روايه انا و هي

(الحلقه الرابعه ) ..( يا حلاوة يا ولاد )

(الحلقه الرابعه ) ..( يا حلاوة يا ولاد ) <3
............
(في الحلقه السابقه )
عماد : ايه يا رايق كنت مزنوق ولا ايه
احمد : يا اخى هو كله ضرب ضرب مافيش شتيمه ولا ايه ... دنا خدت علقه محترمه من شويه وكله بالادب . اقولك على حاجه . انا داخل على ايام زى الفل
عماد : هههههههههههه طب تعالى اغلبك عشرتين دومينو واحكيلى
......................
نوران : اححححم اخبارك ايه يا دودو بقا وحشتينى يابت انتى . ها قوليلى بقي
.................. ( الرابعه ) <3
هدير : ايه يا حبيبتى
نوران : فينك بقي وعملتى ايه الفتره اللى فاتت .. استنى بس ارن على البت مى تطلع تقعد معانا
هدير : ماشى
نوران : صحيح بقا ماقولتيليش انتى تعرفى مى منين
هدير : لا هتزعلى
نوران : ازعل ليه عادى يابنتى . وبعدين انا استحاله ازعل منك وانتى عارفه
هدير : بصراحه كان من زمان الكلام ده . كنت كل ماجيلك اعدى عليها الاول وافضل اسال على احمد ايام ماكنا بنعاكسه ...
نوران : ايه بجد ؟
هدير : انتى وشك غير ليه بقا وبعدين انا كنت بعاكسه معاك اصلا يعنى مافيش حاجه كنا لسا عيال
نوران : طبعا يا حبيبتى وبعدين ازعل من موضوع عدى عليه كم سنه ... انتى بنفسك قولتى اهو كنتى بتعاكسيه معايا . وبعدين احمد ده العسل بتاعى اصلا هو اى نعم مطلع روحى ومخلينى ماشيه بتلفت ورايا بس هعمل ايه بقا . دا احلى حاجه ف حياتى
هدير : بتحبيه يا نوران اوى كده ؟
نوران : بحبه ايه بس ده حياتى ومافيها . عارفه انتى لما تحسي ان حد شبهك اوى كده حتى ف ادق أدق التفاصيل . اهو احمد كده بالنسبالى
عارفه !
لما اتجوزنا لقينا ان احنا الاتنين بنعمل حاجات زى بعض تمام
بناكل بطريقه معينه بننام بطريقه معينه
طريقة قعادنا
طريقة هزارنا
نفس الدماغ بتاعته هى هى نفس دماغى
تفكيرنا واحد
اوقات كتير بنيجى نتكلم نلاقى التانى قال نفس الكلمه ف نفس الوقت بنفس الطريقه
هدير : ربنا يخليكو لبعض .
نوران : تسلميلى يا حبيبتى . عاوزه افرح بيك يابت
هدير : لو واحد زى احمد كده انا موافقه وهخليكى انتى تدوريلى وموافقه
نوران : ههههههههههههه لولا انك حبيبتى وصاحبتى كان زمانى عملت فيلم على الكلمه دى
هدير : ههههههههههه طيب خلاص انا عارفاك مجنونه اصلا
نوران : استنى مى بتخبط
..
نوران : ايه يا حلوه اتغديتى ولا لسا
مى : اه تمام الحمد لله ... بتعملوا ايه
هدير : اخبارك يا ميوي . تعالى اهو بنتفرج ع التلفزيون
مى : طب هاتى ام بي سي 2 فيها فيلم حلو اوى
نوران : فيلم ايه ده
مى : فيلم الهوبيت الجزء الاخير
هدير : اه مش ده اللى اخوك كان بيحبه اوى
نوران : نعم ؟
هدير : ايه يا نونه
نوران : لا مافيش
مى : ( بتكلم نفسها : وبعدين بقا )
..........
نوران : عن اذنكو يابنات بقا هقوم اعملنا كيكه . حد ييجى يساعدنى
هدير : اه استنى ادخل معاك
نوران : طب تعالى ! افتحى الباب يا مى دى شكلها بطه
مى : ماشى
...........
مى : تعالى الحقينى
فاطمه : ايه ! وفين نوران وصاحبتها
مى : جوه ف النطبخ بيعملو كيكه ..
فاطمه : امال الحقك على ايه
مى : ههههههههههههه الاتنين اللى جوه دول كل واحده فيهم عماله تضرب من تحت الحزام . طلعو مش سهلين ... ومرات اخوك دماغها اشتغلت ومش مستريحه وعماله تشغل مخها وبدات تشك ان فيه حاجه بين هدير وبين اخوك ...
فاطمه : اخوكى ده مبخت اصلا ماشوفتيش شكله كان عامل ازاى لما عرف ان هدير دى جات
مى : ههههههههههه طب والله بدا يصعب عليا هيلاحق على مين ولا مين بس
فاطمه : ههههههههههه ربنا معاه
...........
