روايه انا و هي

الحلقه العشرون ( قبل الاخيره ) ) ..( صاحب جدع و وكيل نيابة جدع )

اللى متابع الروايه يسيب لايك وكومنت يا شباب
(الحلقه العشرون ( قبل الاخيره ) ) ..( صاحب جدع و وكيل نيابة جدع ) <3
............
(في الحلقه السابقه ) ...
نوران : ماما وبطه نامو ولا لسا يا مي
مى : اه يا حبيبتى نامو . انا هنام معاكو النهارده عشان اجى معاكو بكره المنصوره
نوران : ماشي يا حبيبتى . يلا قومى
.............
( النيابه حجزت احمد مع عربي ووائل ف نفس الاوضه لوحدهم وفيه كاميرات وميكروفانات بتجسلهم باذن من النائب العام شخصيا )
وائل : يا حاج ! ماتتكلمش باى حاجه لاحسن يكونو بيسجلولنا ولا حاجه
.............. ( العشرون ) <3
احمد : منور يا حاج عربي . منور يا وائل
ساكتين ليه يا جماعه خير .. كل واحد له من ربنا اللى يستحقه وربك مابيظلمش
وائل : تقصد ايه ؟ ما تخلينا ساكتين
احمد : مين قال انى عاوزك تسكت يا وائل ... مين قال ؟
انا عاوز الحقيقه .. اقولك حاجه . انا مش عاوز اطلع من هنا غير وانا مترديالى كرامتى واعتبارى ومش هقبل انى اطلع كده خطأ ف الاجراءات ولا رشوه من هنا ولا من هنا
عربي : وانت ايه اللى ممكن تقبل بيه يا ابو حميد وتقبل بس انه يتقال
احمد : الحقيقه يا حاج . الحقيقه وبس
عربي : الحقيقه انى معرفش الاثار دى دخلت مخزنى ازاى ؟ ولولا ثقتى فيك العميا كان زمانى اتهتمتك رسمى ان البضاعه دى انت اللى بتدخلها وبتدورها لحسابك من ورايا بس اعمل ايه بقي . مقدرش اتهمك لانى عارفك وعارف اخلاقك . وبعدين انا عارف البير وغطاه .
احمد : ايه ده بس كده ؟ ماتكمل ياحاج
عربي : وجدك الله يرحمه كان ياما كان له افضال عليا وعلى ابويا قبل ما نكون لينا اسامينا دى مش هنسي
وائل : بابا استنى ماتكملش
عربي : اسكت انت يا وائل خلينى اكمل
عارف يا احمد
جدك الله يرحمه كان مره ابويا ماكنش لاقى تمن الكسوه اللى يكسيهالنا لقيناه جاى رامى لابويا مبلغ محترم كانت 200 جنيه ساعتها . زمان كانت ال 200 جنيه ليها قيمه بما يعادل 20 الف دلوقتى
غير ال 5 قراريط اللى اداها لابويا وقاله تزرعها وتحصدها 3 سنين مش عاوز منك لا ايجار ولا حق زرعه
وفعلا . بعد 3 سنين خير عيشنا فيهم من خير الارض كنت انا ساعتها بدأ عودى يشتد مع ابويا وبدات اساعده
والرجوله اللى شوفناها كلنا وعرفناها من جدك كانت هى هى بتاعة ابوك . بس ابوك كان قريب منى وياما نصحنى بينى وبينه بالخير دايما
نفس الرجوله دى لقيتها منك ....
لما عرفت انت عملت ايه مع بنتى يوم الحادثه . واحد غيرك كان ممكن يسيبها ويمشى ويقول انا ماليش دعوه وربنا وحده عالم لو ماكنش فيه شرطه كان ممكن يحصلها ايه او كان ممكن تروح فيها
لقيت رجولتك ف خوفك عليها وبتنادى وبتقول اسعاف بسرعه بالرغم انك تقريبا كنت رايح ف داهيه رايح
لقيتها ف خوفك على اميره ايام زمالتكو سوا ف الدراسه
انا كنت قريب من بنتى اوى
كانت كل حكايتها ورواياتها ايام الدراسه وخصوصا ايام الثانوى كانت عن الواد احمد اللى كان هيضربها اول معرفته بيها واتضح انه كان بيعلمها درس عمرها ما نسيته ودايما فاكراك انه ماينفعش تستعلى على حد بفلوسك وفلوس ابوك
لقيتها بتحكيلى الحكايه دى وبتعيط ومره واحده ومن غير سابق انذار وبكل براءه الدنيا لقيتها بتقولى انا بحبه اوى يا بابا
تخيل ؟ تخيل بنت تقول لابوها كده عن شاب ...
