روايه انا و هي

(الحلقه الواحد العشرين ) ..( يعنى ايه حنيه ...؟ )

(الحلقه الواحد العشرين ) ..( يعنى ايه حنيه ...؟ ) <3
............
(في الحلقه السابقه )
احمد : اهو ياستى .. الشركه والله هيكون مين يعنى ... استنى بس ( بيفتح الرساله بتلقائيه ونوران ف حضنه بتبص عليها معاه بيلاقيها من سمر مكتوب فيها : متشكره أوى يا حمو ع الخروجه الحلوه دى كان نفسي اوى اكون معاك واشوفك واقرب منك زى زمان )
احمد : ( بيرمى التليفون وبيطلع يجرى ع الاوضه )
نوران : ( بتمسك المنشار وبتجرى وراه )
احمد : لا اله الا الله . استهدى بالله يا حاجه
.................... ( الواحد والعشرين ) <3
( تانى يوم )
( احمد بيصحى قبل نوران وبيلاقيها نايمه وواخدها ف حضنه وبيكلم نفسه )
احمد : ايه الحوريه اللى نايمه جنبى دى يا جدعان . ايه يابت العسل ده يخربيت معرفتك
تعرفى انك وانتى نايمه ملاك نايم
رموشك دهب ههههههههه انا اتجننت ولا ايه هفضل اكلمك كده كتير ..
نونه ! يا نوووووونه ! طب توت توت اصحى بقي
( بيمسح بايده على خدها وبيرجع شعرها لورا )
بسبوسه
يا بسبس
انتى يا بت
نوران : ايه ياعم الدوشه دى ع الصبح
احمد : اصحى يلا
نوران : بتصحينى ليه دلوقتى الساعه كام
احمد : الساعه 10
نوران : طب وبتصحينى ليه يا احمد النهارده الجمعه .... يوووه عليك انا مانمتش لسا
احمد : مانمتيش ليه ها ليه ؟
نوران : ههههههههههههه تصدق انك رخم ... معرفش مانمتش ليه اسال نفسك
احمد : هو فين المنشار صحيح
نوران : منشار ايه بقي مانت كلتنى ف الكلام ههههههههه سووووووسه كبيره انت . ودوختنى معاك ... عارف انى مابقدرش ازعل منك
احمد : يا حبيبتى مانتى فهمتى الكلام امبارح اللى قولتهولك وفهمتى الرساله مبعوته ليه وعشان ايه
نوران : يا حبيبى فاهمه وعارفه . وانا مش غيرانه منها . انا غيرانه عليك انت فهمتنى
وفهمت هى باعته الرساله ليه . بس انا مستغرباك من رد فعلك تجاهها مش اكتر .. واحد غيرك كان زمانه هددها وقالها ماتبعتيش لاقول لخطيبك والكلام ده
لكن ازاى تسكت على اللى هى بتعمله
احمد : البسي هدومك بس الاول واتعدلى كده بلا قلة ادب وانا هقولك
نوران : ههههههههههههههه تصدق انك جزمه طب مخامصاك
احمد : ايه ياختى ؟ كفايه الرعب بتاع امبارح .. انا شوفت ليله زرقا امبارح ههههههههههههه
نوران : تستاهل . . المهم جاوبنى بقي
احمد : انتى بتقولى كل الكلام اللى قولتيه ده ... كان المفروض يتعمل ؟ طب والشهامه فين والجدعنه والأخوه ... عارفه انتى الجمله اللى بتتقال كده ف وسط الكلام مابين اتنين اصحاب او اتنين اخوات . كلمه انا هخاف عليك أكتر من نفسك
نوران : يعنى انت خايف على سمر اكتر من نفسها
احمد : طبعا ... حق الجيره وحق الاخوه والقرابه والايام تخلينى استحملها واخليها ترجع لعقلها بالراحه .... يا حبيبتى مافيش حاجه هتحصل بالعافيه
