روايه انا و هي

(الحلقه الرابعه العشرين ) ..( شغل بنات )

(الحلقه الرابعه العشرين ) ..( شغل بنات ) <3
............
(في الحلقه السابقه )
نوران : هههههههههههه وحياة امك ... دى سمر كتبتلى ليستة أسامى اد كده كانو بيحبوك ونحنحه وقلة ادب وسفاله .. دانت ليلتك هباب النهارده
احمد : حسبى الله ونعم الوكيل
رايحين عشان نتخانق تقومى واخده البت ف صفك ومقرراها على كل حاجه
يا نهار اسود ومنيل عليا وعلى سنين ... ايه الستات دى ؟
نوران : هههههههههه صحيح اخبار رباب ايه ؟
احمد : ( بيشرق وبيكح ) بتقولى مين ؟
................. ( الرابعه والعشرين ) <3
احمد : بتقولى مين ؟
نوران : ايه ماسمعتش ولا وقعت على ودنك . رباب
احمد : مين رباب دى انا حياتى بلا رباب
نوران : هههههههههه شوف ازاى ؟
احمد : اه يابنتى رباب مين دى . معرفش حد بالاسم ده
نوران : ماتستعبطش عليا . عشان انا بركه والاخبار بتيجى لغاية عندى ومن غير ما اتعب نفسي
احمد : ابقى ورينى هتعرفى ازاى لان اساسا مافيش حاجه ولا حد اعرفه اسمه رباب
نوران : تراهننى ؟
احمد :: اراهنك طبعا . بس على ايه ؟
نوران : على انى هعرف ايه حكاية رباب دى بالظبط معاك ومن غير ما ألف ولا ادور حواليك
احمد : ليه يعنى ؟ متجوز الشيخه خديجه المغربيه ؟
نوران : هههههههههههه اه وساعتها وحياة امى وامك وقعتك هتبقى سوده
احمد : ابقى قابلينى
نوران : طب اسكت اسكت عشان داخلين البيت
..........
( ف شقه ام احمد تحت )
ام احمد : ها عملتو ايه
احمد : عملنا ايه ف ايه ؟ دا ابنك متجوز فريد الديب
ام احمد : ههههههههههههه عملتى ايه يابت ؟
احمد : من ساعة ما دخلت احضان وبوس والبت وامها ف صفها ضدى
ام احمد : هههههههههههههههههههههه جدعه يابت . ربنا يحميك يا حبيبتى
احمد : حتى انتى ؟ انا طالع اغير هدومى على ما تحضروا العشا .. قومى يابت انتى وهى ياللى ماسكين التليفونات انتو .. بتعملوا ايه
مى : بكلم البت آيه صاحبتى
احمد : آيه مين ؟
مى : آيه ياعم آيه .... اخت رباب ياعم
احمد : داهيه تشيلك من ع الارض يا بعيده ( بيبص لنوران ) منوره يا شيخه خديجه
نوران : ههههههههههههههههههههههه ( انفجار م الضحك مع ضحكة رقاصات شديده )
( مى وفاطمه وأم احمد بيضحكوا على ضحكتها )
ام احمد : ههههههههههههههه ايه ده يابنتى ايه الضحكه دى
فاطمه : الضحكه دى وراها سر هههههههههههههههههههههه
مى : ههههههههههههههههههههه لا بقي والله لازم نعرف
احمد : لازم تعرفي ايه بس جاتك داهيه . وديتينى ف داهيه منك لله .. منك لله ...
نوران : ميويه حبيبتى انا تعالى هاتى حضن تعالى .... تعالى دانتى وقعتيلى م السما
احمد : رايحين فين ؟
نوران : هطلع اغير هدومى وننزل نحضر العشا
احمد : خدى هنا .. وواخده اختى معاكى ليه ؟
نوران : مالكش دعوه هههههههههههههههه خليك ف حالك
احمد : لا دى اختى . ولا يمكن تطلع م البيت من غير اذنى
مى : بيت ايه ياعم هو انا مهاجره دنا طالعه شقتك . وبعدين انا مش عارفه مالكو ؟ فيه ايه طيب
احمد : طب بقولك ايه خدى هنا هقولك حاجه
مى : اهو جينا .. حاجه ايه ؟
احمد : ( بياخدها على جنب ) بطلى بياعه ف اخوك يابنت الهبله اكتر من كده . انا مزنوق
مى : بياعة ايه طيب
احمد : مزنووووووووق
مى : ههههههههههه ما خلاص بقي يا جدى .... عاوز ايه طيب
احمد : ماتفتحيش سيره رباب دى خالص ولا اى حاجه وانسيها من دماغك .. ولو البت دى سالتك عنها قوليلها معرفش عنها اى حاجه . ابوس ايدك
مى : اتحايل عليا شويه
مى : باجزمه باللى ف رجلى اتلمى
مى : هههههههههههه انت حبيبى يا حمو . ماتقلقش سرك ف بير
..
