روايه انا و هي

(الحلقه الثالثة عشر) ..( اصل الشله ) ❤

#رواية_انا_وهى_الجزء_التالت
(الحلقه الثالثة عشر) ..( اصل الشله ) ❤
............
(في الحلقه السابقه )
اميره : دلوقتى ؟ صاحبه ... وغالبا هيبقى صاحبه على طول . هو ده اللى ينفعنى ويستاهلنى . له كاريزما جباره كده حتى طريقة نظرته ليا كان فيها تقل اللى هو مش دابب عينه فيا وخلاص .. لا لا لا وحياة امى لايمكن يخرج من تحت ايدى
ايه ده ؟ فيه رقم باعتلى رساله مين ده ؟
هند : رسالة ايه ؟
اميره : استنى !
" متشكر على اليوم الحلو ده يا ميرو كان نفسي اطول معاك بس عشان اختى واحمد كانو معانا بس... ملحوقه بقي انا عازمك بكره على يوم حلو ف المنصوره لو ترضي يعنى.. بس سكتم بكتم ها ماتقوليش لحد "
اميره : هند ! اقرصينى ... ده هو
................. ( الثالثه عشر ) ❤
هند : هو مين ده انتى هتزيطى ؟
اميره : هههههههههههههه والله هو ... وكشفت ع الرقم اهو لقيت اسمه . يالهوووووووووووووووووووووووووى . اعمل ايه اعمل ايه
هند : هو ايه اصله ده . اول مره اشوفك كده يابنت الهبله ههههههههه ايه العيله اللى جواك طلعت
اميره : هههههههههههه طلعت ... استنى هرن عليه وكأنى متفاجاه ومش عارفه مين اللى باعت الرساله
..........
( ع القهوه )
احمد : ايه ياعم عمال تلعب ف ام تليفونك ما تخليك معانا شويه .
حمو : اتنيل يا عجل يا اهبل ..
عماد : هههههههههههه والله زمان يا حمو . بقالك من ساعة ما سافرت السعوديه انت ماجيتش هنا . يعنى 3 سنين وبقالك سنه اهو . يعنى اربعه بالصلاه ع النبى
حمو : اه . عشان ارجع اشوف خلقكو
احمد : طب سيب التليفون بقا وركز معانا شويه . يا اخى عاوزين نشبع منك . تلاعبنى 31 ؟
حمو : يا جدعان مافيش دكر فيكو بيعرف يلعب . عاملين فيها اردجيه وخلاص ... كملو انتو لعب اما اشوف التليفون ده بيرن .... شكل الواد شهاب
احمد : شهاب مين ؟
حمو : هههههههههههههه اللى كلك علقه النهارده ف المنصوره يا قفل
احمد : اه يابن الجزمه ههههههههههههههههههه
..............
حمو : الو !
اميره : احححم ! الو
حمو : بايخه الفكره اللى كلمتك بيها دى صح هههههههه
اميره : هههههههههه لا ابدا
حمو : اخبارك ايه يا ميرو
اميره : بخير يا احمد الحمد لله ...
حمو : حمو بقا ماهى سلمى مش هنا
اميره : ههههههههه حاضر
حمو : عازمك بكره ف المنصوره هنروح نفطر سوا ونيجى موافقه ؟
اميره : اححم طبعا موافقه
حمو : لو مش موافقه قولى عادى
اميره : لا لا موافقه
حمو : يابنتى لو فيه مشكله خلاص نلغى الخروجه ههههههههه
اميره : هههههههه ايه الرخامه دى .. موافقه ياعم . ياريت
حمو : هههههههههههههه خلاص اشطا .. على 8 كده نتحرك .. اقابلك فين ؟
اميره : بص ! فيه معرض عربيات بره البلد هروح اوقف هناك بعربيتى وانت تعدى بعربيتك ونروح سوا معاك ف عربيتك
حمو : ايوه ايوه خلاص عرفته .. 8 بالدقيقه هكون هناك
اميره : احححم . اوكى
حمو : بقولك ايه ! ماتقوليش لحد .. خااالص
اميره : ههههههههههههه لا حاضر حاضر ....
حمو : يلا تصبحى على خير
اميره : وانت من اهله يا حمو
..........