ساعتها حسيت احساس عمرى ما هنساه
يومها اتمنيت انك تبادلها نفس شعورك
لانى حسيت يومها انى هقدر اسد الدين بتاع جدك وابوك اللى ف رقبتى واللى شايله طول عمرى مستنى اردهولك .. وماكنتش اعرف انه هيترد بالشكل ده
بص ! انا مش متأكد اذا كان كلامنا ده متسجل ومتراقب ولا لا
بس وعد ودين عليا انك طالع من الليله دى حتى لو اضطريت اشيلها انا لوحدى
وائل : بابا !
عربي : بس يا وائل اسكت .. الكريم ابن الكريم ابن الكريم مايتردلوش الكرم بالشكل ده
احمد : ( عينه بتدمع من الكلام ) انا مش عارف اقولك ايه يا حاج
عربي : هشششش ولا اى حاجه ... الله كريم
...................
سعد : استنتجت ايه م المقابله دى يا ريس
كمال : هو الكلام عايم . ابن اللذينه كان بيتكلم بشكل عايم . بس هو واضح ان الواد برئ مالوش اى صفه بالقضيه .. وفعلا هو ماكنش يعرف اللى فيها
اما قضيتين التهجم على انثي وسرقة المخزن ف انا عندى مقابله مع المحاميه دلوقتى بخصوص الموضوع ده . هى طلبت تقابلنى شخصيا وبتقولى انها عندها ادله جديده
سعد : تمام يا ريس .. ارجعهم على الحجز ؟
كمال : اه رجع عربي وابنه . وهاتلى احمد
سعد : تمام يا باشا
...............
( امام النيابه )
كمال : اتفضل يا استاذ احمد ؟
احمد : تسلم يا فندم متشكر
كمال : ايه فندم دى ياعم . اخوك كمال
احمد : دا ليا الشرف يا كمال بيه ..
كمال : تولع سجاره ؟
احمد : متشكر مابدخنش .. انا بشيش بس ف لو فيه امكانيه لحجر معسل ينوبكو ثواب ههههههههههههههههه
كمال : هههههههههههههههه انت شخصيه غريبه جدا تعرف كده ؟ اه استنى لحظه ... اخرج انت بره يا عبد الله انا جايب الاستاذ احمد ادردش معاه شويه بره التحقيق
عبد الله : اوامرك يا كمال بيه
احمد : شخصيه غريبه ليه بقي سعادتك
كمال : يعنى بتنكت وبتهزر . جرأتك ف الرد عن نفسك وانك مش قابل مجرد الاتهام يتوجهلك ... انا قولتلك ف اول تحقيق بينا انك يا برئ اوى يا فنان اوى وذكى ... هو الصراحه انا عارف انك ذكى وعارف انك فنان بس مش متهم
احمد : حضرتك بتقول مش متهم دى اختبار منى وان حضرتك بتجر معايا كلام ولا مجرد دردشه زى ما حضرتك قولت لكاتب النيابه
كمال : لا والله بجد كلام رجاله ودردشه ... احكيلى يا احمد كل اللى تعرفه
احمد : كل اللى انا قولته كان هو ده الحقيقه
اشتغلت مع الراجل 20 يوم .. وكنت امين جدا معاه . ماكنتش بفتح الطرود اللى بتيجى
لغاية ما فتحى اللى مسكتوه امبارح جه وقالى ان الطرود جايز مايكونش فيها تحف وانتيكات وسابنى ومشى ... كلمت الحاج عربي وقولتله انا عاوز امشى مخنوق ومراتى تعبانه قالى خليك فيه عربيه جايه بس نزلها واتوكل على الله فيها تحف جديده وشغل بالافات ....
