روايه انا و هي

(الحلقه الثانيه العشرين ) ..( لقاء الجبابره )

(الحلقه الثانيه العشرين ) ..( لقاء الجبابره ) <3
............
(في الحلقه السابقه )
أحمد : اقولك ع السر يا عمده
لو خليت مراتك او حبيبتك تبقى تافهه معاك وتحب تفاهتها يبقى انت كده ماشى صح
اوعى تخليها عاقله او تعيش ف دور اكبر من سنها
عيش مع تفاهتها واوعى تعجزها
استنى هرن عليها عشان وحشتنى
الو ! وحشتينى يا بسبوسه
نوران : وانت كمان يا قلب البسبوسه ... وقعتك مهببه لما تيجى
احمد : ليه طيب ؟
نوران : البسبوسه اللى بعتتهالى من شويه ريحتها مش فايحه وشكلها بايته . والنعمه لمعرفاك
.....
احمد : بزمتك يا عمده هو فيه كده ...؟
................ ( الثانيه والعشرين ) <3
( بعد العصر ف شقه أحمد )
نوران : احمممد !
احمد : ايه يا روحى
نوران : انا متغاظه
احمد : ليه طيب
نوران : مش عارفه . عاوزه افش غلى مع البت الجزمه اللى اسمها سمر دى . مش مرتاحه
احمد : ياستى كبرى مخك بقي
نوران : لا .... مش هرتاح والله غير لما اخد حقى
احمد : طيب اعملك ايه طيب
نوران : قوم نروحلها
احمد : استهدى بالله يا حاجه احنا قولنا كمان يومين
نوران : لو ماقومتش هقوم البس واروح انا
احمد : يا مجنونه يا هبله هتروحى تعملى ايه طيب
نوران : مالكش دعوه ... قوم يلا البس
احمد : طب استنى اما ارن على امها اعرفها اننا رايحين
نوران : بقولك . هى عندها كم اخ واخت
احمد : سمر وعمرو وهبه بس . سمر الكبيره
نوران : طيب يلا
احمد : ربنا يستر من دماغك
نوران : ههههههههههههههه دماغى فل يا فل انت ماتقلقش
احمد : المهم انتى محلويه كده ليه النهارده .. فيكى حاجه غريبه يعنى
نوران : انا طول عمرى حلوه يا حبيبى
احمد : لا بس النهارده بزياده يعنى ..... جاتك البلا ف حلاوتك
نوران : ههههههههههه طب قوم يلا إلبس . انا عارفاك هتفضل تتوه ف الموضوع يا سوسه
احمد : لا . لبسينى انتى
نوران : يوووووه وده وقت قلة أدب دلوقتى ههههههههههه
احمد : ههههههههههههه وحياتك انتى مافيه احلى من قلة الادب دى
نوران : طب يلا قوم البس انت مش ملبساك انت مش صغير
احمد : نعم ياختى ؟ ايه مش صغير دى .. لا انا ف المواضيع دى عيل جدا هههههههه
نوران : احححححم . طب تعالى ...
احمد : نيجى مانجيش ليه
نوران : ( بتبوسه من شفايفه ) يلا ادخل البس بقي بلاش دلع
احمد : الهى ربنا يجبر بخاطرك
نوران : هههههههه
.......................
( شقة أم احمد تحت )
ام احمد : ايه ده رايحين فين
احمد : رايحين ل طنط سهير يا ماما
ام احمد : ايه ؟ ليه ؟
احمد : هههههههههههههه مافيش . رايحين نرد الزياره . ونونه عاوزه تشوف سمر وتسلم عليها زى ما جات معانا وسلمت علينا
ام احمد : طيب .... هتتأخروا ؟
احمد : لا على طول ... هنوصل المشوار ده وهنروح مشوار تانى وجايين على طول عشان نتعشى كلنا
ام احمد : طيب ياحبيبى ... خد تعالى كده عاوزه اقولك حاجه
احمد : حاجه ايه ؟ انتى هتخبى عن نوران من اولها ههههههههه
نوران : هههههههههههه
ام احمد : خد ياض بلاش لماضه
احمد : طيب ....
