روايه انا و هي

(الحلقه الثانية عشر ) ..( هى الدنيا كده ...! )

(الحلقه الثانية عشر ) ..( هى الدنيا كده ...! ) <3
............
(في الحلقه السابقه )
احمد : ومين قالك انى شبعت ولا هسيبك تشبعى اصلا . لا يا حلوه داحنا فاصل ونواصل وبعدين يا قلبي احنا هنروح من بعض فين يعنى ؟ ماحنا قايمين نايمين صاحيين جايين رايحين مع بعض
نوران : ماشى يا حبي ... شيلنى بقي
احمد : هو اى فرهده يا نونه والسلام
نوران : ههههههههههههه اه شيلنى يلا .. وماتطولش ايدك
احمد : طيب ياختى .. .. تكالنا عليك يارب
...................... ( الثانية عشر ) <3
( تانى يوم )
نوران : حمو !! حمووووووو ! اصحى يا روحى
احمد : مين ؟
نوران : هههههههههه مين ايه اصحى احنا بقينا الضهر
احمد : طب مانشالله نكون العصر سيبينا ننام شويه يابت احنا نايمين الصبح ...
نوران : ههههههههههه منا مش عارفه مين اللى بيخبط علينا
احمد : بيخبط مين ياشيخه مافيش الكلام ده . نامى نامى الله يهديك
نوران : هههههههههه يا حبيبى قوم اصحى شوف مين اللى بيخبط وتعالى نام تانى . لاحسن يكونو اهلك واهلى
احمد : اهلك واهلى مين . هما ايه اللى هيجيبهم دلوقتى ماييجو العصر ... تلاقيهم القرود ولاد القرود اخواتى واختك .... وحياة امى لو طلعوا هما لنا راميهم م الشباك .... ( بيشيل البطانيه من عليه بنرفزه وبيقوم )
احمد : ( بيفتح الباب بيلاقى مى وفاطمه وأمل ) وحياة امى اللى هلمحها هنا لادحرجها من ع السلم .. غورى يابت انتى وهى دلوقتى .. ابو اشكالكو عيال رمم
مى : هههههههههههههههههههه بسرعه يابت انتى وهى تعالو ننزل ... دى الحاله اشتغلت عنده
فاطمه : خلاص ياعم نازلين
احمد : ( بيقفل الباب )
نوران : هههههههههههههههههه عملت ايه يا مجنون ؟
احمد : دى عيال سفله .. اعوذ بالله ايه ده ؟ ايه اللى مطلعهم دلوقتى دول ؟
نوران : هههههههههههههه ياساتر عليك . دنا خوفت منك . العيال اترعبت هههههههههه
احمد : ماهما خلاص صحونى ... جاتهم البلاء والبلا . ياساتر يارب
نوران : هههههههههههه احسن
احمد : المهم !
نوران : ايوووه .. شيل ايدك بس وانت بتتكلم
احمد : الله ! انتى مالك ومال ايدى . تاعباك ف ايه يعنى ؟
نوران : ههههههههههههه ياعم شيلها وخلاص انا جسمى لسا سايب اصلا
احمد : ايوه والله انا حاسس ان جسمى بيرقص منى . مش عارف ليه يا نونه قايم عضمى مكسر وجيت امشى كنت هقع هههههههههههههه
نوران : هههههههههههههههههه وانا مالى . بتسألنى انا ليه ؟ وبعدين شد حيلك طيب داحنا لسا بنقول يا هادى
احمد : ههههههههههههههههههه لا يا قلبى اتطمنى ماتقلقيش كله تمام ... المهم هنعمل فطار ايه ولا ايه . انا قايم واقع م الجوع . حاسس ان بطنى مخرومه مافيهاش شوية ميه حتى
نوران : هههههههههههه اه والله وانا كمان جعانه جدا .... طب استنى ارن على ماما تبعتلنا فطار
احمد : ليه ان شاء الله ؟ تبعتلنا فطار ليه هو احنا مشلولين
نوران : يا حبيبى دى عوايد .انهم بفضلوا اسبوع اسبوعين يبعتولنا الغدا هما ...
احمد : وانا مالى ومال الغدا . انا بقول فطار ... حاجه خفيفه نفطر بيها . اشق بيها ريقى عشان اشيش ههههههههههههه
نوران : ااااااااااااه قول بقا كده انك مش عاوز حد يطلع عشان تشيش براحتك
احمد : يا حبيبتى سبق وقولتلك انى دلوقتى ف بيتى ومش هخاف من حد يعنى .. وهروح اظبط الشيشه على ما تيجى نعمل فطار
نوران : طب حاسب بس لاحسن انا سامعه صوت بابا طالع اهو
احمد : انا بقول اننا نخلى الشيشه بالليل بس
نوران : هههههههههههههههههههههه ياخرابي .. لا شيش براحتك ماتخافش . محدش طالع ...
