روايه انا و هي

(الحلقه الرابعه عشر ) ..( الليله المشؤومه )

(الحلقه الرابعه عشر ) ..( الليله المشؤومه ) <3
............
(في الحلقه السابقه )
ادهم : انت بتقولي ان الواد اللي ماسك المخازن بتاعته هناك مايعرفش هى فيها ايه ؟
عاشور : لا . ده واد عفيجي ولو عرف ماكنش اشتغل معاهم مانت عارفه . الواد احمد . فتحي ابني يعرفه كانو زمايل
ادهم : يا صلاة العيييييد ! طب ماهي اتحلت لوحدها اهي .. نادي علي ابنك فتحي خليه ييجي ضرورى
.........................(الرابعة عشر ) ❤
( ع القهوه )
عماد : ايه يا حب اخبارك ايه ايه
احمد : اهو ماشي الحال .
عماد : الشغل عامل معاك ايه هناك
احمد : شغل ايه ياعم دا دلع هههههههه انا بروح ساعتين بعد العصر اشوف ايه اللي جه وايه اللي طلع وخلاص .. وبجرد كده كل خمس ايام . بس الصعوبيه بس لما يكون جاي طرود من بره لازم اروح اقف علي ايد العمال لايجرحو حاجه ولا ينسو حاجه
عماد : هو انت بتستلم الشغل ده استلام ورقه وقلم يعني وبتعد الحاجه اللي جايه ولا ايه
احمد : اه طبعا . دنا بطلع فوق العربيات اعدها بنفسي .
عماد : هههههههههععععع طب والبضاعه دي عباره عن ايه
احمد : تحف وانتيكات غاليه اوي . عشان معارض الاثاث اللي عنده ف دمياط . دا لما بتبقي جايه طلبيه من بره بيفضل يتصل عليا ييجي عشر مرات ف الساعه
جات ولا لسا
طب ناقصه ولا كامله
طب مين اللى جابها
طب عديتها كويس ولا لا .. حاجه خيله .
عماد : طب ومعرض العربيات
احمد : لا ده فله اوي
مابروحش غير لو حد عاوز يخلص ف عربيه او حد بيستفسر عن حاجه وكده كده الواد اسلام هناك . وعشر دقايق بكون هناك لو طلبنى
عماد : ربنا يعينك يا حب . المهم هتبدا ف تشطيب المحل اللي شوفته امتي
احمد : الاسبوع اللي جاي . اتفقت مع واد بتاع ديكور هيرفع المقاسات وقالي هيعمل شغل جديد وبعدين مكان المحل تحفففه
عماد : طبعا . ع المشايه كده وف ضهر الجامعه ع البحر هههههههه العب دانت هيجيلك بنات المنصوره كلها هههههههههههه
احمد : اهى نية امك السوده دى اللي هتوقف حالي هههههههههه حجر معسل جديد والنبي يا كريم
كريم : عيوني يا حمو
عماد : واخبار مراتك ايه
احمد : كويسه دي وافقت بعد ما حلفتلها ايمانات المسلمين كلهم اني ماليش علاقه بالبت اميره
عماد : طب خلي بالك بقي
البت اميره مفكرتش تجيلك ؟
احمد : نيله تاخدها دي كل يوم هناك ههههههههههههه اعوذ بالله تيجي تشوفني وتقعد معايا شويه وف الاخر تقولي انا معلش عطلتك انا اصلا رايحه لصاحبتي
عماد : ههههههههههههههههه خلي بالك منها دي بت مش سهله
احمد : طب والله غلبانه اميره دي
عماد : يابني هو انت الناس كلها غلابه عندك . ماتصحصح بقا ياض
احمد : بص يا عمده !
لازم يا صاحبي تبقي عارف قدره كل واحد بيتعامل معاك
ماينفعش تخاف من كل حاجه وتوقف حياتك خايف من ده وخايف من ده
اكبر بحياتك وبمستوي تفكيرك شويه
لو فكرت ف كل حاجه بتحصل حواليك وعرفت كل واحد اتعاملت معاه علي حقيقته هتعرف يقدر يعمل ايه ومايعملش ايه
اميره بقولك غلبانه لان حركاتها كلها حركات كيد نسا وغيره هههههههههههه يمكن كانت مشكلتي زمان اني كنت قريب من بنات كتير وكانت فيه بيني وبينهم ذكريات حلوه والقرب ده كان ببراءه مني مش بخبث . يعني كنت احب اهزر واضحك مع اي حد وانت كنت معايا وشايف
ماكنتش اعرف ان معاملتي دي هتخليهم يحبو الواد ابو دم خفيف زميلهم ده .. لكن عرفت متاخر بعد ما لقيت نفسي متحاوط بجيش بنات هههههههههههههه كلهم عاوزين يفرسوني ويطلعو عيني .بس احلي حاجه ف الليله دي كلها هي البت اللي انا اتجوزتها دي
يابني انا لو كنت بفصل واحده ليا اتجوزها ماكنتش هفصلها بالنقاء والجمال والبراءه والعقل ده
بتعرف امتي تتخانق وامتي تشد وامتي ترخي وامتي تغير عليا وامتي تسكت ... حاجه كده بونبوني
تعرف !
