روايه انا و هي

(الحلقه الخامسه و العشرين ( نهاية الجزء الاول ) ) ..( أنا وهى )

(الحلقه الخامسه و العشرين ( نهاية الجزء الاول ) ) ..( أنا وهى ) <3
............
(في الحلقه السابقه )
( اخر السهره فوق ف شقتهم )
نوران : حمووو!
احمد : نعمين
نوران : وحشتنى
احمد : مين ؟
نوران : بقولك وحشتنى اوى خدنى ف حضنك
احمد : يا منجى م المهالك يارب .. انا بقيت اخاف منك . بتخططى لإيه
................. ( نهاية الجزء الأول ) <3
نوران : اخص عليك بقا انا بخطط بردو ؟
احمد : أمال ايه ده ... انتى ماشوفتيش نفسك عملتى ايه النهارده
نوران : ايه هكون عملت ايه يعنى . حقى ورجعته
احمد : هو انتى رجعتيه بس دانتى رجعتيه ونص وتلت تربع هههههههههه بقا يا قادره تاخدى البت لصفك وتقرريها على كل حاجه
نوران : منا كان لازم اعمل كده
وكان قدامى خيارين . انى اروح اتخانق بقا ومعرفش ايه واعلى صوتى وتبقى خماقه وساعتها البت كانت هتعند أكتر غير انها مخطوبه .. وماينفعش اعمل كده وخطيبها يعرف . قولت لا . هكسبها واخليها هى بنفسها تحس انها بتعمل غلط ماينفعش يتعمل
وانها تعاملك على انك اخوها وبس
احمد : طب هى اقتنعت ازاى نفسي افهم ؟
نوران : ولا اى حاجه .. دى حركات احنا كستات بس نعرفها ونعرف نتعامل معاها ازاى
احمد : مش سهله انتى يابنت اللذينه بردو . اعوذ بالله عليك
نوران : بص يا حبيبى . قولتهالك كتير قبل كده وهقولهالك تانى . انا ف الحب أكون او لا اكون
يعنى انت تخصنى انا بس
انا بقي حره ادلعك ارخم عليك انكد عليك . براحتى . مافيش حد له حق فيك غيرى
يعنى الناس تحمد ربنا انى سايباهم يبصولك ويتعاملو معاك ف شغلك والشارع وكده
فهمتنى يا قلبي ؟
احمد : اه الحمد لله فهمتك يا روح قلبك
نوران : المهم بقا يا بسبوسه
احمد : اوباااااااااااااااااااااا طالما فيها كلمة بسبوسه دى يبقى فيها بلوه داخله عليا
نوران : اخص عليك والله بقا انا بلوه
احمد : بقولك ايه ماتوقعنيش ف الغلط . انا بقول فيه بلوه جايه . عاوزه ايه
نوران : مش هتقولى مين رباب دى بقي
احمد : زميلتنا يا نونه . زميلتنا مش اكتر . كانت تيجى تذاكر معانا وتقعد معانا ونروح المنصوره مع بعض ف نفس القطر . هى من البلد اللى قبلنا كانت تركب وتحجزلنا اماكن عشان نيجى نركب على طول ونلاقى مكان نقعد فيه . يعنى علاقة صداقه وزماله مش اكتر والمفروض تركبى ده ف راسك
نوران : بص ! عشان تبقى فاهم الموضوع
انت بتعاملهم على انهم اصحابك وزمايلك وقرايبك اوكى وانا فاهمه ده كويس
بدليل انى لغاية دلوقتى لا اتعصبت ولا اتخانقت معاك
لكن هما بقا يحبوك او يحاولو يكلموك والكلام ده لا يا حبيبى ... فهمتنى ؟
وده اللى سمر قالتهولى
احمد : قالتلك ايه سي زفته دى
نوران : هههههههههههههه قالتلى انها على علاقه ب رباب لسا وبتكلمها وهى قالتلها انها بتكلم احمد ؟
احمد : بتكلم احمد مين ؟
نوران احمد انت
احمد : والنبى ما حصل ..
