(نزلت بكري دعواتكم حبيباتي بالشفاء )
نبدو من ثاني يوم في كلية القانون
صفوان وزع خبر خطوبته ع الخنساء بين الكل و انتشر الخبر
و اكثرهم غضبًا لسماعه
كان الجابري وقت خبره صفوان بخطوبته ع الخنساء ما قال شي غير كلمة وحدة : غبية
و كان ينتظر يشوفها بس ع شان يفش غله فيها
صفوان ما فهم شي و كمل طريقه
كان قاصد يمشي لمكتب يوسف متوقع يلقاه بس ما كان موجود القي حمدي فقط : سلام
حمدي بدون نية : سلام
صفوان : خيرك تتكلم معاي فوق من النفس
حمدي : و الله شوف روحك شني داير
صفوان قعمز و حط رجل ع رجل : شني درت ما درت شي
حمدي : نكره ام الاستعباط و البرود متاعك انت عارف كويس انا ع شني قاعد نتكلم و داير روحك عبيط!! يعني من كل البنات في كل الكلية ما في غير الخنساء
صفوان بدي يعصب : و علاش انا ممنوع نفكر فيها هي بالذات !! اصلا انا من اول يوم لفتت انتباهي
حمدي : و صدقتك في هذه لانها فعلا من الطالبات اللي يلفتوا الانتباه بعدين وقت عرفت بقصتها مع يوسف علاش ما انسحبتش
صفوان وقف و حط ايديه الاثنين ع المكتب : ببساطة لان قصتهم انتهت خطوبة و ما صارش منها علاش انا ننسحب و بالذات و هو متزوج
حمدي بهزوة : يوسف حكالك انها تخصه و هالكلام سمعته منه بنفسي قالك انها مازال تعنيله وان ما طلعهاش من حياته مشيت انت بكل وقاحة و خطبتها اصلا كيف ترضاها لنفسك ترتبط ببنت و هي تفكر في غيرك
صفوان على صوته : احترم نفسك يا حمدي البنت خلاص كلها ايام و تولي خطيبتي بشكل رسمي مش من حق اي حد يتكلم عليها بالشكل هذا
حمدي : و لو تقرا فيها فاتحة عند الكل في الكلية خنساء يعني يوسف و يوسف يعني الخنساء انت ما كنت حاضر من بداية علاقتهم ع شان تتكلم هكي معذور بس وين ما تمشي ح تواجهك الحقيقة هذه كنت عذرت اي شخص يتقدملها عادي الا انت يا صفوان مش حركة تريس اللي درتها و معش تقول يوسف متزوج و انت بروحك تشوف في معاملته مع جيهان و واضح انهم مش متفقين ... المهم يا زميل الامس انا ما نتشرف نتعاطى مع شخص زيك طالما عارف بموضوع يوسف و كملت اعتبرني زيه و تعامل معاي ع الاساس هذا و توا لو سمحت مشغول شوية ممكن تتفضل
شافله من فوق لتحت و طلع
و حمدي واجعينه الاثنين لان شهد ع بداية علاقتهم مش متقبل فراقهم ...
و يافرحة جيهان بالخبر هذا : احلفي ... باهي به سكري
طوط
طوط