نوران : تعرف ان كلامك على قد ماهو منطقى على قد ما هو بيعصبنى
فكرة ان واحده تانيه بتفكر فيك اصلا تفكير حب وكده بيعصبنى
احمد : ( بيمسح على وشها ) طب ما يفكروا ... المهم انا بفكر ف مين وعاوز مين واتجوزت مين .... سمر ما هى الا واحده حبت ف ظروف غلط الشخص الغلط ههههههههههه ازود عليها ليه والومها ... عادى ما براحتها تحب ولا ماتحبش ..هى بتتدلع بس مش اكتر
نوران : وانت هتسبها تتدلع كده كتير .. ماترد عليها تقولها ماتبعتش تانى ولا تتكلم تانى بدل ما اسيحلها انا واروحلها
احمد : ( بيبصلها )
نوران : بتبصيلى ليه ؟
احمد : يابنت الجنيه .. جبتيها منين جى ؟
نوران : هى ايه ؟
احمد : انك تروحيلها ههههههههههه
نوران : والله اروحلها
احمد : هههههههههههههه طب منا بتكلم بجد عاوزك تروحيلها
نوران : اروحلها ؟ لوحدى ولا هتيجى معايا
احمد : لا لوحدك .. هتاخدى طبق بسبوسه كده ولا علبه جاتوه وتروحى تزوري مامتها كأنك بتردى الزياره وكده .. ولا اقولك ؟ انا هاجى معاك كأننا بنرد الزياره .. والرساله هتوصل ل سمر وامها انك عندى اهم واغلى
نوران : خلاص نروحلهم النهارده
احمد : هو اى خناقه وخلاص . اهدى واتبطتى كده .. ماينفعش النهارده على طول كده ..... نخلينا بكره او نص الاسبوع .. اشطات
نوران : اشطات ياخويا
احمد : مالمى لسان أمك ده بقي بدل ما ابطحك
نوران : اتاخر بقي انت مكتفنى كده ليه ..
احمد : الا صحيح يا نونه عاوز اسالك ف سؤال
نوران : سؤال ايه
احمد : هو احنا لما بنكون مع بعض . بنتغابى اوى كده ؟ هههههههههه انتى جسمك كله مزرق ومزرق من حتت كده مايعلم بيها الا ربنا
نوران : ههههههههههههه طب اتاخر . وناولنى هدومى دى انا مش عارفه ازاى بنام كده يخربيتك ... بتقوم حاضنى بعدها حضن بيخلى جسمى سايب اكتر واكتر . بصراحه ماببقاش عاوزه اقوم واسيبك . ف بكسل وانام كده .... هو انا عاشقاك وبغير عليك من شويه ياجزمه انت ... هات بسبوسه
احمد : بسبوسه بس ؟
نوران : ايوه بثبوثه بث .. ماتزودش
احمد : يا معين يارب
نوران : ايه ياعم انت بتقوم ليه . بقولك بوسه بس ده ايه ده اقعد ههههههههههههه
احمد : ههههههههههههههههه هههههههههههههههههه وحياة امى منا عاتقك وتعالى بقي .. ( بيكتفها وبيزغزغها من بطنها )
نوران : هههههههههه هههههههههههههه اااااااااااااااااااااه هههههههههههههههههه خلاص ياعم خلااااااااااااص هموووووووت يااحمد بجد مش قادره ههههههههههههههههه هههههههههههههههههههههه هههههههههههههههه بطل زغزغه بقي ههههههههههه
احمد : قولى انا اسفه
نوران : انا ستين اسفه
احمد : ( بيبوسها ) قومى يلا اعمليلى فطار ... ستات متدلعه واخر مياصه
نوران : هما مين دول ياض ؟
احمد : الستات انتى مالك انتى
نوران : هههههههههههه يا جبان
احمد : جبان ايه ؟ دانتى كنتى بتجرى ورايا بمنشار طوله مترين امبارح .. اعوذ بالله متجوز خولل ... السلك ملمس معاك من زمان
