اللى متابع الروايه يسيب لايك وكومنت يا شباب
(الحلقه الواحد والعشرون ( الاخيره ) ) ..( عيون تحلم وقلب يتمني والله كريم ) <3
............
(في الحلقه السابقه ) ......
احمد : خلاص يا نوران انا اعترفت بكل حاجه خلاص مش هقدر اخبى اكتر من كده
نوران : يا فندم موكلى بيتكلم تحت ضغط . الله اعلم انتو عملتو فيه ايه الراجل مانمش بقاله 3 ايام . هو اساسا كان بيعانى من مشكله نفسيه من فتره قريبه وعندى شهادات صحيه تثبت الكلام ده
كمال : هههههههههههههههههههههههههههه هههههههههههههههههههههههههههههه
احمد : ههههههههههههههههههههههههه ههههههههههههههههههههه ( بيقع على الارض ) يانهارك اسود . بتطلعينى مجنون كمان
نوران : هو فيه ايه ؟
كمال : هههههههههههههههههه مافيش حاجه مافيش حاجه
( سعد بيدخل عليهم باعترافات اميره واللى اعترفت فيها بكل حاجه ومعرفتها مين اللى اتهجم عليها وانها شافت فتحى ....
ومن ناحية تانيه اعترافات عربي ووائل ان احمد مالوش دعوه وان البضاعه دى المسؤول عنها هو عاشور وادهم وابنهم فتحى وان هما اللى بدلو العربيات ف الطريق عشان يودوهم ف داهيه )
................... ( الأخيره )
نوران : فيه حاجه يا كمال بيه ؟
كمال : ايه ! لا يا استاذه . بعد اذن حضرتك اتفضلى دقيقتين بره بس بعد اذنك
نوران : اوكى . عن اذنك
كمال : متشكر
......
كمال : تعرف اننا مش محتاجين صاحبك او التسجيلات اللى معاه
احمد : ليه يا فندم خير
كمال : مراتك ياسيدى خلصت كل حاجه
احمد : ازاى يا فندم ؟
كمال : بص يا سيدى !
مراتك قبل ما تيجى على هنا
راحت على اميره ... واتكلمت معاها وبعد ربع ساعه بالظبط لقينا مراتك خارجه واميره بتطلب تدلى باقوال جديده . واعترفت فيه بكل حاجه وقالت انها عرفت ان المخزن كان فيه بضاعه ومعرفش ايه وشافت فتحى وهو بيخبطها بس ماكنتش فايقه
احمد : الله اكبر !
كمال : ده غير ان مراتك قدمت فعلا دليل براءتك واللى يثبت كدب فتحى ف اقواله وانه مشى من عندك على البلد على طول ... الهانم مراتك ياسيدى مقدمه تفريغ لكاميرات جايبه جزء من جسم فتحى وهو الجزمه بتاعته وبعد مقارنتها بالصوره الاولى اتضح فعلا انه هو هو نفس الشخص .. وده طبعا ينفى قضيتين عنك ... قضية السرقه وقضيه التهجم على اميره
احمد : الله اكبر
كمال : قضية الاتجار ف الاثار بقا ف احب اقولك ان الحاج عربي جاب اللى يشيلها بعد اعترافه اصلا انه ماكنش يعرف حاجه عن الاثار وانك اساسا اساسا ماتعرفش حاجه وان العربيات اتبدلت ف الطريق عشان خصومه اللى هما واحد اسمه عاشور وواحد اسمه ادهم حاولو يخلصوا منه .... يعنى عربي وابنه بردو هيخرجوا منها ... لان اللى هيجيبه يشيل القضيه مكانه هيقول انه كان بيتاجر ف الاثار من ورا الحاج عربي ومن ورا احمد امين المخزن
ده طبعا بعد قعادك مع الحاج عربي لوحدكو وكنا بنسجل الحوار من غير ما تاخدو بالكو وباذن من النائب العام .. واتضحلنا صدق تخميناتنا انك مالكش اى تهمه ....وعشان كده انا جبتك ودردشت معاك .... يعنى احب اقولك دلوقتى ان مراتك هى اللى مطلعاك براءه
احمد : ( عينه بتدمع ) انا كنت واثق فيها جدا
كمال : ( بيقوم يحضنه ) انت ابن حلال وتستاهل كل خير ؟ بس ابقى خلى بالك المره الجايه .. مش كل مره مراتك هتقدر تطلعك هههههههههههه
احمد : هههههههههههه لا خلاص خلاص . المهم حضرتك عاوز منك خدمه وده عشان خاطرى بس
كمال : اؤمر
احمد : احبسنى دلوقتى قدام نوران .. يعنى مش عاوز اطلع واروح معاها .. عاوز اعملهالهم مفاجأه ويلاقونى داخل البيت
كمال : يا قلبك
احمد : هههههههههه معلش عشان خاطرى
كمال : ياعم مراتك مجنونه وهتطلعنى انا كمان مجنون ههههههههههه
احمد : ههههههههههه لا لا قولها لسا فيه تحقيقات او حاجه معلش
كمال : طيب خلاص تمام . ( بينادى على العسكرى ) يا عسكرى ...
