روايه انا و هي

(الحلقه الثانيه عشر ) ..( كوباية مكسوره )

(الحلقه الثانيه عشر ) ..( كوباية مكسوره ) <3
............
(في الحلقه السابقه )
هند : تيجو بالسلامه يا روحي
اميره : بقولك ايه ماتقولي للواد حمو كدع يمكن ييجي ياخدنى م المطار .. وواثل اخوبا يبقي يمشي مع عربيه بابا ههههههههه
هند : ههههههههههه يابت قولتلك بلاش احمد بقا يخربيت زنك
اميره : مالك يابت ههههههههههه دنا هروح اخطبه وحياتك من امه لما اجي
هند : هههههههههههه او تخطبيه من مراته عادي
اميره : بتقولي ايه يا روح امك ؟ مرات مين ؟
............ ( الثانيه عشر ) ❤
( ف الشقه بالليل )
نوران : حمد الله ع السلامه ياقلبي
احمد : تسلميلي يا روحي . بتعملي ايه
نوران : مافيش . بقرأ روايه كده
احمد : رواية ايه
نوران : روايه حلوه البطل اللي فيها شبهك كده شبه تفكيرك ودماغك وجنانك .. اوقات وانا بقرا بحس ان انا شايفاك انت حركاتك لمساتك جنانك حتي شقاوتك .. واسمه احمد بردو ههههههههه وحياة ربنا اوقات كده بشك انك انت اللي كاتبها وبتحكي عنك
احمد : ههههههههههه ياساتر يارب . لدرجادي
نوران : ههههههه اه جدا . الروايه دي عامله حاله حلوه بين الناس
احمد : طب اسمها ايه منشنيلي عليها اقراها معاك
نوران : اسمها بنت الاكابر بس هي لغاية دلوقتي 8 اجزاء مش هتقدر تتابعها من الاول عاوز وقت .. هبقي احكيلك عليها كده عشان لما الواد ابن الرخمه ينزل الجزء التاسع تبقي تتابعها معايا .وتشوف بنفسك انه بيحكي عنك انت
احمد : ايه ! بنت الاكابر !!
نوران : اه . مالك اتخضيت كده ليه . انت عارفها ولا ايه
احمد : ايه ! اه واحد صاحبي حكالي عنها بردو وقالي نفس البؤين دول ان البطل شبههي كده
نوران : امممممم صاحبك بردو . مش مصدقاك .
احمد : ههههههههه امال هيكون ايه يعني انا اللي كاتبها
نوران : ماستبعدش .. مانت بتروح الشغل وتقعد علي مكتبك وتشرب قهوتك وتخلص شغلك بدرى بدرى وتفضل قاعد كده فاضي فتره كبيره . ايش ضمنني انك انت اللي مش كاتبها هههههههههه مش مستريحالك
احمد : هههههههههه ممكن بردو .. ما علينا من كل ده . انت وحشاني اوي
نوران : وانت كمان يا بسيوستي وحشتني اوي .
احمد : بقولك ايه انا ضهرى قافش ماتيجي اعملك مساج
نوران : ههههههههههه ياحبيبي ركز انت اللي ضهرك قافش يعني انا اللس اعملك مش انت اللي تعملي
احمد : هههههههه ياستي مافيش فرق بيني وبينك المهم ان فيه مساج هيحصل
نوران : امممممممم طب ماشي اشطا
اعملك تتعشي الاول وكوباية الشاي المتينه وحجر الشيشه المعمر
احمد : هههههههههه عليا النعمه لو كل ست بتعمل كده مع جوزها ماكان فيه هيبقي نسب طلاق خاااالص
نوران : هههههههههه ( بتبوسه من شفايفه ) مش لازم اشوف مزاج جوزي .. انا ناويه النهارده ادلعك وبس
احمد : اشمعني النهارده بقا ها
نوران : وانا من امتي مش بدلعك ياواد انت .ها ولا هتنكر من اولها يا خاين يا غشاش
احمد : هههههههههههه لا مش هنكر وبعدين ايه القميص ده اول مؤه اشوفه عليك يا شيخه جننتيني بقا يخربيت كده ههههههه
نوران : هو انت لسا شوفت حاجه دنا ناويه اجننك كل شويه
احمد : اكتر من كده .. ياساتر عليك . وبعدين انتي مش حاسه باي برد داخلك من هنا ولا من هنا ولا ايه هههههههههه
نوران : تؤتؤتؤ نظره عينيك مدفياني
احمد : الله اكبر هههههههه قولي قولي داحنا ليلتنا شكلها طويله النهارده
نوران : قوم بس غير هدومك علي ما اسخن الاكل وتاكل وبعد كده نبدأ سهرتنا
احمد : طب ابوس ايدك اديني تفاصيل سهرتنا هتبقي عامله ازاي النهارده هههههههههههههه
نوران : بص يا سيدي !