انا دلوقتي حياتي كلها بقيت متمركزه عليها
بقيت اصحي افكر هعملها ايه النهارده حاجه تسعدها .
اروح شغلي وارن عليها
ف نص شغلي ارن عليها
ببقي مروح طاير عشان اجرى لحضنها
عشان كده بقالي كم يوم خايف
عماد : خايف من ايه ياحب
احمد : مش عارف . من نفسي كده بلاقي نفسي قلبي اتقبض مره واحده ... زي ما يكون خايف اخسرها او تبعد عني
مش عارف .. مش مستريح ف الشغل الجديد ده
علي قد ماهو سهل ومش مجهد
بس مش عارف . كل ما ادخل الشغل بحس بهم علي قلبي مش عارف سببه
ف انا هتم شهر بالظبط . 30 يوم بالتمام والكمال وهكلم عربي يشوف حد تاني وافضي نفسي للمحل بتاعي
عماد : اللي يريحك يا حب . اهم حاجه تكون مرتاح
احمد : ايوه ياعم . كمان 12 يوم بالظبط وهكلمه اقوله يشوف حد تاني . انا بنام جنب البت بحس ان فيه سور كبير عالي بيني وبينها
عماد : احمد ! انت لسا بتشوف الحلم اياه
احمد : وحياة امك ماتسألني السؤال ده تاني انا اعصابي بدات تتعب بجد .. وكل يومين الاقي نوران قايمه مفزوعه بتعيط وتفضل تحضن فيا معرفش بتحلم بإيه هي كمان مش راضيه تقولي
عماد : يابني شغل قرآن ف البيت بقا
احمد : والله ما بفصله .. فكك فكك ربك يستر . هو بس من الضغط عليا وعليها اليومين اللي فاتو وكلها كم يوم وهريحها وهرتاح خالص
عماد : جاتك البلا ف الفاظك ايه هريحها وارتاح دي انت هتموت ولا ايه ههههههههههههه
احمد : ههههههههههههه ايه ده هو انا قولت كده هههههههه اقصد يعني هشيل الضغط من عليها وعليا . احنا مابننامش والله كل يوم واحد يقوم مفزوع من نومه بس انا بقدر امسك نفسي مابظهرلهاش حاجه وبخليها نايمه يا عيني
عماد : ربنا يسترها معاك يا حب .. سيب الشغل مع عربي يابني وارتاح
احمد : ماهو ده اللي هيحصل ..
.....................
( بيت اميره )
هند : انتي يابت يعني بقالك اسبوعين راجعه من بره ولسا بردو دمك محروق .. ماتنسيه بقي هو عمره ماكان ليك اصلا
اميره : انا عارفه انه مش ليا ولا كان هيبقي ليا بس مش عارفه اشيله واطلعه من دماغي .. فجأه وبسهوله كده الاقيه اتجوز
طب ليه منا كنت قدامه . ناقصني حاجه انا ؟
هند : لا مش ناقصك حاجه ولا فيكي اي حاجه تتعايب بس يا حبييتي ده نصيب .. عارفه لو كان بيحب البت مراته دي قريب . يعني لو شافها من فتره قريبه وانتي مسافره مثلا وحبها واتجوزها كنت انا بنفسي اللي هتلاقيني بخطط معاك عشان يسييها ويرجعلك
لكن يا حبيبتي هى القديمه هو طول عمره بيحبها
اميره : اه منا عرفت .
هند : سييك انتي البت حلوه ؟
اميره : ماهو ده اللي غايظ امي انها حلوه
انا ل لحظه كده قولت ف سري لا حقك يا احمد تنسي اي حد ولا تفكر ف اي حد عشان خاطرها
شوفي
انا عمرى ف حياتي ما شوفت بنت احلي مني ولا جسم ولا شكل ولا حتي شعر .. الا البت دي .. بنت مين دي نفسي افهم
هند : هههههههه بنت الجيران . بيقولوا احمد ماكنش بيطلعها كتير عشان ماتتحسدش
اميره : انتي جايه تفرسيني يابنت الكلب انتي ولا ايه . اخرسي مش عاوزه اسمع صوت اهلك
هند : طب مانتي كل يوم والتاني بلاقيك رايحه المنصوره .. بتقابليه ؟
اميره : اقابل ايه دنا بطب عليه الشغل بحس انه عاوز يكرشني .. هههههههههه بس دمه عسل ابن الهبله .. وحياة امي بيوحشني
انتي عارفه نفسي ف ايه
هند : ايه يا حيلة امك وانتي مسهمه كده
اميره : هههههههههههههه نفسي اقضي ليله مع احمد .. ليله مجنونه كده اشم فيها ريحته وانام ف حضنه واقوله بحبك
هند : ههههههههههه احلمي احلمي
اميره : ههههههههههههه انا بحلم اه بس هنفذ الحلم بتاعي . وقريب .. قريب اوي
هند : ازاي بقي ان شاء الله
اميره : مالكيش انتي دعوه .. بكره تعرفي
هند : بكره بكره
اميره : بكره بكره هههههههههههههههه
....................