عسكرى : اوامرك يا كمال بيه
كمال : نادى على الاستاذه المحاميه اللى بره
........
نوران : خير يا فندم
كمال : والله يا استاذه نوران انا مضطر انى آآجل التحقيق بتاع النهارده لظروف معينه . طبعا الاستاذ احمد هيرجع الحجز تانى
نوران : ( بتدمع ) يا فندم حضرتك لسا مسمعتش كلامى ولا انا جايه اقول ايه وده حقي وحقي موكلي
كمال : الورق كله قدامى يا استاذه بس لسا هنطلع عليه ونتأكد من صحته
نوران : يعنى لسا حضرتك مابصتش على الورق
كمال : لا ! انا هسيبكو مع بعض دقيقتين وبعدها هبعت اخد الاستاذ احمد ارجعه الحجز
احمد : متشكر يا فندم
..........
نوران : حبيبى
احمد : روح حبيبك
نوران : ( بتعيط بمنتهى البراءه ) وحشتنى اوى يا روحى الدنيا من غيرك ضلمه
احمد : ( بيمسح دموعها من على خدها ) هششششش بطلى عياط يا جزمه انتى .. وبعدين ايه الوش العسل ده ايه ده يا ناس ده
نوران : وش عسل ايه دنا متبهدله . بهدلتنى معاك ياعم . ابو ده حب يا اخى
احمد : هههههههههه يعنى كنتى هتسيبينى اتحبس ؟
نوران : والله العظيم انا كنت مجهزه نفسي انى هدخل اقولهم انى شريكته عشان يحبسونا سوا ....
احمد : ههههههههههه تعبتك معايا اوى يا حبيبتى الفتره اللى فاتت . حقك عليا
نوران : طب بس بقي عشان ماديلكش ف وشك . بقولك ايه محدش عمل حركه كده ولا كده معاك ولا ضغطو عليك تقول حاجه
احمد : كانو ناويين . بس لما عرفو انك المحاميه بتاعتى خافو
نوران : ههههههههه عاوزه احضنك دلوقتى بس خايفه حد يشوفنى .
احمد : ( بيشدها لحضنه وبيحضنها جااااااااااامد )
نوران : ( بتتنهنه ف البكا . وانين يوجع القلب )
احمد : هشششششش بطلى عياط انا هخرج ان شاء الله
نوران : ماهو لو وكيل النيابه ده ابن حلال ويتقى ربنا وشاف الادله اللى انا باعتاها كان زمانك خارج معانا .
احمد : يا حبيبتى لازم يتأكدو وبعدين هتكونى مقدمه ايه يعنى . دانتى حتة جزمه قديمه تلاقيكى مقدمالهم انى مختل عقليا ولا مجنون عشان تخرجينى من هنا صح
نوران : ههههههههه ناءه
احمد : بتقولى ايه
نوران : ناءه
احمد : يا عسكرى ... يا عسكررررررررررررى .. تعالى خدنى الهى يسترك رجعنى الحجز انا اعصابي سابت .... انتى عارفه انى شامم ريحة حمام محشى من ايدك .. كلته مره واحده من ايدك خلتينى اعشقه
نوران : يا روحى ! طب والله لاعملهولك النهارده وهجيبهولك بكره
احمد : اعمليه انتى بس ومالكيش دعوه
نوران : حاضر والله هعمله
احمد : بحبك
نوران : وانا كمان بحبك
احمد : اه نوران نسيت . ماتخليش امى واخواتى ييجو النهارده ..
نوران : ليه يا حبيبى
احمد : معلش ماتخليهمش ييجو كفاية المره اللى فاتت فضلو يعيطو ووجعولى قلبى . ابقى هاتيهم بكره
نوران : خلاص ماشى يا حبيبى
.............
( بالليل ف شقة ام احمد تحت مى وفاطمه ونوران وهدير وام احمد وابو نوران وام نوران وامل اخت نوران )
ام احمد : ايه يا حبيبتى وصلتو لحاجه جديده
نوران : اه يا حبيبتى . ان شاء الله خير . بكره بإذن الله هخلص الكلام ده
ابو نوران : طيب عن اذنكو يا جماعه . هشرب سيجاره بره
......