الاول هتقعد زي الباشا كده واكلك بايدي وكل لقمه اناولهالك هتبقي وراها بوسه صغنطوطه اد كدهون بقي
احمد : حلو
نوران : نخلص اكلنا هتلاقيني محضرالك الشيشه ومشغله مزيكا حلوه وارقصلك عشره بلدي يطيروا عقلك وتشوف رقصي علي حق . ده طبعا لما ادخل اغير القميص والبس قميص تاني رقص انما ايه يجننننننننننن
احمد : عظييييم ههههههههه
نوران : اخلص انا رقص ومشكورا كده زي الشاطر تديني ضهرك اعملك مساج
احمد : ايه ده ضهرى بس
نوران : هههههههه هنبقي نشوف الموضوع ده ف وقتها بلاش قلة ادب دلوقتي هههههههههههه
احمد : ههههههههه تمام اوي وبعدين
نوران : بعدين بقي مشكورا انت تعمللي مساج زي مانا عملتلك منا بني ادمه بردو وعاوزه اتدلع انا كمان ههههههههه
احمد : احبك يا ابيض انت ههههههههه احلي مساج . ها ويعدين
نوران : اممممممممم كمل انت بقا بعدين ايه انا فرهدت منك هههههه
احمد : ههههههههه بعدين ندخل ناخد دش حلو ابن ناس كده عشان الزيت بتاع المساج بقا
نوران : ده طبيعي
احمد : ويعدين بقا هشيلك وانتي ملفوفه بالفوطه دي وندخل اوضتنا ولغاية هنا بقا حسب تساهيل ربنا ههههههههه
نوران : ههههههههههه طب قوم غير هدومك يلا
احمد : ههههههههههههههه بقولك ايه ماتيجي نبدا من الاخر انا حبيت الموضوع اوي وتخيلته دلوقتي هههههههه
نوران : تؤتؤتؤ ماتبوظش البرنامج بتاعي بقا قوم يلا
احمد : يالهوووووي يامه هههههههه قايم اهو
نوران : استني . ( بتلف ايديها عليه وبتبوسه )
احمد : وحياة امي بحبك
......
نوران ( ف سرها ) : ( بتعيط ) ياحبيبي ! ياترى مين ناويلك علي نيه وحشه ياقلبي
...............
( الشقه تحت )
فاطمه : مي ! سرحانه ف ايه
مي : ف الحلم بتاع نوران . قلبي مقبوض من ساعتها
فاطمه : وانا والله .. اقولك حاجه
مي : قولي يا حبيبتي
فاطمه : اخوك وهو بيسرحلي شعرى النهارده كانت ايده متلجه اوي
الاول قولت انه عشان كان لسا واخد دش وكده ودلوقتي يتدفي
لقيته لغاية ماهو قام وايده متلجه
عينه كانت رايجه ومش ثابته ف مكان . زي مايكون كان بيترعش . ايده كانت بتترعش ف شعرى . انا خايفه اوي
مى : بقولك ايه ماتيجي نعمل زي ما احمد عودنا لما نكون خايفين
فاطمه : ايه يعني
مي : تعالي نتوضى ونصلي وندعي ان ربنا يعدي الايام دي علي خير ويكون مجرد حلم
انا كل ما ادخل ع النت واقلب ف تفسير الاحلام
اقرا ان التعبان ف الحلم معناه عدو او مشكله
وتعبان اسود وشكله وحش يعني مشكله فيها دم .. ( بتترعش ) انا خايفه اوي . قومي والنبي يا بطه نتوضى ونصلي
.................