لسا بقفل دنيتى وبلم ليلتى عشان اقفل وامشى لقيت اميره جايه
بعد ماهى عملت عمله سوده كده بس هبل وغيظ وكيد ستات انها بعتت رساله لمراتى انها جايالى وبتحبنى ومعرفش ايه . ده طبعا لما عرفت انى نسيت تليفونى ف البيت
يدوب 10 دقايق روحت فيهم المعرض ورجعت لقيت اميره نايمه على الارض وشبه مخبوطه على راسها . وهوب مره واحده لقيت مراتى فوق راسى وبتشتمنى وبتقولى يا خاين يا غشان وعاوزه اتطلق وسابتنى ومشين . بجرى وراها الحقها لقيت حضراتكو جايين وقبضتوا عليا
كمال : ايه ده ياعم ده لو حد داعى عليك دعوه مستجابه مش هتبقى بالحظ ده
احمد : هههههههههههه لعله خير .. والحمد لله انا هطلع كسبان من القضيه دى
كمال : كسبان ايه بالظبط
احمد : حاجات كتير والله ... اقولك حاجه بينى وبينك يا كمال بيه بما اننا بنتكلم كلام رجاله وانا عارف ان حضرتك راجل اوى
كمال : اكيد طبعا اتفضل
احمد : انا عندى دليل براءه وممكن كان يطلعنى من الليله دى من اول ساعه . بس للأسف . دليل غير قانونى وممكن حد تانى يتحبس او يتضر ف شغله وانا محبتش كده
كمال : دليل ايه ده ؟
احمد : كمال بيه ؟
كمال : ( بيطلع مصحف من الدرج ) وحياة المصحف ده سر بينى وبينك . عيب ياض انا لولا متأكد من براءتك ماكنتش كلمتك اصلا بالشكل ده ولا بالموده دى . قول بقا ماتبقاش تنح
احمد : بعد ما كلمت اميره وخدت منها رقم تليفون ابوها . اتصلت على واحد اسمه احمد . صاحبى من اسكندريه وحكيتله الحكايه ف دقيقه وقولتله انا هقفل وامشى .. قالى يا عبيط لو مشيت هيسبكوها عليك ولو حد مبلغ انت اللى هتشيل القضيه .. استنى ماتعملش حاجه لغاية ما اتصرف
بعدها ب ربع ساعه وانا قاعد على نار لقيته بيتصل عليا وقالى
" بص كلم صاحب الشغل دلوقتى وقوله انك مروح ومخنوق ومش عاوز تشتغل تانى واتكلم طبيعى جدا بشخصيتك يا احمد "
قولتله ليه
قالى " انا كلمت سيف .. سيف ده صاحبنا تانى بس ظابط شرطه ف مديريه امن اسكندريه . وهو كلم واحد معرفه شغال ف شركة فودافون واصل يعنى . هو هيسجل المكالمه اللى هتتم دلوقتى ما بينك وبينه
قولتله ده مش قانونى . قالى " اتنيل على عين امك يا اهبل يابن الهبله اهى حاجه مش قانونيه هتطلعك من اعدام يابن العبيطه "
كمال : ههههههههههههه مين صاحبك ده ؟
احمد : ههههههههه اسمه احمد بردو بس شقاوة اسكندريه كلها موجوده فيه ... والحمد لله سجلنا المكالمه اللى تمت بينى وبين الحاج عربي . والحمد لله المكالمه كان فيها كل حاجه كفيله انها تتطلعنى من القضيه
كمال : ايووووووووه . انت عارف ده فيها ايه ؟ ممكن اللى شغال ف فودافون ده يترفد من شغله .. وسيف صاحبكو ظابط الشرطه ده يتنقل الصعيد ههههههههههه
احمد : طب واحمد يا باشا . حمو !