نوران : امال هى رباب بتشتغل سمر يعنى ولا ايه
احمد : اه . هما على طول كده بيشتغلو بعض
كانو يقولونى كلام ماقولتوش
نظام فرسه كده ان كل واحده بتفرس التانيه
دى تقولها احمد بصلى بصه مش عارف ايه والتانيه تقولها ده رن عليا امبارح وقالى مش عارف ايه ... هما على طول كده .. معرفش ايه شغل البنات ده
وانا بكون ماكلمتهاش بقالى سنه مثلا
نوران : والله ؟
احمد : اه والله هو ده اللى حصل ... انا من زمان جدا معرفش عنهم حاجه اصلا حتى سمر دى
نوران : يعنى سمر كانت بتكدب عليا
احمد : لا مش لازم .. ممكن فعلا تكون رباب كلمتها وقالتلها انها بتكلم احمد وكانت لسا مكلمانى من فتره
نوران : لا اقنعتنى الصراحه
احمد : اى خدعه
نوران : طيب ياخويا .. فالح انت بس انت بقالك يومين خايف
احمد : اخاف من مين ان شاء الله
نوران : ( بتبصيله ورافعه حاجبها )
ااحمد : ماتقولى اخاف من مين ؟
نوران : منى يا عنيا
احمد : لا محصلش .. مافيش راجل مصرى اصلا بيخاف من مراته
نوران : ههههههههههههههههههههههه اسكت اسكت دانتو سيرتكو سابقاكو
احمد : لا يا ماما دى اوشاعات
نوران : اه اوشاعات بردو ؟
احمد : اه . احنا بنسيبكو تاكلو عيش بس بمزاجنا
نوران : والله ؟
احمد : احم . مش اوى يعنى فيه مننا بيخافوا شويه صغننين
نوران : والله ؟
احمد : اه بنخاف ارتاحتى
نوران : ههههههههههههههههه الله عليك
احمد : طب انتى عارفه !
احلى علاقات بتتبنى على الصراحه والوضوح مهما كانت الصراحه دى مرلمه وفيها احداث مؤلمه جدا وممكن تعكر صفو العلاقه بين اى اتنين الا انها احلى من العلاقات اللى مبنيه على كدب وتزييف حقايق مهما كان الكدب ده مبرر بيه انه للمصلحه وعشان مازعلكش والكلام ده
يعنى انى اكون واضح وعامل زى كتاب مفتوح قدامك احسن مليون مره من كل الكلام الحلو اللى اقولهولك وانا مخبى عنك حاجه
لذلك لما قولتيلى هروح ل سمر قولتلك ماشى ماعنديش مشكله
شغلتى اختى الكلبه لحسابك قولت اهم عيال بيلعبو
نوران : ههههههههههههههه انت عرفت
احمد : ماهى الكفه لازم تكون معدوله . زى ما مى اختى شغاله لحسابك فيه البت التانيه اللى عمرى ما هونت عليها وقالتلى ان مراتك شغلت اختك لحسابها
نوران : هههههههههههههه اه يا زاطيه يا فاطمه . ماتقلقش هبقى اضمها ل الليسته بتاعتى هى كمان واجيبها ف صفى بس كله ف وقته
احمد : مش هتعرفي يا شيخه خديجه يا مغربيه
نوران : هههههههههه اهو شوفت . الاخبار بتيجى لوحدها ليا من غير اى تعب . يابنى احنا كستات كده والله بجد .. انتو تفضلو تلفوا تلفوا وف الاخر بتيجو على حجرنا وبنفقسكو من مجرد بصه واحده ف العيون
احمد : مره كان واحد صاحبى مراته مجنونه شويه
دايما تشك فيه ةدايما تراقبه وف مره من المرات جات تبص عليه ف القهوه قاعد ولا لا لما هى اتصلت بيه وقالها انه على القهوه
مجنونه بمعنى الكلمه
نوران : جدعه والله انتو كده اصلا مالكوش الا كده
احمد : ماهو انا نفسي انتى تحصليها وتبقى زيها
نوران : ماتقلقش منا هعمل كده وهتلاقينى ناطالك ف كل مكان
احمد : هههههههههههههههه سيبينى أكمل
لغاية يوم اغبر بقي
لما كانت بتشك فيه جامد وكانت بتشك على انه علاقه بواحده تانيه
قررت تمشى وراه وتراقبه
حضرت لبس الخرود بتاعها جنب الباب وحضرت كمان نقاب وقالت هتلبسه اول ما جوزها يخرج . هتقوم لابسه النقاب بسرعه وخارجه
لغاية هنا تمام
المهم بقي جوزها فعلا خرج . هوب قامت لابسه النقاب بسرعه بسرعه بس كان فيه مشكله
نوران : مشكلة ايه ؟
احمد : انتى اندمجتى يعنى
نوران : هههههههههههههه لا اصل الحكايه حلوه . جدعه والله وبتخطط اهى . ممكن بردو اشترى نقاب اخليه معايا احتياطى ولا حاجه
احمد : ياريت ههههههههههههههههههه سيبينى أكمل
نوران : كمل
المهم من استعجالها ولبختها . شغلت دماغها وقامت واخده البت معاها
يعنى هى متنكره ولابسه نقاب وخدت البت معاها . يعنى متىمر واهطل
