روايه انا و هي

(الحلقه السابعه ) ..( غمزه ولمزه )

(الحلقه السابعه ) ..( غمزه ولمزه ) <3
............
(في الحلقه السابقه )
احمد : ماشى يا حبيبى دقيقتين هكون عندك
نوران : طيب باي
احمد : باى
عماد : ايه الاخبار
احمد : عارف انت لما امك تقولك خد السجاده دى طلعها فوق السطوح افردها ع الجدار ونفضها وانت تطلع تنفض فيها وبعزم مافيك تفضل تضرب وتعجن ف السجاده
عماد : اه دنا على طول بعمل كده
احمد : اهو انا هبقى السجاده النهارده
.................. ( السابعه ) <3
( ف البيت تحت عند امه وأخواته )
احمد : انتو لسا صاحيين
فاطمه : اه بتفرج على فيلم ... والبت مى اختك بتعمل نسكافيه جوه
احمد : طب ايه . الدنيا ايه فوق ؟ والبنات دى مشيو امتى ؟
فاطمه : من ساعه كده . البت اختك الواطيه معاها كل الاخبار لانى سيبتهم ونزلت بدرى
احمد : بت يا مممممى ... انتى يا زفته
مى : ايوه ياعم بتنادى ليه ؟
احمد : بنادى ليه ؟ تعالى هنا اترزعى قدامى ... احكيلى بقي
مى : احكيلك ايه
احمد : وحياة أمك ؟ هببتو فوق قولتو ايه وكنتو بتتكلمو ف ايه . احكيلى كل فسوه
مى : ههههههههههههه لا مراتك تبقى تحكيهالك بنفسها بقي
احمد : طول عمرى بقول عليك واطيه . مى الواطيه راحت مى الواطيه جات . اسفوخس عليك انتى لايمكن تكونى اختى
مى : ههههههههههههههه انت حبيبى يا حمودى .. مووووووواه
احمد : شوف ازاى ؟ طيب ياحلوه ... هبص على امك وبعدين هطلع بقا وربنا يستر .. بس يعنى هى نوران طبيعيه يعنى ولا نرفزتوها .. منا عارف اشكالكو اشكال رمم
مى : ههههههههههههه معرفش .
احمد : اتفوووووو
مى : هههههههههههه
فاطمه : هههههههههههههههه
.....................
( ف الشقه فوق )
( احمد بيدخل يتسحب ويبص على الطرقه اللى بتودى لاوضة النوم وبيتفاجى بنوران قاعده ف الصاله )
نوران : حمووووتى ! وحشتنى
احمد : بسم الله الرحمن الرحيم .. انتى طلعتى منين !
نوران : هههههههههه ايه ياواد منا قاعده مستنياك
احمد : قاعده مستنيانى انا ؟ طيب انتى كويسه
نوران : اه يا بسبوسى ماتجيب بوسه
احمد : بوسه ؟
نوران : اه بسبوسه زى مانت عودتنى اقولهالك
احمد : ( رافع حاجبه وبيبصلها ومستغرب )
نوران : ليه رفعة الحاجب دى بقا
احمد : مش عارف ! انا سمعت ان البنات كانو عندك النهارده
نوران : اه يالهووووووووووى على دى قعدة . رباب وسمر اتاريهم عارفين كل حاجه عنك
احمد : عن مين ؟
نوران : عنك وعنكو يعنى ... كأنهم اخواتكو وجزء منكو انت واخواتك يعنى
احمد : ايه ! اه ! طبعا
نوران : فضلنا نحكى بقا حكايات وروايات ذكرياتكو ف المدرسه من وانتو صغيرين
احمد : طيب الحمد لله . ربنا يكملك بعقلك .. هما اصلا بنات طيبين وف حالهم وبنات ناس انا عارف انا
نوران : وقالولى على اميره
احمد : هما اصلا بنات واطية ومهزاين وبردو انا عارف انا . اميره مين دى كمان . هى اى مصايب بتتلبس للواحد وخلاص ؟
نوران : ( بتبصله ) مالك يا روحى .. مش اميرة دى كانت زميلتكو يعنى ايام الثانوى
احمد : ايه ! قصدك اميرة . اميييره ؟! هههههههههه ياه عليكى يا نونه خضتينى . اه كانت زميلتنا . عيال بقا
نوران : اه يا حبيبى طبعا عيال . وبعدين هو فيه احلى من الذكريات الحلوه دى . احكيلى عنها بقا
احمد : احكيلك عن ايه
