روايه انا و هي

(الحلقه التاسعه ) ..( ثعبان اسود )

(الحلقه التاسعه ) ..( ثعبان اسود ) <3
............
(في الحلقه السابقه )
نوران : هههههههههههههههههه طبعا . كل ما يتعلق بك يا سيدى الفاضل فأنا لابد ان اكون حاضرة ف الميعاد والمكان المناسب . فأنت لى انا فقط
احمد : طب نامى بقا نامى قفلتى اليوم
نوران : ههههههههههههههههههه حاضر يا روحى ( بتبوسه ) هنام اهو .. بس بردو مش هرتاح الا لما اعرف كل حاجه تصبح على خير
احمد : ياساتر يارب .....( بيبوسها ) وانتى من اهله ....
نوران : ( ف سرها ) بكره يحلها ربنا بقا هعمل حتة حركه هعرف كل حاجه
احمد : ( ف سره ) ياخفى الألطاف نجنا مما نخاف .
.................(التاسعه ) <3
( أميره وهند على الواتس )
هند : ايه يابنتى فينك
اميره : عاوزه ايه انتى سيبينى اتفسح شويه
هند : اتفسحى ياختى وماله .. بقالك شهرين ف لندن مازهقتيش ههههههههه
اميره : حد يلاقى دلع ومايدلعش ... اخبار البلد عندك ايه انا قربت انساها
هند : هههههههههههههه البلد كويسه ماتشغليش بالك ... راجعه امتى انتى واخوك
اميره : والله هو مشغول ف شغله وحساباته وانا مع نفسي هنا . مقضياها صرمحه الصراحه ههههههههههه
هند : طويب يامزه عقبال ما تتفسحى فسحه حلوه كده مع عريسك المستقبلى . ماتشوفيلك مز من عندك يابت كده واتجوزيه ههههههههههه
اميره : مز ايه دول عاملين زى الفراخ البيضا هنا . لا ماينفعوش . بردو ماينفعنيش الا واد ابن بلد حمش كده
هند : اهااااااااااااااااااا شكلك بتحنى للى كسر عينك وكان هيضربك ههههههههههههههههه
اميره : حمو ؟ هههههههههههههههههه ده حتة عسليه . ده البونبونى بتاعى يابنتى . لما انزله بس والله لاروح اشوفه ف بيتهم
هند : ايه ؟ لا بلاش
اميره : هههههههههههههههههه ماتخافيش هو كده كده مابيطيقنيش بس لازم اشوفه واهزر معاه . وحشنى والله ... دنا بفكر اخد ابويا واخويا ونروح نخطبه هههههههههههههههههه
هند : ههههههههههههههههههه يجوز بردو ماهو الراجل له اربعه
اميره : اربعه مين يابنت الجزمه هو اللى هيتجوز اميره العربي هيفكر مجرد تفكير يبص بس بره . وبعدين حمو ده انا هحبسه مش هنزله م البيت اصلا هههههههههههههههه جاته داهيه والمصحف وحشنى ... هدخل اكلمه ع الفيس يارب يرد المرادى بقا ابو تقل دم أمه ... دا الوحيد اللى لما بقرب منه بخاف . ابو شكله هههههههههههههههههه
هند : ايه ؟ ( هند بتفكر تقولها انه اتجوز بس بترجع ف كلامها )
اميره : ايه يابت مالك سكتى ولا مشغوله .. بقولك ايه انا بره دلوقتى لما ارجع هبقى اكلمك
هند : طب بقولك بس اسمعى
اميره : خلاص يا هند خلاص انا هقفل دلوقتى . سلام يا مزه
..
هند : ههههههههههههههههههه البلد شكلها هتقوم فيها حريقه بكره
......................