نوران : هههههههههههههه
احمد : المهم لحقت جوزها
ركب تاكسي قاكت راكبه تاكسي هى كمان ووراه
نزل م التاكسي نزلت وراه
وبعدين فضل واقف شويه وهى واقفه من بعيد وف ايديها البت بتبص عليه
هوب اختفى من قدامها تدور يمين شمال مافيش فايده اختفى تماما
لغاية ما حست ب حتة قلم على قفا أمها كانت عينيها بتسرج من كتر ما القفا كان بيطرقع
مين بقا اللى كان بيضربها
نوران : مين ؟
احمد : جوزها واحنا
ماهو اصل لما نزل م التاكسي جه وقف معانا وبعدين بطرف عينه كده بص عليها كانت هى واقفه من بعيد بتبص عليه قالنا ايه ده . دى بنتى ؟ ومين البت اللى لابسه نقاب ماسكاها وعماله تتلفت وراها دى
انا بقا اسكت ؟ قومت مسخنه قولتله تلاقيها خاطفاها ياسطي وناويه تبيع اعضاء البت قوم نشوف الحكايه
عينك ما تشوف الا الور كان هو يضرب وانا اضرب وهى عماله تصرخ ومش قادره تتكلم من كتر الضرب يا عينى ومن حظ أمها الاسود كان النقاب مربوط ربطه سوده مش عاوز يتكشف
هو ياخد البت ف حضنه ويقولها ماتزعليش يا حبيبتى وانا شغال ضرب ف الوليه ههههههههههههههههههههه لغايه ما النقاب اترفع وفضلت تصوت انا شيماء يا ولاد الكلللللللللللللللللللللللللللللب
نوران : ههههههههههههههههههههههههههههههههههههههههههههه همووووووووووووووووووووووووووت عجنتو البت منكو لله حرام عليكو والله
احمد : انا انصدمت وازبهليت كده .. قومت انا قايل شيماء مين ايه اللى عاملاه ف نفسك ده من امتى لابسه نقاب
قامت شاتمانى وقالت خليهم يسيبونى حرام عليك الاول .. تعالى يا وائل فكونى
نوران : انتو كنتو ربطتوها ولا ايه يخربيوتكو
احمد : ربطنا مين دا الدنيا كلها كانت بتضرب فيها ماحنا قولنا حراميه بقا وسارقه البت ههههههههههههههههه
جوزها كان رد فعله غريب بقي
جاى كده معاه البت وبيبصلها وبيضحك يقولها ايه اللى عملاه ف نفسك ده يا شيماء
تقوم شاتماه وتقوله ماهو عشان عين أمك الزايغه دى
قالها يعنى تيجى تراقبينى ومعاكى البت ؟
قالتله امال اوديها فين
وكانت شوره هم
نوران : هههههههههههههههههههههههههههههههههههههههههههه
احمد لا وكل ده وانا مسخسخ م الضحك بس ف الاخر ضحكو كلهم وفضلنا نتكلم ع الموضوع ده شهرين وكل ما تيجى مناسبه تقول قفايا ورم بسبب الواد احمد
وعزمونى على عشا تانى يوم ودايما اقولها ايه يا شيماء مش ناويه تطلعيلك طلعه ورا جوزك تراقبيه
تقولى ياخويا حرمت دنا لو شوفته بعينى مع واحده تانيه ولا هسال ف امه هههههههههههههههههههههههههههههه
نوران : حرام عليك انا بطنى وجعتنى م الضحك
احمد : يلا .. محدش بياكلها بالساهل . المهم انتى يلا لو عازه تراقبينى
نوران : اخص عليك . عاوز تضربنى
احمد : وحياتك ما هتوصى ههههههههههههه دانا هطلع عليك غل اليومين اللى فاتو
نوران : ههههههههههههههه يا رخم
احمد : المهم ايه بقي الدنيا
نوران : ايه عاوز ايه ؟
احمد : عندى شويه مشاعر بايتين كده من امبارح عاوز اقولهملك ههههههههه
نوران : طيب ياخويا انت ومشاعرك دى ... صحيح بقولك فيه واحده صاحبتى عاوزه اعزمها . كانت ف اسكندريه طول الاجازه دى وكلمتنى ع الواتس قالتلى انها جايه بكره ف انا قولتلها تعالى على طول
احمد : طيب يا روحى وبتقوليلى ليه مانتى عارفه انه عادى هاتى اى حد من طرفك
نوران : ماشى يا روحى
احمد : صاحبتك مين بقا انتى ماشاء الله صحابك كتير
نوران : هههههههههههههههههه لا انت اكيد عارفها او شوفتها قبل كده من فتره يعنى لما كنت انا ف الجامعه ؟؟
احمد : ناولينى اشرب من جنبك ... ايوه مين طيب
نوران : خد يا حبيبى .. البت هدير .. الحلوه العسل دى
احمد : ( بيكح وبيشرق ) بتقولى مين ؟ ( ف سره : يا نهار اسود ومنيل . هى لما بتتطبل بتطبل كلها مره واحده . انا حد داعي عليا ف أم الجوازه دى )
.............
إلى اللقاء ف الجزء التانى قريبا