( شقه عماد )
هبه : مالك يا حبيبي
عماد : بالي مشغول ع الواد احمد
هبه : ليه يا حبيبي ماله احمد
عماد : الواد شاف حلم الليلادي مخليني مش علي بعضي من ساعة ماحكاهولي وعمال اقلي دماغي شمال يمين ومش لاقي حل
هبه : حلم ايه ده
عماد : حلم وحش اوي فيه تعابين وشكله كده حد مترصدله او هيقع ف مشكله .. ومش اي مشكله . لا دي هتبقي مشكله عمره كله
هبه : يا قلبي ! طب وهو عامل ايه
عماد : هو عادي جدا بيتعامل بتلقائيه وببراءه ومش شايل هم ومش بيفكر ف حاجه وده اللي تاعبني . اني مش قادر اشيل عنه اي حاجه
هبه : ياعماد ماهو يمكن يكون حلم وخلاص وربنا هيستر
عماد : يارب .. انا بدعي من قلبي انه يبقي حلم وبس . بس الغريب ان الواد النهارده كان وشه اصفر وعينه محمره من جوه وكل شويه كوبايه الشاي تقع من ايده
ده كسر كوبايتين النهارده وهو ماسكهم كده ف امان الله
لغايه ما هو ضحك وقال هو انا محسود ولا ايه يا جدعان .. ياحبيبي بيتعامل ببراءه اوي . مش شايل هم حاجه
هبه : ربنا يستر . انت قلقتني اوي . نوران النهارده كانت طبيعيه يعني ماقالتليش حاجه
عماد : لا اوعي تقوليلها هي ماتعرفش حاجه ولا احمد قالها حاجه
هبه : احسن بردو .. البت شكلها متعلقه بيه اوي وممكن يجرالها حاجه لو عرفت حاجه م الحاجات دي . المهم ياحبي قوم يلا افرد ضهرك انت شكلك تعبان اوي
....................
( نوران نايمه ف حضن احمد )
نوران : حمو
احمد : ايه يا بابا
نوران : ضربات قلبك سريعه ليه
احمد : هههههههههه ( بييوس راسها ) طول عمر قلبي ضرباته بتزيد وانتي جنبي . ما بالك بقا وانتي ف حضني
نوران : بجد
احمد : اه طبعا بجد عندك شك . وبعدين اللي عملتيه النهارده ده مش يخلي قلبي ينط ده يخليه يقف خالص ههههههههه
نوران : اخص عليك دي كلمه تقولها دي بعد الشر ياجزمه انت والله هزعل منك لو قولت كده تاني
احمد : هههههههه لا خلاص يا باشا خلاص .
نوران : احمد !
احمد : قلبه
نوران : انت فيه حاجه مزعلاك اليومين دول .
احمد : حاجه ايه
نوران : يعني . حد مضايقك ف الشغل هنا هنا .