نوران : يلا يا مى تعالى بسرعه عشان نلحق ننزل انا جعانه . عن اذنك يا طنط
..............
( شقه احمد فوق )
نوران : ( بتغير هدومها ) انطقى يلا
مى : انطق اقول ايه
نوران : ميويه . مش عاوزه مناهده وانطقى كل حاجه عن رباب
مى : يا حبيبى انا معرفش أى حاجه عن.......
نوران : ( بتجيب مقص من جنبها ) انطقى يا روحى وسيبك من امور الاستعباط دى هههههههههههههههههه انطقى يا حلوه . انتى مال شعرك حلو كده ليه ؟
مى : دى واحده من البلد اللى جنبنا كانت بتاخد درس كيميا مع اخويا ايام الثانوى ومن ساعتها وهى لازقاله ... وكانت بتيجى تعمل نفسها بتذاكر هنا
نوران : نعم ياروح امك ؟ كانت بتذاكر مع مين يا عنيا
مى : مع اخويا ... وكنت انا اللى بجيبلهم الشاى .. كانو بيذاكرو بره ف بير السلم هى وعلياء وسمر دى والبت مروه واميره بتيجى متأخر هههههههههههههههههه
نوران : اااااااااااااااه شقى عمرى ... انتى عليتيلى ضغطى . ايه كل دووووووووووووووووووووول ؟ يخربيتك يا احمد
مى : لا وفيه كمان اصحابه ف الجامعه
ده غير قرايبنا اللى اصغر منه بسنه وسنتين
لو عاوزانى احضرلك ليسته بالاسامى دى كلها هكتبهالك ياست المعلمين
نوران : ااااااااااااااااااااااه يا خرابي هههههههههههههه هلاقيها منين ولا منين يخربيوتكو
مى : بقولك ايه ...اوعى تجيبيله سيره انى قولتلك حاجه
نوران : عيييييييييييييييييييب طول مانتى شغاله معايا بما يرضى الله هروقك
مى : حبيبتى ومرات حبيبى
نوران : قومى يلا اتنيلى اسبقينى على تحت وانا هلبس العبايه ونازله
مى : اوامرك يا ريسه
.............
( تحت ف شقة ام احمد )
احمد : خدى هنا يابت . ايه الدنيا قولتيلها حاجه ؟
مى : عييييييييييييييييييييييييب سرك ف بير . ولا فتحت بؤي
احمد : انا كنت عارف اصلا انى مش ههون عليك . تعالى هاتى حضن
مى : ياسلام . احلى حضن لحمووووووووووو
( نوران نازله )
نوران : ايه ده كله ايه الاحضان دى كلها ياريتنى اسمى مى
فاطمه : ما بلاش استعباط يابت دانتى واخده الاحضان كلها ههههههههههههه
نوران : البحر يحب الزياده .. يلا قومى انتى وهى نحضر العشا
ام : انا مقطعه بطاطس جوه ومرقداها ف ميه وفيه فول عندكو بقي وبيض وجبنه رومى وحلاوه طحينيه ...
احمد : وانا هطلع بسرعه اغير هدومى ونازل
مى : ماشى . يلا بينا
..........
( ف المطبخ )
نوران : انا كنت هفطس من منظركو وهو بيحضنك . اكيد سالك قولتيلها ولا لا وانتى قولتيله لا قام حاضنك صح
مى : انتى كنتى معانا ولا ايه ؟ هههههههههههه اعوذ بالله
نوران : هههههههههه عارفه يا مى . اخوكى ده بحسه ابنى
ملزوم منى .. بفهمه من نظره عينه ومن سكوته وكلامه وضحكته
له ضحكه كده بترد فيا الروح لما يضحكها
معلقنى معاه
(احمد داخل من باب الشقه وفاطمه بتشاورله )
فاطمه : حمو حمو تعالى عاوزه اقولك حاجه من غير ما حد يسمع
احمد : ايه يا بطه
فاطمه : البت الجزمه اختك شكلها باعتك وحكت ل نوران عن رباب هههههههههه
احمد : ياخرابي .. وعرفتى منين
فاطمه : سمعتهم بيتشوشوا وبيتفقوا عليك
احمد : انا نفسي افهم مين لسا ماتفقش عليا . دنا خايف امك تكون متفقه عليا هى كمان ... ايه الوقعه السوده دى يا ربي . استنى انا داخل المطبخ اشوفهم بيقولوا ايه ولا بيعملو ايه
......