احمد : بتشتغلينى ؟ طب تعالى هاتى بوسه
نوران : نائه
احمد : انا نفسي افهم ايه نائه اللى انتى ماسكاها من امبارح دى
نوران : يعنى لاءه بس بدلعها
احمد : ايوه منا عارف انه يعنى لاءه . بس بتبهدل امى
نوران : ليه ان شاء الله
احمد : يابنتى انتى مابتشوفيش نفسك وانتى بتقوليها بتبقى عامله ازاى . شفايفك بتضم على بعضها ... وبتحركى كتفك العريان ده لفوق وعينك بترمقنى نظرات اغراء ف منتهى الدلع وقلة الادب مع بعض هههههههههههههه انا كراجل بيحب مراته لما بشوف بتعملى كده ببقى عاوز اتحرش بيك . ده مبدا معلش
نوران : كفاية اللى عملناه امبارح . انا مش عارفه انا كنت شاربه ايه امبارح هههههههههههههه انت اكيد شربتنى حاجه . اعترف عملت فيا ايه ياض
احمد : اسكتى بقي ماتفكرنيش ب ليلة امبارح دى . ياااااااااااااااااااه . الواحد حاسس انه كان بيسابق قطر ههههههههههههه
نوران : ههههههههههههههههههه ( بتلف دراعها حوالين رقبته ) تعرف انك وحشتنى اى الكم ساعه اللى نمناهم دول
احمد : ( بيحط ايده على وسطها ) تعرفى انك ماوحشتنيش لانى حلمت بيك
نوران : بجد ؟
احمد : اه والله ... بعد كده ماتبقيش تقوليلى بجد دى ؟ عشان اى كلمه بقولهالك بتبقى بجد .
نوران : حاضر . احكيلى الحلم بقي
احمد : ماشى . بس تعالى نحضر الفطار الاول واحكيهولك واحنا بنعمله
نوران : اثطا
احمد : اثطا ؟
نوران : اه اثطا يا بثبوثي .. ثوانى اروح اجيب الروب البسه واجى
احمد : ( بيكلم نفسه ) ياخرابي .... يالهوى ...يامرااااااااااااااااااااااااارى ... ايه الدلع والانوثه دى يخربيتك يا بعيده
..............
( المطبخ )
نوران : بتعملى ايه يا بطتى ؟
احمد : انا نفسي افهم مين صاحب فكرة عجينة الطعميه دى هههههههههههههههه يا عالم يا ظالمه عريس وعروسته ف اول ايام جوازهم تحطولهم ف باب التلاجه عجينه طعميه . على اساس اننا هناكل منها يعنى وافضل ادورها كده واحمرها ؟
نوران : ههههههههههههههه مش عارفه بقي. .. دول بيستهبلوا والله ... يعنى نسيب الجبنه الرومى والبيض والبسطرمه والحركات دى كلها . ويجيبولنا عجينة طعميه عشان نحمرها احنا ؟
احمد : دول بيستهبلوا احلى استهبال ... ناولينى ناولينى الطبق اللى وراك ده ادور فيه قرصين طعميه ههههههههههههههههه
نوران : ههههههههههههههههه وحياتك عارفه انك هتقول كده . امك اللى حاطاها اصلا وبتقولى خليهم هنا عشان احمد هييصحى يدور عليها لانك بتحب انت تعملها ههههههههههه
احمد : ربنا يخليكى ليا يا حاجه .... ايوه كده صحصحى معايا .
نوران : طب اعمل انت الطعميه وانا هعمل بيض وفيه جبنه رومى واورص امك عاملاها ف التلاجه ... بس ايه . خطييييييييييره
احمد : اه . اورص امى دى لا يعلى عليها اصلا
نوران : احم .... انا سمعت كده انك كنت ساعات يعنى مش اوى . يعنى انك .
