روايه انا و هي

(الحلقه الحاديه عشر ) ..( حب من بعيد )

(الحلقه الحاديه عشر ) ..( حب من بعيد ) <3
............
(في الحلقه السابقه )
احمد : ههههههههههههههه هههههههههههههههه يا قليلة الادب انا كنت هقولك اصلا قومى ناكل
نوران : ياسلام ياخويا
احمد : اه طبعا . امال انتى فاكره ايه ؟
نوران : هههههههههههههههه طب قوم يلا نعمل اكل خفيف بقي لانى مش هعرف اكل المحشى والحاجات دى
احمد : ايوه منا بقالى ساعتين بقولك سندويشت
نوران : ههههههههههههههه معلش .. نسيت انا موضوع السندويشت ده
............... ( الحاديه عشر ) <3
( قدام التلفزيون ف حضن بعض )
احمد : نونه ! مبسوطه يا روحى
نوران : ده سؤال ده ؟ دنا مش مصدقه نفسي دنا كل شويه ابصلك كده .. لا بس ماكنتش اعرف انك طباخ بريمو كده
احمد : طباخ ايه دول بيضتين عمى
نوران : هههههههههههههه لا بس ايه عامل طبق حلو . دنا مابعرفش ادوره كده بيطلع مبهدل وحالته حاله انما انت حاجه فخيمه يعنى
احمد : السنه ونص اللى انا سافرتها اول ما اتخرجت اتعلمت فيها حاجات كتير
نوران : احكيلك سر
احمد : ياريت
نوران : وانت مسافر كنت انا ف 2 جامعه . ياخرابي بقي كنت كل يوم اجى اسهر مع اخواتك انا وامل اختى وافضل اتكلم واهزر معاهم لغاية ما احدف الكلام ناحية سيرتك كده عشان يطمنونى عليك
احمد : اه . مش انا كنت بستغرب من حاجه
نوران : حاجه ايه ؟
احمد : مش انا على مدار سنه ونص بكلم امى واخواتى بالليل بلاقيك كل يوم معاهم وعندهم ماعدا كم مره كده ههههههههههههههه دانتى كنتى بايته معاهم
نوران : احم احم بس بقي . كنت بروح اسهر معاهم منا قولتلك . بس يا رخم
احمد : هههههههههههه واشمعنى الساعه 8 ونص يعنى
نوران : اه ماهو ده الوقت اللى بتكون خارج فيه من شغلك وبتكلمهم هههههههههههههههههههه دنا بكون هناك من الساعه 8 .. بس بصراحه كنت بتجنن وانت بتكلمهم .. ماكنتش بتسال عليا ليه يا واد
احمد : نعم ؟ دنا كلمتك كتير
نوران : اه بس بحجه اننا جيران وبتتطمن عليا
احمد : اه فعلا .... بس الاسوره الفضه اللى مى اختى جابتهالك كانت تجنن
نوران : اه والله . جابتهالى ف عيد ميلادى وانا ف سنه 3 جامعه . فضلت معلقاها ف رقبتى سنتين لغاية ما اتفكت عقده منها وزعلت عليها والله بس معايا لسا وجبتها معايا .. بس انت شوفتها فين ؟
احمد : اه . حلو حرف ال A اللى محطوطه فيها بس بصياعه كده ماتبانش انها حرف ال A اصلا
نوران : اه بجد . دنا غلبت اقلب فيها شمال يمين واجيبها طول وعرض عشان اعرف ده حرف ايه بس مش عارفه .... شويه اختك تقولى يابنتى والله جايباهالك بحرفك N .... الرخمه دى
احمد : هههههههههههههههه
نوران : بتضحك على ايه
احمد : على فكره انا شارى السلسله دى ب 399 ريال ههههههههههه
نوران : نعم ؟
احمد : هههههههههههه
نوران : بتتكلم جد ؟
