*لما بقلبي تلاقى الهم والأرزاق*
*وكل بابٍ لما ارجوه ينغلق*
*والناس في الليلة الظلماء قد رقدوا*
*ولي فؤاد من الآهات يحترق*
*ناجيتُ ربي وقد رقَ الفؤاد له*
*وقلتُ: ياخير من في وجوده أثق*
*لم يشك يوماً إليكَ القلب حسرته*
*إلا وأورق في صحرائه الحبق*
*هذي عصايَ فلا تحبط لها أملاً*
*يامن لموسى جعلت البحر ينفلق*
💔💔 خنساء
(كلمة الحق )
__________________________________
حاليا في شهر ابريل سنة 2021 ....
سبب عودتهم هو قضاء شهر رمضان مع العيلة
لان الخنساء ما كانت تبي تحرم يوسف من اللمة مع عيلته
و لا تبي تحرمهم منه ...
بعد مغادرة الجميع حاليا جالسة مع حماواتها و سلفاتها و صغارهم و شوية وبدو يدخلوا الشباب من برا و كذلك عمران
الهدرزة كانت بجو حماسي و ضحك و اصوات عالية و ابطالها الاطفال اكيد و بالذات صغار يوسف لان ليهم وقت عليهم
خنساء مش معاهم كانت ذاكرتها في اليوم اللي روحت فيه من المستشفى بعد ولادتها لبكرها رمضان
Flashback
لاقتها عافية برا في جنان حوش شبابينها : رورورويي مبارك مبارك
خنساء سلمت عليها : الله يبارك فيك جداي خلينا نخشوا (لانها عارفة طبع عمها )
عافية : باهي توا نخشوا بالشوي عليك رورورورييي
مش قادرة تناقشها اكثر
طلع عمران يفنص و بيعارك
شافهم تحشم و خش
و محبوبة حمدت ربي ان ما قال شي و خنساء و يوسف زيها
واهنئ تذكرت كلامهم السابق عنه : خيرا ما يبي من يزغرط بوك والا شنو
يوسف باحراج : لا عادي
هي مشت للحوش و وقفت في الباب و ردت : روروري
و مشت بسرعة
يوسف بدي يضحك و بصوت واطي : بوي يبي وحدة زي جداك ما قدر يدير شي لكن امي يا ناري نيات
ابتسمت الخنساء و تمشي شوي شوي بسبب العملية
فاقت حاليا وقت عمران قعمز جنبها : كيف حالها بنتي الدكتورة
خنساء لاحظت ان كلهم يشوفولها : الحمدلله عمي انت كيف حال صحتك
رد : الحمدلله ..
منى : شفتي يا خنساء خذيتي الغلا كله اليوم
عمران : اسكتي خيرلك انت ... و بعدين هي و زمزم و سدينة و لبنى كلهن بناتي ايواه
: الله يحفظك / ربي يدوم عزك /
سيف بضحكة: اهم الناس ديما يقولوا اسمهم اخر الناس
لبنى فنصت فيه و كانت بنتها بين ايديها : احم
خلود بصوت واطي : هذا بكل راهو ... خليك منه
عمران بقلق : وين عادل اماله ؟