هند : يا لهوى ايه ده ؟ انتى عملتى كده ليه ؟
اميره : اظن واضح يا اخت هند ان انا ف حالة انهيار عاطفى صح ؟ قدرى الموقف ههههههههههههه
هند : اول مره اشوفك بالحاله والبلاهه دى . دانتى ماخدتيش ف ايد الواد غلوه يخربيتك .. وعاملالى فيها تقيله . ياشيخه اجرى
............
( ع القهوه )
احمد : ايه كنت بتكلم مين ؟
حمو : واحد صاحبى ماتعرفوش
احمد : ماتقول يا بايخ
حمو : مال اهلك انت . خليك ف اللى انت فيه ..... ارمى البلاطه يا عمده واقفلها ... عد ورقك يا محاميحو هههههههههههههه عماد زنقك ؟
احمد : انا مش عارف ايه ده .. دى سابع ابيض يلعب بيها انت بتجيب الابيضات دى كلها منين ياض
حمو : ادخلى انت بقا يا عمده . اما اروق عليك شويه
عماد : ورينى اخرك ...
حمو : حجرين بقا يا كريم وفنجان قهوه
..................
( ف الشقة احمد .. البنات مع بعض بيرقصوا .. ونوران وسلمى ف المطبخ بيعملوا كيك )
نوران : كده تمام يا سوسو ؟
سلمى : انتى بتسالينى انا ؟ وانا مالى
نوران : ههههههههههه تعرفى انى بحسد حمو عليك وبحسدك على حمو
سلمى : يا حبيبتى انتى اللى تتحسدى انتى واحمد شخصيتين حلوين بردو
نوران : ههههههههههههه انتو الاصل يا روحى
دى كفاية مجيتكو لغاية هنا عشان اصحابكو .. ايه يا سلمى هو فيه كده ؟ انا كل ما افكر فيكو وف كلامكو وف مجيكو لغاية هنا مخصوص عشان احمد وعشانى ببقى عاوزه اجى ابوسكو
سلمى : تبوسى مين يا عنيا ؟
نوران : ههههههههههههههههه هبوسكو . بس هبوسك انتى وانتى تبقى تبوسى جوزك بقي هههههههههههههههه
سلمى : ايوه كده اتظبطى
نوران : تعرفى انى حبيت طريقة حبكو لبعض اوى
ياما سمعت عنكو ..
ماشوفتيش انتى لمعة عين احمد جوزى ف كل مره بييجى يكلمنى عنكو
عن احمد صاحبه
مره قالى يابنتى احمد ده ممكن يفدينى بعمره لو وصل الموضوع بتضحيه بالعمر
سلمى : دى حقيقه ومش كلام على فكره .. وعملها قبل كده مع واحد صاحبنا
نوران : ازاى ؟
سلمى : سيف .. صاحبنا .. ظابط شرطه هو دلوقتى
فاكره ايام يناير والثوره وضرب النار اللى كان ف البلد ده
نوران : اه . كنا مرعوبين وناس هنا ف البلد جات طلعت المساجين اللى هنا وضرب نار وكانت حرب شوارع ما بينهم وبين رجالة البلد .. حالة رررررعب
سلمى : اهو كان سيف لسا متخرج بقاله سنه وكان ف القسم .. وبالصدفه البحته والغريبه احمد كان قريب منه . والدنيا هاجت مره واحده وسمعنا ان اقسام الشرطه كلها بتتخرب وبتتنهب والظباط بتتضرب وكده .... راح جابه وفعلا كانت الناس حوالين القسم ودخل وسطيهم اداله قميصه لبسه . لولاه كان سيف الله اعلم كان حصل فيه ايه
نوران : ههههههههههههههههه هو ماشاء الله جدع .. بتحبيه يا سلمى اد ايه ؟
سلمى : هههههههههههههه بحبه ؟
إلا بحبه
يابنتى الحب للى زي احمد مش قد المقام
عارفه انتى لما تبقى روحك متعلقه بضحكه بهمسه بنظره بلمسة ايد بطريقة كلام