ها ايه ؟
ام احمد : ماتشربش ولا تمد ايدك ف حاجه هناك
احمد : ايه ده يعنى ايه ؟
ام احمد : اسمع منى لاتعملك حاجه ف الشاى ولا حاجه انت ومراتك ومش ناقصين ... وابقى اقرأ قرأن وانت قاعد هناك كتير ف سرك .. ربنا يكفيك انت ومراتك شر عيونهم ما بلاش المشوار ده قلبى مقبوض
احمد : هههههههههههه هو احنا رايحين نحارب ... يا ماما كبرى مخك مافيش حاجه بتحصل الا بإذنه
ام احمد : طب روح انت وبلاش مراتك تروح ... وبعدين ايه اللى مراتك لابساه ده
احمد : لابسه ايه . ماهو فستان عادى اهو
ام احمد : هههههههههههههههه مش قصدى .. البت دى ماتطلعهاش م الشقه يابنى . ماشاء الله ربنا يحرسها حلوه اوى وكل اللى هيشوفها هيحسدها
ام احمد : وحياة امى اللى هى انتى لسا قايلها الكلمتين دول ...
قايلها ألبسك ايه طيب ياشيخه دانا لو جبتلك شوال تلبسيه هيحسدوك بردو ههههههههههههه ألبسها نقاب طيب ولا اعمل ايه ف ليلتكو السوده دى هههههههههههه يلا انا ماشى ...
ام احمد : المهم اسمع اللى قولتلك عليه
احمد : حاضر مش هاكل ولا هشرب هناك اى حاجه ... سلام بقي
.............
( ف الشارع وهما ماشيين )
نوران : ايه هنركب توكتوك ولا هناخدها مشي
احمد : مش مستاهله تكاتك هههههههه وبعدين البلد صغيره خلينا نمشى ف الهوا ...
نوران : مش غيران لو حد باصلى
احمد : وحياتك ممكن اصور قتيل
احنا نعرف ازاى نغير على بناتنا وستاتنا ... بس الفكره انى عاوز امشى جنبك قدام البلد كلها وقدام الناس كلها . عشان يعرفوا ان البسكوته دى ليها دكر يحميها
وبعدين هو انتى عوره يعنى ولا هتكسف منك تمشى جنبى .. امشى امشى .. هاتى ايدك
نوران : ايييييييييييه . عاوز تمسك ايدى ؟ احنا ف بلد ارياف يا حمو عيب
احمد : ما عيب الا العيب يا عنيا .. هاتى يابت ايدك بلا قلبة دماغ
نوران : ههههههههههه والله مجنون ؟
احمد : امشى بقي وقولى يا دنيا اتهدى ما عليكى قدى .... ماشيه جنب حبيبك ووليفك وارفعى راسك وانتى ماشيه يا جزمه انتى مكسوفه كده ليه ؟
نوران : مش عارفه اعمل ايه .. مكسوفه وانت ماسك ايدى كده قدام الناس
احمد : ياشيخه ملعون ابو الناس .. اهى كلمى الناس دى اللى جابتلنا الفقر . ما يولعوا كلهم نفر نفر ... جوزك وماشى جنبك وماسك ايدك وبيضحكك .. تتكسفى ليه ولا تحطى راسك ف الارض وانتى ماشيه ليه ...... لو حياء ماشى ده كويس لكن كسوف من ناس زيي وزيك لا .... ارفعى راسك
نوران : حاضر
تعرف انها فعلا اول مره ارفع عينى ف وشوش الناس وانا ماشيه ومش مكسوفه
اول مره احس انى ليا ضهر وسند كده ... بابا ربنا يخليه ليا طبعا احلى سند وضهر بس ماكنتش برضى اضايقه والله ولا اقوله حاجه تضايقه .. يعنى مثلا لو قولتله ان حد بصلى بصه وحشه ولا حد قالى كلمه مش كويسه كنت هتعبه ع الفاضى
احمد : اقولك سر !!!!
