روايه انا و هي

(الحلقه الثالثه عشر ) ..( الضرب من تحت الحزام )

* تنويه : حلقه النهارده ممكن تكون الاخيره لعدم وجود تفاعل
(الحلقه الثالثه عشر ) ..( الضرب من تحت الحزام ) <3
............
(في الحلقه السابقه )
وائل : هههههههههههععع اخباركو ايه يا عيال
احمد : تمام ياعم انت يالا واطي مش عارف تنزل تحضر فرحي
وائل : هههههههه ابويا ماقالناش خالص . دي حتي اميره ماكنتش تعرف الا قبل ما ننزل بيوم ومن ساعة ما عرفت وراكبها 100 عفريت ههههههههههععهه اه علي فكره ابويا جايلك بكره هو وميرو جايين يباركولك
احمد : ايه ! يا اهلا .. يادي النور ياخويا
................. ( الثالثه عشر ) ❤
( تاني يوم )
نوران :حمو . ماقولتليش هما مين الناس اللي جايين دول
احمد : ايه !
نوران : بقولك مين الناس اللي جايين النهارده وهنعملهم عشا ولا ايه
احمد : طب اقعدي وسيبي اللي ف ايدك وركزي معايا
نوران : خير ! مش متطمنالك
احمد : هههههههههه لا يا حبيبتي مش بالظبط
بس عاوزك تكبرى مخك شويه
اولا هي زياره منها مباركه لجوازنا شويه
ثانيا بقا هو اللي جاي يزورنا هيكلمني ف شغل
هو عاوزني معاه وهيعرض عليا شغل حلو يمكن ضعف شغلي اللي شغاله دلوقتي وبفكر اسييه
نوران : الله ! انت تستحق يا روحي اكتر من كده . طبعا دي مش محتاجه كلام ولازم توافق .. هو مين بقي الراجل ده
احمد : ايه
نوران : ياعم بقولك مين الراجل ده
احمد : عربي
نوران : امال يعني اجنبي ههههههههه مين ياعم اسمه ايه
احمد : عربي والله
نوران : عربي مين . هو فيه حد اسمه عربي ف البلد
احمد : اه . ابو البت اميره
نوران : بتقول مين يا روح امك
احمد : الله اكبر الله اكبر انتي مالك اتحولتي كده ايه
نوران : لا دانت ليلتك مش معديه النهارده . عاوز تشتغل مع ابو البت اميره اللي كانت بتحبك و و و و ومعرفش ايه
احمد : حب ايه انتي كمان دنا اخر مره شوفتها كانت لسا بتعمل ضفيرتين انتي خلاص خليتيها بتخبني وكلام اهبل وبعدين انتي شوفتيني خلاص استلمت الشغل ورايح اشتغل . انتي بنفسك هتشوفي الحوار النهارده هيبقي عامل ازاي
نوران : عارف لولا اني بنت ناس ومؤدبه كان زماني كرشتك دلوقتي م الشقه وخليتك تروح تقابلهم بره بس لا .. ينوروا . ويانا ياهي النهارده عشان انا عارفه هي هتبقي جايه عامله ازاي وهتعمل ايه .. وانت بقا حسابك معايا اخر اليوم .. دنا هفرشلك الملايه
احمد : يالهوي ياني . وانا مالي انا الراجل اللي قابلني وعزم نفسه وعاوزني ف شغل .. اقوله لا ماتجيش يعني
نوران : ولما هو عاوزك ف شغل مكلمكش بره ليه
احمد : من ناحيه انه عاوز يباركلي علي جوازي ومن ناحيه يكلمني ف الشغل علي روقان .
نوران : ماشي يا احمد ماشي
احمد : هاتي بوسه بقي
نوران : بوسه ايه قوم من وشي انا عفاريت الدنيا كلها بتتنطط ف وشس دلوقتي قوووووووم بقولك
احمد : انا كنت قايم اصلا . اعوذ بالله هههههههههه شكلك حلو وانتي متزرزره كده
نوران : انت بتضحك ( بتجرى وراه وهو بيجرى )
احمد : هههههههههههههه طب خلاص بقي عيب خلاص .. استني استني ده بيرن عليا
.................
( ف البيت تحت )
ام احمد : اهلا . يادي النور يا حاج عربي اتفضلو احمد فوق
عربي : يزيد فضلك ياحاجه اه مانا كلمته وهو نازل اهو
ام احمد : اهلا يا ميرو حمد الله علي سلامتك يا حبيبتي
اميره : ربنا يخليك يا طنط امال فين مي وفاطمه
ام احمد : جوه اهم اتفضلو
مي : ميروووووو ازيك يابنتي وايه الحلاوه دي
اميره : انتي اللي قمر يا ميوي ازيك يا بطه
فاطمه : بخير يا مزه والله
اميره : ( بتوشوش مي ) انتي حسابك معايا تقيل وهيبقي زفت علي نافوخك
مي : ههههههههههه يادي النور يا ميرو والله . اهو احمد نزل اهو
احمد : اهلاااااا اهلاااا نورتني يا حاج . ازيك يا اميره ايه الغيبه دي بس
اميره : ( بتبصله ورافعه حاجبها وعاوزه تاكله ) اهلا يا احمد ازيك انت
احمد : بخير والله . اتفضلو يا جماعه اتفضلو
اميره : امال فين عروستك
احمد : نازله حالا . اتفضلو
................