( ف المطبخ )
نوران : وطى صوتك عشان احمد شكله جاى
مى : ماشى
احمد : ايه يا مزز سكتتو ليه ؟
نوران : مافيش ياخويا سلامتك . انت غيرت بسرعه يعنى
احمد : اعمل ايه بقي . قولت ألحق ما يمكن الحاقه
مى : ما يمكن مين ؟
احمد : الحاقه
نوران : ههههههههههههههه سيبك منه
احمد : منوره يا مى
مى : ده نورك يا قلبي
احمد : لا يا حبيبتى بجد منوره اوى الصراحه
نوران : انت عاوز ايه م البت ما تسيبها تحمر البطاطس .. خد قطع السلطه دى وانت واقف
احمد : مش مقطع انا حاجه .. اشتغلو انتو الاتنين اشتغلو واتفقوا سوا
نوران : نتفق على ايه ؟
احمد : على الاكل يعنى . سووه على نار هاديه
نوران : وحياتك لاسويه على نار هاااااااديه واخليه ماشى يكلم نفسه
احمد : هو مين ده ؟
نوران : الاكل يا روحى
احمد : امال بتبصيلى وبترفعى حاجبك ليه
نوران : بكلمك يا روحى وببصلك . ايه بلاش ابصلك
احمد : لا بصى ياختى بصى براحتك
احمد : انا قاعد بره مع بطه .. اختى وحبيبتى وعمرها ما باعتنى ..
مى : يعنى انا لا يعنى
احمد : انتى ؟؟ دانتى الغاليه يا ميوش . الغاليه
مى : حبيب قلب ميوش من جوه
..........
مى : صحيح انتى ناويه على ايه
نوران : على ايه
مى : الليلادى يعنى هتعملى ايه ف الواد
نوران : النهارده ؟ لا النهارده الواد وحشنى اوى وعاوز اسهر معاه وف حضنه للصبح
مى : يا خرابي .. امال ايه التسخينه اللى كانت من شويه
نوران : وايه يعنى . ياحبيبتى خلى اللى يحبه يحبه المهم هو بيحب مين
مى : طبعا بيحبك ودايب فيك كمان
نوران : طب منا عارفه .. وهو ده اللى مخلينى بتعامل مع المواضيع دى بمنتهى البرود .. ده اسمه شغل عيال ده . المهم قلبه هو ده مايمنعش انى اطلع عينه وارخم عليه هههههههههههههه مابتشوفيش اخوكى انتى لما بيكون خايف وباجى اتكلم معاه بيبقى عامل ازاى . حته سكر كده ههههههههههههههه اخوكى فيه ميزه حلوه اوى انه مش غدار
ف عز زنقته وزعله ف هو بيتعامل مع الموضوع ببراءه
يعنى كان اى راجل مثلا غيره ف موضوع سمر ده كان زعق معايا وقالى مالكيش فيه وانتى مالك ومعرفش ايه ودى مابقتش عيشه وبطلى نكد . لكن بالعكس كان مسالم جدا لان هو من جواه شخصيا عارف ان نوران دى بتموت ف التراب اللى بيمشى عليه .. ف عشان كده مدينى الحق ف غيرتى
مى : الله ! ايه الجمله دى ... يعنى ايه مديك الحق ف غيرتك
نوران : يعنى هو مدينى الحق انى اغير عليه ومستمتع كمان بموضوع الغيره ده حبيبته وغيرانه عليه يزعل ليه .. اخوكى سوسه بردو
مى : عارفه ! مش موضوع ان اخويا سوسه . موضوع انه كان دايما يقولنا انا لما هتجوز هعيش
مى : اقوله يعنى ايه هتعيش
احمد : قالى يعنى اللى كان حرام وعيب مابقاش حرام واللى حارم نفسي منه هعيشه بتفاصيله
وهعيش مع مراتى وهعيشها ف سعاده لانى انا اللى عاوز اعيش
نوران : كان دايما يقولى كده بردو واحنا واقفين ف البلكونه
يقولى عارفه يا نونه لما اتجوز هعاملها ازاى ... انا استعبط بقا واقوله هتعاملها ازاى
هعاملها على انها جدار امان ليا م الدنيا دى وهحتمى فيها وهستكفى بيها وليها ومعاها ...
مى : يا بخته بيكى
نوران : يا بختى انا بأخوك .. صدقينى اى بنت ف الدنيا بتتمنى واحد بمواصفات اخوكى ده
مى : لا ماتنسيش انه واد حليوه كده بردو
نوران : احم احم . ماهو ده اللى بيسيب اعصابى كل ما بسمع صوته
احمد من بره : ماتخلصوا بقا ام الرغي ده مابيخلصش . انتو عمالين ترغو ف ايه
نوران : هههههههههههههههههههههه خلاص طالعين اهو
..................
( اخر السهره فوق ف شقتهم )
نوران : حمووو!
احمد : نعمين
نوران : وحشتنى
احمد : مين ؟
نوران : بقولك وحشتنى اوى خدنى ف حضنك
احمد : يا منجى م المهالك يارب .. انا بقيت اخاف منك . بتخططى لإيه
.........................
الاخوه المتابعين : ايه رأيكو ف شغل البنات ده ؟؟؟