احمد : اه والله حتى اسالى مى ... بعتلك السلسله قبل عيد ميلادك باسبوع .. وفضلنا انا وهى محتارين نقولها انى انا اللى بعتها ولا هى اللى جابتهالك
نوران : اااااااااااااااااااه يا جزم ... طب وحياة امى كنت شاكه ساعتها بس اختك الجزمه دى ماكنتش بيبان عليها ولا بتقول ... دنا لقيتها جاتلى ودخلت اوضتى وبتقولى لمى شعرك قولتلها ليه قالتلى لمى شعرك بس ولما رفعت شعرى لقيتها بتلبسنى السلسله وبتقولى ماتقلعيهاش عشان تفضلى فاكره صاحبتها
ساعتها انا عيطت وحضنتها وقولتلها انسي ايه بس كفاية المفاجاه الحلوه دى
احمد : اهو انا اللى قولتلها تعمل كده بالظبط . تدخل ترفع شعرك وتلبسهالك وتقولك ماتقلعيهاش
نوران : ( بتلف دراعها على رقبته وبتحضنه وبتبوسه )
احمد : ايه ده بتعيطى ليه دلوقتى طيب
نوران : مش عارفه
احمد : يابت سبق وقولتلك انى كنت مستغنى بيك عن الدنيا حتى من غير ما اقولك انى بحبك
نوران : كنت هتجنن يا احمد
كنت بسأل نفسي هو بيحبنى ولا لا ؟؟ بس كنت بشوف افعالك بتأكدلى انك بتموت فيا وبتخاف عليا .. بس كنت بقول طب ليه مابيتكلمش
كنت خايفه عريس ييجى ويدخل دماغ بابا وانا ارفضه وساعتها انا مش هيبقالى حجة انى برفض ... هقوله ايه ساعتها ؟ برفض ليه وعشان مين
وانت عارف اننا ف بلد ارياف مش ف المدينه يعنى الكلام هيبقى كتير
احمد : بصي يا حبيبتى
انا ماكنش ينفع اوعدك بحاجه ولا حتى بكلمة بحبك دى . لان زى مانتى شايفه كده الحال ماكنش اللى هو يعنى
يا فرحتى انى اثبتك واقولك بحبك وهتجوزك وبعد كده معرفش ابنى نفسي . يبقى ايه الحل بقي . اتجوزك ونقعد ف شقتنا مع امى واخواتى . انا عارف انك تقدرى تقعدى معايا انشالله ف بير السلم .. بس لا . انتى ست البنات يعنى يجيلك احلى حاجه واحسن حاجه . عشان كده اول ما اتخرجت سافرت على طول ... قولت الحق اعمل اى حاجه لغايه ما البت تكبر شويه ... وكنت بكلمك ع الشات على فكره
نوران : نعم ياخويا ؟ ازاى دى
احمد : ايه ايه ماتتخضيش ماكنتش عامل اكونت بإسم بنت يعنى ولا حاجه هههههههههههههه لا كنت بفتح اكونت مى وادخل اسلم عليك على انى هى
نوران : ههههههههههههههههههههه ااااااااااااااااااااااه . دانت مخبى عليا حاجات كتير بقي انت واختك ... دانتو عاملين عليا حفله هههههههههههههه كمل كمل
احمد : ايووووون كنت ارن عليها كده اقولها شوفيلى نوران فاتحه ولا قافله
تقولى فاتحه
اقولها طب اخرجى وهفتح انا
الاقيها بتبرطم وتقولى وانا ايه جابرنى ع العيشه دى انا بكلم صحباتى
اقوم شاتمها واقولها بقا كده مش عاوزه تقفى جنب اخوك المتغرب البائس اللى عايش لوحده .. ماشى ماشى تصبحى على خير
البت تقعد تعيط وتقولى خلاص انا اسفه هخرج اهو وادخل انت ههههههههههههههه
نوران : ههههههههههههههههه اه يا نى .... عليك شوية تثبيت يا جدع . اعوذ بالله
احمد : اعمل ايه طيب منا ببقى هموت واكلمك ...
