يونس كان يبي يلحق خوته بس اضطر ينفد كلام بوه
و مشي للمربوعة
بس قبل يدخل سمع ؟!
ث
: يا راجل انا بروحي قريب صدقت
بضحكة : باهي شنو تبي نديروا و هي عندها حصة امها و المحامي سكر راسه قال تاخذ حصتها بشكل شخصي خلي رجلها تاخذ ع الطريق قدانا و ندبروا كيف نخلوها توقع غصبا عنها
ولد خالها ما كان راضي :كل اللي نديروا فيه غلط في غلط سدينة هذا حقها من الارض اعطوها فلوسها و فكونا البنت مش ناقصةً ساد احني اللي مفروض خوالها و حافظنا عليها سيبناها عند ناس برانية
: سكر فمك
يونس كان مصدوم من صحة وجههم و فضل عدم الدخول و مشي وراء بوه ع شان يعطيه علم لان عرف هما مني و الاهم عرف سبب جيتهم
خارج الحوش و قدام بوابته
عادل يأشر ع سيارتهم : نبي نطفي ناري يا راجل اقل شي خليني نلعب في سيارتهم
يوسف يدف فيه من قدام السيارة: خيرك انت شنو اللي جاك
عادل بغضب : انا حظي اسود !! اقتنعت توا ... ماهو لو مش اسود علاش انا اللي نفتح الباب لكلاب زيهم و ندخلهم و نضحك معاها و هي من حظي القنين تشوفني و تحسابني نعرفهم و جايبهم باش نتخلص منها و فوق هكي ... (سكت مش حاب يقول كل اللي صار بينهم ) و مازال تقول شنو جاك !! نطلع لناس ما نعرفهم و هو قدامي يقول اسم مراتي و توافق و ما توافق حط روحك مكاني و شوف شنو تدير
يوسف تفهم موقفه: معاك و قلبي عليهم دم لاني مش ناسي شنو داروا يوم مشينالهم بس مش اهني قدام الحوش و بعد بوك استقبلهم عيب في حقه
عادل بدي يشح في جاكيته : وين اماله ع اساس عندي وين نشوفهم
يوسف غمزله : نفكروا فيها في وقتها
عادل يفكر في كلامه و هل ممكن فعلا يديروا شي زي هذا
و بالكلام ع التفكير : خوذي وقتك وفكري يا بنتي و هادم اهلك و حولي ردة فعل عادل ع جهة مش تخافي منه
مش فاهمة معنى كلامه : علاش عادل شني دخله ؟
و بدي عمران يحكي في تصرف عادل مع خوالها وان تعارك معاهم و هو لزه خوفا من تكبير المشاكل و فهمها ان ما يعرفهم و ع شان هكي وقت سمعهم يتكلموا عنها قريب هبل !!
هي حست بامان و راحة و علاش الكذب فرحة كبيرة سكنت قلبها يعني مش هو جايبهم يعني مش مستغني عليها
و فوق هكي فزع فيها و مش راضي فيها شي
عمران : شنو يا بنتي تبي وقت تفكري فيه؟
سدينة وقت سمعت من عمران شنو قال : انا نبي ....
: بوي يا بوي شوية ترا
عمران طارتله: مش وقتك يا يونس خليك مع الناس عندي ما نقول لمرة خوك