نوران : سر ايه
احمد : مش كان فيه واحد عاكسك كده م البلد ف القطر وانتى رايحه الجامعه من كم سنه كده .. وفضل مرخم عليكى انتى وعلياء صاحبتك ... وكان مرخم عليكو هو وواحد تانى
نوران : يالهوووووووووووى على ده يوم دنا كنت كرهت حياتى .. وجيت والله فضلت اعيط .. اللى ضايقنى انه م البلد وكان عارفنى . انه المفروض يحمينى ويكون واقف ف ضهرنا هو اللى يعمل كده
احمد : ههههههههههههههه مش بعدها بيوم على طول سمعتى خبر انه متكسر ومن بعدها حرم يركب القطر
نوران : اه انا من بعدها ماشوفتوش ف القطر خاااااالص ولا على المحطه نفسها .... فضلت سنتين على كده
احمد : هههههههههههههه طيب عشان تعرفى انك محميه من زمان
نوران : ايه ده يعنى ايه ؟
احمد : ههههههههههههه الاخبار وصلتنى .. واتقالى كده .. الواد فلان رخم على جارتكو نوران النهارده ف القطر وفضل مستلمها ... كنا سهرانين وكنا الفجر
اقسم بالله ما نمت . وخدت العيال وسهرنا تحت بيته ... ف القهوه اللى تحت بيته
روحنا صلينا الفجر وجينا كملنا سهره
لفاية الساعه 7 وربع صباحا نازل بسلامته عشان يروح محظة القطر يركب
خطفناه واديتله اللى فيه نصيب
نوران : يا نهار اسود .. وعملت فيه ايه
احمد : هههههههههه انتى مالك انتى . علمت عليه علامه حلوه وخلاص وقولتله دكر ابن دكر ابقى اركب القطر ده او حتى تشاورله من بعيد وهو ماشى هههههههه
نوران : ( بتبصيله ومسهمه )
احمد : وحياة ابوك بلاش البصه دى واحنا ف الشارع مش هيحصل كويس
نوران : هههههههههههه بحبك طيب
احمد : وانا بموت فيك .... مين ده اللى يستجرى يقرب من شعرايه منك
اللى يفكر بس . هيكون اسمه مشطوب م الدنيا .. احنا هنخيب ولا ايه
نوران : ههههههههههههههههههههه ياواد انت اقسم بالله عاوزه احضنك دلوقتى . انا جسمى واجعنى والله حرام عليك . حاسه بقشعريره كده من حلاوة الكلام اللى بتقوله
احمد : حافظى ع القشعريره دى لغاية ما نروح مشوارنا ده ونروح
نوران : صحيح ماما كانت بتقولك ايه واحنا نازلين
احمد : هههههههههههههه كانت بتقولى احبس مراتك وماتطلعاش م البيت . البت زى القمر وهتجيبلنا المشاكل ههههههههههههههه
نوران : هههههههههههههه بتهزر
احمد : هههههههههههههههههههههه والله قالتلى كده بالنص
نوران : انتو عيله لاسعه اصلا كلكو هههههههههه
احمد : يا باشا الجمال مش عيب ولا حرام .. دا ربنا جميل يحب الجمال .... اهم حاجه ان الجمال ده يكون محطوط ف زاويته وبريقه الصح .....
نوران : انت يابنى مين اللى علمك الكلام ده
احمد : ياستى ! انا راجل حي .. عاوز اعيش .. مش عاوز اتدفن بالحيا
نوران : بعد الشر
احمد : بجد والله ... عاوز اعيش وأعيش اللى حواليا صح ...
نوران : المهم هما بيتهم قرب ولا لسا بعيد
احمد : لا قربنا خلاص . بعد الجامع اللى هناك ده
نوران : ماشى ! . انت هتفضل ماسك ايديا كده كتير ؟ هندخل ع الناس كده ولا ايه ؟
احمد : طبعا
نوران : ههههههههههههه لا شيل ايدك انا رايحه ف مهمه واضحه وصريحه
احمد : ايوه اللى هى ايه بقي
نوران : احنا بنات ف بعض وهى هتفهم انا جايه ليه وهقولها ايه .. اخرج انت من الموضوع وماتتحشرش
احمد : هو ايه اصله ده . انتى رايحه تتخانقى ولا ايه ؟
نوران : عليك نووووووووور ... بس خناقه بنت ناس هههههههههه
احمد : طيب خلى بالك عشان امها اساسا مش سهله . بس انا اضمنلك ان امها هتسكت ومش هتقدر ترد ولا تتكلم وانا موجود .. لأنى ياما طرقعتلها
نوران : طرقعتلها ؟؟ ازاى ؟
احمد : اه والله .... هى اساسا غلاويه وتكره اى حاجه حلوه بتحصل ف حياة حد ... يعنى الله اكبر كده من عنيها نفسيتها وحشه
كانت تدخل البيت عندنا لازم حاجه تحصل
امى تقع اختى تتعور . دى مره كنت بلعب كوره ف الملعب اللى ف اول البلد ده وقالتلى بالراحه وانت بتجرى يا واد يا احمد . اقسم بالله ازازه طول كده دخلت ف رجلى شقتها نصين ههههههههههههه ده حاجه زفت
نوران : انت هتوجع قلبي ليه
احمد : تيجى نرجع ؟
نوران : ههههههههههههه لا ... انا عاوزه ارتاح يا احمد .. البت مستفزه اوى
احمد : طيب يلا . خلاص هو ده البيت
نوران : ماشى ..
