روايه انا و هي

(الحلقه الثالثه عشر ) ..( الحنيه مابتتشراش )

(الحلقه الثالثه عشر ) ..( الحنيه مابتتشراش ) <3
............
(في الحلقه السابقه )
( شقة احمد )
احمد : مين اللى بيخبط
مى : ( ساكتين )
احمد : لا منا مش فاتح غير لما اعرف مين .. مش عاوز حوارات انا . وحياة امى لاجيب كلب احطه على باب الشقه عشان مافيش كلبه منكو تقرب هنا
ام نوران : هههههههههههههههههه افتح يا عريس افتح العيال دول مالهم قارفينك ليه ؟
................. ( الثالثه عشر ) <3
احمد : انا عارف بقي ... دى عيال اعوذ بالله .. ماعندهمش دم هههههههههههه
مى : بقا احنا ماعندناش دم .. وبعدين يرضيك كده يا ماما انتى وخالتو يطردنا من ع السلم
ام احمد : بصراحه !! يرضينا ههههههههههههه عاملين ايه يا حبايبى .. مبروك .. لولولولولى
احمد : ما كفاية زغاريط بقي انا ودنى بتصفر من زغاريط امبارح .
ام نوران : امال فين العروسه ..
احمد : جوه .. اتفضلي يا طنط اتفضلى
ام نوران : بسم الله ما شاء الله .. بت يا نوران . يا نوووونه
.....
نوران : ههههههههه تعالى يا ماما
ام نوران : بسم الله ماشاء الله . الله اكبر الله اكبر ... عامله ايه يا روحى
نوران : الحمد لله يا حبيبتى
ام نوران : يعنى الحمد لله الحمد لله ؟
نوران : ههههههههههههه ايوه ياستى الحمد لله
ام نوران : لولولولولولوى
....
فاطمه : ايه ده هى ام نوران بتزغرط ليه يا ماما
ام احمد : بس يابت انتى مالك انتى ... يلا ننزل احنا ونسيبهم
مى : ننزل فين وربنا منا نازله ... ايه ياعم انت بتبصيلى كده ليه ؟
احمد : مش ايه ياختى ؟
مى : مش نازله .. هقعد مع اخويا حبيبى روح قلبي ابن امى وابويا
احمد : هههههههههههههههههه لا ملعوبه .. حلو شغل التثبيت ده
مى : ههههههههههههه اهو طالما ضحكت يبقى هتسيبنا نتغدى معاكو
احمد : يا قلبي احنا هننزل نتغدى معاكو تحت
فاطمه : طيب احنا داخلين ل نونه ... خليك انت بقي
ام احمد : طب وانا كمان خدونى معاكو
..............
( المغرب ع القهوه )
عماد : اوعى وششششششك بقي عريس الغفله ظهر يا جدعان ههههههههههههه انت ايه اللى جابك دلوقتى
احمد : ههههههههههههه لا كنت بعدى على حماده بتاع الفيديو . اشوفه خلص الشرايط والاسطوانات والصور ولا لا
عماد : ايوه ياعم .. المهم احكيلى . الدنيا تمام ورفعت راسنا ولا ايه ؟
احمد : اخرس يا كلب يا سافل . انا بابا يالا .
علاء : المهم يعنى ربنا باركلك امبارح .
احمد : اه والله يا علوه الحمد لله ... سيبك انت ياض الجواز ده نعمه كبيره
عماد : وحياتك هو شهر واحد وهتيجى تقعد قعدتنا دى
احمد : طب اتنيل اتنيل هات ياض حجر الشيشه ده اما اضرب . من امبارح ماشربتهاش
عماد : طب بما انك فالح كده قولى ارجع حياتى الرومانسيه ازاى مع مراتى ...؟
مع العلم ان اخوك عدمان يعنى ماتقوليش اخدها اخرجها ف مطعم فخم ولا نخرج خروجه حلوه ولا شوبينج ولا الكلام الفاضى ده احنا اساسا ف بلد ارياف
احمد : يا حبيبى مش لازم يكون معاك فلوس
ماهى عارفه انك ماحلتكش اللضا من ساعه ما اتجوزتك يابن الفقريه
بص يا سيدى !