نوران : ( بتدمع وبتمسح على دموعها بصابع ايديها )
هدير : نونه ! ايه يا روحى
ام احمد : يعنى انتى اللى بتقوينا يابتى تقومى تعيطى .. عارفين يا بنات
ابنى هيطلع انا عارفه وحاسه بكده بقالى كم يوم
اخر مره روحنا شوفناه فيها كانت عينه مليانه فرحه
لاول مره احس ان ابنى مش خايف علينا وهو بعيد عننا لانه عارف ومتأكد انه راجع
كنت انا والبنات اخواته قاعدين قصاده .. ونوران واقفه ورانا . كانت كل ما عينه تترفع تيجى عليها كان بيقولها بحبك بعينه
انا عرفت دلوقتى ليه ربنا زرع ف قلوبكو انتو الاتنين حب بعض وكانت فطره
نوران : ( بتكلم بعياط )
احمد يا طنط كنت بحس ناحيته بأمان رهيب طول عمرى
كنت بشوف ف عيونه خوف عليا كنت بحسه بيغير من نسمة الهوا اللى بتلمس خدودى وهو بعيد عنى
متعلقه بيه كان مسيطر على تفكيرى ف كل حاجه بعملها
شايفاه قدامى على طول
دايما كنت بعمل حسابه ف كل نفس طالع منى
كان بيقولى بحبك فعلا بعينه
بعد ما اتجوزنا كنت قاعده معاه وبقوله انت عمرك ما قولتلى بحبك قبل الجواز
قالى يا عبيطه لو الحب بالكلام ماكنش حد غلب
كام مره كنت اطلع فوق سطوح بيتكو واحنا صغيرين
وافضل مستنى جنابك لما تحنى علينا وتطلعى
وبعد ساعتين تلاته الاقيكى طالعه بكل برود وقلة ادب وتقوليلى ازيك يا عمو ؟
كنت ببقى متغاظ ساعتها وبيبقى هاين عليا احدفك بقصريه الزرع اللى قدامى
بس كنت بقول يا واد اهدى دى لسا عيله مفعوصه
بعدها الاقيكى بتضحكى وبتطلعيلى لسانك وبتقوليلى
" تاكل معايا ايس كريم "
ساعتها كنت بحس انى عاوز ارمى نفسي من فوق السطوح من كتر الجمال والدلال والرقه والضحكه اللى مسلسله قلبى وعيون امك اللى كانت واخدانى ل بعيد .. بعيد اوى
كل ده وبتقولى انى عمرى ما قولتلك بحبك
ساعتها حضنته حضن تقريبا نسيت نفسي ونعست بجد بين ايده ...صحيت لقيته مقعدنى ف حضنه وبيبصيلى وانا نايمه قالى ايه بقي صحيتى ليه
قولتله ماصحتنيش ليه وايه اللى نيمنى
قالى انا كنت عاوز الدنيا كلها تقف ف اللحظه دى وافضل عمرى كله باصصلك وانتى نايمه
احمد حنين يا طنط .. حسيت بحنيته دى من بدرى . بدرى اوى عشان كده عشقته
(هدير سامعه الكلام وبتدمع )
نوران : عشان كده انا مستعده افديه بعمرى
هدير : احنا مقصرناش يا نوران ومش فاضل غير اننا ندعى ان ربنا يفك الكربه دى
نوران : انا هقوم اعمل حمام محشى لاحمد . يا حبيبى كان شامم ريحته النهارده وطلبه منى . هعمله عشان يبقى جاهز واخده معايا بكره
( ابو نوران بيدخل من بره وباين عليه اثر الضحك والفرحه )
ابو نوران : بقولكو ايه ! لو بتحبو احمد بجد قومو اتوضوا وصلوا انتو جماعه مع بعض . ونوران تصلى بيكو امام وادعوا لاحمد ربنا يفك كربته على خير.. وانا هطلع اريح جسمى فوق عشان جاى معاكو بكره
ام احمد : فكره حلوه قومو يا بنات كلكو اتوضوا
.......