عربي : ف الاول كده الف الف مبروك يابني وربنا يكتبلك الخير وتفرح بالذريه الصالحه اللي تشيل اسمك كده وتفرح بيهم
اميره : ( بتبص لابوها ومش طايقه حد )
احمد : تسلم يا حاج عقبال ما نفرح بوائل واميره دي هتبقي فرحة البلد كلها
اميره : لا انا كرهت البلد باللي فيها ومش هتجوز منها
مي : ( بتوشوش فاطمه ) البت قاعده مش طايقانا وهاين عليها تقوم تحدف اخوك باي حاجه علي نافوخه
عربي : ثانيا بقا وده اللي انا جايلك عشانه وهكلمك فيه قدام الست الوالده عشان ماتكسفنيش . انا عاوزك معايا ف شغل
ام احمد : شغل ايه يا حاج ده اللي عاوز احمد فيه
عربي : طبعا عارف اني بوسع تجارتي دلوقتي وبفتح معرض عربيات جديد ف المنصوره غير مخزن بضاعه جنب بعض وعاوزك تمسك دول ودول .. ومش هلاقي آأمن منك امسكه الفلوس دي كلها
احمد : هو يا حاج اولا كده انا متشكر جدا لثقه حضرتك فيا
اميره : بعد اذنكو بس قبل ما تكملو كلامكو امال فين العروسه
احمد : فوق
اميره : طب انا هاخد البنات واطلع اسلم عليها فوق واسيبكو تتكلمو ف الشغل بقي
احمد : ايه ! اه طبعا اتفضلي .... معاها يا بنات
..............
مي : ( يتخبط ) نونه افتحي
نوران : حاضر ثواني
..........
اميره : ( بتبص لنوران وبتتفرس انها طلعت حلوه )
نوران : ( بتبص لاميره وبتتفرس انها حلوه وشيك )
مي : احححم اتفضلي يا ميرو .. دي بقا اميره يا نونه بنت الحاج عربي تاجر سيارات ومقاولات كبير ..
اميره : ايه ده بس كده ؟
مي : بس كده ايه ؟؟!
اميره : فين اهم حاجه .. زميلة احمد ايام الثانوي وتقريبا كده كنا سوا ال 3 سنين
نوران : ( بتضحك مم تحت لتحت ) اه طبعا ماهو كان بيحكيلي عنك كتير
اتفضلو اتفضلو . تشربو ايه . تشربي ايه يا اميره
اميره : لا مش عاوزه اتعبك
نوران : تعب ايه بس تعبك راحه . ها تشربي ايه
اميره : بصي ! انا بحب اشرب شاي بالقرنفل زي احمد .. اعمله ايه بقا هو اللي عودني عليه ههههههههههههه مسكر اوي الشاي ده
فاطمه : ( بتوشوش مي ) مي انا هموووووت مش قادره هههههههه الاتنين عمالين يدو من تحت لتحت . البت اميره دي مش سهله
مي : هي يعني مرات اخوك اللي سهله دي هتخلي البت اميره تفرقع مكانها دلوقتي اتفرجي واستمتعي
نوران : بس كده .. احلي كوبايه شاي بالقرنفل
اهي كوبايه الشاي بالقرنفل دي يا ميرو ياختي بالليل كده بعد تعب اليوم وانا واحمد قاعدين مع بعض بتبقي بالدنيا واللي فيها ربنا يخليهولي يارب ..
مي : ( بتوشوش فاطمه ) شكلها هتولع ههههههههه البت اميره وشها بيحمر
اميره : فعلا معاكي حق . دنا كنت اجي اذاكر معاه هنا كان يقومي يعملي احلي كوبايه من ايده .. ده حتي كان بيسيبلي كوبايته هو اشرب منها عشان عارفني كنت بقرف اشرب من اي حاجه بره البيت .. بس دي كوبايته بقا لازم اوافق هههههههههههه
نوران : والله بجد . امممممممم دي حاجه حلوه اهي كنتو اصحاب ولا كنتو زمايل
اميره : اكتر بكتير يا نونه .. تسمحيلي اقولك يا نونه
نوران : اه يا روحي عادي الناس كلها بتقولي يا نونه . بس احمد بقا ليه اسم خاس كده بيندهني بيه هههههههههه
اميره : اممممممممممم طويب
نوران : ماقولتيش بقي تشربي ايه يا حبييتي
اميره : اي حاجه بقي اللي ييجي مم ايدك اكيد هيبقي زي العسل
نوران : يا حبيبتي متشكره جدا .ثواني هعملك عصير وجايه
اميره : اتفضلي
.........