( ع القهوه )
عماد : يانهار احوس . بقا كل ده حصل النهارده
احمد : اه شوفت . انا بروح ف داهيه على فكره دلوقتى
عماد : هو انت لسا هتروح انت خلاص روحت يا حبيبى هههههههههههه
احمد : انا مش عارف والله ايه ده . حد باصصلى ف الجوازه دى
عماد : معلش معلش
احمد : يابنى هبه مراتك مابتروحش تزور نوران ليه ابو معرفتك معرفه سوده . اهى يمكن تتصاحب عليها وتهديها من ناحيتى شويه
عماد : هبة مين ؟ دى هبه دى اغبى مخلوقات الله دا احتمال مراتك تشغلها علينا وتقولها اخبارنا اسكت اسكت
احمد : الهى يسد نفسك يا بعيد انت كمان . قوم يلا من هنا يلا ..
عماد : اقوم فين ياعم
احمد : قوم اطلبلنا حجرين معسل يظبطو الدماغ . البت اختى بترن عليا شكلها فيها مصيبه دى
فاطمه : الو ! هههههههههههههه
احمد : بتضحكى ليه يا بومه انتى عاوزه ايه
فاطمه : ههههههههههه انا كنت فوق عند مراتك ولسا نازله اهو عارف مين اللى فوق
احمد : هيكون مين . نوران وهدير والبت الواطيه اختك
فاطمه : وسمر ورباب وامل جات متأخره
احمد : اتفووووو
فاطمه : هههههههههههههه الله . الحق عليا انى بتصل بيك عشان ماتجيش النهارده وتشوفلك حته تبات فيها
احمد : اجى مين ؟ انا ف المنصوره مش جاى قبل الفجر
فاطمه : اقفل تليفونك عشان الحلوه مراتك سايباها مجلجله فوق وبتقولهم تعالو نروح المنصوره هتصل على احمد ونطب عليه
احمد : لا انا تليفونى بعد المكالمه دى هيفصل شحن . .. يلا سلام
بقولك ايه ياض . اقفل تليفونك
عماد : ليه ؟
احمد : اقفل تليفونك يابن الجزمه هنمووت . اقسم بالله هناكل ضرب لما نشبع انا وانت
عماد : ياساااااتر يارب . ابوخ خلق الله جاى يعمل ايه ده بروح أمه
احمد : ياباااااااي ده عليه سماجه ... هييجى يرسم نفسه دلوقتى ويدخل يفتش الناس اللى قاعده ف القهوه
عماد : ده رئيس مباحث تقيل تقل يا جدع
احمد : دمه واقف . وحاططنى ف دماغه مش عارف ليه هههههههههههه
عماد : لا انت علمته الادب المره اللى فاتت ومن ساعتها حاطك ف دماغه
احمد : ماهو يا حبيبى لازم يفرق بين ولاد الناس وبين الناس اللى بيتعامل معاهم
وبروح أهله ماينفعش يتهجم علينا واحنا قاعدين ولا هناو لا هنا ويقولنا بطايقكو ويمد ايده يفتش ف اللى خلفونا كده . ايه ياعم هى هيصه
عماد : طب اسكت بقا عشان داخل علينا
خالد ( مفتش مباحث المدينه ) : بطايقكو يا جماعه
عماد : ازيك يا خالد باشا
خالد : اهلا .. البطاقه لو سمحت
عماد : ياباشا اتفضل تشرب ايه
خالد : انت هتصاحبنى . البطاقه ياسطا
احمد : اقعد اقعد يا عمده واديله البطاقه
خالد : وانت قاعد كده ليه ومجعوص
احمد : ومقعدش ليه ؟ عاوزنى اقوم اقفلك انتباه مثلا عشان سيادتك جاى
خالد : البطاقه بتاعتك يابنى
احمد : طب شيل ايدك القميص لسا مكوى
خالد : طب بطاقتك بدل مااخدك ع القسم اعملك تشريفه بنت ناس هناك
احمد : ههههههههههههههههههههه لا الحكومه بقت فرفوشه وبترمى نكت اهى . اخدلى بالك يا عمده
عماد : ههههههههههههههههه واخد واخد .. واحد شاى يا عربي للباشا . ياباشا اتفضل يا باشا اقعد عاوزين نعمل مع سيادتك الواجب
خالد : انتو بتتحامو يعنى ف قريبك اللى معرفش هو مين ده يا عمده ولا ايه
عماد : بصراحه اه ههههههههههههههههه مانت اللى داخل حامى علينا يا ريس وهى مش مستاهله . المعامله بس وانت هتاخد عينينا لكن نظام الظابط والحرامى اللى انت داخل بيه علينا ده مش هياكل معانا ... وبعدين ده مش قريبى ولا حاجه . ده لوا . كان شغال هنا ييجى من 10 سنين ويعرف ابويا والراجل كان قمه ف الاحترام ولسا شايل جميل لابويا الله يرحمه واحنا بردو فاكرينه بالخير ... وكنت كلمته المره اللى فاتت بعد المشكله اللى عملتها معانا عشان يبقى كل واحد عارف هو مين بس
خالد : حبيب قلبى . لايام بيننا يا عمده انت والباشمهندس اللى حاططلى رجل على رجل ده ...
