(نعتذر من كل قلبي مجددا ع التاخير و ع قصر الحلقة هذا وين فضيت و كملتها و راجعتها ❤️❤️❤️)
و من قال الفرح ليه عمر
و من قال ان الصبر مر
ممكن مر لكن عوض الله اجمل جبر
للقلوب اللي صبرت و عاهدت انها تحفظ حقوق الله
القلوب اللي ساهمت في اسعاد غيرها كل ما صحتلها الفرصة
القلوب اللي سامحت اقرب الناس ليها اللي يوما ما سببولها اكبر جرح
القلوب الصافية النقية .. تغلط صح لكن ترجع لبارئها خاشعة وجلة تطلب الصفح و العفو
تستغفر في كل وقت و حين ... املة العفو و الصفح من الخالق عز وجل
القلوب اللي يمكن وصفها بأنها رضية والدين
سوى من والديه ع قيد الحياة او من توفاهم الاجل ... بس كانت وفية و رضية مش بس لذكراهم و لكن لمن قام بوظيفة الام والاب في حياتها
اليوم هذا يومك
و زي ما قالوا الامجاد هذا يومها
فالافراح هذا يومها
اليوم من حقها تفرح
و هي مادة ايدها لام مش حبيبها لا صار زوجها و حلالها
صار فخرها قدام كل الناس اللي يوما ما طالت عرضها لا لشيء الا لان فسخت خطوبتها
اليوم جابلها جاهة تحكي بيها البلاد كلها
اليوم اب زوجها اللي في يوم ما كان رافضها شكلا و مضمونا بسبب افتراء طالها و طال شرفها تنازل عن اهم قاعدة عنده كانت من اشبه المستحيلات يتنازل عنها و اتم عقد قرانها ع ابنه في حوش اهلها و هذه سابقة لشخص زي عمران متمسك بعاداته و تقاليده لكن كان مقتنع ان يدير هكي لان من الاصل مقتنع بغلطته
عمران الكثير ممكن يلومه بس تركيبته نشأته هي سبب تصرفاته و هلبة من اباءنا هكي تركيبتهم ليس من تسلط او تجبر و انما من حرص زائد و خوف كبير ع مصالحنا .... بس الحلو و المميز اللي فيه ان وقت عرف غلطه حاول يصلح الوضع و هذا من شيم الكبار القليل منا يعترف بالخطا و خاصة وان كان ذو شخصية قوية و حادة الطباع ....
اصوات الزغاريط تنبه فيها راهو علم يا خنساء مش حلم
خلاص ارتاحي
تصدقوا انها كانت معتقدة لقاءها بيه احتضانه ليها صلاتها وراه كله كله حلم مش مصدقة مازال
لعند شافت الدبلة في ايدها
و بعدها فاقت بوردة لبستها عقد من الطراز القديم اللي ليه معنى كبير و قيمة اكبر مش مصدقة حطت ايدها عليه و بعدها باستها ع راسها : الله يحفظك و يطول في عمرك
ابتسمت : توا خلاص نموت مرتاحة بعد حازك يوسف
ابتسمت و نزلت راسها : بعد عمر طويل
وردة : قولي جداي
خنساء : بعد عمر طويل جداي
وردة طبطبت ع ايدها : ربي يهنيكم ان شاء الله
خنساء : ان شاء الله ...
و اخيرا دور منى لبستها الطاقم و بعدها عقب ذلك احضان و سلام : تعرفي مش مصدقة و الله العظيم ما في وحدة تطلع ع يوسف زيك
