روايه انا و هي

(الحلقه العاشره ) ..( انا وهي )

(الحلقه العاشره ) ..( انا وهي ) <3
............
(في الحلقه السابقه )
احمد : حلمت ان فيه تعبان كبير واسود وشكله وحش اوي فضل يتلف علي رقبتي لدرجه اني حسيت ييه وفضلت انازع واصرخ وصوتي كان شبه رايح ومش طالع .. بس ف اخر الحلم لقيت حاجه غريبه اوي
عماد : حاجه ايه
احمد : لقيت نوران هي وهدير جايين يشيلو التعبان ده من علي رقبتي هتسالني اشمعني نوران وهدير هقولك مش عارف ومش فاكر بقية الحلم وما صدقت صحيت
....................... (العاشره ) <3
عماد : اعوذ بالله انت واحلامك يا اخى
احمد : هههههههههههههههه اعمل ايه ياعم وانا مالى
عماد : لا بس انت نادرا يعنى لما بتحلم . وسبحان الله الاحلام اللى بتحلمها دى بتتقلب تبقى حقيقه ازاى معرفش
احمد : طب ايه يا ابو العوريف ... عندك تفسير للحلم ده
عماد : ايه ! معرفش . حد قالك انى مفسر احلام . ( ف سره " انت داخل على ايام ما يعلم بيها الا ربنا يابنى والله ربنا يعينك ) . ماتشغلش بالك بالاحلام دى ربنا هيستر
احمد : ايه ياعم هموت ولا ايه هههههههههههههه
عماد : ههههههههههه خير ياعم خير . اخبار الشغل بتاعك ايه ؟
احمد : استنى بس بلاش شغل بلا بطيخ .. عارف مين اللى بعتلى رساله امبارح ورن عليا ماسنجر
عماد : مين مانت مبخت
احمد : ههههههههههههههههه البت اميره العربي
عماد : اح......... ولا بلاش مش مكمل الكلمه هههههههههههههه عاوزه منك ايه تانى
احمد : انا عارف بقي .؟ انا حاسس انها كل ماده بتطبل على نافوخى ههههههههههه لا والبت باعتالى بقا بتقولى وحشتنى وهاجى اخطبك من امك هههههههههه شكلها ماتعرفش انى اتجوزت
عماد : ان جيت للحق ياحمو . انت ماتستاهلش تعبان هههههههههههه دانت تستاهل حنش . ايه ياض كمية البنات دى ياض ابو معرفتك
احمد : انا حاسس كده ولا اعلم ان التعبان ده حد من البنات دى هههههههههههههههههه
عماد : لا
احمد : ليه
عماد : التعبان ف الحلم ده يبقى عدو
وعدو غبى كمان . وطالما اتلف على رقبتك يبقى انت داخل على ايام شر كتير يا صاحبى
اما كون ان مراتك وصاحبتها هما اللى شالو التعبان من على رقبتك ف هو ده اللى ممكن يكون مطمئن ف الليله دى كلها ... ربنا يستر . يا اخى ماكنتش تحكيلى أم ده حلم انا جسمى قشعر يخربيتك
احمد : ايه ياعم ! وبعدين فيه فرق بين الحلم والرؤيه
عماد : اه
انت صحيت من الحلم امتى
احمد : ادان الفجر
عماد : يعنى صحيت من الحلم لقيت الفجر بيأذن ؟
احمد : اه
عماد : يالهوى يامه ..
احمد : جرا ايه يابن العبيطه انت .. انت عمال تبصلى كده ليه يالا
عماد : هو فيه ايه ؟ ايه الحلم ده
احمد : لا ماهو ماكنش ده كل الحلم الصراحه
عماد : فيه حاجه تاني ؟
احمد : اه
عماد : ايه ماتحكى
احمد : التعبان ماكنش واحد ... دول كانو اتنين
عماد : وحياة امك ما تحكى تانى خلاص . انا جسمى وجعنى ياعم
احمد : ياعم انت بتصدق .. دى اسمها اضغاث احلام يعنى الواحد اللى بيفضل يحلم ف خياله كده ههههههههههههههههه يعنى عندك وانا صغير حلمت انى جبت جون وصعدت مصر لكاس العالم وخدنا كاس العالم كمان وانا اللى جبت كل الاجوان . ههههههههههههههه كنت شوفتنى دخلت نادى انشالله بنى عبيد حتى
عماد : بقولك ايه يالا ماتغلطش
احمد : انت عاوز ايه يا كلب انت حد جه جنبك
عماد : مانت بتقول بنى عبيط اهو
احمد : اااااااااااااااه معلش معرفشش انها حراقه اوى الكلمه دى عليكو . ههههههههههههه
عماد : المهم ماتحكيش الحلم ده لحد . لا لامك ولا مراتك ولا اى حد
احمد : احكى مين ياعم لا .... وبعدين انا نسيت الحلم اصلا ومش هحكيه تانى
عماد : ياريتك ماحكيتهولى
احمد : ههههههههههههههههههههه انتى خايفه على صاحبك يابيضه
عماد : قوم ياض غور ياض
احمد : قل لن يصيبنا الا ما كتب الله لنا .... بقولك ايه انا هاففنى الشوق كده ألعب كوره ...