نوران : عن اميره دى ؟
احمد : يانونه يا حبيبتى قوليلى انتى عاوزه ايه ف يومك ده من الاخر . عاوزه تتخانقى ؟
نوران : هههههههههههههههههه هو انا اقدر اتخانق مع البسبوسه بتاعتى ؟ قول قول ماتخافش والله انا عاوزه اعرف عادى فضول ... عاوزه اعرف عنك كل حاجه
احمد : ايه ده هو انتى لسا معرفتيش كل حاجه ؟ امال الفيسبوك ورويتر اللى كانو هنا دول كانو بيعملو ايه
نوران : اه صحيح بمناسبة الفيسبوك ..... هى مين اميره العربي اللى عندك ع الفيس دى
احمد : ( وشه بيحمر )
نوران : ها يا حمو ... اصل لقيتها مقترحه عندى ف الاصدقاء وببص لقيتها صديقة مشتركه ... وبعدين ايه ياعم انت خافى الاصدقاء ليه خايف مين يشوفهم يعنى
احمد : ولا حد . هى مخفيه عندى من زمان
نوران : طوويب قول بقا مين اميره العربيى اللى عندك دى انا لسا شايفاها من شويه قبل ما تطلع
احمد : صحيح مين اميره العربي ؟ داهيه لاتكون هى اميره نفسها معرفش مين اللى ضافها دى ولا مين اللى قبلها ؟ اصل انتى ماتعرفيش ان الفيس بتاعى ده عامل زى السبيل . البت مى او بطه كانو بيفتحوه وكانو ممكن يكونو بعتو اضافات للاصداقء او قبلوها . انما انا مابفتحوش غير عشان اتفرج على بيدج كده حلوه بتكتب روايات بحب ادخل اقراا القصص اللى فيها . دنا حتى بفكر اكتبلهم حكايتنا ويكتبوها هما بقا بمعرفتهم
نوران : امممممممم . بردو ماقولتليش مين اميره العربي ؟
احمد : ( بيكلم نفسه : ده ايه الوقعه السوده دى دى دماغ امها بنت جزم مش هتسيبنى )
نوران : ها يا حموتى مين
احمد : استنى كده اما اشوفها .. افتحى صفحتى من على تليفونك
نوران : طب ماتفتح تليفونك انت
احمد : بقولك ايه افتحى يلا انتى تليفونك .
نوران : اهى ... مين دى ؟ ايوه اللى حاططه صورة البت ام شعر حلو دى
احمد : ( ف سره : لله الامر من قبل ومن بعد ) دى باينها كده والله اعلم اميره
نوران : ايوه اميره مين . ماهى الاميرات كتير
احمد : باينها اميره اميره اللى هى اميره ال.....
نوران : ( بترفع حاجبها ) العربي ؟
احمد : لا
نوران : امال ؟
احمد : اميره العربي
نوران : بتقول مين ياخويا ؟
احمد : ايه ؟ عاوزه ايه انتى وقايمه رايحه فين ؟
نوران : لا دنا بتعدل بس ... بتعمل ايه عندك الابله اميره
احمد : منا قولتلك ممكن حد من اخواتى هو اللى قبلها او بعتلها ادد
نوران : طيب تمام ... الو !
احمد : انتى بتكلمى مين ؟
نوران : استنى انت على جنب
احمد : اوامرك ياسطا
نوران : ( بتبصله ورافعه حاجبها وبتتكلم ف التليفون ) انتى يا بت ؟ هاتى اختك وتعالى اطلعى
مى : ههههههههههه من عنتينى
نوران : اهو اخواتك طالعين دلوقتى اما نشوف هيقولوا ايه
احمد : ( قاعد مستربع على الكنبه وبيضحك ضحكة عبد المنعم مدبولى ف مسرحيه ريا وسكينه واللى معناها روحت ف داهيه )
نوران : بتضحك على ايه دلوقتى
احمد : براحتى . هو انتى هتمنعينى اضحك كمان ولا ايه ؟
نوران : طيب اضحك ياخويا اضحك
...............
مى : هههههههههههههههه قومى تعالى نطلع نشوفهم بيعملو ايه
فاطمه : هههههههههههههه شكلها عكت على دماغ اخوك . انتى يابت اوعى تبيعيه ؟ دى بنت مجانين
مى : هههههههههههههههههه اخوك ابن حلال ويستاهل .. تعالى تعالى البت بترن تانى
....................