مي : احححم ايه رايك ف مرات اخويا
اميره : ( بتمسكها من شعرها ) ابعدي عني دلوقتي يابنت الجزمه دنا هنفخ امك دلوقتي .. البت حلوه اوي
مى : ههههههههههههه سيبي شعرى يابت العبيطه وحياة امي انده لاخويا ييجي يطرقعلك زي الاول
اميره : اخوك ؟ دنا هطلع عين امه
نوران : ( بتدخل عليهم ) ايه ده ماسكه شعرها ليه يا ميرو
اميره : ايه ! لا يا حبيبتي دنا كنت بظبطلها القصه بتاعتها . عسل اوي ماشاء الله عليها مش كده يا مي
مي : اه طبعا امال ايه
نوران : اتفضلي العصير بتاعك .. بطه هاتي البوم صور الفرح من جوه نفرجه لميرو
اميره : ( بتضحك ومولعه من جواها ) اه طبعا يا ريت
فاطمه : حاضر ثواني انتي حاطاه فين يا نونه
نوران : ع الكومدينو جنب صورتي انا واحمد مع بعض
مى : ههههههههههههههه
اميرة : ( بتوشوش مى ) بطلي ضحك يابت انتي بدل ما اتغابي عليك وعلي مرات اخوك دي
مي : هههههههههههه
اميره : اه صحيح يا نونه قوليلي بقي هو احمد بيغنيلك
نوران : ياسلام طبعا . ياسلام عليه بقي وهو بيدندن لوحده كده
اميره : اه عارفاها انا الدندنه دي كنت بخليه يغني كتير طول ماحنا بنذاكر مع بعض
نوران : اه فعلا كان بيقولي كده انه كان بيحب يغني ويدندن لكل الناس فعلا معاكي حق
مى : ههههههههههههههههه العصير بتاعك ده حلو اوي يا نونه مش كده يعني
نوران : ده عصير مانجه انما ايه بقي حلو اوي
اميره : ( متغاظه جدااااااااا وبتاكل ف نفسها وبتلعب ف ايديها بتوتر ) نوران : وانتي بقي يا ميرو سمعت انك بقالك شهرين ف لندن .. كنتي ف شغل بقي ولا كنتي بتتفسحي انتي
اميره : لا فسحه . كمت مسافره مع اخويا هو بيشتغل وانا بتفسح شويه . الجو هناك حلو ومزاج عالي بقي .. كان نفسي اتجوز كده واسافر مع اللس بحبه نقضي شهرين عسل زي دول بس للاسف بقي
نوران : امممممم اسف ليه
اميره : اصل اللي بحبه بقي مطلعش فيه نصيب بيني وبينه . بس اهو انا وراه للاخر .. مش بسهوله كده تسيبي حبيبك لغيرك .
نوران : اممممممممم طب وياترى الحب ده كان متبادل
اميره : يعني ايه
نوران : يعني هو كان بيحبك زي مانتي بتحبيه كده
اميره : بزمتك يعني يا نونه حد يسيب مال وجمال بالشكل ده ومايحبنيش ههههههههههههههه
نوران : ما يمكن يا روحي لو كان قلبه متعلق بواحده تانيه مش شايف غيرها . ساعتها مش هتغريه اي حاجه ف الدنيا
اميرة : اه فعلا معاك حق بس انا من حقي ادافع عن حبي مش كده
نوران : حقك طبعا ماقولناش حاجه بس الاول اعرفي الطرف التاني ده كان بيحبك بجد ولا مجرد مشاعر حلوه كان بيحسها بوجودك وبوحود اي حد بيحبه ويعزه
مي : ( بتوشوش فاطمه ) انا استويت خلاص ههههههههه الاتنين خلصو علي بعض . بس نوران قضيت عليها خلاص يخربيت الافترا هههههههههه اخوك متجوز وحش
فاطمه : ههههههههه ومش اي وحش . ده وحش له انياب وضوافر وف نفس الوقت زي القشطه هههههههههه
نوران : ( بتسمع كلام البنات وبتغمزلهم وبتضحك ) تاكلي كيك يا ميرو
...................
( ف الشقه تحت )
عربي : بس يا سيدي . ده كل اللي مطلوب منك . انا مش عاوز منك غير انك تمسكلي حسابات المعرض . ودفاتر المخازن . تعرفلي ايه اللي طلع وايه اللي دخل . يابني الناس كلها بقت حراميه وبصراحه انا جايبك وباصم بايدي عليك . انت الوحيد اللي هبقي متطمن وانت ماسك الشغل ده
احمد : طيب يا حاج اديني يومين كده افكر بس واقلبها ف دماغي وارد عليك .. لان زي ماقولتلك اني كنت ناوي فعلا افتحلي المحل ف المنصوره ..