عماد : خلاص قوم انت روح البس ونتقابل ف الملعب اللى ورا وخلاص . بيلعبوا هناك دلوقتى
احمد : مين منهم ؟
عماد : العيال كلها . سلطان ودسوقى وعوض والواد فتحى ابن عاشور الحرامى هههههههههههههههههه
احمد : ههههههههههههههههههههههههه هما لسا بردو مافيش حد عارف يمسكهم . داهيه تاخدهم
عماد : ده بلاء البلد ده العيله دي
......................
( نوران وهدير علي الواتس )
هدير : نونه
نوران : نونه ايه وظفت ايه انتي فينك يابنتي مابترديش عليا من امبارح ليه
هدير : معلش ياحبيبتى كنت مصدعه ونايمه طول اليوم والله
نوران : مع اني مش مصدقاك بس ماشي . عامله ايه دلوقتي يا روحي
هدير : بخير ياحبيبتي . انتي عامله ايه انتي واحمد
نوران : كويسين الحمد لله ماتيجي تقعدي معايا شويه
هدير : مش قادره يا نونه والله
نوران : يابت تعالي ايه الرخامه دي . كده كده احمد بره لسا رايح يلعب كوره ومش هييجي دلوقتي . تعالي بالذوق بدل ماجي اجيبك
هدير : ههههههههههههههه لا خلاص جايه لاحسن عارفه دماغك
نوران : هههههههه اشطا . مستنياك ياحبي
هدير : اوكي يا روحي ربع ساعه هركب واجيلك
نوران : تمام
................
نوران : الو . ميوي ماتجيبي بطه وتطلعو تقعدوا معايا شويه
مي : حاضر يا نونه عندك نسكافيه يابت
نوران : اطلعي يا جزمه انتي اللي هتعمليه
مي : حبييتي يا مرات اخويا ههههههههههه
..................
( اميره واخوها وائل في لندن )
وائل : ميرو . جهزي نفسك بقا انا حجزت ف طيارة بكره
اميره : بكره ليه مش المفروض يوم الاتنين
وائل : اه منا قدمت الحجز . ابوك عاوزنا .
اميره : خير بابا كويس ولا ايه قلقتني
وائل : ههههههههههه كويس يابنتي هو بس اتصل عليا وقال هات اختك وتعالي وابقي باشر الشغل بالتليفون من هنا .. تقريبا كده الكلبين اللي اسمهم عاشور وادهم كانو عنده امبارح واتخانقو كالعاده
اميره : انا مش عارفه بابا بيتعامل مع الناس دي لسا ليه لغاية دلوقتي
وائل : مصالح ياحبيبتي ولما تدخلي بنفسك السوق هتعرفي انك لازم تتعاملي مع كل الناس سواء قابلاه ولا لا
اميره : طيب ياحبيبي انا هجهز نفسي الليلادي وهكون جاهزه . انا كده كده مرتبه نفسي فاضل كم حاجه كده هجيبها النهارده انا وساره وخلاص
وائل : ماشي ربنا يسهل . انا هخرج بقي اشوف الشغل واخلص اللي ورايا عشان لما انزل اكون مطمن
اميره : تمام
..........................
(شقة احمد البنات كلهم متجمعين )
نوران : ايه بقا . مالك يا روحي انا لاحظت عليك المره اللي فاتت ان فيك حاجه . حتي البت مي لاحظت بردو
هدير : مافيش يا نونه والله سلامتك . كان بقالك كتير وحشاني بس وافتكرت ايامنا زمان وزعلت اوي اني معرفتش احضر فرحك انتي واحمد
نوران : تؤتؤتؤ انتي كنتي زعلانه من حاجه . او فيك حاجه وبتحاولي تخبيها عليا او علينا كلنا . ايه بقي .