نوران : ( بتبوسه من خده ) بحبك يا بطه ايه بلاش ؟ ( بتلبس هدومها وهى بتكلمه )
احمد : لا ياختى حبى بس بلاش المناشير والكلام ده .وبعدين انتى بتلبسي ايه
نوران : لا المره الجايه ماهيبقاش فيه حاجه عشان فيها دبح على طول ... مالكش دعوه بلبس ايه . مالك انت ومال حاجتى
احمد : هى بصراحه .حاجتك تتحب هههههههههههه ايه الالوانات دى وايه الاستايلات دى ياساتر يارب
نوران : لكش دعوه بردو
احمد : طب ايه
نوران : ايه انت عاوز ايه . انا رايحه اعمل فطار
احمد : هو انا جيت جنبك . ايه البت الملزقه دى ... روحى طيب روحى اعملى الفطار اهو ده اللى انتى فالحه فيه
نوران : طب ماتيجى تساعدنى
احمد : نساعد مانساعدش ليه
نوران : بقولك ايه خليك مكانك .... انا عارفه مساعدتك دى بتقلب بإيه ف الاخر
احمد : هههههههههه احبك يا فهمانى يا ام صوابع ملبن يا حلاوه
نوران : هههههههههههههههه امرك يا سي كمال
احمد : ام طعامة أمك يا بعيده . ماتيجى يابت قربى هنا هقولك حاجه
نوران : بعينك
احمد : ايه بعينى دى ماتخلنيش اتغابي عليك واقوملك
نوران : لو حصلتنى بقا امسكنى
احمد : طب تعالى .. ( بيجرى وراها )
.............
( البيت تحت )
فاطمه : ايه ده فيه صوت جرى فوق
مى : ههههههههههههههه هما قايمين بدرى يجروا ورا بعض ده ايه العيال دى
فاطمه : هههههههههههههههههههه همووووووووووووت .
مى : بقولك ايه تعالى بسرعه نرخم ع اللى جابوهم
فاطمه : والمصحف كنت لسا هقولك ههههههههه يلا بسرعه . بس لو اخوك عمل فينا حاجه ماعرفكيش هقول انتى اللى وزيتينى
مى : اه يا واطيه طب تعالى بسرعه دا فيه صوت جرى وخبط ورزع ابواب ههههههههههههههههه
.................
( الشقه فوق )
احمد : انتى سريعه كده ليه ... وبتتحامى بالسفره يعنى وعماله تلفى حوالي منها
نوران : ههههههههههههههه مش هتعرف تمسكنى
احمد : طب لو مسكتك بقي
نوران : مش هتعرف بس المهم ماتطلعش فوق الترابيزه . بلاش غش
احمد : لا مش هطلع ... طب اهو .. ( بيلف حوالين الترابيزه بسرعه وبيمسكها وبيوقعها على الارض وهو فوقها )
نوران : هههههههههه سيبنى ياعم
احمد : لا ... اللى عندك اعمليه
نوران : هصوت وألم عليك الناس
احمد : هههههههههههههه دى الناس هتتبسط لما يلاقوكى بتصوتى اساسا ههههههههههههه هيقولوا عليا سبع هههههههههههههه
نوران : طب قوم بقي قووووووووم ... ( بتشده من شعره )
احمد : يابنت الهبله مش قولتلك بلاش الحركه دى ( بيبص لشفايفها وبيقرب عشان يبوسها اخواته بيخبطوا )
احمد : ده مين الحيوانه اللى بتخبط الساعادى .. ( بيقوم متنرفز بيفتح الباب )
مى : اجرى يا بطه ههههههههههههه
احمد : خدى يارمه يا زباله انتى وهى خدى (بيشدهم من شعرهم )
هو اييييييييييييييه ؟ سيبونى ف حال أمى بقي جاتكو داهيه
فاطمه : هههههههههههههههههههه سيب شعرى
نوران : هههههههههههههههههه تعالو دانتو جيتو نجدتونى ...