احمد : شرفت يا خالد بيه ... العزومه دى ماتتحسبش . لازم تشرب معانا حاجه المره الجايه
..
عماد : ايه يابنى البواخه دى . هو لسا فيه ظباط كده
احمد : ما عليك ما عليك سيبك من كل ده ...
عماد : بقولك ايه ماتقوم نروح المنصوره بجد
احمد : ياعم اقعد انا لا ليا نفس اروح هنا ولا اجى من هنا .. اقعدلنا بقا . وبعدين فين الواد علاء . وفين الواد سامح ..
عماد : معرفش . هتلاقيهم ظاهرين دلوقتى ... انت مالك بالك مشغول ف ايه . ياعم اوعى تفكر ف كلام اللى اسمه خالد زفت ده . ده بوء ع الفاضى
احمد : ياعم خالد مين وبتاع مين انا ف ال 3 مصايب اللى عندى ف البيت دلوقتى ياتري بيتفقوا على ايه ولا بيقولوا ايه
عماد : ههههههه معاك ربنا
...........
( لمة البنات )
نوران : ايه اللمه الحلوه دى يا بنات . انا مش مصدقه
سمر : انتى اللى حتة بونبونى يا نونه والله . انا قولت لازم اجيب رباب واردلك الزياره وحكيتلها عنك .. ههههههههههههههه
نوران : دى صاحبتى هدير . نصى التانى بردو زميلتى سنه بسنه من اولى ثانوى
رباب : اهلا بيك . ماشاء الله عساسيل انتو الاتنين . لا ليه حق الواد احمد مخه يلسع ههههههههههههههههه ماكنتش اعرف انك عسل اوى كده
نوران : يا حبيبتى انتى اللى عسل
هدير : ههههههههههه ربنا يخليك يا رباب .. نوران هو فين الحمام ثوانى
نوران : اهو ياروحى يمين ف يمين
هدير : عن اذنكو ثوانى
...
سمر : ايه البت العسل ده يا نونه ههههههههههههههه بتجيبيهم منين اصحابك دول
نوران : ههههه شوفتى بقا ... ماتقومى يا مي اعملى دور نسكافيه ولا حاجه كده
مى : مى مين هما غرب يعنى .؟ قومى يابت انتى وهى كل واحده تعمل لنفسها ... ماشوفتهمش دول لما كانو عشان ييجو يذاكروا مع احمد تحت كانت امى بتعمل فيهم ايه
سمر : ههههههههههههههههههه امك اروبه والمصحف كانت تقعد كده وتنده لكل واحده فينا شويه تستلمها . .هههههههههههههه كانت تيجى تقولى انتى عسل اوى يا سموره اتجدعنى يلا عشان اجوزك الواد احمد :::
رباب : ههههههههههههههههه وكانت تدهلى وتقولى نفس الكلمتين
نوران : هههههههههههههههههههه ااااه يانى . وانا اقول الواد طالع عسل لمين
مى : هههههههههههههههههه لا ده احمد هو اللى بهت علينا كلنا
سمر : مره كنا بنذاكر وكان ورانا امتحان تانى يوم . كنت انا واحمد والبت دى رباب وكان معانا بردو صاحبتنا بس اتجوزت دلوقتى اسمها هاجر . وكان معانا ابن عمة احمد الواد هشام . نذاكر دقيقتين ونقعد نلعب ساعه هههههههههههه لغاية ما احمد زهق مننا وجرى ورانا بالشباشب وقالنا يلا يا ولاد الكلب على بيوتكو مش عارف اذاكر هههههههههه مع انه هو اللى كان بيفضل يقول انا زهقت م المذاكره تعالو نلعب ههههههههههههه وياما لعبنا صلح وهرانى بالقفا . اعوذ بالله
نوران : امممممممم كويس
رباب : ماتكمليش يا سمر بقي عشان حاجب نوران اترفع هههههههههههههه
سمر : ههههههههههههههههه اه منا عارفه . بس بحب انكشها . قليل اوى اللى يكون زيك كده يا نونه .. يعنى اه بتغيرى على جوزك وبتحبيه بس ف نفس الوقت عقلك كبير وبتعرفى تتصرفى
( هدير حابسه نفسها ف الحمام وبتعيط وبعد ربع ساعه بتخرج على نوران )
هدير : نوران ثانيه بعد اذنك
نوران : حاضر يا روحى . عن اذنكو يا بنات استنو ماتتكلموش غير لما اجى ههههههههه
...........
شكلها بتطبل على نافوخ أحمد .. صح ؟
وايه حوار مفتش المباحث ده 😐