انت بتقول ان حالك على قدك
يعنى اللى جاى على قد اللى رايح
احب ابشرك ان 90 % من الشعب المصرى نفس الحاله الضنك اللى انت فيها دى
بس فيه حركات وحاجات مالهاش دعوه بفلوس ولا بغنى وفقير
عماد : زي ايه طيب ؟
احمد : يعنى مثلا
بتتفرج على التليفزيون انت وهى ..
ماتبقاش قفل وتقعد ف حته وهى ف حته ... خدها ف حضنك وكل فاصل اعلانى كده بوسها بوسه حلوه وهات شعرها ورا ودنها . هما بيحبوا الحركه دى
عماد : حلوه .. وايه تانى ؟
احمد : عودها انت بنفسك ان وقت رجوعك من بره ده هو الوقت اللى مستني تاخدها ف حضنك .. هتلاقيها بتجرى على الباب كل ما تسمع حسك
عماد : ياساتر يارب .. وايه تانى ؟
احمد : عودها لما هى تدخل تاخد شاور ماتلبسش هدومها ف الحمام ...
لا تلف نفسها بالفوطه وتجيلك تسرحلها شعرها ...
وخلى بالك مخدرات الست هو ان جوزها يسرحلها شعرها وهى قاعده قدامه ...
بس اوعى تتهطل ف نافوخك وتعمل حاجه
عشان ماتكرهش الحركه دى وتخاف تجيلك تانى ...
بعد ما تخلص بقا تسريح شعرها تبوسها على كتفها الشمال وتسيبها تقوم تغير هدومها
عماد : ياعم اشمعنى ام الكتف الشمال ده ؟
احمد : انت مال امك انت .. اعمل اللى بقولك عليه
عماد : طيب ... وايه تانى ياسيد الناس ....؟
احمد : لما تلاقيها واقفه قدام المرايه بتظبط نفسها ليك مثلا بتحط روج ولا كحل ولا بترسم عينيها
عماد : اه الاليرنر
احمد : مين ياخويا ؟
عماد : الارينر . اللاينر ، الارلنارر
احمد : اتنيل يا عجل يا اهبل اسمه الايلاينر . جاتك ستين نيله ياريتها كانت بركت عليك وهى بتخلفك خلينى اكمل كلامى
لو هى ف المطبخ بتطبخلك طفح تطفحه ..
من الذوق انك تقولها على الاقل تسلم ايدك ياحبيبتى .
. مش عيب ولا حرام ..
دانت لما الواد حوده بيظبطلك حجر شيشه بتبقى هاين عليك تقوم تبوسه
عماد : فعلا .. وايه تانى
احمد : الحضن بتاع المطبخ ده نركز عليه شويه ..
ده بيجيب نتيجه بسرعه وله مفعول السحر
تحضنها وانت بتبوسها بردو على كتفها الشمال
عماد : ياعم اقسم بالله انا بدأت اعرق .. منك لله .. وايه تانى ؟
احمد : ماتقصش انت ضوافرك .. خليها هى تقصهالك وانت تقصلها .. وابقى بص لعينيها وهى بتقصلك كده ماتبقاش تلح ..
اقولك سر ياض عشان انت ابن حلال وتستاهل !
عماد : الله ! ياريت قول . بحب انا الاسرار
احمد : عاوز مراتك تتجن على امك وانت جنبها ؟
عماد : ياريت . قول ياعم انا اعصابى تعبت
احمد : من فتره لفتره كده قولها ايه ده .. تعالى فيه حبايه طالعه ف وشك
هتقولك حبايه ايه ؟ قولها اقعدى اقعدى
وافضل حسس على وشها على حته معينه ومشى ضهر صابعك مش صابعك .. فاهمنى يا شيلحف ؟ ضهر صابعك هتلاقيها ساحت وناحت ف ايدك وبعدين بوسها وقولها مافيش حاجه كنت بستهبل عشان ابوسك
عماد : تصدق وتؤمن بالله انا لو جرالى حاجه هيبقى بسببك .. . كمل ؟
احمد : وانتوا نايمين جنب بعض كده من فتره للتانيه ابقى شيل ايديها وحطها على رقبتك ونام انت على صدرها كأنك بتهرب من العالم ده لحضنها ... ساعتها بس هتعاملك زى ابنها وهتكون بالنسبالها الكون بحاله ...
" الست لما بتتطمن يا عمده مستعده تواجه الكون كله معاك بظروفك وتديك عمرها بدون مبالغه ... لكن لو خافت منك هيكون بينك وبينها ألف سور مهما كان بينكوا 20 عيل "
عماد : انت فيه ايه ف دماغك ... ايه ده ؟
احمد : ممكن ب 10 جنيه تشهيصها بره .