عارفه انتى لما تبقى حافظه رإكشنات رد فعله من قبل حتى ماهو يفكر يعملها
عارفه احساس انك بتحاولى تعملى حاجه تضحكه عشان تسمعى ضحكته وهو بيضحك ويبصلك وف سرك تقولى يخربيت كده
غيرتى على احمد مش غيرة واحده متجوزه واحد او واحده بتحب واحد
لا
دى غيرة روح على روح
احمد ده روحى يا نوران . كيانى . قلبى . ابنى . اخويا
صاحبى قبل ما يكون جوزى
عشيقى قبل ما يكون حبيبى
ابنى اللى بقوله يا بابا
محتوينى احتواء شااامل وكامل ومش مخلينى ناقصنى حاجه
لا ناقصنى كلمه ولا ضحكه ولا اى حاجه
حتى خناقتنا سوا بنبقى حابينها احنا الاتنين وكل فتره كده تلاقينا بنتلكك ل بعض عشان نتخانق على اى حاجه
بعد الخناقه ما تخلص خااالص نقوم باصين ل بعض ونضحك ونقول " كنا اوفر النهارده صح " وهاتك يا ضحك
مره اتخاصمنا انا وهو بسبب موضوع كده . جابلى بط وممبار ومحشى وقالى تطبخيهم النهارده اتعشي بيهم على الله اجى بالليل مالقيهمش مطبوخين ههههههههههههههههه
نوران : هههههههههههههههههههههه ايه العسل ده وعملتى ايه
سلمى : اتصلت على ساره صاحبتى وعلى سالى اخته واسماء مرات مصطفى وانا كنت بليه وسطيهم كده ... هههههههههههههههههههههه
كانت ليله من أحلى ليالى عمرى كله
نوران : سلمى هو انتو اتعرفتو على بعض ازاى . قصدى عليكو كلكو يعنى الشله كلها مش انتى واحمد بس
الروايه ملك حصرى ل بيدج هو وهى وصفحة الادمن الشخصيه فقط
سلمى : بصى ! احمد ومصطفى وعلى دول اصل الشله
كل حد فينا دخل الشله دى كان بموقف وحكايه
اول حد اتعرفوا عليه التلاته دول . كنت انا ومنه صاحبتى ساره
وكنا احنا التلاته عينينا من احمد هههههههههههههههههه
نوران : عارفه ! بتمنى اوى انى كنت ابقى صاحبتكو ف الايام دى
سلمى : والله العظيم كنتى هتعيشى احلى ايام عمرك . يابنتى احنا ماكناش بنروح . طب اقولك على حاجه .... تعرفى ان احمد يعرف ابهاتنا كلنا وامهاتنا .... ولو اتأخرنا شويه يتصل عليهم ويقولهم معلش يا عمى احنا بره ف المكان الفولانى وهنوصلها لغاية باب البيت .... انتى ممكن تستغربي ان ازاى ده يحصل وازاى اب او اخ يرضى بكده . بس كانت كلمه السر ف احمد نفسه . مره اتصل بينا كلنا وروحنا جبنا اكلة جمبرى وسبيط وطبينا على بيت البت فريده هههههههههههههههههههههه اخوها يقولنا انتو مين . واحمد يقوله اندهلى اختك هههههههههههههههههههههههههه واحنا ميتين م الضحك ومسخسخين من طريقة احمد وهو بيقوله اندهلى اختك . الواد الدم ضرب ف نافوخه وقاله بتقول ايه يابنى انت اخت مين .. يقوله فريده ... اختك فريده قولها اصحابك بره . لولا ان فريده خرجت لحقت الموضوع واتعرفنا على ابوها وقضينا اليوم كله معاهم هناك . واتصاحبنا على اخوها . كان لسا صغنن يا عينى ف اولى ثانوى ههههههههههههههههههه كل ده كان بسبب ان فريده زعلت من احمد عشان ماصبحش عليها وقالها صباح الفل ..