احمد : قولى قولى ماتتكسفيش
نوران : انك كنت بتخبز معاها ههههههههههههه
احمد : طب ودى حاجه تكسف ههههههههههههه ؟ اه كنت بخبز معاها
احيانا كده بتكون البت مى ف الجامعه وفاطمه ف درس او بتذاكر او يا عينى ف المدرسه
وهوب بلاقى امى جابت الدقيق والميه واللبن ومش عارف ايه تانى وشغاله عجن وضرب ف العجين . بقولها بتعملى ايه يا وليه ده وقته . تقولى مانا لو اتكلت عليكو هنموت م الجوع هههههههههههههه
ياعينى بتصعب عليا وبقعد معاها امسك الشوكه وافضل اخرم ف الاورص اللى بتعملها
نوران : ههههههههههههههههه لا بتتعب الصراحه
احمد : لا منا بحط اللمسه النهائيه بقي واخرم الاورصه بالشوكه . بشكلها يعنى ... وبعدين برصها على الصينيه ونغطيها . لغاية مانيجى نخبزها ..... اما العيش بقي البلدى كانت حكايته حكايه ... كنت بتبهدل معاها
نوران : ( بتبص لاحمد ومنبهره ) انت جميل اوووووووووووووووى
احمد : جميل ليه ؟ يابنتى ده العادى
ايه العيب والغريب والحرام ف انى اساعد امى او اختى او مراتى ف شغل فوق طاقتها ... طب تعرفى انى احيانا بقوم اطبخ انا
نوران : ههههههههههههههه لا دى عارفاها بصراحه ...
احمد : اه والله .. يوم السبت ده عشان انا ببقى اجازه ف بصحى بدرى عادى وعلى الضهر كده تلاقينى عملت الرز وقطعت السلطه وخرجت جبت سمك وشويته وجيت هههههههههههه مابخليش امى تعمل حاجه . ياحبيبتى احنا لو نقدر نعمل حاجه نساعد فيها امهاتنا وابهاتنا تسعدهم او تشيل عنهم شويه انشالله بالكلام نعملها على طول . دول طفحانين معانا من سنين . حقهم علينا ... مش عيب والله ..
الرجوله عمرها ما كانت فتونه ع الضعيف .. وانى استغل سلطتى كأب او زوج او أخ
واتأمر بقي واشغلهم حواليا
نوران : احمد . عاوزه اسالك سؤال مجننى كده شويه
احمد : سؤال ايه ؟
نوران : دلوقتى الكلام اللى انت بتقوله جميل جدا وحلو جدا
بس انا ليه استحاله واحده صاحبتى او قريبتى او اى واحده قابلتها وقالتلى الكلام ده
اى واحده لازم تقولى الجواز ضحك ع الدقون الجواز فاشل الجواز معرفش ايه ويفضلوا يلعنوا ف الجواز واليوم اللى اتجوزوا فيه ويقولوا كدب مابيحصلش حاجه من دى ومافيش حب ولا دلع ولا رومانسيه ولا الكلام ده الا ممكن اول ايام او اول شهر بالكتير
احمد : خلى بالك من البيض بس وركزى معايا
نوران : سامعاك
احمد : يا حبيبتى كل واحد بيتكلم بناء على تجربته الشخصيه
كل واحد بيتكلم بلسانه هو بس ولسان شريك حياته
يعنى مثلا بنوته زى القمر شكلا وروحا اتجوزت واحد طفاها وبهت بروحه النكد عليها لغاية ما هى لا اراديا اتحولت لآله باهته ... مابتعرفش تتكلم مابتعرفش تلبس مابتعرفش تتدلع ... كل ده لان الراجل اللى معاها هو السبب ... هى غلبانه يا عينى حاولت بدل المره ألف انها تصلح منه
انها تحاول توصلله نقطه ان الفلوس مش كل حاجه .. ان انا عاوزاك انت . عاوزه اهتمامك انت عاوزه حنيتك انت . لكن لا حياة لمن تنادى
هو كل الموضوع بالنسباله ان ازاى اجيبلك قرشين حلوين واقضي معاك وقت حلو ظريف ف السرير اخر كل ليل وشكرا على كده
مابيقعدش يسمع مشاكلها . احتياجاتها
مابياخدهاش على رجله وهما قاعدين قدام التلفزيون يسمع منها ويقولها عملتى ايه النهارده يا روحى
فيه تفاصيل صغنه كده لو كل راجل خد باله منها . اقسم بالله هيعيشوا هما نفسهم قبل ستاتهم ف ملك ... فاهمانى ؟
لكن نعمل ايه بقي .. هو اللى ربط نفسه ف الساقيه وقال محدش له دعوه بيا سيبونى ف حالى هههههههههههههه
بالعكس . دنا اخد من مراتى جرعه حنيه وحب وجمال ودلع ومياصه وسهوكه عشان لما اطلع بره اتعامل مع المجتمع المقرف اللى احنا فيه ده اكون واخد جرعه تكفينى لغاية ما ارجعلها اخر اليوم ف ميعاد الجرعه التانيه ههههههههههههه
بردو بقي عشان اكون حقانى
فيه بردو ممكن راجل يكون بيعمل كل حاجه لمراته . من فلوس واهتمام وكل حاجه وبيرجع اخر اليوم محتاج كلمة حلوه او كلمه ربنا يعينك او ربنا يخليك ليا او وحشتنى مابيلقهاش .. ف بيقرر يكمل ف العتمه اللى هو فيها ...