( بتبدأ الصلاه ونوران بتصلى بيهم امام وف اخر ركعه بيدخل احمد بالراحه يقعد قدامهم وهما بيصلوا )
( نوران بتنسي الكلام وعينيها بتبكى وبتضحك )
مى : ( صوتها بيطلع من الفرحه وهى بتصلى )
فاطمه : ( بتحط ايديها علي قلبها وبتشهق من العياط )
هدير : ( بتتصدم وعينيها بتتعلق علي احمد )
ام احمد : ( بتنسي انها بتصلي وبتقول يامنت كريم يارب )
ام نوران : ( بتقول الله اكبر بصوت عالي لنوران عشان تركز ف الصلاه )
( احمد بيبدا يتكلم وهما بيصلوا )
احمد : بالظبط كده زي ما حلمت
نوران قدام بتصلي بيكو وبتدعولي
ابيع الدنيا كلها لاجل ما اشوفكوا فرحانين ومايدخلش قلوبكوا يوم حزن وكسرة
بطلي ضحك يا هدير وركزي ف الصلاه
وانتي يا نوران انتي بتصلي ع فكره بطلي تبصيلي وبصي تحت
شوف البت بردو عماله تبصيلي . يا نيله انتي الامام ههههه
مي : ( بتصحك بصوت عالي )
احمد : ياهبله وطي صوتك انتي بتصلي
هههههههههعههه وبعدين ايه ده
انا شامم ريحة حمام
نوران : ( كاتمه الضحكه بالعافيه )
احمد : هو انتي ف الركعه الكام يا نونه انتي بقالك ساعه واقفه لسا فيه ركوع وسجود ع فكره
هدير : ههههههههههههههعهههههههههههه
احمد : صوتك طالع يا هدير . حرام عليكو دانتو هتخشوا جهنم ههههههههههههههههه
اما ادخل اشوف الحمام اللي جوه ... مين اللي عمله ؟ انتي يا نوران ولا امي
نوران : ( نسيت انها بتصلي ) لا والله انا
( كلهم بيقطعوا الصلاه وبيسلموا )
احمد : هههههههههههههههههه يابنت المجنونه
مى : هههههههههههههههههههههههه
هدير : ههههههههههععععههههه همووووووت
فاطمه : قلبي هيقف والله ههههههههههههههههه
ام احمد : هههههههههههه ربنا يجازيكو يا عيال حرام عليكو
( نوران بتجرى علي احمد وبتحضنه )
احمد : يااااااااه قد ايه الحضن ده كان واحشني يا مقصوفة الرقبه
بقا زبله زيك تطلعني انا براءه
نوران : اطلعك براءه من الدنيا كلها واخبيك جوايا
( اخواته بيجروا عليه يحضنوه وبيحضنهم )
(بيروح يبوس راس ام احمد )
احمد : وحشتينى يا غاليه
وحشانى جدا يا حماتى ...
ام نوران : والنبى البيت واشلارع والبلد كلها كانت مضلمه من غيرك ياواد . سلمت على حماك ؟
احمد : هههههههههههه اه سلمت عليه بره وانا اللى قولتله يقولكو تصلو عشان ادخل استفرد بيكو وانتو بتصلوا كده ههههههههههههه
ام احمد : المهم قومو يا بنات يلا جهزوا الحمام عشان نتعشى
احمد : حمام ايه اللى هتتعشوا بيه ؟ لا يا حلوه انتى وهى ده ليا انا
مراتى وعاملاهولى ايش احشركو انتو ف الموضوع ههههههههههه انا هاخد الحمام كده زى ماهو . وهاخد مراتى زى ماهى بردو كده واطلع اتعشي عشان انا جعان نوووووم
مى : طب ما تتعشى وتطلع تنام وتخلى نوران هنا معانا عشان ماتزعجكش ولا حاجه هههههههههههههه
احمد : اعوذ بالله عليك . مش هتبطلى وطينه بقا يا واطيه انتى
عامله ايه يا دودو ؟ وحشانى والله انتى كمان
هدير : ( بتدمع ) ماكناش نعرف اننا بنحبك اوى كده يابنى انت والله
احمد : هههههههههههه عمر الشقي بقي عشان اعرف مين بيحبنى ومين عامل نفسه بيحبنى ومين هيطلعنى مجنون اخدالى بالك يا نونه
نوران : هههههههههههه ما خلاص بقا مانتو دخلتو عليا دخله حلو انت ووكيل النيابه اللى شكله كده كان متفق معاك صح ههههههههه
احمد : بصراحه صح .. عن اذنكو بقا يا جماعه انا جعان والله هطلع اكل وانام ... عن اذنك يا هدير ( بيبوس ايديها ) متشكر يا اجدع بنوته ف الدنيا
نوران : شكلك مش هتلحق تاكل الحمام يا عنيا وهتبقى ليلة اهلك طين الليلادى
احمد : هههههههههههههههههههههههه ههههههههههههههههه اااااااااااااه قلبى
هدير : ههههههههههههههههههههههه ( بتقع على الارض م الضحك )
مى : ههههههههههههههههه يا شوية مجانين
فاطمه : هههههههههههههه هههههههههههههههه ههههههههههههههههههه البت وشها احمر يا جدعان بس عليا النعمه حته عسسسسسسسسسسسسسل
ام نوران : ( بتحضن ام احمد ) مبروك عليكى رجوعه بالسلامه يا ست الكل
......................