احمد : لا يا حبييتي مافيش حاجه من دي ليه بتقولي كده
نوران : هههههههههه افيش ياعم انا بتطمن عليك لاحسن تكون زعلان او مهموم ومش قايلي . ادبحك
احمد : ههههههههه لا اتطمني . انا مابحبش اكسب عداوه حد وزي مانتي شايفاني كده كل الناس حبايبي
نوران : اه ياخويا مانت حبايبك كتير بس اشمعني كلهم بنات يعني
احمد : ههههههههه بنات مين دول . استني بس ناوليني كوبايه الميه اللي جنبك دي
نوران : بنات مين دول ؟ ااه منك انت دانت سوسه كبيره . خد ياخويا اشرب
احمد : ( بيمسك الكوبايه وبتقع من ايده ع الارض )
نوران : ايه يا روحي فداك ياقلبي ههههههههه غرقتني
احمد : ههههههههه معلش . دي تالت كوبايه تقع من ايدي النهارده
نوران : تالت كويايه ؟ ليه وقعت كوبايات تاني فين
احمد : ع القهوه كل ما امسك كوبايه الاقيها وقعت اتدشدشت 100 حته معرفش ايه ده شكلي محسود هههههههههههه
نوران : انت بتضحك ؟ ايه البرود ده مانت فعلا ممكن تكون محسود يا اخي حرام عليك
احمد : ياحبيبتي لو عيون الناس بتغير اقدار كان كل واحد حسد حد ولخبطله حياته
سييك من عيون الناس وطول مانتي قلبك سليم مايهمكيش من حد
الخير موجود والشر موجود
مشاكل كتيييييير مرت عليا كانت ممكن تهدني وتطفيني وتخليني عايش علي الاطلال مش عايز حد ولا حد عايزني
لكن كنت دايما مسلم امرى لله . والاهم من ده كله اني عمرى ما ظلمت حد ولا سييت حد يدعي عليا ومشيت
عشان كده كنت دايما بلاقي اللي يسترني ويقف ف ضهرى ويشيلني من اي هم .. عشان كده انا مش خايف من حد
وغير كده وكده انتي جنبي
انتي جيشي الاخير اللي وقت ما الدنيا هتيجي عليا هترمي ف حضنك واقولك الحقيني . وطلعيني
نوران : طلعيني ؟ جبت الكلمه دي منين .. اقصد يعني ليه بتقول طلعيني دي
احمد : هههههههههه مقصدش . اقصد يعني تطلعيني من اي مشكله اقع فيها
نوران : ( بتعيط كتيييير ) وانا مش هسيبك تقع . برقبتي
احمد : طب منا عارف ... يابت انتي مش حبيبتي بس . انتي وليفتي وحياتي وسرى وعلني ..
نونه !
انتي الحاجه الصح اللي بسببها لسا لغاية دلوقتي عندي امل ف الدنيا عندي امل ان ربنا راضي عني
المهم قوليلي انتي . انتي كنتي قايمه م النوم بتعيطي ليه النهارده
نوران : طب والله عارفه انك هتسألني السؤال ده . مابتنساش انت .
احمد : انسي اي حاجه الا الحاجه اللي خاصه بيك .. ها بقا كنتي بتعيطي ليه
نوران : مافيش يا روحي بقيت كل يوم انام فيه اخاف اقوم مالقيكش جنبي
احمد : ( بيبوسها بوسه طويله اووووووي ) وانا طول ما فيا نفس هفضل جنبك .. دنا ابيع الدنيا دي كلها عشان الحضن ده ياعم انت ياعم
نوران : احححححم
احمد : بنت حلاااااال . خلينا ف الاححححم ده .. ايه بقي
نوران : هههههههه ايه انت بقا
احمد : يعني رقصنا وعملنا مساج وخدنا دش . المفروض نعمل ايه دلوقتي
نوران : ننام مثلا ؟
احمد : هههههههههعع نامت عليك حيطه . لا انا هقولك هنعمل ايه دلوقتي .. الاول بس ايه القميص ده هو كل ساعه قميص انا مش حمل كده يا جدعان
..............
( يوم الاربعاء بالليل ع القهوه )
وائل : ايه ده ازيك يابني واحشني جدااااااااا
احمد : ههههههههههه وائل باشا ازيك انت ياض تعالي هات حضن
وائل : بخير ياحب هههههههههه ازيك يا عمده
عماد : حبييي ازيك انت يابني كل ده بتعط ف بلاد الخواجات ههههههه ظبطت كم واحده هناك ياض
وائل : هههههههههههععع اخباركو ايه يا عيال
احمد : تمام ياعم انت يالا واطي مش عارف تنزل تحضر فرحي
وائل : هههههههه ابويا ماقالناش خالص . دي حتي اميره ماكنتش تعرف الا قبل ما ننزل بيوم ومن ساعة ما عرفت وراكبها 100 عفريت ههههههههههععهه اه علي فكره ابويا جايلك بكره هو وميرو جايين يباركولك
احمد : ايه ! يا اهلا .. يادي النور ياخويا
.................
تتوقعوا ايه ف حلقة بكره وايه رايكو ف حلقه النهارده ؟!
تعليقات وتفاعل ياجماعه عشان نكمل