عربي : عادي جدا .. ممكن اساعدك ف فتح المحل واهو هتبقي تباشره لنفسك وهو كده كده ف المنصوره .. وتباشر شغلي وشغلك .. وطبعا مش هنتكلم ف المرتب عشان عيب وانت عارف اني هقدرك كويس جدا
احمد : اممممممم الصراحه هو عرض مايترفضش بس معلش عشان خاطرى سيبني يوميني بس وهرد علي حضرتك
عربي : خلاص علي راحتك .. بس هما يومين بس مش اكتر وهتلاقيني جاي اخدك من ايدك من هنا هههههههههه خلاص ؟
احمد : ههههههههه لا حاضر خلاص . هرد علي حضرتك بكره بالكتير
عربي : تمام .. اندهولنا بقا علي اميره عشان نمشي احنا
ام احمد : تمشي فين ياحاج من غير عشا . عيب انت عاوز تشتمنا ف بيتنا ولا ايه
عربي : هههههههههههه يا ام احمد الايام جايه كتير دي مش اول زياره ولا اخرها ..
احمد : خلاص يا حاج اللي يريحك .. هرن ع البنات يبعتو اميره
( ييقوم يكلم البنات بره )
الو !
ايوه يا مي ..
الامن مستتب
مي : ههههععععع مستتب ايه دنا قلبي وقف م الضحك هبقي اححكيلك هبقي احكيلك .. المهم عاوز ايه
احمد : نزلي اميره يلا عشان هيمشوا
مي : حاضر
...............
( اخر الليل ف الشقه احمد داخب بيتسحب )
نوران : تعالي تعالي انت داخل تتسحب
احمد : حبيبة قلبي
نوران : والنبي ايه . خش ف عبي يا واد
احمد :هههههههه ياريت . افتحي عبك
نوران : بقولك ايه .. بطل برود .. بقا هي دي اميره بقي ياخويا
احمد : اه شوفتي طيبه وغلبانه ازاي
نوران : دانت اللي طيب وغلبان دي بت مش سهله . انا مش عارفه هلاقيها منين ولا منين بيحبوك علي ايه نفسي افهم
احمد : عشان انا بحبك
نوران : ايوه ثبتني
احمد : هههههههه لا يا حبيبي مش تثبيت والله دي الحقيقه انا طول عمرى مش شايف غيرك والله
نوران : هنشوف بقا ايه اللي هيحصل الايام اللي جايه لان البت دس مش سهله
احمد : فكك بقا دي جايه مع ابوها يعني مافيش حاجه
نوران : بمناسبه ابوها بقا قالك ايه ولا عرض عليك ايه
احمد : ده موال طويل هبقي احكيلك عليه بالتفصيل عشان نفكر فيه انا وانتي سوا لان دماغك بتعجبني
نوران : طب ماتقول طيب
احمد : تعالي نتعشي الاول بس انا جعان
نوران : ماشي يا روحي غير هدومك وحصلني ع المطبخ
احمد : ثواني وهتلاقيني
..................
( بعد اسبوعين عاشور وادهم )
عاشور : فات بدل الاسبوع اتنين وتلاته وانت ولا حس ولا خبر يعني . ماقولتلناش هنعملها ازاي ؟
ادهم : لا هي قربت تتحل لوحدها .. بقولك ! هو بيشون البضاعه اللي بتجيله من بره فين ؟ ف انهي مخزن
عاشور : الواد فتحي ابني بيقول بيخزنوها ف مخازن المنصوره من غير ما العمال تعرف ولا حتي الواد اللي ماسك المخزن دلوقتي . بيجيبيلو الطلبيه وهو بيستلمها ف طرود ومقفله كويس .. واللي بيأمن دخولها وخروجها هو اللواء الشرنوبي اللس تبعه
ادهم : انت بتقولي ان الواد اللي ماسك المخازن بتاعته هناك مايعرفش هى فيها ايه ؟
عاشور : لا . ده واد عفيجي ولو عرف ماكنش اشتغل معاهم مانت عارفه . الواد احمد . فتحي ابني يعرفه كانو زمايل
ادهم : يا صلاة العيييييد ! طب ماهي اتحلت لوحدها اهي .. نادي علي ابنك فتحي خليه ييجي ضرورى
.........................
المتابعين : تتوقعوا ايه الحلقات الجايه ؟
اثبت متابعتك للروايه بتعليق .. حلقة النهارده ممكن تبقي اخر حلقات الروايه لو مافيش تفاعل يا جماعه