نوران : انت حلو كده ليه يابنى
احمد : حلو ايه بس ربنا يجبر بخاطرك
نوران : لا بجد حلو ف نفسك كده . مابتكلمش ع الشكل والحلاوه دى انا بتكلم هو فيه بجد ناس كده زيك .. دنا بسمع حكايات وروايات من بنات وستات اد كده عن العيشه اللى عايشينها
اوعى يا احمد يكون الكلام والدلع ده اول ليله واول شهر وخلاص بعد اول خلفه والكلام ده بتتغير
احمد : بصي يا نونه
انا طبعا ممكن اقولك دلوقتى انا غير الرجاله ومعرفش ايه وهتشوفى بنفسك والايام بيننا
بس انا مش هقولك كده
انا هقولك حاجه تانيه
هقولك انى انا اللى عاوز اعيش .. انا اتظلمت ف حياتى كتير يا نونه والدنيا جات عليا بغبااااااااء وتقريبا كده من سنين بتهد فيا
ماكنش ليا حاجه تفرحنى غير ضحكة امى واخواتى من ناحيه ... ومن ناحيه تانيه حبك . حبك اللى كان عاتى للدنيا طعم حلو مصبر بيه نفسي وعايش ومكمل بسببك
كان نفسي اسعدك على قد ما اقدر
الدقيقتين تلاته اللى كنت بقفهم معاك ف البلكونه دول كانو بالنسبالى هما متمم اليوم بتاعى
يعنى لو عدا يوم طلعت البلكونه مالقيتكيش كنت بحس ان اليوم ده مش محسوب من عمرى
ف تتخيلى واحد بالشكل ده هيبقى صابر الصبر ده كله عشان يدخل يبسط روحه ويتمتع بحبيبته شهر واحد ؟ دنا أبقى حمار كبير هههههههههههه
لا ياستى وحياة امى وحياتك عندى لاخلى ايامك كلها مهلبيه وملبن
نوران : الله .. بحب اوى الملبن ابو سكر ده هههههههههههههه بخلى امى تحيبه من السوق كل اسبوع
احمد : اه منا عارف هههههههههه منا كنت بقابلها ف السوق كل اسبوعين تلاته كده واشتريهولك واديهولها .. تقولى بتعمل ايه ياض سيبنى اشترى ل بنتى . اقولها هى حيالله بنتك بس انما دى بالنسبالى اكتر من كده هههههههههههههههههه
نوران : نعم ياخويا ؟
احمد : ههههههههههههههههههههه ههههههههههههههههه انتى لسا ماتعرفينيش . يابت انا كنت محاوطك بطريقه غريبه . هههههههههههههههه كان اى عريس يتقدم كنت اروح اكلم امك اقولها نعم ؟ عاوزه ايه انتى وجوزك ف ليلتكو دى . هههههههههههههه تقوم ضاحكه وتقولى خلاص طفشناه .وكانت تقولى شد حيلك انت . البت استوت وحرام كده ... كنت اروح العب عشرتين طاوله . وكنت اخلى ابوك يغلبنى ههههههههههههههههه واحنا قايمين يقولى ماغلبتش ليه ياض انت كنت قادر .... كنت اقوله انا كنت بقدم السبت يا عمى ابو نوران ههههههههههههههه يقوم ضاحك ويقولى ماشى ياخويا .