احمد : جم نجدوك ؟ جاتك ستين نيله معاهم ... عاوز افطر اخلصى
مى : ههههههههههه هنعملك احلى فطار يا بطه ... امووووووواه ( بتبوسه من خده )
احمد : اقسم بالله عيال فصيله .. انا هشوفلى شقه بعيد عن اشكالتكو
فاطمه : ههههههههههههههههه ايه احنا جينا ف وقت مش مناسب ولا ايه
احمد : انتى يا زفته انتى مش النهارده الجمعه ... ايه اللى مصحيكو بدرى وطالعين ليه
مى : احنا سمعنا صوت جرى وخربطه قولنا نطلع نشوف بتعملو ايه يمكن كنتو بتتخانقو لا سمح الله ولا حاجه . خصوصا امبارح يعنى كنت مش ولا بد الصراحه وحالك يصعب ع الكافر ( بتتكلم بتريقه وضحك )
احمد : انتى بتتريقى عليا ؟ طب خدى هنا ( بيجرى وراها )
مى : الحقوووووووووووونى
احمد : هو ايه ده انا كل ما اجرى ورا واحد يتحامى بالسفره ....
مى : طب خلاص والله اخر مره عشان خاطر نونه
احمد : نونه دى حسابها معايا بعدين لما افوقلها بس .. ابو اشكالكو .. امشى يابت انتى وهى اعملولنا فطار داهيه تسد نفسكو ع الصبح
.................
( ع القهوه بعد العصر )
عماد : الا بقولك ايه يا ابو حميد ... هو العبط اللى بييجى بعد الجواز ده بيبقى من مين . من الراجل ولا الست
احمد : وده سؤال يا عمده .. من الرجاله طبعا ههههههههههه
عماد : ليه طيب ؟ هو مين السبب ف التحويلة الغريبه اللى بتبقى بعد اول شهرين جواز . بيروح فين الحب والدلع والشقاوه والكلام اللى الواحد بيفضل يبنيه ف دماغه انه هيعمله العمر كله .... انا واحد م الناس كان اى بوست ينزل ع الفيس او اشوفك حتى كنت اقول بكره نشوفك اما تتجوز هتعمل ايه ...
احمد : بص يا عمده !
وركز معايا بقي دقيقتين عشان الكلام ده هو الخلاصه
الجواز ده يابنى اقدس علاقه مابين شخصين
احدهما راجل والاخر ست
احلى واجمل واقدس علاقه ف الوجود
بس للأسف
فيه منهم بيبقى داخل مملى دماغه بكلام من أمه او امها او الصحاب اللى زى حالاتك كده الصايعين الضايعين
يعنى مثلا الراجل . بيبقى داخل تحدى
فرض نفوذ وسيطره وقوه بالعافيه والقوه
ادبح لمراتك القطه عشان تكش منك
ماتوافقش على اى حاجه ف الخطوبه منها او من عيلتها عشان يعرفوا انك راجل وكلمتك مسموعه .. الواد يا عينى بيسمع الكلام من هنا ويبدأ ف تحدى ما بينه وبين مخلوقه ضعيفه مش عاوزه منه غير انه يعوضها عن حنيه أب وحنان أخ ورحمة أم ودلال وشقاوه أخت ..
لو انت كراجل قدرت تعوضها عن كل ده يبقى انت اللى هتفوز يا غبي
نيجى بقي لمرحله ما بعد الجواز وبعد شهر بيتحول الأمر
طب انت يا شيلحف فضلت سنين من عمرك بتشتغل وبتبنى نفسك ةبتكون نفسك وحارم نفسك من حاجات كتير عشان تكون مع انسانه تشيلك وتحبك . ليه تحرم نفسك من حلاوة الدنيا وتتلكك ليها على أكل وشرب ونوم والبيت مش نضيف ومهمله وقاعدالى 24 ساعه ع التليفون وسايبه البيت يضرب يقلب
اقسم بالله هو اللى غبى ...