من غير اى سابق مقدمات كده قولها قومى البسي يلا نتمشى شويه
خدها ومشيها انشالله تقطع نفسها بره
وب 3 جنيه غزل بنات وكوزين دره مشويين ب 15 كله كله مش هييجى بـ 20 جنيه
بس هتبقى مبسوطه لانها هتعرف انك لو معاك اكتر من كده ماكنتش هتبخل عليها
نيجى بقا لاهم نقطه <3
عماد : ايواااااااااااااااا ايه هى أهم نقطه ..؟
احمد : من حين لحين كده ابقى اعملها مساج .. بس من غير قلة ادب عشان انا عارف ان دماغك قذره اساسا
عماد : ههههههههههههههه لا انا خلاص فهمت كل كلامك وهطبقه النهارده ان شاء الله
احمد : يعنى هتعمل ايه يعنى فرحنى .. فرحنى بشبابى
عماد : عيب عليك ... والنعمه لاروح اقصلها ضوافرها النهارده
احمد : اه ( بيرمى الشيشه ) ... يعنى هى المشكله ف الضوافر ؟
سيبت ميتين ام كل الكلام ومسكت ف الضوافر
قوم غور ينعل ابو معرفتك معرفه سوده ..
قوم غور يابن الوارمه
علاء : هههههههههههههههههههههههههههه ( بيقع م الضحك ) يخربيوتكو هههههههههههههه
احمد : اعمل ف امه ايه ده . دا واد تلح ابن تلح . غور يالا من هنا يالا وحياة امك لو شوفتك لنا راميك ف الترعه دى
عماد : هههههههههههههههههه بهزر ياعم خلاص . ايه . انسد انت
احمد : ابو اشكالكو وبعدين انا قاعد معاكو ليه اساسا انا راجل متجوز امبارح . هروح اشوف حالى ومحتالى وحلالى بقي هههههههههههه
عماد : ايوه ياعم . مين قدك
احمد : اخرس بقي .. يلا سلام
.......
( بيت احمد تحت )
احمد : اهلا اهلا ... بتعملوا ايه
مى : كنا بنلعب احنا ونونه كوتشينه
احمد : ومين اللى غالب .. نوران دى قرده ف الكوتشينه
نوران : هههههههههه اه منا اللى كسبتهم .. انت جبت الشرايط والاسطوانات ولا لسا
احمد : لسا . قالى على يوم الاتنين كده هيكونو جاهزين
ام احمد : ليلتكو كانت ماشاء الله دمها خفيف ... الحمد لله
احمد : طب ايه مش هنتعشى
نوران : اه كنا هنقوم نحضره بس كنت هرن عليك الاول اشوفك جاى امتى
مى : هو يقدر يتأخر ؟
احمد : نعم ؟ ماتلمى لسان امك ده يابت . لامؤاخذه يامه
ام احمد : ههههههههههههه لا خد راحتك
مى : وهو انا غلطت يعنى . انا بقول ماينفعش يتاخر عشان يعنى الناس تقول ايه عريس وكده وخارج بدرى وسهران بره
فاطمه : ههههههههههههههههههه عالم خوافه يا حمو سيبك منها
احمد : لسانك ده هقصهولك يا ميوش
مى : ههههههههههههههه واهون عليك . دنا الشقيق . دنا الحب الحب .. والبت مراتك دى تشهد على كده . اسكت دنا ياما خبيت عنكو
احمد : ايه دى ميوشتى حبيبتى . تعالى هاتى حضن ههههههههههههه
ام احمد : اهلا اهلا .. ايه اللى كان بيحصل من ورانا بقي
احمد : بقولك ايه يا حاجه . خليكى ف نفسك والنبى هههههههههههههه دى مجنونه اساسا بس عسل الصراحه
مى : ماشى ماشى هعديها بمزاجى .. بس تسهروا معانا النهارده .. يعنى مانتعشاش والاقيك بتقول انا طالع بقا انام . والاقي مراتك دقيقتين وتحصلك وتقولنا هشوف احمد نام ولا لسا . عارفه انا امور الاستعباط دى
احمد : ( بيعض على شفايفه )
مى : ايه مال شفايفك يا بيضه
احمد : بيضه ؟
مى : ههههههههههههههههه ( بتحضنه من بطنه ) حبيبى والمصحف ... ابويا والله وحبيبى