نوران : هههههههههههههههههه ياخرااااااااااااااااااااااابي عليك .. ايه ده ياواد انت حرام عليك والمصحف . بقا كل ده كنت بتعمله من ورايا
احمد : ههههههههههههههه امال انتى فاكره انهم كانو بيطفشوا العرسان اللى بتجيلك دى ليه ؟ انتى مش شايفه حلاوة أمك . دى البلد كلها مالهاش سيره غير حلاوتك وحلاوة امك هههههههههههههه كان لازم اكسب ابوك وامك عشان مايتجننوش ف عقولهم
نوران : امال ياخويا كل فتره كده امى تيجى تكلمنى تقولى ابوك جه عريس وكلمه عليك وهو بيفكر
احمد : هههههههههههههههههه لا ده كان اختبار من امك . كنت بخليها تقولك كده وتشوف رد فعلك . والحمد لله رد فعلك كان بيبقى هو هو كل مره
تبريق ف العين . صمت تام .. وطفى النور عاوزه انام يا ماما هههههههههههه
نوران : ياخراااااااااااااااااااااااااااابي . هى كانت بتحكيلك ؟
احمد : ههههههههههههههههههههه غلبانه انتى يا نونه
نوران : انت هتخلينى اعض شفايفك دى . ايه ياواد انت ده ؟
احمد : يا حبي كان ممكن اغرقك بكلمة بحبك دى كل ساعه . كنتى هتسمعيها كل دقيقتين ههههههههههههههه بس حبيت انك تشوفيها بنفسك
تشوفى كلمه بحبك وهى بتتعمل مش بتتقال
نوران : لا منا اتضحلى بعد كده انك كنت مسيطر على كل فكرى وعقلى وقلبى . يخربيت كده دنا لما بقعد مع نفسي بقول ايه ده . الواد ده ف بالى من ساعة ما بصحى من النوم لغايه ما انام ... ولا اللى عامللى سحر ... لما باكل اقول احمد بيحب كذا . كانت اخواتك يقولولى كل حاجه عنك بس بدور صياعه يعنى هههههههههه
احمد : المهم السندويشت ده معملش حاجه انا عاوز كمان سندويشت اتنين تلاته حلوين كده ..
نوران : النهارده اصلا كان يوم تعب من اوله لاخره
احمد : لا بس ظبط ف الاخر ههههههههههههه
نوران : انت قليل الادب على فكره هههههههههههههه
احمد : الله ! انتى عاوزاه ايه يابت انا بقولك انه ظبط ف الاخر اهو وبقينا سوا . لوحدنا ... غلطان انا كده
نوران : لو كده ماشى خلاص . تمام تمام
احمد : انتى عارفه !
فيه كذا شخصيه لكل بنت من خلالها الواحد بيعرف يتعامل معاها ازاى وامتى
نوران : ازاى ده ؟
احمد : عندك مثلا البنت الشعنونه
عمرك ما تشوفيها مسرحه شعرها ابدا
ممكن تلاقى ف ايديها طماطمايه بتقور فيها زى الفيران
لابسه بنطلون ورجل مرفوعه ورجل نازله
لابسه بيجامه اخوها او جوزها مثلا
تلاقيها واقفه ف امان الله ف المطبخ عماله ترقص وتغنى
تلاقيها هاجمه عليك كده وتقولك هات فلوس يا حمو بالذوق احسنلك
نوران : ههههههههههههه ... وايه تانى ؟
احمد : عندك تانى البنت القويه
هى البنت اللى من صغرها مابتلعبش مع اللى من سنها
هى اللى معتمده على نفسها ف الكبيره قبل الصغيره
هى الانسه الهاديه ف اوقات كتيره
هى المادموزيل اللى جوه البيت مهمله ف لبسها وشعرها دايما منعكش
هى العروسه اللى ماهمهاش ان الفرح يتعمل ف احسن حته ف البلد
بس ..
لما تفكر تخرج م البيت بتخرج على سنجه عشره
تقريبا هى احلى بنت واحلى ست ف كل اللى حواليها بس مابتحبش تتفشخر بجمالها
تقريبا مالهاش نقط ضعف .. عشان مابتحبش تبقى ضعيفه
نوران : : يخربيت دماغك .. كمل كمل ؟
احمد : عندك نوع تالت اسمها البنت المجنونه
ماعندهاش أدنى احساس لا بالمكان اللى هى فيه
ولا بالوقت ولا اى حاجه من دول
وقت ما بتطلب معاها اى حاجه هتعملها ..
وهتخليك تعملها غصب عن قفاك
ممكن تصحيك الفجر تقولك عاوزه انزل البحر يا ممدوح ههههههههههههههههههه
او مثلا مثلا يعنى تصحيك بردو الفجر تقولك عاوزه شوكوكولاته
او مره تقولك عاوزه اركب عجل ..