( اخر السهره بالليل خاااااااااااااااااالص احمد ونوران داخلين باب شقتهم )
احمد : ( بيبصلها وساكت )
نوران : احححم
احمد : ( بيقرب منها )
نوران : ايه يا حمو بتبصيلى كده ليه
احمد : بملى عينى منك
بشوف انا عملت خير ايه ف حياتى عشان ربنا يكرمنى ب ملاك بالشكل ده
نوران : يا حبيبى انا ولا عملت حاجه . انا كنت متلهوجه وبحاول اعمل اى حاجه عشان اقدر اساعدك .
كنت عامله زى الغرقان اللى ماسك قشايه ومتعلق بيها ومفكر انها هتنجيه
بس انا كنت مآمنه ومصدقه انها هتنجينى
واهو انت قصاد عينى وف حضنى من تانى
حياتى كانت واقفه من غيرك
فكره انك مش موجود جنبى دى كانت مرعبه اوى
تخيل انى من ساعة الموضوع ده وانا مابيجيليش قلب ادخل اوضتنا
بشوفك فيها ف كل ركن بتخيلك .. بحس انى لامساك
تعرف !
انا احيانا كنت بحس انى شايفاك بجد وبتكلمنى وبتقولى اعمل ايه ومعملش ايه
رعشه قلبى وعصرة صدرى كل ليله انام فيها وانت مش جنبى كانت تقيله اوى . كنت اقول الصبح ادور عليك وافتح كل الاوض ادور عليك لاتكون جيت ودخلت نمت ومش عاوز تصحينى وتزعجنى
انت الحاجه الصح ف الوقت الصح ف المكان الصح
انت املى وحمايتى
وانت سندى وما املك
روحى ومنتهاها يا نن عين حبيبتك ( بتحضنه )
احمد : انتى النهارده كنتى بتقولى ايه ف النيابه لما بسالك على انك كنتى ناويه تطلعينى مجنون عشان تخرجينى من القضيه
نوران : ناءه
احمد : ايوه هى دى ههههههههههه تعرفى انى مفاصلى سايبه من ساعتها
نوران : سلامه مفاصلك يا روحى هههههههههههه ( بتضربه ف عينه ) انت فاكرنى هنسي موضوعك انت واميره . ازاى يا افندى يا محترم تروحلك الشغل كام مره وماتقوليش
احمد : ايه العبط ده . هو ده وقته ؟
نوران : اه وقته .. اميره حاكتلى كل حاجه .
احمد : اااااااااااااااااااااه فكرتينى ... ماهو انتى اللى روحتيلها وخليتيها تغير اقوالها وتقول الحقيقه ... ايه اللى حصل وقولتيلها ايه ؟
نوران : قولتلها ايه ؟ قالتلى على كل بلاويك ومصايبك .. دانت ليلة أهلك سوده .. خد هنا ماتجريش
احمد : هههههههههههههه ( بيجرى وبيضحك ) وحياة امى مجنونه .. الحمام هيبرد يا بنت العبيطه
نوران : حمام ؟ دنا هطلع على جتتك كل حمام وبط الدنيا ... دنا هخليك تكاكى دلوقتى
احمد : طب بطه حلوه بتقول كاك
نوران : هههههههههههههه كاك كاك
احمد : ههههههههههه
نوران : انت شايلنى ومودينى على فين ؟
احمد : هقولك كلمه سر جوه ف اوضتنا يا بنت البارده ههههههههههه ارحمى امى دنا مستوى على الاخر
نوران : حمو !! هقع يا حمو نزلنى
احمد : يعنى حتى وانتى بتقولى نزلنى يا حمو بتقوليها بمياصه وعاوزانى انزلك ازاى
نوران : حمووتى
احمد : عيون تحلم وقلب يتمنى والله كريم
تكالنا عليك يارب
..................
(النهايه )
أنت تقرأ
روايه انا و هي
Tiểu Thuyết Chungالروايه رومانسيه كوميديه اجتماعيه .. تناقش مواضيع الجواز المختلفه ..... الروايه للكبار فقط (أبطال المسلسل ) أحمد : الزوج نوران : الزوجه المفروض ان الابطال جيران ( ومزيد من الاصحاب والاخوات هنقابلهم ف الروايه ) .......... ( بتدور الاحداث ف احدى القرى...
