اساسا بتقولى صحى اخوك واندهى لاختك عشان نتغدى
مى : طب يلا روحى صحى اخوك وانا داخله المطبخ مع ماما
..............
فاطمه : حمو ! حمووووووو
احمد : اقفلى النور والباب وغورى
فاطمه : ههههههههه لا قوم يلا عاوزين نتغدى
احمد : مش قايم
فاطمه : ( بتفكر ) يابنى قوم انت ماتعرفش مين اللى بره
احمد : بطلى تناحة امك دى واخرجى بقي ابو اشكالكو ... عاوز انام يابت انا مانمتش امبارح
فاطمه : انت حر ... اصل امك عزمت نوران وامل وقاعدين بره .. سلام ياخويا ( بتخرج وبتقفل الباب )
احمد : ( بيقوم يتنطط وبيلبس تيشرت كويس وبنطلون وبيسرح شعره وبيتسحب يغسل وشه عشان يخرج )
...........
( ف الصاله )
مى : تعالى يا روحى تعالى مافيش حد
احمد : هما فين ؟
فاطمه : ماما انا ف حمايتك
ام احمد : هههههههههههههههههههه هههههههههههههههههه
احمد : انتى بتضحكى عليا انا ؟
مى : هههههههههههههههههههههههههههه ( ضحكة رقاصات )
فاطمه : معلش يا حمو بقي والله امك اللى قالتلى اعمل كده
ام احمد : امك مين يابنت الجزمه انتى هتلبسينى تهمه ليه
فاطمه : لا لا دى مى اختك
مى : مى مين ياروح امك انتى هههههههههههههه
احمد : دنا هولع فيكو دلوقتى ..... هو انتوا ايه . بنات انتو صغننين ولا نسوان كبيره وعاملين نفسهم عيال .. اعوذ بالله
ام احمد : ههههههههههه تعالى تعالى انزل اتغدى
احمد : اصل كنت تعبان بصراحه ومش قادر اقوم
مى : هههههههههههههههه واهو قومت خلاص .
فاطمه : سبحان الله يا مى . دا قام اتنطر من ع السرير هههههههههههه
احمد : هههههههههههههههههههه خلاص بقي ياجزمه انتى
..............
( ع القهوه )
عماد : ايه يا رايق شو اخباراتك
احمد : هخطب
عماد : لولولولولولى ... مين بقي ؟ جارتكو نوران صح ؟
احمد : داهيه تاخدكو كلكو ف يوم واحد . انت مين عرفك انت كمان ؟
عماد : هههههههههههههههه ليه بس يا كبير
احمد : اخلص ... عرفت منين انى بحب اولا ؟ وثانيا عرفت منين انها نوران
عماد : يا حبيبى انت باين عليك من زمان . دانت ماكنش يوم يعدى عليك الا ولازم تتكلم عن البت دى حتى لو بطريقه مش مباشره . انت مابتشوفش نفسك يالا وانت بتتكلم عنها بتبقى عامل ازاى ؟
احمد : لا معرفش .. منا لو اعرف كنت خبيت عن اشكالكو . ايه القرف ده
عماد : هههههههههههههه لا بس عسل اوى .. المهم قررت امتى
احمد : لسا هحدد ميعاد مع ابوها وامها ... ممكن نروح ع الجمعه الجايه
عماد : اخيرا بقي هتعملها ؟ عشان تدخل برجلك الخيه اللى احنا فيها ... عشان النصايح اللى بتديهالنا دى تطبقها ههههههههههه
تصدق وحشتنى نصايحك ... ماتقولى حاجه طيب دلوقتى
احمد : حاجه ايه
عماد : يعنى ايه انوثه طيب ؟
احمد : ( بيرمى الشيشه وبيتعدل ف قعدته ) هههههههههه أنوثه ؟ انت اد الكلمه دى
عماد : ليه ياعم هو سر حربى
احمد : وحياتك اكتر من سر حربى بكتير
عماد : طب ايه تعرف ؟
احمد : يا حبيبى الانوثه دى بحر مالوش قرار
وعشان تعرف تعيش مع الانثي اللى معاك بسلام يبقى لازم ثم لازم تاخد بالك من شويه حاجات
عماد : حاجات ايه ياعم انت بدات تخوفنى ؟
احمد : لازم تخاف .. الموضوع مخيف وحياتك
عماد : طب قول !
احمد : كتاب الانوثه يا صاحبى عشان تعرفه وتفهمه لازم تقراه من اوله لاخره
ماتقراش اللى على مزاجك وتسيب الباقى
الانوثه بشكل عام يعنى الجمال والرقه والنعمه اللى ربنا رزقنا بوجودها ف الكائن اللى عايش معانا واسمه المراه
الانوثه يا صاحبى مدلول شامل مش مجرد شعر حلو ولا جسم حلو ولا عيون تجنن اهلك ، لا لا الانوثه اعمق واكبر من كده
طيبه وحنيه وحب وجمال ودلع وكل حاجه حلوه ف الدنيا دى
زى ماهى بردو كبرياء وجبروت وانتقام وسواطير وليله زرقه على دماغك ودماغ اللى خلفوك لو فكرت تخونها
عماد : ياعم انت بتيجى تكلمنى بتخوفنى ! بقي مراتى الهبله الحماره ام بدوى اللى ف البيت دى تقدر تعمللى حاجه ، وربنا كنت نفخت ابوها
احمد : انت هتنفخها لانها هتسمحلك انك تنفخها . لكن لو حطتك ف دماغها لانت ولا عشره زيك هيقدروا عليها
السؤال الاهم بقي انت ازاى تطلع منها الحب والجمال والرقه والدلع وازاى تطفيها وتطلع منها ابراهيم الابيض اللى ساكن جواها
عماد : ايوه الله ينور عليييييييييييييييك . ازاى بقي ؟
احمد : بالود والاهتمام والاحترام ،
وانك ماتجيش عليها
ولا تهينها ولا تعايرها بأى حاجه تخصها او تخص اهلها
ماتسيبهاش لوحدها
ولا تنيمها زعلانه ف يوم
ازعل منها براحتك عادى اتخانق معاها عادى بردو لكن اوعى تسيبها نايمه زعلانه منك ، هتتوجع وهتقوم الصبح هتعاملك على انك غريب وهتقفل منك .. واحده واحده
اقولك حاجه !