نوران : ههههههههههههه والنبى احب العجل موت .. ياكش بس البلد هى اللى فقر وماينفعش نركب عجل فيها
احمد : عندك رابع نوع بقي البنت الشرشوحه
وربنا منا قايلك هى بتعمل ايه مش ناقص شرشحه انا وممكن انتى اللى تشرشحينى
نوران : هههههههههههههههه طب وايه تانى ؟
احمد : فيه نوع تانى اسمها البنت النصابه
على طول كده تحس انها منكسره وضامه شفايفها الاتنين على بعض
ال يعنى غلبانه يعنى ومتشحتفه . ايوه زى ما نتى عملتى كده دلوقتى يا روحى
وتيجى تبوسك كده برقه وتقولك عاوزه 1000 جنيه يا حمودى
نوران : هههههههههههههههه ها كمل
احمد : سادسا بقا البنت الدلوعه
يا خرابى يا جدعان ع الرقه والدلع
ايه الجمال اللى هى فيه ده
على طول شعرها متسرح , لو دخلت عليها وهى نايمه بردو هتلاقيه متسرح
لبسها شيك جداااااا جوه البيت قبل بره البيت
وجوه البيت بقا حاجات استغفر الله العظيم يارب ... تشوفها تبقى عاوز تجرى عليها تحضنها وتبوسها
نوران : احم احم
احمد : اه انا عارف انا السؤال اللى هيطلع من عينك من ساعة ما بدات اتكلم ههههههههههههههههه اللى هو انا مين فيهم يا حمو ؟ صح ؟
نوران : احم احم هههههههههههههه صح يا حمو . انا مين من دول ؟
احمد : ياحبيبتى انتى كلهم . انا اصلا بتكلم عن النوعيات دى بناء على معرفتى بيك
يعنى بمنتهى البساطه كده واللى انا شايفه منك
انك مزه شعنونه مفتريه مجنونه هلاهوطه شرشوحه صغننه نصابه ودلوعه هههههههههههههه
نوران : ههههههههههههههه ياسلام ياخويا ؟ انا كل دول ؟
احمد : طبعاااااااااااااا
نوران : طب شعنونه ف ايه ان شاء الله
احمد : شعنونه انك كنتى لما تضايقى منى او اضايقك انا واحكيلك حكايات عن زميلاتى ف الشغل وانا ببقي قاصد اضايقك اصلا واحنا واقفين ف البلكونات ... وبعدين اقولك ثوانى هدخل اشرب واجى ... وهوب ارجع الاقي ازاى الباب متكسر هههههههههههههههه اقولك فيه ايه تقولى ده عيل حدف طوبه ومشى
نوران : هههههههههههه احم احم . طب ونصابه ف ايه ان شاء الله ؟
احمد : نصابه عشان عندك كم طريقه كده بتنصبى بيهم عليا لما تكون عاوزه حاجه . يالهوى دنا شوفت كمية نصب يومين الخطوبه دول هههههههههههههه
نوران : لا دانت هتحكيلى بقي ..
احمد : هو ده وقته ؟ قومى بقي عاوز انام . الساعه داخله على 6 .
نوران : والنبى والنبى يا حمو مش جايلى نوم والله . نوم ايه بس دنا ما صدقت اشبع منك
احمد : ومين قالك انى شبعت ولا هسيبك تشبعى اصلا . لا يا حلوه داحنا فاصل ونواصل وبعدين يا قلبي احنا هنروح من بعض فين يعنى ؟ ماحنا قايمين نايمين صاحيين جايين رايحين مع بعض
نوران : ماشى يا حبي ... شيلنى بقي
احمد : هو اى فرهده يا نونه والسلام
نوران : ههههههههههههه اه شيلنى يلا .. وماتطولش ايدك
احمد : طيب ياختى .. .. تكالنا عليك يارب
.....................
*السناجل الحلوين ... المراره مكانها ؟ 😃
ماتنسوش التفاعل يا جماعه وشارك برايك ف الحلقه