كمال : ههههههههههههه لا مقدرش ألومه ... ده صاحب وبيدافع عن صاحبه
وماتقلقش .. الدليل ده خليه معاك للأخر وماتطلعوش دلوقتى غير لو غلبنا .. انا المفروض انفذ القانون بس فيه حاجه بردو اسمها روح القانون ... واللى انتو عملتوه انت وصحابك ده اسمه روح قانون وبتنقذوا نفسكو حتى لو كان بشكل غير قانونى
بصراحه ! فكره جباره ... المهم تعالى هنا . انت ازاى تخلى مراتك تمسك قضيه زى دى ودى تعتبر اول قضيه ليها وقضيه كبيره مش سهله . دى فيها مؤبد يابنى لو القضيه طربقت
احمد : ههههههههههههههه من ناحيه كنت حابب اكبرها واخلى ليها كيان واسم تنجح وتكبر بيه . لان نجاحها من نجاحى انا
ثانيا انا زى ما قولت لحضرتك كده القضيه بالنسبالى كانت خلصانه ف ماكنتش قلقان من النقطه دى
ثالثا بقا وده الاهم ان اللى يتسند على حد بيحبه استحاله هيقع ...وكنت حابب اشوفها بتجرى وبتعمل ايه عشان تتطلعنى من اللى انا فيه
كمال : انتو بتحبو بعض اوى كده . امال ايه كلام الواد فتحى ده عن اميره وعلاقتكو سوا
احمد : اميره كانت علاقه زماله مش اكتر من ناحيتى . ماكنش بينى وبينها اى حاجه غير ازيك يا اميره وصباح الخير وميعاد الدرس وبس كنا عيال لسا
لكن حب ومعرفش ايه . ف ماكنش حصل اى حاجه . من ناحيتها ممكن تكون كانت مشدوده ليا او معجبه بيا . لكن من ناحيتى . ماكنتش شايف غير المحاميه اللى هتحبسنى هههههههههههههههههههههه
كمال : هههههههههههههههههههه اول مره تعدى عليا قضيه بالشكل ده ومتهم عسل بالشكل ده ... بقولك ايه انت تعرف رقم تليفون صاحبك بتاع اسكندريه
احمد : تقصد حمو ؟
كمال : اه هو
احمد : اه يا فندم
كمال : طب اتصلى عليه . عاوز اكلمه
احمد : طب تليفون بعد اذنك
كمال : اتفضل تليفونى انا اهو
....
احمد : ازيك ياض
احمد ( اسكندريه ) : انت مين يابنى
احمد : هههههههههه نسيتنى ياواطى
احمد ( اسكندريه ) : نسيتك ايه اتنيل دانت نافخنى من ساعتها . انا خلاص خلصتلك الموضوع . جايلك انا النهارده ومعايا التسجيل ومعايا كمان يا سيدى اذن من النيابه مسبق عن ميعاد تسجيل المكالمه . يعنى الموضوع كله هيبقى قانونى .... ابو مراتى ربنا يديه الصحه طلع له معارف بالنائب العام شخصيا ههههههههههههههه وهتخرج منها يابن الكلب .. استنى صحيح هو انت بتكلمنى منين ؟
احمد : ههههههههههههههه بكلمك من تليفون وكيل النيابه ومسجللك المكالمه
احمد ( اسكندريه ) : هههههههههههه ياعم قول بطل عبط بتكلمنى منين
احمد : ههههههههههههه وحياة امى بكلمك من تليفون وكيل النيابه وقاعد جنبى اهو ومشغل الاسبيكر
احمد ( اسكندريه ) : يلا يابن الكلب يا رمه من هنا انت بتتصل عليا تسلمنى يالا ولا ايه .. ياباشا انت سامعنى .. الواد ده بيتاجر ف الاثار والمخدرات طلعو ميتين امه
كمال : ههههههههههههههههههههههه هههههههههههههههه ههههههههههههههههههه ههههههههههههههههههههههههههههه هههههههههههههههه ( بيشرق من كتر الضحك )
احمد : هههههههههههههههههههه الله يحرقك روح . انا قولت لكمال بيه وكيل النيابه كل حاجه والراجل مصدقنى وبندردش انا وهو دردشه رجاله . وان شاء الله خير .. مش مستاهله تيجى انا كده كده طالع . عشان هطلع من هنا وهجيلك انا والبت مراتى
احمد ( اسكندريه ) : عليا النعمه مراتك دى خساره ف امك .. طب ادينى كمال بيه كده
احمد : اتفضل معاك اهو بس وحياة امك يا شيخ انا مش عاوز اتحبس ابوس ايدك
كمال : ههههههههههه اديهونى
احمد ( اسكندريه ) : صباح الفل يا كمال بيه .. كهربتوه ولا لسا ؟
كمال : ههههههههه لا لسا بس على وشك يعنى لو معترفش هنكهربه حاضر اوعدك
احمد ( اسكندريه ) : كهربا بقا وجلد وكله . اتوصوا بيه والنبى . دى تجارة اثار ومخدرات وكمان بيتاجر ف السلاح
كمال : هههههههههه اه مش هو باين من بتوع داعش اللى ف سينا
احمد ( اسكندريه ) : ياباشا ده هو امير التنظيم نفسه انا ساكت والله ومش عاوز ابلغ
كمال : هههههههههههههه من زمان الواحد مضحكش كده ..