عماد : طب ليه طيب
احمد : عشان العلاقه هنا بتبقى متبادله
انت قرفان ف شغلك طالع ميتين اللى خلفوك بره البيت ماقولتش حاجه وربنا يعينك .. تمام ؟ يبقى تيجى البيت تاخد حلاوة البنوته اللى مستنياك على نار ومظبطالك نفسها .. ماتكسرش بخاطرها ولا تيجى عليها وحب وجودها جنبك
انت لو عملت كده .. انت كده مش بتريحها هى بس
دانت كده اللى بتريح روحك . لانك لما تعملها كده هى هتعمل كده واكتر من كده ... يبقى دلعك ليها ماهو الا دلع لنفسك ....
لكن أعمل ايه بقي . البعيد جبله . فاكر انك بكلمه حلوه او بتقدير منك ليها انك بتفرعنها عليك وبتخليها تشوف نفسها
طب وايه يعنى ماتشوف نفسها . ان ماشفتش نفسها على جوزها وتتدلع ف خيره ووجوده هتشوفه على مين
وكله كوم بقي وألاقى راجل طويل عريض داخل يعلق على بوست على الفيس ولا غيره يقولى بس ياعم مابيحصلش الكلام ده ... ببقى عاوز اقوله ماهو من خيبة أبوك هههههههههههه
عماد : دمااااااااااااااااااااااغ . طول عمرك ... المهم اتشبشبلك امبارح ولا طلعت منها زى عوايدك
احمد : اه الحمد لله طلعت بس بعد ما الدم هرب من عروقى هههههههههههه دنا شوفت ليله يا جدع ..... عذاااااااااااااب ... هههههههههههه بس تعرف
احلى ليله عدت عليا ف عمرى
احساس ان حبيبتك غيرانه عليك وبتعاقبك طلع احساس جبااار ياض يا عمده ... دانتو مابتفهموش ..ناولنى ناولنى حجر المعسل دى خلينى اشد خلينى امشى
عماد : وايه السبب يعنى يخليك تحبها الحب ده كله يابنى
احمد : تافهه زيي والدنيا مش مالكاها . طالعالى
يابنى الحب للى زيها مش قد المقام
تحسها ست البنات ف نفسها كده
بالك انت لما احب اسمع صوتها
امسك تليفونى واطلع نمرتها وأرن عليها واقولها وحشتينى يا بسبوسه ! ترد عليا بمنتهى التفاهه وتقولى وانت كمان يا روح البسبوسه ، وياسلام بقي لو تجيب معاك نص كيلو بالقشطه وانت جاى هحبك وهخليك تنزل بالليل تقعد ع القهوه
اقوم ضاحك واقولها من عنيا طالما فيها نزول
الغريبه بقي انى اجيب البسبوسه وانا اللى مابقاش عاوز انزل واسيبها
ليها حركه بتعملها بعيونها كده بتجيب قلبى الارض
ده غير بقي لما تقعد قصادى كده والاقيها بتلاعبلى حواجبها
ده غير النكت البايخه القديمه اللى بقالها 20 سنه لا وتلاقيها مسخسخه على روحها وهى بتحكيها ... والاغرب انى انا كمان بضحك ومن قلبى مش على النكته لا ... على طريقتها وهى بتحكى وبتضحك
اقولك ع السر يا عمده
لو خليت مراتك او حبيبتك تبقى تافهه معاك وتحب تفاهتها يبقى انت كده ماشى صح
اوعى تخليها عاقله او تعيش ف دور اكبر من سنها
عيش مع تفاهتها واوعى تعجزها
استنى هرن عليها عشان وحشتنى
الو ! وحشتينى يا بسبوسه
نوران : وانت كمان يا قلب البسبوسه ... وقعتك مهببه لما تيجى
احمد : ليه طيب ؟
نوران : البسبوسه اللى بعتتهالى من شويه ريحتها مش فايحه وشكلها بايته . والنعمه لمعرفاك
.....
احمد : بزمتك يا عمده هو فيه كده ...؟
........
الاخوه المتابعين : اتطمنو ع المراره كده ؟😂