هدير : هههههههههه يابت والله مافيش حاجه ماتبقيش زنانه
نوران : طيب انا عاوزه احكيلكو حاجه بس اوعو تطلعوها بره لاني من امبارح مخنوقه اوي وعماله اعيط
مي : حاجه ايه يابنتي دي خضتيني
هدير : حاجه ايه يا نونه
نوران : حلم .. حلم وحش اوي
فاطمه : احكي احكي كان فيه ايه
نوران : هحكيلكو بس اوعي حد يعرف حتي احمد او امك
مي : حاضر .احكي بقي خضتيني
نوران : حلمت ان انا واحمد وهدير ماشيين سوا
فضلت انا ماشيه انا وهدير بنحكي مع بعض
وفجأه بنبص علي احمد مالقيتوش
احساس مخيف اوي وانا عماله الف هنا وهنا وادور عليه ومش لاقياه
قلبي اتقبض وكنت بدأت ايأس وقعدت علي جنب اعيط واصرخ ودموعي كان شكلها غريب اوي . كانت سوده
هدير اللي مايأستش وفضلت تدور ع احمد وتقولي قومي يا نوران نروح ندور هنا لسا مادورناش هناك
روحنا مكام بعيد اوي
لقيناه واقع ف حفره ورجله كانت مكسوره
انا شوفته حسيت اني فقدت النطق
مقدرتش اتكلم ولا افتح بؤي غير بعياط شديد اوووووي . عيني اتحول لونها للون الاحمر . كان علي لسانه كلمه واحده طلعيني يا نونه طلعيني انتي الوحيده اللي هتقدرى تطلعيني
لسا كنت هرمي نفسي اقع معاه ف نفس الحفره لقيت هدير بتشدني وبتقولي لا خلينا فوق عشان احنا نقدر نطلعه .
وبعدين ( بتعيط بجد )
مي : بعدين ايه كملي
هدير : كملي يا نوران والنبي انا بدات اعيط انا كمان ( بتعيط )
نوران : بعدين لقيت تعبان شكله وحش اووووي نازل من فوق من مكان عالي . وفضل ينزل واحده واحده عند احمد .
وانا فضلت ازعق وانده ع احمد واقوله خلي بالك
الغريب ان احمد كان بيبصلي ويضحك ويقولي مش هشيله انتي اللي هتشيليه
نوران : فضلت اصوت واقوله طب اتاخر شويه من عندك ده نازلك
يقولي مش قادر اتحرك . رجلي اتكسرت الحقيني انتي
الحقيني انتي وكان بيبصيلي بصه عمرى ما هنساها
بصة واحد متشعلق ف رقبتي وشايفني انا اخر امل ليه
ساعتها هدير خادتني من ايدي وروحنا ندور علي سلم نطلعه بيه
وصحيت النهارده الصبح واحمد بيبوسني وبيقولي عاوزه حاجه يا روحي انا نازل الشغل
حتي انا فضلت متنحه شويه وابصله وبعيط
قالي فيه ايه يا حبيبتي قايمه بتعيطي ليه
قولتله لا ابدا يا بابا مافيش حاجه
قالي ماشي انا نازل عاوزه حاجه
قولتله ماتنزلش النهارده خليك جنبي
قام ضاحك وقالي مش هتاخر يا روحي
مي : ( بتعيط بنحيب ) ايه الحلم ده وجعتي قلبي
فاطمه : ( بتعيط وساكته )
هدير : ( مسهمه وساكته )
نوران : ( بتنفجر من العياط ) انا حاسه اني مشلوله من ساعتها . مالقيتش قدامي غير اني بتصل بهدير عشان تيجي تقعد معايا
انا عارفه ان التعبان اعوذ بالله يعني شر وشر اوي كمان
من ساعتها بدعي ربنا انه يكون مجرد حلم ومايكونش اكتر من كده لان اعصابي متورته من ساعتها
هدير : ( خايفه ) نونه ! شغلي قرأن ف الشقه . انتي احلامك بتتحقق .ربنا يبعد عنك كل شر الدنيا ياحبيبتي ويحفظك ويحفظلك احمد . بس ايه السر اني كنت معاك ف الحلم ده
نوران : مش عارفه . ده اللي خلاني اقلق عليك واتصل عليك عشان تيجي تقعدي جنبي وتطمنيني واطمنك
انا خايفه يابنات والله اوي .. اووووي بحد
عمرى ما عيشت مشاعر خوف بالدرجه دي
نظره احمد ليا وهو بيقولي الحقيني مش راضيه تروح من بالي
بس نظرته كان فيها معني تاني
مى : معني ايه
نوران : كأنه كان بيقولي بردو الحقيني وماتصدقيش حد انتي عارفاني
مي : ابوس ايدك كفايه ماعدتيش تكملي .