( عاشور وادهم )
عاشور : الله يحرقكو يا ولاد الكلب .. الناس مديينا مهله لبعد بكره . يا تكون البضاعه معانا سا هيولعو فينا دول مابيهزروش
ادهم : اهدي بقي يا حاج .. بكره هنخلص الموضوع ده زي ما اتفقنا . وياروح ما بعدك روح . اتصل علي فتحي خليه ييجي
.......................
( تاني يوم ف معرض العربيات )
فتحي : اهلااااااااا ازيك يا حبيبنا
احمد : ايه ده ايه اللي جابك هنا ياض هههههههههه تشرب ايه
فتحي : ولا اي حاجه انا كنت ف مشوار هنا ف المنصوره وقولت اعدي عليك لما عرفت انك ماسك شغل الحاج عربي
احمد : تنور يا اتح هههههه تشرب ايه ياض
فتحي : ولا حاجه ياعم انا جاي اسلم عليك وامشي .. صحيح انت ماسك معرض العربيات ده بس ولا ايه
احمد : لا والمخزن بتاع التحف والانتيكات اللي ورانا .. مانت اكيد عارفه انت هتستعبط بروح امك .
فتحي : ههههههههههههه اه ياعم عارفه . كنا بنيجي زمان نشون فيه بضاعه تبعنا
احمد : ( بقلق ) بضاعه تبعكوا ؟ هو انتو كنتو شغالين مع الحاج عربي
فنحي : هههههههههه حاج ؟ حلوه حاج دي .. اه ياحبي كنا شغالين معاه لغاية فتره قريبه .. المهم خلي بالك ع نفسك . انت قولتلي المخزن فيه ايه ؟
احمد : تحف وزفت انتيكات
فتحي : ههههههههههههه انتيكات اه . سلام يا ابو حميد
.........................
( تليفون المعرض بيرن )
عربي : الوووو ايوه يا احمد انت فين
احمد : موجود يا حاج
عربي : امال برن علي تليفونك يعني مابتردش
احمد : نسيته الصبح ف البيت
عربي : انت مالك كده .
احمد : مافيش تمام الحمد لله
عربي : طب هيجيلك طلبيه النهارده استلمها ماتنساش وخلي بالك يا حبيبي . انا طالع مشوار انا ووائل كده مش هنرجع الا الصبح
احمد : طلبيه ؟ اه حاضر تمام
عربي : مع السلامه
احمد : سلام
...........
( بعد خمس دقايق احمد بيتصل علي بيت عربي وبترد عليه اميره )
احمد : الو
اميره : الو
احمد : ايوه يا اميره ابوك فين
اميره : بابا لسا ماشي هو ووائل ماتتصل عليه
احمد : انا نسيت تليفوني ف البيت ومش فاكر نمره ابوك . اديهاني كده مليهاني
اميره : نسيته ؟ اممممممم طيب تمام اكتب عندك الرقم
................
احمد : الو !ايوه يا حاج
عربي : خير يا احمد
احمد : ياحاج انا مراتي تعبانه ومش هقدر استلم الطلبيه دي النهارده وهروح
عربي : لا مش هينفع . الطلبيه لسالها نص ساعه وتوصل .ماينفعش ماتهزرش دي بملايين .. ماتودينيش ف داهيه
احمد : ياحاج مش هقدر . لو سمحت ابعتلي حد يقف مكاني ياما هقفل المخزن واتوكل علي الله ..
عربي : طيب اقفل وانا هتصرف
.............
عاشور : مش عاوزين غلط الليلادي . بهدووووء وبشويش ناخد بضاعتنا ومن غير نقطه دم .. مش عاوزين مصايب
فتحي : اتطمن .. احمد زمانه ساب المحل ومشي ..انا مخلي جمعه يراقبه وتقريبا شد مع عربي وقاله انه ماشي .. يعني المخزن فاضي .قبل ما حراسة بالليل دي تيجي ومش هنعرف ندخل
.................
( اميره بتصطاد ف الميه العكره وبتبعت رساله علي تليفون احمد لانها عارفه ان التليفون مع نوران ف البيت وبتتحرك علي المنصوره )
اميره : حمو ! انا ربع ساعه وجايالك وحشتني اوي . مش هقدر انسي حنيتك عليا امبارح ..
نوران : ( بتقرأ الرساله ) يا نهار اسود ومنيل
.................
تطور رهيب ف الاحداث . تتوقع ايه بكره ؟
التفاعل والتعليقات بعد اذنكوا