احمد ( اسكندريه ) : ياباشا انت اللى الواحد مقابلش ناس محترمه وولاد ناس وعندهم روح زى روح حضرتك كده . ربنا يكرمك يارب
كمال : تسلم يا ابو حميد ربنا يباركلك .. المهم هتعزمونا ف فسحة اسكندريه دى ولا ايه ؟
احمد ( اسكندريه ) : بص يا كمال بيه ! انت لو حبست الواد اللى عندك ده هفسحك احلى فسحه .. اما لو طلعته براءه هبلغ عنكو انتو الاتنين هههههههههههههههه
كمال : ههههههههههههههههههههههههههه كمان ؟ طيب يا سيدى . ف آمان الله
احمد ( اسكندريه ) : اتفضل يا فندم اتفضل
احمد : الو , ايوه يا حمو هقفل انا خلاص
احمد ( اسكندريه ) : ماشى يا حب . ربك يعدلها هجيب البت مراتى واجى ازوركو . هتطلع ولا مش طالع النهارده ؟
احمد : مش عارف . هشوف كمال بيه كده وهبلغك
احمد ( اسكندريه ) : ماشى شوف كده الدنيا فيها ايه عشان ابعتلك التسجيلات ولا لا
احمد : ماشى يا حب . مع السلامه
احمد ( اسكندريه ) : سلام
............
كمال : ايوه يا عبد الله خير
عبد الله : محاميه المتهم بره يا فندم وعاوزه تقابل حضرتك
كمال : طيب تمام خليها تتفضل ..... مراتك اهى ياعم اما نشوف جايبالنا دليل ايه النهارده . عاوزك تآمن على كلامى مفهوم
احمد : هههههههههههههههه
نوران : صباح الخير
كمال : صباح النور يا استاذه اتفضلى
احمد : صباح الفل ( بيبعتلها بوسه على الهوا )
نوران : ههههههههه
كمال : اتفضلى يا استاذه بتضحكى على ايه
نوران : لا ابدا . بس حضرتك النهارده انا جايه ومعايا دليل براءه جوزى
كمال : دليل براءه مين ؟
نوران : اقصد موكلى يعنى حضرتك
احمد : ههههههههه ههههههههههههه
كمال : اااااها موكلك . طب نركز والنبى .. بس للاسف يا استاذه الدليل ده يعتبر مالوش قيمه دلوقتى
نوران : يعنى ايه ؟
كمال : يعنى خلاص المتهم اعترف بكل حاجه واحب اقولك ان التهمه لابساه لابساه
نوران : نعم ؟ يعنى ايه ده اعترف بإيه
احمد : خلاص يا نوران انا اعترفت بكل حاجه خلاص مش هقدر اخبى اكتر من كده
نوران : يا فندم موكلى بيتكلم تحت ضغط . الله اعلم انتو عملتو فيه ايه الراجل مانمش بقاله 3 ايام . هو اساسا كان بيعانى من مشكله نفسيه من فتره قريبه وعندى شهادات صحيه تثبت الكلام ده
كمال : هههههههههههههههههههههههههههه هههههههههههههههههههههههههههههه
احمد : ههههههههههههههههههههههههه ههههههههههههههههههههه ( بيقع على الارض ) يانهارك اسود . بتطلعينى مجنون كمان
نوران : هو فيه ايه ؟
كمال : هههههههههههههههههه مافيش حاجه مافيش حاجه
............
( سعد بيدخل عليهم باعترافات اميره واللى اعترفت فيها بكل حاجه ومعرفتها مين اللى اتهجم عليها وانها شافت فتحى ....
ومن ناحية تانيه اعترافات عربي ووائل ان احمد مالوش دعوه وان البضاعه دى المسؤول عنها هو عاشور وادهم وابنهم فتحى وان هما اللى بدلو العربيات ف الطريق عشان يودوهم ف داهيه )
......................
ايه رأيكو ف تسلسل احداث النهارده ؟ وتتوقعوا ايه ف الحلقه الاخيره بكره ؟