نوران : نعم ؟
سلمى : ههههههههههههههههههههه اه والله .. اقولك اتعرفنا على جوزك ازاى
نوران : ايوه ياريت هههههههههههههههههه
سلمى : لا بلاش هههههههههههههههههه
نوران : هههههههههههههههههههه لا قولى قولى سخنينى عليه هو كده كده ليلته مش معديه النهارده دنا هخليهولك يكلم نفسه م الرعب
سلمى : هقولك بس سر بينى وبينك ها
نوران : ههههههههههههه انا عارفه انها اكيد بلوى بس قولى قولى
الروايه ملك حصرى ل بيدج هو وهى وصفحة الادمن الشخصيه فقط
سلمى : كنا احنا شلتنا اتكونت . احمد ومصطفى وعلى ومالك وسلمى وساره وفريده ومنه واميره ومى ..... كان جوزك بقي طبعا م المنصوره ف كان باين انه غريب عننا يعنى مش من ناحيتنا او لهجته زي لهجتنا .. ف كنا دايما متعودين بعد اى محاضره نروح نجيب شاى وقهوه ونروح نقعد ف الجنينه .. وكل مره كنا نلاقى احمد جوزك ده قاعد ع السور وبيشرب شاى وعامل نفسه بيقرأ الجرايد
حمو يسكت بقي ؟
نوران : هههههههههههه ودى تيجى
سلمى : لقطه كده وقالنا على فكره يا عيال . الواد اللى هناك ده عاوز يشقط واحده او يلاغى واحده وشكلها مش معبراه ولا شايفاه هههههههههههههههههههههه وبعدين قالنا . بس هو شكله بيحب حد تانى غيرها . هو عاوز يلاغى بس يصبر نفسه هههههههههههههههههه
نوران : بتتكلمى بجد ؟ جوزك قال كده . وعرف منين انه بيحب واحده تانيه
سلمى : احمد بيعرف ف العيون . يقرا عيونك ف ثانيه
المهم قالنا عاوزين نعرف هو قاعد مستنى مين ولا عاوز يكلم مين ولا هو بيدور على اى واحده تعبره والسلام وشكله مش من هنا يا شباب
المهم قال ل منه . منوش الطلعه دى عليك بما انك حلوه وعيونك زرقا وهتجننيه. شوفيه هيعمل ايه
نوران : استنى ! هو ليه مالقلكيش انتى روحى شوفيه بما انك احلى واحده ف الدنيا دى ههههههههههههههههههههههههه
سلمى : احححم ! عشان انا اخصه هو وبس . كان يقولى كده دايما
المهم
منه دخلت عليه طبعا وبشويه نحنحه وسهوكه . والبت كانت تتحب اوى بصراحه . بعد 10 دقايق لقيناها راجعه مسخسخه وبتقولنا الواد ضايع خالص ههههههههههههههههههههههههههههههههه عاوز يتعرف على اى واحده اسكندرانيه هههههههههههههههههههههههههه . قام احمد راح قعد معاه شويه وهما ربع ساعه لقيناهم مسخسخين م الضحك هما الاتنين لدرجة انهم وقعو من ع السور من كتر الضحك
ولقيناهم جايين مع بعض واحمد بيقولى رحبو معانا بالضيف الجديد وزميلنا ف الشله المبروكه دى ابتداءا من النهارده
نوران : بقا كده ؟ امممممم يعنى بسلامته كان بيلعب بديله بقا بعيد عنى .. دانت ليلتك سوده يا احمد النهارده
سلمى : ناويالو على ايه ؟
نوران : عارفه حلة الاكل لما يلزق فيها الاكل بتعملى ايه
سلمى : بتعملى ايه
نوران : بتبوشيها الاول ف الميه وبعد كده بتفضلى تضربي فيها بالسلك والصابون
سلمى : هههههههههههههههههههه
نوران : اهو انا هعامل احمد النهارده معاملة الحله دى
سلمى : هههههههههههههههههه اضرب ... تعالى بقي نشوف العيال اللى بره
هدير : عيال مين احنا واقفين بره من ساعتها مستمتعين بالحوار الجبار ده هههههههههههههه
مى : ههههههههههههههههههههههههههه ايه العيال دى وايه الشله دى
فاطمه : سلمى ! جوزينى حمو والنبى وهشتغلككو خدامه ف البيت
سلمى : ههههههههههههههههههههههههههههههههههه يابنت الهبله ... طلعى الكيكه م الفرن يلا ياستى انا جوعت . الواد ابنى سايبينه فين يا جزم
مى : معانا اهو عينى عليه .. الواد ده انتو مش خايفين يتحسد . ايه الطعامه دى . واخد من ابوه ومن امه
سلمى : الله اكبر الله اكبر
..........
( اخر السهره . الشباب راجعين من بهر والبنات مستنيينهم تحت )
احمد : صباح الفل ع الناس الفل
نوران : اهلا ! منور ... منوووووور
..........................