هدير : ايوه والنبي كفايه كده انا جسمي وجعني وبترعش حرام عليك
نوران : ان شاء الله ربنا هيسلم ومش هيحصل حاجه
ماتاخدوش ف بالكو انا قولت افضفضلكو عشان بجد كان هيجرالي حاجه لو ماتكلمتش .
فاطمه : ايوه احسن انا قايمه اعمل نسكافيه
هدير : الله عليك يابطه وانا هقوم اعمل صينيه كيكه
.........................
( احمد وعماد راجعين من الملعب ماشيين وبيلاقوا عربي ابو اميره واقف جنب عربيته )
عربي : ازيك ياواد ياحمد عامل ايه يابني
احمد : اهلااااااااا ازي حضرتك انت يا عربي بيه
عربي : عربي بيه ايه يابني انت زي وائل ابني . ازيك يا عماد
عماد : بخير يا حاج والله اخبار حضرتك انت ايه .
احمد : ها اخبار واثل والبت اميره ايه
عربي : ههههههههههههه الله يجازيك انت لسا بتقول البت اميره . دي لو سمعتك هتقلب الدنيا بس الغريبه انك انت الوحيد اللي ماكنتش بتزعل منك .. انا سمعت انك اتجوزت
احمد : اه ياعمي الحمد لله ماشرفتناش انت ف الفرح ينفع كده وبعتتلك الدعوه بنفسي
عربي : معلش والله كان عندي شويه شغل كده بره البلد وكده كده اميره جايه بكره هجيبها ونيجي نباركلك بنفسنا ياسيدي
احمد : احياة النبي ماتتعب نفسك هههههههههه كأنك جيت وزياده انا بهزر معاك
عربي : ههههههههههه لا مايصحش انا كنت ناوي والله كده كده اجيلك لاحسن تقول اني اتكسفت منك عشان شوفتك وبعدين انا عاوزك اصلا ف موضوع كده
احمد : موضوع ايه
عربي : خير خير ان شاء الله . لما نجيلك هتعرف . شغل كده ومش هلاقي احسن منك . وبعدين انا جالي اخبار انك هتسيب شغلك وبتدور علي محل تفتحه ف المنصوره مش كده
احمد : ايه ده هي البلد دي مابتستخباش فيها حاجه ولا ايه هههههههههههه
عربي : ياواد انا كبير البلد يعني الصغيره بتوصلني قبل الكبيره وربنا يعلم انا بعزك ازاي من وقت زمالتك لاميره ف المدرسه ومحاميتك ليها وخوفك عليها
احمد : اميره زي اختي ياعمي وربنا يديم المحبه
عربي : طيب اعمل حسابك يوم الخميس هجيلك انا وهي
احمد : تنور حضرتك .
عربي : يلا انتو بقا عشان تستحمو شكلكو خلصان خالص
احمد : هههههههههه اه والله . عن اذنك
عماد : عن اذنك ياحاج
عربي : مع السلامه
...............
عماد : شغل ايه ده اللي ممكن يكون بينك وبينه
احمد : والله انا علمي علمك . يكونش ناوي يمسكني معرض العربيات اللي ف المنصوره ولا ايه ههههههههههههه
عماد : ههههههههههه ياعم ابعد عن الشر وغنيله . بلاش الحكايه دي من اساسها ياصاحبي عشان خاطر مراتك .
احمد : من غير ماتقول ياعمده انا مش هشتغل وظيفه تاني براتب انا هتاجر . ربك معانا بقي
عماد : تمام ياحب . اطلع انت بقا وبعد العشا هستناك ع القهوه
احمد : تمام . سلام
......................
المتابعين : تستنتجوا ايه من اللي بيحصل ده ؟