ياحبيبتى احنا بقينا ف مجتمع ضلمه اوى .بقينا قاسيين على بعض
وكل واحد مستنى للتانى غلطه ... لكن لو بصينا للموضوع من جانب آخر هنبقى ف حته تانيه
نوران : ( بتحضنه ) انت عارف لو اى بنت سمعت كلامك ده هتقول ايه ؟
احمد : ايه يعنى ؟
نوران : هتتخطف منى يا روح قلبى هههههههههههههه لانك مابقتش موجود كتير فالزمن ده
احمد : وحياة ربنا فيه اللى زيي كده واحسن كمان . بس هو التشجيع بس .
نوران : طب انا جوعت بقي يلا انا خلصت
احمد : بقولك ايه
نوران : احممممممممممد . ماتبصليش كده واتلم . زمانهم طالعين
احمد : تصدقى انك جزمه . امشى يابت من هنا مافيش فطار
نوران : هههههههههههههه ييجو هما بس وينزلوا وانا هوريك مفاجات حلوه
احمد : طب ماتورينى دلوقتى ابوس ايد أمك هههههههههههه
نوران : لا عيب . هما زمانهم طالعين والله
احمد : المهم بقي . اححححم .. هتقولي ايه لامك . ها ايه ؟
نوران : هقولها ايه يعنى ؟ هقولها محصلش يا ماما محصلش هههههههههههههههههه
احمد : ( بيشدها من شعرها ) هو مين ده اللى محصلش وحياة امك .. انتى عاوزه تفضحينى يابت
نوران : ههههههههههههههه اااااااااه سيب شعرى ياعم . حرام عليك
احمد : انطقى يابنت الجزمه ناويه تقوليلها ايه
نوران : ههههههههههههههههه خلاص بقي هقولها ايه يعنى هقولها الحمد لله
احمد : ايه ده ؟ هو ده بس اللى بيتقال ؟
نوران : امال انت عاوز ايه . هى هيصه ؟ هى هتقولى ايه الدنيا هقولها الحمد لله . بس وخلصنا ههههههههههههههههههههه امال هفضل اشرح انا ولا ايه
احمد : خلاص اذا كان كده ماشى ... ال محصلش ال .. وحياة النبى هتخلينى اجرب تانى دلوقتى ههههههههههههههه
نوران : ههههههههههههههههههه لا خلاص خلاص ... ربا يحميك ليا يا قلبي
احمد : تعالى نفطر يلا
.........
( اوضة البنات تحت )
مى : كده ؟ كده نتطرد طردة الكلاب
فاطمه : ههههههههههههههههه ياخرابي ... ده اخوك كانت عفاريت الدنيا بتتنطط ف وشه
امل : هههههههههههههه والواطيه اختى ماسمعتش صوتها . لاحسن يكونو متخانقين ولا ايه
مى : هههههههههههههه وهما لو متخانقين هيقولنا انزلوا اصلا . بالعكس ده كانو ما هيصدق ويقولنا ادخلوا ادخلوا ....... لا هما كانو مع بعض واحنا تقريبا كده والله اعلم عكرنا مزاجهم ههههههههههههههههههه احسسسسسن فرحانه فيك يا حمو . عشان تطردنا كويس
فاطمه : بقولك ايه .. هو احنا المفروض نطلع امتى
مى : الساعه كام ؟
فاطمه : الساعه 2 اهى
مى : امك زمانها طالعه دلوقتى . ام نوران زمانها جايه وهيطلعولهم يتطمنو عليهم وكده
فاطمه : نبقى نطلع معاهم بقي ؟
امل : اه هطلع طبعا لازم اشوف اختى
......
ام احمد : بت يا مى ... يا بت يا مى انتو فين ؟
مى : هنا يا ماما ف الاوضه
ام احمد : طب تعالى افتحى لام نوران عشان واقفه بره
مى : طيب حاضر .. روحى افتحى لامك يا امل عشان هنطلع بقي
امل : طووويب ..
..................
( شقة احمد )
احمد : مين اللى بيخبط
مى : ( ساكتين )
احمد : لا منا مش فاتح غير لما اعرف مين .. مش عاوز حوارات انا . وحياة امى لاجيب كلب احطه على باب الشقه عشان مافيش كلبه منكو تقرب هنا
ام نوران : هههههههههههههههههه افتح يا عريس افتح العيال دول مالهم قارفينك ليه ؟
.....................
ماتنسوش التفاعل يا جماعه وشارك برايك ف الحلقه