احمد : استنى اما ارن الجرس بقي .....
نوران : استعنا ع الشقا بالله
...........
( بيت سمر )
عمرو ( اخو سمر ) : اهلا يا حمو . ازيك يا عروستنا
احمد : الله يباركلك يا عمور .. اخباركو ايه ..
عمرو : بخير يا ريس ... تعالى اتفضلو
........
سهير : اهلا اهلا يادى النور . عاملين ايه يا عرايس ؟
احمد : بخير يا ام سمر ... انتى عامله ايه يا طنط
سهير : بخير يا حبايبي .. تاكلو ايه ؟
احمد : بصى ... لا ناكل ولا نشرب انا بطنى مليانه على اخرها .. فول تانك وحياتك ههههههههههههه لسا واكلين قبل ما نيجى والله . احنا قولنا نيجى نشوفكو بس وماشيين . ولسا هنروح نعدى على خالتى ماجده بردو
سهير : طيب خلاص على راحتكو .. دى سمر بنتى مبسوطه اووووووى منكو وبالخروجه اللى معاكو ... وتقولى الواد حمو لسا عسل زى ماهو ههههههههه
نوران : ( بابتسامه عريضه ) هههههههههههههههه طبعا طول عمره عسل يا طنط .. ده حبيبى من وانا لسا ماوعاش ع الدنيا ... تخيلى انه كان بيحبنى من وانا عندى 14 سنه ههههههههههههه كنت ألاقيه ف وشى كده على باب مدرسه الاعدادى وكان ييجى يعمل نفسه بيوصل اخواته عشان يشوفنى ويجيبلى غزل بنااااااااااااات
سهير : امممممم اه معاكى حق . هو طول عمره عسل كده ف نفسه ... كان ملازم سمر بنتى سنه بسنه وكانو زمايل الروح بالروح
احمد : ( متابع الحوار وهو حاطط لسانه ف بؤه وبيضحك وبس )
نوران : غريبه .. اعرفه بقالنا سنين وكنا نفضل نتكلم ف البلكونه بالساعتين تلاته طول الليل بس عمره ما كلمنى عنها ....
سهير : ( مفروسه من نوران ) قوم ياعمرو شوف اختك فين خليها تيجى تسلم
عمرو : طالعه يا ماما اهى
نوران : خلوها على راحتها يا جماعه ...
سهير : راحة مين دى كانت هتطير م الفرحه لما قولتلها ان احمد جاى قصدى يعنى احمد ومراته
نوران : هههههههههههههه لا لا خليها انا داخلالها انا
احمد : ايه ؟
سهير : ايه ؟؟ عاوزه تدخليلها ؟ اتفضلى يا حبيبى هى الاوضه اللى ف اخر الطرقه دى ... وريلها الاوضه يا هبه بتاعة اختك
نوران : عن اذنكوا
احمد : ههههههههههههه هيييييييييييييييييه دونيا . ولا دايم الا وجه الله ..محدش بياكلها بالساهل يا عمرو ياخويا ..
عمرو : هههههههههههه يعنى ايه ؟
احمد : يعنى انت تقوم تعملى كوباية شاى وماتسألش هههههههههههه عشان اللى حصل حصل بقي هو انا هقطع نفسي
................
الاخوه المتابعين : ايه رأيكو ف اللى عملته البت ؟ 😃😃
ماتنسوش التفاعل يا جماعه عشان نكمل