( اميره سهرانه بره مع صاحبتها )
ساره : ايه ده مين اللى بتتكلمو عنه ده انتى وهند . وشك نور من ساعتها
اميره : هههههههههههههه هو انا باين عليا اوى كده ؟
ساره : هههههههههههه جدا . اميره العربي طبت ولا ايه
اميره : وحياتك انا طابه من زمان من ساعة ما شوفت الواد ده
ساره : طب احكيلى عنه . عرفتيه منين ده
اميره : كان زميلى ف المدرسه سنه بسنه ايام الثانوى
ساره : طب اول مره قولتو لبعض فيها انكو بتحبو بعض امتى
اميره : هما مين دول ؟
ساره : انتى وزميلك ده يابت
اميره : هههههههههههههههه انا اول تاتش بينى وبين احمد كان هيضربنى بس ربنا ستر واتزحلقت وكان منظرى زباله قدام الفصل كله بس هو اللى قومنى وساعدنى وزعق للعيال عشان ضحكوا
ساره : بجد ؟ طب ليه يعنى كتو هتتخانقوا
اميره : ههههههههههههههههههه بصراحه انا اللى كنت بتلكك . كنت بنكشه كده وبحاول اخليه يتكلم معايا بأى طريقه
ساره : نعم ياختى ؟ انا اعرفك من ايام الجامعه واللى اعرفه يعنى واللى متأكده منه ان اى حد يشوفك لازم هو اللى يسوق عليك الدنيا عشان يكلمك او عشان بس تضحكيله
اميره : الا هو . الوحيد اللى انا كنت عاوزه اكلمه . او بمعنى اصح عشان كبريائي كنت عاوزاه هو ييجى يكلمنى وانا اللى اتقل عليه لكن هو مدانيش فرصه . بصى ! تقدرى تقولى ماكنش شايفنى اصلا . كان شايف حد تانى تقريبا
ساره : ياااااااه . معقوله يعنى حد هيسيب الجمال ده كله والبياض ده كله هههههههههههههههههههههه والفلوس دى كلها ويختار اى حد تانى
اميره : هههههههههههههههه شوفتى بقا غبى اعمله ايه ؟
ساره : ها وبعدين ... كان يعرف انتى بنت مين ومعاكو فلوس اد ايه وكده ولا لا
اميره : اه طبعا كان عارف ! وهو ده اللى كان مجننى
يا ساره انا والحمد لله وبلا فخر يعنى اقدر اوقع اى ولد ف اى مكان بنظره واحده بغمزه بضحكه بابتسامه ... انتى مش شايفه يعنى هههههههههههههههههههه
ساره : ههههههههههه قمر يا ميرو قمر بس طيب هو كان تقلان ليه
اميره : غبى بقا اعمله ايه ... دنا فيه اوقات كانت بتيجى عليا ببقى عاوزه اقوم اضربه على وشه واقوله انت مش بتحبنى ليه ياض زى العيال دى هههههههههههههههههه اعوذ بالله عيل فقر
ساره : طب ايه يابنتى ماحاولتيش تقربى منه ليه . ده زمانه اتجوز دلوقتى مش بتقولى زميلك
اميره : لا احنا خلصنا مدرسه وخلصنا كليات وهو تقريبا كان سافر . بس من حوالي 4 شهور كده لقيته على الفيس وبعتتله أدد وهو قبله ههههههههههههههههههههه بس خايفه اكلمه الصراحه . بس انا هقوم اروح دلوقتى وابعتله رساله . وحياة امى لاكلمه النهارده
ساره : انتى بتحبيه ؟ ولا عشان كان مختلف بس وعصى عليك عشان كده حبيتى اختلافه وحبيتى انه ماكنش تحت طوعك او كان زيه زي غير اى ولد كان بيشوفك بينبهر بجمالك وحلاوتك واكيد اكيد فلوس ابوك
اميره : تصدقينى لو قولتلك مش عارفه .. اوقات كنت بحس انى عاوزه اشوفه قدامى على طول ، كنت بتضايق لما يخرج من الفصل . كنت اتعكنن لو ماجاش يوم . كنت بروح كل الدروس اللى كان يروحها مع انى مش محتاجاها وكانت المدرسين بتجيلى لغاية البيت
عينى بتفضل متعلقه بوجوده طول اليوم
مش عاوزاه يغيب عنى
اضحكك على حاجه ههههههههههههههههه مره مسكت بنت جبتها من شعرها ومسحت بيها ارضيه الفصل علشان قالت عليه وهو ماشي الواد ده مز اوى يابنات وعضلاته تهوس هههههههههههه وعينك ما تشوف الا النور هاتك ياضرب وشد شعر وعض خدود
ساره : هههههههههههههه متخيله الصراحه
اميره : كان عسل ابن الجزمه . وحياة امه لو ما رد النهارده لاشرده هههههههههههههه هبعتله حد يجيبه ف شوال وبعدين انا كلها 5 ايام ونازله
ساره : ماشى ياستى . الجو بدا يبرد تعالى نرجع الاوتيل
اميره : يلا يلا
..................
( احمد قايم من جنب نوران رايح الحمام )
نوران : ايه يا روحى رايح فين
احمد : مافيش . رايح الحمام بس .
نوران : طيب يا حبيبى هاتلى كوباية ميه معاك وانت جاى
احمد : ماشى
...........
( بعد دقيقتين احمد بيرجع )
احمد : قومى يا روحى اشربي
نوران : تسلم ايديك ياقلبي . تليفونك جاله رساله ماسنجر من دلوقتى
احمد : انا ؟ دلوقتى ؟ مين ده
نوران : معرفش ( نعسانه على روحها وبتنام تانى )
احمد : ( بيشوف مين باعت الرساله بيلاقيها اميره وباعته فيها : ولا يا حمووووووووووووو واحشنى اووووى اوووى اووووى يخربيت سنينك رد على امى بقا . انا نازله البلد كمان 5 ايام هاجى اشوفك . هجيب الحاج واجى اخطبك من امك هههههههههههههه ) ( ف سره : يانهار اسود ومنيل
. ايوه ماهى كانت ناقصاك الصراحه . هى المصايب كده لما بتيجى بتبقى عاوزه تيجى مع بعض )
نوران : نام بقا يا حمو مش عارفه انعس
احمد : حاضر يا حبيبى ( بيبوس راسها )
.............