نوران : ( بتغير من الحضن )
احمد : بصى بصى ل منظر نوران .ههههههههههههههههه والمصحف غيرانه
نوران : ايه وانا هغير ليه ههههههههههه محصلش
احمد : تعالى يا نونه تعالى احضنك قدامهم
نوران : ( بتتكسف وبتقعد ع الكنبه )
احمد : ايه ده انتى بتتكسفي منى
نوران : اححححححم بس بقي .. الله
احمد : ههههههههههههههههههههه طب وحياة امك لاحضنك قدامهم عشان اوصلكو كلكو انكو بقيتو واحد .. قومى يابت
ام احمد : ههههههههههههههههه قومى يا نوران يابنتى قومى مش هيسكت
فاطمه : ( بتغنى ) يلا . يلا . يلا
مى : ( بتغنى ) يلا . يلا . يلااااااااا
نوران : ( بتقوم تحضنه )
احمد : انتى اختى التالته دلوقتى . وبنتى الاولى والكلام بقوله قدامهم اهو ... يعنى انتو التلاته ف غلاوه متساويه ... يعنى مافيش واحده فيكو الاقيها ف يوم جايه تقولى مراتك عملت لا اختك عملت لا امك عملت .... الكلام ده مش عندى ومش هسمع من اللى بتحكى.. فاهمين ولا لا ؟
مى : هههههههههههههههه طب مراتك عملت حتة حركه النهارده جننتنى
احمد : حركة ايه سامعك
نوران : ههههههههههههههههههههه اه يا تحفه .. والله يا طنط ابنك ده هيكون السبب ف انى يحصلى حاجه
ام احمد : ههههههههههههه عسل لابوه ماشاء الله ....
احمد : ماتنطقى يابت عملت ايه . احكى .
مى : هههههههههه لما انت نزلت ومشيت .. طلعنا انا وبطه وامل نقعد معاها لقيناها قاعجه مسهمه كده وسكتت دقيقه كده سرحانه وقامت واخده نفس وتنهيده وقالت بحبك اوى يا احمد
احمد : ياسلام . بجد
فاطمه : وحياة امى بجد ههههههههههههه
نوران : تصدقو انككو كلاب هههههههههههه من اولها كده بتفتنو عليا ؟
احمد : ههههههههههه طب وايه يعنى منا على طول بعمل كده ... المهم قومو يلا نعمل عشا عشان اطلع انام انا بقي كفاية عليا سهر لغاية الساعه 9 بالليل . حرام والله
مى : ههههههههههههههههه ياراجل ... وماله . اطلع انت انشالله تنام من المغرب ... البت دى مش طالعه من هنا
احمد : يعنى انتى وهى هتفضلى واقفين ترغوا كده وسيبتو امكو تدخل تعمل العشا لوحدها
مى : نوران هتدخل معانا
احمد : يا وليه انتى عاوزه منى ايه يا وليه ... هديك ف وشك .... خلى نوران . عاوزها ف كلمه كده
مى : لا مافيش كلمات .... قول واحنا هنا
احمد : طب غوروا انتو التلاته بقي من وشى ... روحو حضرو الاكل . ابو اشكالكو كلكو ف يوم واحد
نوران : هههههههههههههههههههه اه يا جزمه انتى وهى جبتولى الكلام كدهو
مى : هههههه احسن . يلا بينا .. يلا
فاطمه : يلا ( بزعل )
احمد : خدى يابت يا بطه
فاطمه : نعم
احمد : ( بيحضنها ) مقدرش محضنكيش انتى كمانيا قلبى . دانتى ابوك اخر حاجه موصينى عليها انتى ... انا بحبك يابت
فاطمه : ( بتعيط وبتحضنه جامد ) كنت فاكراك نسيتنى
احمد : دنا انسي امك واختك والبت اللى اتجوزتها دى ولا انسا القمر بتاعى وبنتى الصغننه
فاطمه : هههههههههههههه حبيبى ... وعشان كده بقي احنا هنتعشى ولو عاوز تطلع انت ومراتك شقتكو هسيبكو هههههههه
احمد : ههههههههههههههههه طب الحمد لله ...
.............
* ملحوظه صغننه : حلقة الجايه للكبار فقط .. ياريت السناجل متقرهاش