يونس لف وجهه للجهة الثانية : و انا مش ح نتكلم لكن نصيحة حط حدود معاها و انت تعرفني يا يوسف عندي نظرة في الناس الانسانة هادي ما نرتاحلهاش ابدا
يوسف كان مضايقه موضوع قربه من خنساء : و مني اللي ترتاحلها يعني وحدة زي خنساء ؟
يونس رجع يشبحله : اي خنساء نختلف معاها و توصل بيني وبينها لعند تظلم بيني و بينها لكن نرتاحلها لانها واضحة و صريحة و مستحيل تدير شي في الوجه او تقول كلام و اللي في قلبها شي ثاني ... و ع شان ترتاح من تلميحاتك يتلاقوا الليل و النهار و انا خنساء مستحيل يصير بينا شيء مستحيل .... لسبب بسيط لاني انا وياها ما نمشوا مع بعض نتناقشوا اوكي نتعاونوا في خدمة في دراسة ممكن لكن اكثر من هكي لا و اكثر علاقتنا نظام تنافس و تنافس شرس و مع الايام تتأكد و ع فكرة هي يوما ما كانت تقرا معاي و صاروا معاها ظروف و وقفت قيدها بس من حظها ان قرت معاي و انا اكيد مش ناسي وقت وقفت قريب سمسترين و سيبت يعني حتى فرق العمر بيناتنا ما فيش ...
يوسف سكت و كان في داخله يلوم في نفسه ع احساسه بالراحة من بعد كلام يونس : احم ... خلاص سكر ع الموضوع اصلا انا قلتلك هكي ع شان نستفزك بعد كلامك ع جيهان ... تصبح ع خير
يونس : و انت من اهل الخير
و كل منهما ادار وجهه للثاني و يحاول يمشي في النوم...
في الدار اللي جنبهم
عادل : خلاص يا مشفشفة امشي ارقدي توا يسمعنا بوي معش تحز ... اي و استني دخل ايده في جيبه و مدلها خمس مية دينار .. مش خسارة فيك
هي تشوف للفلوس و مش مصدقة .. صح هما حالتهم ممتازة لكن زي ما اسلفت الذكر بوهم شديد هلبة في التربية و من وجهة نظره كثرة الفلوس تفسد النفوس لذلك كان كل شيء عنده بقدر معين: ليًا انا هادو كلهم
عادل ع اساس مش عارف سبب مفاجأتها : اي ليك علاش الاستغراب هذا مش تقري في الجامعة و لازمك مصروف من اليوم اي شي تبيه تجيني انا اي شي و عندك من الجني لعند الخمسة الاف عاد اكثر من هكي ممنوع راهو شني بتديري بيهم
خولة طول ضمانه ليها : يا وخيتي ما احلاك عدوله احسن اخ ..
عادل يمسح ع شعرها : و احلى اخت بري يالله
طلعت و هي ضامة الفلوس ليها و مش مصدقة
سيف : تي شني اللي درته هذا عارف لو بوي او يوسف عرفوا تي حتى يونس يدير فيك نهار ... ماهو عارف القوانين انت
طلع سيجارة و بدي يدخن : عارف و مطنش
سيف طول جري للباب و سكره: لالا انت ناوي ع كارثة و مش عارف ان التدخين ممنوع داخل الحوش
نفخ من فمه الدخان : نظام البيت ده طول عمره طاهر و ح يفضل طاهر انساه ... لكل شي في اول مرة و لو تسمع مني عيش و ما اضيع عمرك تراضي في هذا و هذا اي و لو تبي فلوس قول عندك للعشرة الاف انت السقف مرفوع عاد للذكر مثل حظ الانثيين