( ناس منافسين لوالد أميره )
عاشور : طب وبعدين ف الراجل ابن الكلاب ده .. مش عارفين ناكل لقمة عيش ف البلد من وراه .. حتين الاثار اللى كنا بنستنفع من وراهم كل فتره راحو بسببه ... ابن كلب طماع
ادهم : ياعم عاشور الله يكرمك شوفلنا حل احنا كده بنشحت
عاشور : ماهو انا لازم اروح اتفاهم معاه على النسبه اللى عاوزها . ده عاوز 50 % ده ماجابش تمن نقلها وتخزينها ف حته آمان
ادهم : انا رايح معاك .. بكره بعون الله عاوزين نخلص الموضوع ده لاحسن هيبقى فيها دم بعد كده وعليا وعلى اعدائي
عاشور : تبات نار تصبح رماد يا ابن عمى .. ومش علشان هو موالي لكلب من الكلاب العميد السيوفى يبقى هنسكتله دي ملايين . عليا الطلاق لو حكمت اخطف عيل من عياله ما هتاخر .. نشوفه بكره بس هيقول ايه .. اذا رجع لعقله كان بها .. ماتعظش يبقي مايلومش الا نفسه ..
ادهم : لفيلنا سجارتين بقي خلينا نلم ام دي ليله
...................
( تاني يوم بعد العصر )
احمد : الا قوليلي يا نونه انتي فاكره حاجه من اللي درستيه ف كلية الحقوق بتاعتكو دي ههههههههههه
نوران : ههههههههههههه اسمعلك مواد الدستور كلها
احمد : هههههههه لا خلاص ماكنتش كلمه .
نوران : اخبار الشغل بتاعك ايه . لسا بردو فيه مشاكل
احمد : اه . انا احتمال اقدم استقالتي الشهر الجاي ولا اللي بعده .. لغاية بس الموضوع اللي ف بالي مايظبط
نوران : ربنا يوفقك يا حبيبي .. البت هدير الجزمه برن عليها مابتردش من امبارح . حاسه انها زعلانه من حاجه مش عارفه هي ايه .. صحيح خد هنا مين اللي كان باعتلك رساله امبارح الساعه 3 ده
احمد : ايه ! لا ده بني ادم براس عجل واحد زميلي ف شالغل كان بيبعتلي كشف حساب كده لتجار جايين النهارده . جم النهارده وخلصنا الشغل اللي كانو جايين عشانه
نوران : ماشي ياحبيبي . هقوم احضر الغدا بقي انت زمانك جعان
احمد : ابوه ياريت والنبي
...........................
( بيت العربي ابو اميره اخر الحوار مابينه وبين عاشور وادهم )
عاشور : يعني ده اخر كلام عندك يا عربي ييه
عربي : ايوه اخر كلام . يلا اتفضلو
ادهم : علي راحتك يا ساعة الباشا بس ماتلومش الا نفسك
عربي : انت بتهددني ف بيتي يابن الكلب انت وهو ولا ايه نسيتو نفسكوا . دنا سيدكو يا كلاب
عاشور : يلا بينا يا ادهم .. من غير سلام
...................
( اميره وساره في لندن )
ساره : ها يا مزه الواد رد عليك ولا ايه
اميره : ههههههههه ده عيل رمه ولا سأل فيا . كلها كم يوم وهيلاقيني قدامه
ساره : ايوه بقا هو ده الكلام
اميره : دنا ناوياله علي نيه سوده لما انزله بس هههههههه استني وائل اخويا بيرن عليا هشوفه عاوز ايه
..............................
( عاشور وادهم تجار الاثار )
عاشور : رايك ايه ف الكلام اللي حصل النهارده الناس اللي ورانا مش هيرحمونا
ادهم : ياروح مابعدك روح هما عياله جايين من المخروبه اللي هما مسافرينها دي امتي
عاشور : الواد فتحي بيقول ايام
ادهم : هنديله فرصه اليومين دول يرجع لعقله والا مايلومش الا نفسه
. .............
(ع القهوه )
احمد : مش عارف يا اخي انا قلبي بقاله كم يوم مقبوض ليه
عماد : خير خير ماتقلقش
احمد : امبارح حلمت حلم غريب اوي مش عارف ده ايه اعوذ بالله
عماد : حلم ايه خير احكي
احمد : حلمت ان فيه تعبان كبير واسود وشكله وحش اوي فضل يتلف علي رقبتي لدرجه اني حسيت ييه وفضلت انازع واصرخ وصوتي كان شبه رايح ومش طالع .. بس ف اخر الحلم لقيت حاجه غريبه اوي
عماد : حاجه ايه
احمد : لقيت نوران هي وهدير جايين يشيلو التعبان ده من علي رقبتي هتسالني اشمعني نوران وهدير هقولك مش عارف ومش فاكر بقية الحلم وما صدقت صحيت
...................
متابعين الروايه : حد عنده تفسير للي بيحصل والحلم ده ؟