نوران : اهلا ياختى انتى وهى اهلا يا حبيبتى تعالو تعالو مش هتطولوا معانا هما دقيقتين وهتنزلوا
مى : ايه يا جماعه خير
احمد : ( لما شاف البنات داخله عليه بيضحك تانى )
مى : ( بتضحك على ضحكته ) ههههههههههههههههههههه انا عارفه الضحكه دى وحافظاها ؟؟ جرى ايه يا جماعه
فاطمه : ههههههههههههههه ايه يا حمو فيه ايه
احمد : اسألى مرات اخوك مش هى اللى مطلعاكو ( بيغمزلها )
فاطمه : ( بتفهم انه غمزلها وبتسكت )
نوران : تعرفوا حد اسمه اميره العربي
مى : اه مش دى اميره زميلة احمد ايام الدراسه . اميره عربي المنشاوى
فاطمه : ايوه مالها ؟
نوران : الله اكبر ! يعنى عارفينها اهو ؟
مى : اه . مالها
نوران : استنو بس ... هى موجوده صديقة عند اى واحده فيكو
مى : لا وانا هضيفها ليه ؟
فاطمه . ( ساكته )
نوران : ولا انتى يا بطه ؟
فاطمه : ايه ! لا مش موجوده
نوران : طب هى موجوده عند اخوك على صفحته واخوك بيقول انه مايعرفش هى جات ازاى ! وبيقول ان اكيد حد منكو اللى ضافها او قبل الادد بتاعها لو كانت هى بعتت
فاطمه : اااااااااااااااااااااااااه افتكرت ... من حوالي شهرين كده كنت قاعده بلعب على اللاب بتاع احمد وفاتحه الفيس بتاعه وبقرأ رواية اسمها " ياريت " والبطل اللى كان هيموت عشان خاطر حبيبته . غير رواية " بنت الأكابر " بقي اللى بتودينا ف دنيا غير الدنيا هييييييييييييييييييييييح
نوران : ( بتشدها من شعرها ) انطقى يا روح امك انتى .. انتى هتعمليلى فيلم . اخلصى وبعدين ؟
فاطمه : ههههههههههههههههه لا اقصد يعنى انى اه اتبعت ادد من اميره وانا قبلته بالغلط ومارضيتيش الغيه تانى وقتها عشان مايبقاش عيب .. وبعد كده نسيت اصلا اقول لاحمد او نسيت اشيل انا الاضافه
احمد : الله اكبر ! ظهر الحق ايدك ابوسها يا حبيبة قلبى ..... بصى انا هجيبلك قلبى والله ماهو راجع
مى : ( بتقع ع الارض م الضحك من منظر احمد ) هههههههههههههههههههههههههههههه
نوران : ( بتبتسم وبتكتم الضحكه ووشها بينور من كتر الابتسامه ) طب خلاص خلاص انزلوا يلا
فاطمه : طب ماحنا سهرانين معاكو شويه
احمد : اقسم بالله حبيبتى وبنتى واختى كمان . اقسم بالله لاخدك افسحك واجيبلك الشنطه اللى قولتى عليها هى والجزمه اللى بتفس اللون
فاطمه : والطرحه النبيتى ؟
احمد : والطرحه النبيتى
فاطمه : وفيه بنطلون حلو كده بردو ب 350 جنيه
احمد : ايه ؟ والبنطلون كمان
فاطمه : وفيه شال تحفه جداااااااااااااا عينى هتطلع عليه ف الفاترينه بشوفه وانا رايحه وانا جايه الدرس
احمد : ما خلاص بقا انا زهجت
فاطمه : ههههههههههههههههههه
نوران : اه يا ولاد ال....... ماشى ماشى . اتفضلى يلا يا ابله انتى وهى على تحت . عاوزه اقعد مع جوزى شويه
احمد : ماتخليهم يا نونه نتعشى سوا
مى : لا احنا اتعشينا
فاطمه : لا احنا ماتعشيناش ايش عرفك
نوران : حتى لو ماتعشيتوش . هعملكو عشا وتاخدوه وتتعشوا تحت . بقولكو عاوزه اقعد مع جوزى شويه
مى : اه انتى بتكرشينا بقي
نوران : بالظبط
..........
( نوران بتقفل الباب ورا اخواته وبتبص لاحمد وهو عامل فيها بياكل فشار وبتيجى تقعد جنبه )
نوران : منور !
