الخوف من المواجهة
بعد المحن و المشاكل الحقيقية التي نمر بها
او بمعنى اخر وقت تاخذ حياتنا نمط معين
صعب جدا نغيروه فجاة
هكي حسين حاس فعلا الراجل خايف
و صار يوم مش حاسب حسابه
خنساء : شني في ان شاء الله
طارق واقف و جنبه فاتن : يعني عاجبك وضع حسين ؟
خنساء بدت تصفق في ايديها بتوعد : كان نشده نكسر رقبته خوك ! علاش عايش فترة حداد تجربة و مروا بيها و الحمدلله تمت ع خير يتعلم منها و تمت اهي المراة شافت هم اكثر منه و وقفت ع رجليها
قصي ضحك: قوية بتكسررقبة خوك رد بالك
طارق : تي خيركم انا نتكلم جديات
احمد بحكمة : خنساء ما في حد فينا يعرف شني عاش و لا فينا حد يعرف هو توا في شني يفكر و شني يحس لهذا انا من رأيي نهدوا عليه في شقته و نتكلموا معاه بصراحة و نقعدوا وراه لعند يرجع لعقله
فاتن : ما احلاك احمد ديما تفكيرك فيه عقلانية
طارق فنص فيها : باهي ساد
قامت ايدها باعتذار : سوري
قصي : باهي ساد صمتوها راهو خلونا في المهم توا الساعة ستة نمشوا ناخذوا عشاء من ### و نطبوا عليه
خنساء : ما عندكش مشكلة هيا شوية ناخذ عبايتي و نجي
قصي : يا عباية يا عباية ما عرفتكش
خنساء تضحك : اسهل حاجة في اللبس
فاتن : حيه ع صحة الوجه و الله ما في احلى منها العباية
خنساء من داخل : الله يرحم ايام ....
كمل قصي : الجينزات ...
فاتن : طارق ...
طارق قام ايده فوق : في هذه عندهم حق عليك لبس كنتي تلبسي فيه
احمد لف ايده عليها : خلوها في حالها ترا قالت عني عقلاني
فاتن : و الله احلى عقلاني و طز
طارق : في مني
هي غمضت عيونها : في امريكا
قصي : خزيه خوافة
طلعت خنساء تجري : هيا
قصي : باهي غير شوية علاش متحمسة
خنساء : نحس ان فيها طريحة تحمست