احنا كرجاله معظمنا او اغلبنا ، لو قدرنا نحتويهم ونفهمهم هما عاوزين ايه هنعيش احنا ذات نفسنا ملوك على عرش الدنيا دى
يابنى مراتك لو مرتاحه معاك ومتطمنه ، فاهمنى .. ؟ مرتاحه ومتطمنه هتعيشك ملك زمانك
بس اعمل ايه بقي البعيد حمار
انت يالا سايبنى بتكلم وبتعمل ايه اللى يحرقك
عماد : بظبط الحجر ياعم
احمد : قوم غور يحرق ابو اللى جاب ابوك
عماد : ههههههههههه طب معلش سؤال ، انت بتتكلم كأنك فاهم الستات وفاهم دماغهم وتعرف كتاب الانوثه ده زى ما بتقول ..صح كده ؟
احمد : يا حبيبى !
كتاب الانوثه انا قرأته حرف حرف وحافظه صم ومعايا دورات تدريبيه مكثفه فيه وماشاء الله اتعاملت مع كتير وقليل ههههههههههههههه ومع ذلك عمرى ما اعرف ايه اللى بيدور جوه دماغهم .. دنا فضلت 6 سنين فاكر انى مخبى عن امى واخواتى انى بحب . وطلعوا عارفين وهما اللى بيشتغلونى .. شوفت ذل اكتر من كده
عماد : هههههههههههههههههههههه اسكت بقي اسكت . دانت طلعت نيله خالص
احمد : عارف يا عمده !
مراتك كانت كرامتها متصانه ف بيت ابوها . ومتدلعه ف عز ابوها وحضن اخوها ودفا حضن امها واختها .. فكر كده هى سابت كل دول عشان تيجيلك . يبقى يا تغنيها عن الكلام ده كله يا تسيبهالهم هما هيدلعوها ... اخدلى بالك معايا ؟ مش كل يوم هروح اصالحكو على بعض يابن الجزمه انت يا رمه
عماد : ههههههههههههههههههه حبيبى حبيبى ... والله غصب عنى اساسا . مانت شايف الحال واقف
احمد : طب بس بس وانت حمار كبير كده
عماد : عارف ! انا هموت واشوفك متجوز . اشوفك هتعمل ايه مع مراتك دى ؟... دنا هبعتلك سمر مراتى تتعلم منكو هناك ههههههههههه
احمد : وحياة امى هى بس تدخل بيتى وهتشوف دلع عمر اهلها ما شافه ههههههههههه يانهار اسود ياجدعان ع اللى هعمله
عماد : هههههههههههههه دنا وشى بيسخن من كلامك . امال المسكينه دى هتعمل معاك ايه ... الرحمه ع البت ياض
احمد : اتنيل بقي عندى 28 سنه ولسا مالمستش انثي هههههههههههههههه دنا هموووووت
عماد : اعمل لامك ايه مانت بتحب من زمان اهو
احمد : هو كان ينفع اتكلم بزمتك ف اى حاجه .. عارف يا عمده
كان عندى 22 سنه وهى عندها 16 سنه . تخيل ! دلوقتى هى عندها 22 وانا 28
عمر بحاله
ماكنش ينفع اتكلم
ولا كان ينفع حتى اقولها انى بحبها
لانى مش ضامن ظروفى وكنت خايف بصراحه مقدرش اتقدم ولا اقدر على جوازه زى ده واكون ميلت امل البت فيا ع الفاضى
ف قولت اسيبها بظروفها وطلبتها من ربنا بقي انه يحفظهالى
عماد : هههههههههههههه كل ما افتكر لما كنت تجرجرنى من ايدى كده نروح نقابل اى عريس متقدم للبت وتكلمه بالذوق ان البت ليك واللى يتنح كنت تحطه ف دماغك .. دانت دماغك جباره
احمد : طبعا امال اسيبه ياخدها
عماد : لا طبعا مايصحش .. تعذب اللى خلفونا احنا
احمد : بقولك ايه . الواد علاء فين
عماد : مع مراته بيشتروا حاجات ف المنصوره م الصبح مدوخاه معاها لما طلع عين امه هههههههههههه
احمد : احسن .. ياكش يولعوا فيكو ونخلص
عماد : انت بتكرهنا ليه يالا انت ... ها بتكرهنا ليه ؟
احمد : فشر . دانت حبيبى ...
عماد : تعالى اغلبك عشرتين طاوله
احمد : تعالى
.....................