احمد : ده نورك يا حبيبة قلبى
نوران : لا حقيقى منور
احمد : الله يخليك متشكر
نوران : اعملك عشا ؟
احمد : ياريت والنبى لاحسن انا واقع . دمى نشف
نوران : دمك نشف من ايه
احمد : من الخضه
نوران : خضة ؟ خضة ايه ياخويا
احمد :" ايه ؟ لا دا واحد صاحبى يا عينى كان هيدخل ف وشه قطر بس ربنا سترها معاه عشان هو ابن حلال مصفى وغلبان
نوران : هو مين ده اللى غلبان ؟
احمد : صاحبى
نوران : اه ! طيب ماشى . قوم غير هدومك وانا هعمل العشا .
احمد : ماشى يا قلبى . ( بيبوسها من شفايفها )
نوران : بتعرف تتوهنى
احمد : ( بيشد شفايفها بشفايفه )
نوران : ااى بالراحه
احمد : مافيش كان فيه حبايه طالعالك ف بؤك
نوران : انت بتعمل فيا ايه يابنى انت بلمستك دى . بتكهربنى كده ليه
احمد : عشان بحبك وبموت ف التراب اللى بتمشى عليه . ودى كفيله لوحدها انها تدوبك . والاحسن من انى بحبك هو انك عارفه ان احمد بيحبك . صح ؟
نوران : طبعا يا روحى ( بتبوسه من شفايفه بوسه طويله ) وحشتنى اوووى
احمد : وانتى كمان اووووى اووووى ( بيقعدها على رجله ) مش هتبطلى الحلاوه اللى انتى بتحلويها كل يوم ده
نوران : ناءه
احمد : اموت انا ف اور المياصه هههههههههههههه شوفتى بقا لما بترجعى مايصه بتبقى عسل ازاى . اجارك الله لما بتشغلى مخك وبتفضلى تلفى وتدورى حوالين منى زى المخبر بترعب ههههههههههههههههههه
نوران : اعملك ايه مانت اللى عينك زايغه
احمد : انا ؟ اخص عليك ؟ انا عينى عمرها ما زاغت الا عليك وانتى عارفه كده
نوران : لا بس فيه عيون كتيره كانت بتزوغ عليك
احمد : ياسلام . طب ماتخلى اللى يزوغ يزوغ المهم انا عاوز مين ومحتاج مين ف حياتى ومستكفى بمين يا عبيطه
نوران : ايوه ايوه اضحك عليا ياخويا
احمد : ( بيكتفها وبيحضنها وبيبوسها بوسه كبيييييييييييييييييييييييره جدا ) كده بضحك عليك
نوران : ناءه
احمد : ( بيشيلها وبيمشى على اوضتهم )
نوران : انت رايح فين مش هنتعشى
احمد : كمان شويه . خلى العشا كمان شويه فيه كلمه ضرورى عاوز اقولهالك دلوقتى . اما نخلصها هنبقى نخرج نعمل العشا سوا
نوران : كلمة ايه ها ايه ههههههههههههههههه
احمد : ههههههههههههههههه لا دى كلمة سر مالكيش انتى دعوه
نوران : بحبك يا مجنون
احمد : بموت فيك يا قلب المجنون
.........
( تحت ف الشقه )
مى : يخربيتك يا بطه دا الحمد لله انك انتى اللى كنتى قابله الادد مش اخوك كان راح ف داهيه ههههههههههههههههه
فاطمه : ههههههههههههههههههههههههه
مى : بتضحكى على ايه
فاطمه : ههههههههههههههههههههه انا لا قبلت ادد ولا نيله . دنا كنت بنذ اخويا
مى : ايه ؟
فاطمه : ههههههههههههههههه هو غمزلى وانا قولت استغل الموقف . قولت اننا اللى قبلت الادد واطلب منه طلبات بقا دنا طلبت طلبات تدخلها ف 1000 جنيه
مى : ياولاد الجنيه . يعنى احمد هو اللى غمزلك وانتى اتصرفتى كده
فاطمه : اه . بس بقولك ايه بلاش امور الوطينه بتاعتك دى وتروحى تقولى لنوران . لاحسن انا عارفاك هتقوليلها
مى : بقا انا هقولها ؟ عييييييييييييييييييييييب . عيب عليك ماهو بردو اخويا وخايفه عليه ( بتضحك ضحك عالى )
......................